ຄຳມ່ວນກະກຽມນຳສະເໜີສວນອຸດທິຍານແຫ່ງຊາດ ຫີນໜາມໜໍ່ເປັນມໍລະດົກໂລກທາງທຳມະຊາດແຫ່ງທຳອິດຂອງລາວ

- 89 1 - ຄຳມ່ວນກະກຽມນຳສະເໜີສວນອຸດທິຍານແຫ່ງຊາດ ຫີນໜາມໜໍ່ເປັນມໍລະດົກໂລກທາງທຳມະຊາດແຫ່ງທຳອິດຂອງລາວ
- Untitled design - ຄຳມ່ວນກະກຽມນຳສະເໜີສວນອຸດທິຍານແຫ່ງຊາດ ຫີນໜາມໜໍ່ເປັນມໍລະດົກໂລກທາງທຳມະຊາດແຫ່ງທຳອິດຂອງລາວ

        ກອງປະຊຸມໜ່ວຍງານສະເພາະກິດວ່າດ້ວຍການກະກຽມຮ່າງຄຳຮ້ອງສະເໜີສວນອຸດທິຍານແຫ່ງຊາດຫີນໜາມໜໍ່ ເມືອງບົວລະພາ ​ແຂວງ​ຄຳ​ມ່ວນ ເປັນມໍລະດົກໂລກທາງທໍາມະຊາດ​ແຫ່ງ​ທຳ​ອິດ​ຂອງ​ລາວ ໃນວັນທີ 11 ກຸມພານີ້ ທີ່​ແຂວງ​ດັ່ງກ່າວ ໂດຍການເປັນປະທານຂອງທ່ານ ບຸນມີ ພິມມະສອນ ຮອງເຈົ້າແຂວງຄຳມ່ວນ, ມີຜູ້ຕາງໜ້າຈາກກະຊວງການຮ່ວມມືສະຫະພັນເຢຍລະມັນ, ຜູ້ຕາງໜ້າອົງການຈັດຕັ້ງສາກົນ ​ແລະ ຂະແໜງການກ່ຽວຂ້ອງ​ຕ່າງໆເຂົ້າຮ່ວມ.

         ກອງປະຊຸມໄດ້ຮັບຟັງລາຍງານຄວາມຄືບໜ້າໃນການກະກຽມຄຳຮ້ອງສະເໜີສວນອຸດທິຍານແຫ່ງຊາດດັ່ງກ່າວ​ເຂົ້າເປັນມໍລະດົກໂລກຈາກກົມມໍລະດົກ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເປັນຕົ້ນ ການກຳນົດຊື່ເຂດພື້ນທີ່ມໍລະດົກ, ແຜນທີ່, ຈຸດພິກັດ, ດິນຟ້າອາກາດ, ມຸມມອງທາງຊີວະພາບ-ພືດ, ຂະບວນການທາງນິເວດວິທະຍາ ແລະ ຊີວະວິທະຍາ, ເສດຖະກິດ-ສັງຄົມ, ການຊີ້ແຈງອ້າງອີງສຳລັບຂະບວນການນຳສະເໜີເຂົ້າຢູ່ໃນບັນຊີມໍລະດົກໂລກ, ຄວາມຈຳເປັນສຳລັບການປ້ອງກັນ ແລະ ການຄຸ້ມຄອງ, ສະພາບການອະນຸລັກ, ປັດໃຈຕ່າງໆທີ່ສົ່ງຜົນຕໍ່ພື້ນທີ່ມໍລະດົກໂລກ, ຄວາມເປັນເຈົ້າການ, ການກຳນົດເຂດປ້ອງກັນ, ຮູບແບບການປະຕິບັດມາດຕະການປ້ອງກັນ, ແຜນການຄຸ້ມຄອງ, ການເງິນ, ຄວາມຊໍານິຊໍານານ ແລະ ການຝຶກອົບຮົມ, ສິ່ງອຳນວຍຄວາມສະດວກສຳລັບນັກທ່ອງທ່ຽວ, ນະໂຍບາຍ ແລະ ກິດຈະກຳຕ່າງໆ.

        ສຳລັບການນຳສະເໜີ ແລະ ການໂຄສະນາ, ບັນດາຕົວຊີ້ວັດ ແລະ ການຈັດລຽງການບໍລິຫານຕ່າງໆສຳລັບການກວດກາຕິດຕາມເຂດພື້ນທີ່ມໍລະດົກ, ພ້ອມນັ້ນ ຍັງໄດ້ຮັບຟັງຄວາມຄິດເຫັນຂອງລັດຖະບານເຢຍລະມັນຕໍ່ຮ່າງຄຳຮ້ອງດັ່ງກ່າວ ​ແລະ ການລາຍງານຄວາມຄືບໜ້າຂອງກົມປ່າໄມ້ໃນການສ້າງຕັ້ງຫ້ອງການສວນອຸດທິຍານແຫ່ງຊາດ ໂດຍສະເພາະທາງດ້ານບຸກຄະລາກອນ ແລະ ລະບຽບການສວນອຸດທິຍານແຫ່ງຊາດ, ອິດສະຫຼະພາບ ແລະ ການເຫັນດີເບື້ອງຕົ້ນຂອງປະຊາຊົນ. ພ້ອມທັງຜ່ານຂໍ້ຕົກລົງແຕ່ງຕັ້ງຄະນະກຳມະການຊີ້ນຳ, ກອງເລຂາຂັ້ນແຂວງ, ຂັ້ນເມືອງ ເພື່ອເຮັດໃຫ້ຮ່າງຄຳຮ້ອງການສະເໜີສວນອຸດທິຍານແຫ່ງຊາດຫີນໜາມໜໍ່ເຂົ້າເປັນມໍລະດົກໂລກທາງທຳມະຊາດ ແຫ່ງທຳອິດໃນ ສປປ ລາວ ໃຫ້ມີເນື້ອໃນຄົບຖ້ວນສົມບູນ ເພື່ອສະເໜີຕໍ່ອົງການ UNESCO ຄົ້ນຄວ້າຮັບຮອງເອົາເຂົ້າເປັນມໍລະດົກໂລກ.

- Wave100S AD to Website 2020 0 - ຄຳມ່ວນກະກຽມນຳສະເໜີສວນອຸດທິຍານແຫ່ງຊາດ ຫີນໜາມໜໍ່ເປັນມໍລະດົກໂລກທາງທຳມະຊາດແຫ່ງທຳອິດຂອງລາວ
- WhatsApp Image 2020 05 27 at 5 - ຄຳມ່ວນກະກຽມນຳສະເໜີສວນອຸດທິຍານແຫ່ງຊາດ ຫີນໜາມໜໍ່ເປັນມໍລະດົກໂລກທາງທຳມະຊາດແຫ່ງທຳອິດຂອງລາວ
- WhatsApp Image 2020 05 27 at 5 - ຄຳມ່ວນກະກຽມນຳສະເໜີສວນອຸດທິຍານແຫ່ງຊາດ ຫີນໜາມໜໍ່ເປັນມໍລະດົກໂລກທາງທຳມະຊາດແຫ່ງທຳອິດຂອງລາວ
error: Alert: ເນື້ອຫາຂ່າວມີລິຂະສິດ !!