ປະເມີນການຄຸ້ມຄອງລາຍຈ່າຍພາກລັດ ເຫັນວ່າລາວມີຄະແນນໃນລະດັບຕໍ່າຢູ່ຫລາຍຂົງເຂດ

- 53 2 - ປະເມີນການຄຸ້ມຄອງລາຍຈ່າຍພາກລັດ ເຫັນວ່າລາວມີຄະແນນໃນລະດັບຕໍ່າຢູ່ຫລາຍຂົງເຂດ
- Untitled design - ປະເມີນການຄຸ້ມຄອງລາຍຈ່າຍພາກລັດ ເຫັນວ່າລາວມີຄະແນນໃນລະດັບຕໍ່າຢູ່ຫລາຍຂົງເຂດ

ໃນວັນທີ 12 ກຸມພານີ້, ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ໄດ້ຖະແຫລງຂ່າວ ກ່ຽວກັບຜົນສໍາເລັດຂອງການປະເມີນການຄຸ້ມຄອງລາຍຈ່າຍພາກລັດ ແລະ ຄວາມຮັບຜິດຊອບທາງດ້ານການເງິນ (PEFA) ປະຈໍາປີ 2018 ໃຫ້ຮູ້ວ່າ: ການປະເມີນຄັ້ງນີ້ ໄດ້ກໍານົດເອົາ ບັນດາຫົວໜ່ວຍງົບປະມານຂັ້ນສູນກາງ, ນະຄອນຫລວງວຽງຈັນ ແລະ ແຂວງຫລວງພະບາງ ໂດຍໄດ້ປະເມີນທຸກລາຍການທີ່ປະກອບໃນໂຄງສ້າງການຄຸ້ມຄອງການເງິນພາກລັດ, ການບໍລິຫານການເງິນທັງໝົດ ໂດຍສະເພາະ ດ້ານລາຍຮັບ ແລະ ດ້ານລາຍຈ່າຍ ຕາມຮອບວຽນງົບປະມານ, ທຸກຂັ້ນຕອນ ນັບແຕ່ຂັ້ນຕອນການສ້າງແຜນງົບປະມານ, ການຈັດຕັ້ງປະຕິບັດ ຕະຫລອດເຖິງການລາຍງານ ແລະ ກວດສອບ.

ການປະເມີນ ໄດ້ກວມເອົາ 46 ຫົວໜ່ວຍງົບປະມານ ຂັ້ນກະຊວງ ແລະ ທຽບເທົ່າ ທີ່ລະບຸໃນບົດສະຫລຸບການປະຕິບັດແຜນງົບປະມານແຫ່ງລັດ. ມາຮອດປັດຈຸບັນ, ການປະເມີນ ໄດ້ສຳເລັດຢ່າງສົມບູນ ແລະ ໄດ້ຖືກຮັບຮອງຈາກກອງເລຂາ PEFA ສາກົນ, ເຊິ່ງໃນຂັ້ນຕອນຕໍ່ໄປ ແມ່ນ ກະຊວງການເງິນ ຈະໄດ້ສັງລວມລາຍງານຜົນການປະເມີນ PEFA ດັ່ງກ່າວນີ້ ຕໍ່ລັດຖະບານເພື່ອຮັບຮອງ ແລະ ດຳເນີນການເຜີຍແຜ່ຕໍ່ໄປ.

ສຳລັບເປົ້າໝາຍການປະເມີນ ປະກອບ ມີ 7 ພາກ ສຳຄັນຄື: ຄວາມໜ້າເຊື່ອຖືຂອງງົບປະມານ, ຄວາມໂປ່ງໃສຂອງການເງິນແຫ່ງລັດ, ການຄຸ້ມຄອງຊັບສິນ ແລະ ໜີ້ສິນຂອງລັດ, ການສ້າງແຜນງົບປະມານ ແລະ ຍຸດທະສາດການເງິນຕາມນະໂຍບາຍ, ຄວາມສາມາດຄາດຄະເນ ແລະ ການຄວບຄຸມການປະຕິບັດງົບປະມານ, ການລົງບັນຊີ ແລະ ການລາຍງານການກວດກາ ແລະ ການກວດສອບພາຍນອກ. ຢ່າງໃດກໍຕາມໂດຍອີງໃສ່ຜົນໄດ້ຮັບ ຈາກການປະເມີນໃນ 7 ພາກດັ່ງກ່າວ, ເຫັນວ່າລາວ ຍັງມີຄະແນນໃນລະດັບຕໍ່າຢູ່ຫລາຍຂົງເຂດ ເຊິ່ງເປັນເຂດທີ່ອາດຈະຕ້ອງໄດ້ເອົາໃຈໃສ່ປັບປຸງ, ກະຊວງການເງິນ ຈະສືບຕໍ່ນຳເອົາບັນດາຈຸດອ່ອນ ແລະ ຂໍ້ຄົງຄ້າງທີ່ເຫັນໄດ້ຈາກການປະເມີນ ເພື່ອໝູນໃຊ້ກຳນົດເປັນຄາດໝາຍໃນການປະຕິຮູບຂະແໜງການເງິນ ແລະ ນຳໃຊ້ຜົນໄດ້ຮັບຂອງແຕ່ລະຕົວຊີ້ວັດ ມາເຊື່ອມກັບ 6 ແຜນງານ ການປະຕິຮູບລະບົບການຄຸ້ມຄອງການເງິນແຫ່ງລັດ ໃນໄລຍະທີ 1 ແຕ່ປີ 2018-2020 ແລະ ແຜນງານປະຕິຮູບການເງິນແຫ່ງລັດ ໃນໄລຍະທີ 2 ແຕ່ປີ 2021-2025ໃຫ້ດີຂຶ້ນ.

- Wave100S AD to Website 2020 0 - ປະເມີນການຄຸ້ມຄອງລາຍຈ່າຍພາກລັດ ເຫັນວ່າລາວມີຄະແນນໃນລະດັບຕໍ່າຢູ່ຫລາຍຂົງເຂດ
- WhatsApp Image 2020 05 27 at 5 - ປະເມີນການຄຸ້ມຄອງລາຍຈ່າຍພາກລັດ ເຫັນວ່າລາວມີຄະແນນໃນລະດັບຕໍ່າຢູ່ຫລາຍຂົງເຂດ
- WhatsApp Image 2020 05 27 at 5 - ປະເມີນການຄຸ້ມຄອງລາຍຈ່າຍພາກລັດ ເຫັນວ່າລາວມີຄະແນນໃນລະດັບຕໍ່າຢູ່ຫລາຍຂົງເຂດ
error: Alert: ເນື້ອຫາຂ່າວມີລິຂະສິດ !!