ສສຊ ນະຄອນຫລວງວຽງຈັນຈະເລັ່ງກວດກາ ແລະ ແກ້ໄຂຫາງສຽງສັງຄົມ

- advert banner 728 90 728x90 - ສສຊ ນະຄອນຫລວງວຽງຈັນຈະເລັ່ງກວດກາ ແລະ ແກ້ໄຂຫາງສຽງສັງຄົມ

    ໃນກອງ​ປະ­ຊຸມ​ຄະ­ນະ​ປະ­ຈຳ​ສະ­ພາ​ປະ­ຊາ­ຊົນ ນະ­ຄອນ­ຫຼວງ​ວຽງ​ຈັນ ປະ ຈຳ​ເດືອນ​ກຸມ­ພາ ນີ້, ​ທ່ານ ອາ­ນຸ­ພາບ ຕຸ​ນາ​ລົມ ປະ­ທານ​ສະ­ພາ​ປະ­ຊາ­ຊົນ ນະຄອນຫລວງວຽງ ໄດ້ເນັ້ນໃຫ້ສະມາຊິກສະພາເອົາໃຈໃສ່ລົງຕິດຕາມກວດກາ ແລະ ຫາງສຽງຂອງສັງຄົມຕໍ່ປະກົດການຫຍໍ້ທໍ້ຕ່າງໆເຊັ່ນ: ບັນຫາຜົນກະທົບໂຄງການກໍ່ສ້າງທາງລົດໄຟລາວ-ຈີນ, ໂຄງການກໍ່ສ້າງທາງດ່ວນ ນະຄອນຫລວງວຽງຈັນ-ບໍ່ເຕັນ(ໄລຍະ 1 ນະຄອນຫລວງວຽງຈັນ-ວັງວຽງ), ໂຄງການຂະຫຍາຍເສັ້ນທາງ ເລກທີ 13 ເຫນືອ ໃນຂອບເຂດ ນະຄອນຫລວງວຽງຈັນ, ເສັ້ນທາງເປຕົງ ແຕ່ວັງຊາຍຫາ ເສັ້ນທາງ 450 ປີ ແລະ ບັນດາໂຮງຈັກໂຮງງານຕ່າງໆທີ່ປ່ອຍມົນລະພິດສູ່ສິ່ງແວດລ້ອມຄື: ໂຮງງານລານທຽນເມັດຢາງປຣາສຕິກ, ໂຮງງານຕົ້ມຢາງ ແລະ ບົດຢາງ ຢູ່ ເມືອງ ໄຊທານີ, ໂຮງງານດິນຈີ່, ໂຄງການປູກກ້ວຍ ຢູ່ ເມືອງ ສັງທອງ, ປາກງື່ມ ແລະ ເມືອງ ນາຊາຍທອງ, ພ້ອມນັ້ນກໍໃຫ້ລົງກວດກາຕົວຈິງຕໍ່ສະພາບບຸກລຸກ ແລະ ລັກລອບຕັດໄມ້ແບບຜິດກົດໝາຍ ຢູ່ປ່າສະຫງວນແຫ່ງຊາດ ພູພະນັງ ເພື່ອເລັ່ງແກ້ໄຂໃຫ້ສຳເຫລັດ

- Wave100S AD to Website 2020 0 - ສສຊ ນະຄອນຫລວງວຽງຈັນຈະເລັ່ງກວດກາ ແລະ ແກ້ໄຂຫາງສຽງສັງຄົມ
- lattana 1 - ສສຊ ນະຄອນຫລວງວຽງຈັນຈະເລັ່ງກວດກາ ແລະ ແກ້ໄຂຫາງສຽງສັງຄົມ

     ທ່ານ ປະທານສະພາປະຊາຊົນ ນະຄອນຫລວງວຽງຈັນ ໃຫ້ຮູ້ອີກວ່າ: ໃນປີຜ່ານມາ, ໄດ້ຄົ້ນຄ້ວາ ແລະ ພິຈາລະນາຄຳຮ້ອງຂໍຄວາມເປັນທຳຂອງປະຊາຊົນ ທັງໝົດ 248 ເລື່ອງ, ໃນນັ້ນເປັນຄະດີແພ່ງ 76 ເລື່ອງ, ຄະດີອາຍາ 40 ເລື່ອງ ແລະ ຄຳສະເຫນີ 132 ເລື່ອງ, ສາມາດພິຈາລະນາແກ້ໄຂ ແລະ ນຳສົ່ງໃຫ້ພາກສ່ວນກ່ຽວຂ້ອງ ທັງໝົດ 179 ເລື່ອງ.

error: Alert: Content is protected !!