ຈີນ ​ແລະ ​ອາ​ຊຽນ ກຽມ​ຈັດ​ກອງ​ປະຊຸມ​ສຸກ​ເສີນ ເພື່ອ​ຮັບ​ມື​ກັບ​ການລະບາດ​ ໂຄ​ວິດ-19 ຢູ່​ລາວ

- 895 - ຈີນ ​ແລະ ​ອາ​ຊຽນ ກຽມ​ຈັດ​ກອງ​ປະຊຸມ​ສຸກ​ເສີນ ເພື່ອ​ຮັບ​ມື​ກັບ​ການລະບາດ​ ໂຄ​ວິດ-19 ຢູ່​ລາວ
- AGL banner - ຈີນ ​ແລະ ​ອາ​ຊຽນ ກຽມ​ຈັດ​ກອງ​ປະຊຸມ​ສຸກ​ເສີນ ເພື່ອ​ຮັບ​ມື​ກັບ​ການລະບາດ​ ໂຄ​ວິດ-19 ຢູ່​ລາວ

     ສຳນັກ​ຂ່າວ​ກຽວ​ໂຕ ລາຍ​ງານ​ໂດຍ​ອ້າງ​ແຫ​ລ່ງຂ່າວ​ທາງ​ການ​ທູດ​ວ່າ: ລັດຖະມົນຕີ​ຕ່າງປະ​ເທດ​ຂອງ​ຈີນ ​ແລະ ປະ​ເທດ​ສະມາຊິກ​ອາ​ຊຽນທັງ 10 ປະ​ເທດ​ຕັດສິນ​ໃຈ​ຈັດ​ກອງ​ປະຊຸມ​ສຸກ​ເສີນ​ຂຶ້ນທີ່ ສປປ ລາວ ​ໃນ​ອາທິດ​ໜ້າ ​ເພື່ອ​ຫາລື​​ບັນຫາ​ເລື່ອງ​ການລະບາດ​ຂອງ​ເຊື້ອພະຍາດ​ໂຄ​ວິດ-19​ ທີ່​ກຳລັ​ງ​ແຜ່​ກະຈາຍ​ຄວບ​ຄຸມ​ທຸກພື້ນທີ່​ທົ່ວ​ຈີນ​ແຜ່ນດິນ​​ໃຫຍ່.

      ​ແຫ​ລ່ງຂ່າວ​ເປີດ​ເຜີຍ​ວ່າ: ກອງ​ປະຊຸມ​ດັ່ງກ່າວ​ເກີດ​ຂຶ້ນຈາກ​ການສະ​ເໜີ​ຂອງ​ຈີນ​ທີ່​ຕ້ອງການ​ຮັດ​ແໜ້ນ​ການ​ຮ່ວມ​ມື​ກັບປະ​ເທດ​ສະມາຊິກ​ສະມາຄົມ​ປະຊາ​ຊາດ​ແຫ່ງ​ອາຊີ​ຕາ​ເວັນ​ອອກສຽງ​ໃຕ້ (ອາ​ຊຽນ) ​ໃນ​ການ​ຮັບ​ມື​ການ​ແຜ່​ລະບາດ​ຂອງ​ເຊື້ອ​ໄວຣັສ​ໂຄ​ໂຣນາ ທີ່​ເຮັດ​ໃຫ້ມີ​ຜູ້​ຕິດ​ເຊື້ອຫລາຍ​ກວ່າ 40.000 ຄົນ ​ແລະ ​ເສຍ​ຊີວິດ​ແລ້ວ​ອີກ​ຫລາຍ​ກວ່າ 1.000 ຄົນ.

- Wave100S AD to Website 2020 0 - ຈີນ ​ແລະ ​ອາ​ຊຽນ ກຽມ​ຈັດ​ກອງ​ປະຊຸມ​ສຸກ​ເສີນ ເພື່ອ​ຮັບ​ມື​ກັບ​ການລະບາດ​ ໂຄ​ວິດ-19 ຢູ່​ລາວ

      ​​ແຫ​ລ່ງຂ່າວ​ລະບຸ​ວ່າ: ຈີນ​ໄດ້​ສະ​ເໜີ​ໃຫ້​ມີ​ການ​ຈັດ​ກອງ​ປະຊຸມ​ລັດຖະມົນຕີ​ຕ່າງປະ​ເທດ​ໃນ​ກຸ່ມ​ອາ​ຊຽນມາ​ແຕ່​ອາທິດ​ຜ່ານ​ມາ ທ່າມກາງ​ຄວາມ​ພະຍາຍາມ​ໃນ​ການ​ຮັບ​ມື​ກັບ​ການ​ແຜ່​ລະບາດ​ຂອງ​ໄວຣັສ​ໂຄ​ໂຣນາ​ທີ່​ຖືກ​ກວດ​ພົບ​ເປັນຄັ້ງທຳ​ອິດ​ເມື່ອ​ທ້າຍ​ປີຜ່ານມາ​ຢູ່​ເມືອງ​ອູ່​ຮັນ ​ເຊິ່ງ​ເປັນ​ເມືອງ​ສູນ​ກາງ​ທຸລະ​ກິດ​ທີ່​ສຳຄັນ​ແຫ່ງ​ໜຶ່ງ​ຂອງ​ຈີນ.

- lattana 1 - ຈີນ ​ແລະ ​ອາ​ຊຽນ ກຽມ​ຈັດ​ກອງ​ປະຊຸມ​ສຸກ​ເສີນ ເພື່ອ​ຮັບ​ມື​ກັບ​ການລະບາດ​ ໂຄ​ວິດ-19 ຢູ່​ລາວ
error: Alert: Content is protected !!