ສະຫລຸບ​ວຽກງານ​ໂຄສະນາ​ອົບຮົມ​ທົ່ວ​ປະ​ເທດ

- 69 1 - ສະຫລຸບ​ວຽກງານ​ໂຄສະນາ​ອົບຮົມ​ທົ່ວ​ປະ​ເທດ
- Untitled design - ສະຫລຸບ​ວຽກງານ​ໂຄສະນາ​ອົບຮົມ​ທົ່ວ​ປະ​ເທດ

ກອງ​ປະຊຸມ​ສະຫລຸບ​ວຽກງານ ​ໂຄສະນາ​ອົບຮົມ​ທົ່ວ​ປະ​ເທດ ປະຈຳ​ປີ 2018-2019  ​ແລະ ວາງທິດ​ທາງ​ແຜນການ ປີ 2020 ​ໄດ້​ຈັດ​ຂຶ້ນ​ໃນ​ວັນ​ທີ 12-13 ກຸມພານີ້, ທີ່​ນະຄອນຫລວງ​ວຽງຈັນ ໂດຍການ​ເປັນ​ປະທານ​ຂອງທ່ານ ຄໍາພັນ ພົມ​ມະ​ທັດ ຫົວໜ້າຄະນະ​ໂຄສະນາ​ອົບຮົມ​ສູນ​ກາງ​ພັກ. ເພື່ອຄົ້ນຄວ້າຕີລາຄາ ບັນດາປັດໄຈ ຕັ້ງໜ້າ ແລະ ຫຍໍ້ທໍ້ ທີ່ສົ່ງຜົນກະທົບຕໍ່ແນວຄິດ ແລະ ການເຄື່ອນ ໄຫວວຽກງານໂຄສະນາອົບຮົມ ໃນສົກປີ 2018-2019 ຜ່ານມາມາ, ເພື່ອ​ປັບປຸງແກ້ໄຂ ແລະ ວາງທິດທາງໜ້າທີ່ຈຸດສຸມ ໃນປີ 2020 ໃຫ້ມີເນື້ອໃນເລິກເຊິ່ງ ແທດເໝາະ ຕົວຈິງ ແລະ ສາມາດປະຕິບັດໄດ້ ເພື່ອປະກອບສ່ວນເຂົ້າ ໃນພາລະກິດປົກປັກຮັກສາ ແລະ ສ້າງສາ ພັດທະນາປະເທດຊາດ ໃຫ້ບັນລຸ ລະດັບຄາດໝາຍທີ່ພັກເຮົາວາງໄວ້.

ທ່ານຮອງ​ຫົວໜ້າຄະນະ​ໂຄສະນາ​ອົບຮົມ​ສູນ​ກາງ​ພັກ ​ໃຫ້​ຮູ້​ວ່າ: ໃນ ​​2 ປີຜ່ານມາ, ຄະນະໂຄສະນາອົບຮົມຂອງຕົນໄດ້ເອົາໃຈໃສ່ເຜີຍ​ແຜ່ບັນດາ​ນິຕິ​ກຳ​ຂອງ​ສູນ​ກາງ​ພັກ​ໃນ​ແຕ່ລະ​ໄລຍະ ແລະ ອັນ​ພົ້ນ​ເດັ່ນ​ແມ່ນ ຄຳ​ສັ່ງ​ຂອງ​ຄະນະ​ເລຂາທິການ​ສູນ​ກາງ​ພັກ​ ກ່ຽວກັບ​ການ​ກະ​ກຽມຂອງ​ປະຊຸມ​ໃຫຍ່ 3 ຂັ້ນ​ຂອງ​ພັກ ​ແລະ ການ​ແກ້​ໄຂ​ຄວາມ​ຫຍຸ້ງ​ຍາກ​ ທາງ​ດ້ານ​ເສດຖະກິດ​ມະຫາ​ພາກ, ການ​ຜະລິດ, ແກ້​ໄຂ​ປະກົດ​ການ​ຫຍໍ້​ທໍ້​ໃນ​ສັງຄົມ ​ແລະ ​ໄດ້​ສຸມ​ໃສ່​ສ້າງ​ເອກະ​ສານ ໂຄສະນາ​ສຶກສາ​ອົບຮົມການ​ເມືອງ-​ແນວ​ຄິດ​ ໃຫ້​ແກ່​ພະນັກງານ, ສະມາຊິກ​ພັກ, ທະຫານ,​ ຕຳຫລວດ ​ເປັນ​ຕົ້ນ​ແມ່ນ ປຶ້ມ​ປົກ​ຂາວ​ສະພາບ​ການ​ພົວພັນ​ລາວ-​ກຳປູ​ເຈຍ, ການ​ສ້າງ​ປະຊາ​ຄົມ​ຮ່ວມ​ຊາຕາກຳ​ລາວ-​ຈີນ, ພ້ອມທັງໄດ້​ສ້າງ ​ແລະ ປັບປຸງ​ເອກະສານ​ຝຶກ​ອົບຮົມ​ຄວາມ​ຮູ້ພື້ນຖານ​ ດ້ານ​ການ​ເມືອງ-​ການ​ປົກຄອງ ​ແລະ ການ​ສ້າງ​ບ້ານ​ພັດທະນາ, ​​ເອກະສານ​ອົບຮົມ​ການ​ເມືອງ-​ແນວ​ຄິດ ກ່ຽວກັບຈັນ​ຍາ​ບັນ ​ແລະ ຄຸນສົມບັດ​ສິນ​ທຳ​ປະຕິວັດ ​ໃຫ້​ແກ່​ຂະ​ແໜງສວຍ​ສາ​ອາກອນ ​ແລະ ພາສີ.

- Wave100S AD to Website 2020 0 - ສະຫລຸບ​ວຽກງານ​ໂຄສະນາ​ອົບຮົມ​ທົ່ວ​ປະ​ເທດ

ນອກນີ້​ໄດ້​ເອົາ​ໃຈ​ໃສ່​ຕິດຕາມ ​ແລະ ​ເກັບ​ກຳ​ສະພາບ​ແນວ​ຄິດ-​ຫາງ​ສຽງສັງຄົມ ຢູ່​ບັນດາ​ກະຊວງ-​ອົງການ​ອ້ອມ​ຂ້າງ​ສູນ​ກາງ ​ແລະ ທ້ອງ​ຖິ່ນ ​ໃນ​ແຕ່​ໄລຍະ​ໄດ້​ຄົບ​ຖ້ວນທົ່ວ​ເຖິງ ​ເພື່ອ​ເສີມ​ຂະຫຍາຍ​ດ້ານ​ດີ ​ແລະ ​ແກ້​ໄຂ​ບັນຫາ​ຈຸດອ່ອນຂໍ້ຄົງຄ້າງຕ່າງໆ ​ໃຫ້​ສອດຄ່ອງ ​ແລະ ທັນ​ການ, ຕິດຕາມ, ​ເກັບ​ກຳ​ສະພາບ​ການ​ທີ່​ພົ້ນ​ເດັ່ນ​ພາຍ​ໃນ ​ແລະ ສາກົນ ໄປຄຽງຄູ່ກັບການປັບປຸງ​ກົງຈັກ​ການຈັດ​ຕັ້ງ​ຂອງ​ຕົນຕາມ​ພາລະ​ບົດບາດ, ໜ້າທີ່​ຄວາມ​ຮັບຜິດຊອບ ​ເພື່ອ​ເຮັດ​ໃຫ້​ຄະນະ​ໂຄ​ສະນາ​ອົບຮົມ​ຂັ້ນ​ທ້ອງ​ຖິ່ນ​ ມີ​ຄວາມໜັກ​ແໜ້ນ​ເຂັ້ມ​ແຂງ ​ໃນ​ການ​ເປັນ​ເສນາ​ທິການ ​ໃຫ້​ແກ່​ຄະນະ​ພັກ​ຂັ້ນ​ຂອງ​ຕົນ, ພ້ອມ​ທັງໄດ້​ເອົາ​ໃຈ​ໃສ່​ຈັດ​ວາງ​ຊັບ​ຊ້ອນ​ພະນັງານ​ ເຂົ້າ​ໃສ່ໜ້າວຽກຢູ່​ໃນໜ່ວຍງານ​ຕ່າງໆ ຢ່າງ​ແທດ​​ເໝາະກັບ​ຄວາມ​ຮຽກຮ້ອງ​ຕ້ອງການຂອງໜ້າທີ່​ວຽກງານ​ໂຄສະນາ​ອົບຮົມ​ຂັ້ນ​ທ້ອງ​ຖິ່ນ.

- WhatsApp Image 2020 05 27 at 5 - ສະຫລຸບ​ວຽກງານ​ໂຄສະນາ​ອົບຮົມ​ທົ່ວ​ປະ​ເທດ
- WhatsApp Image 2020 05 27 at 5 - ສະຫລຸບ​ວຽກງານ​ໂຄສະນາ​ອົບຮົມ​ທົ່ວ​ປະ​ເທດ
error: Alert: ເນື້ອຫາຂ່າວມີລິຂະສິດ !!