ຄະນະຜູ້ບໍລິຫານ ແມນເຊັດເຕີຢູໄນເຕັດ ຢື່ນຄຳຂາດຫາກວ່າໂອເລ່ກຸນນາ ໂຊຊາ ພາທີມຈົບຕ່ຳກວ່າທີ່ 6 ຖືກປົດແນ່ນອນ…!

ສະໂມສອນບານເຕະແມນເຊັດເຕີ້ຢູໄນເຕັດ ທີມດັງໃນເສີກພຣີເມຍລີກອັງກິດ ຢືນຢັນວ່າຖ້າຫາກ ໂອເລ່ກຸນນາ ໂຊຊາ (Ole Gunnar Solskjaer) ພາທີມຈົບຕ່ຳກວ່າອັນດັບ 6 ແລະພາດບໍ່ໄດ້ໄປແຂ່ງລາຍການຢູຟ້າແຊ້ມປ້ຽນລີກ ທາງສະໂມສອນຈະປົດອອກຈາກຕ່ຳແໜ່ງທັນທີ

    ໂອເລ່ກຸນນາ ໂຊຊາ ຜູ້ຈັດການທີມຊາວນໍເວ ຖືກວິຈານຢ່າງໜັກຫຼັງພາທີມໄດ້ເຮັດຜົນງານຕ່ຳກວ່າມາດຕະຖານ ຈົນເຮັດໃຫ້ແຟນບານສ່ວນໜື່ງອອກມາຮຽກຮ້ອງໃຫ້ສະໂມສອນປົດໂອເລ່ອອກຈາກຕ່ຳແໜ່ງປັດຈຸບັນນຳພາທີມຢູ່ອັນດັບທີ່ 8 ຕາມຫຼັງ ເຊວຊີ ທີມອັນດັບທີ່ 4 ຢູ່ພື້ນທີ່ໂຄຕ້າຢູຟ້າແຊ້ມປ້ຽນລີກເຖີງ 6 ຄະແນນ ລວມເຖີງຟອມການຫຼີ້ນຂອງທີມຍັງບໍ່ດີຂື້ນ

    ຫຼ້າສຸດ ເດິມີເລີ ສື່ດັງຂອງອັງກິດໄດ້ລາຍງານໃຫ້ຮູ້ວ່າ: ຄົນທີ່ມີໂອກາດເຂົ້າມາແທນຕ່ຳແໜ່ງຂອງ ໂຊຊາ ກໍ່ຄື ເມົາຣິຊີໂອ້ ໂປເຊັດຕິໂນ່ ອະດີດຜູ້ຈັດການທີມ ທ໋ອດແນມຮອດ ຊະເປີ  ທີ່ມີຂ່າວກ່ອນໜ້ານີ້ແລ້ວວ່າ ໂປເຊັດຕິໂນ່ ໄດ້ສະແດງເຈດຈຳນົງວ່າຢາກເຂົ້າມາຄຸມທັບຜີສາດແດງ ໃນລະດູການໜ້າ

    ນອກຈາກນີ້ທັບນັກກີລາຜີສາດແດງ ຢືນຢັນວ່າ ໂອດຽນ ອິກາໂລ່ ກອງໜ້າຂອງຄົນໃໝ່ທີ່ຢືມໂຕມາຈາກ ຊຽງໄຮ້ ເຊີ່ນຫົວ ຈະໄດ້ລົງຫຼີ້ນໃນເກມ ຢູໂລປ້າລີກ ຮອບ 32 ທີມສຸດທ້າຍ ທີ່ຕ້ອງບຸກໄປເຍືອນສະໂມສອນ ຄລັບບູສ ທີ່ປະເທດ ເບວຍຽມ ໃນວັນທີ່ 20 ກຸມພານີ້ ຢ່າແນ່ນອນ ແຕ່ ໂອດ້ຽນ ອິກາໂລ່ ຍັງບໍ່ສາມາດກັບເຂົ້າສູ່ປະເທດອັງກິດໄດ້ເນື່ອງຈາກວ່າກ່ອນໜ້ານີ້ ອິກາໂລ່ ໄດ້ໃຊ້ຊີວິດຢູ່ປະເທດຈີນ ເຊີ່ງເປັນຈຸດກຳເນີດເຊື້ອໄວຣັສໂຄໂຣນາ ຕ້ອງໄດ້ຕິດຕາມໃຫ້ຄົບ 14 ວັນເພື່ອຄວາມປອດໄພ

    ພ້ອມດຽວກັນນັ້ນ ຜີສາດແດງ ຍັງໄດ້ຮັບຂ່າວດີເມືອ ພອລ ປ໋ອກບາ ແລະ ສະກອດ ແມັກໂທເມເນ ສອງກາງຄົນສຳຄັນຂອງທີມຫາຍຈາກອາການບາດເຈັບພ້ອມກັບເຂົ້າມາຊ້ອມຮ່ວມທີມ ຄາດວ່າຈະສາມາດລົງເລ່ນຊ່ວຍທີມໄດ້ໃນນັດພຣີເມຍລີກອັງກິດທີ່ຜີສາດແດງຈະພົບກັບເຊວຊີ ໃນວັນທີ່ 17 ກຸມພານີ້

error: Alert: Content is protected !!