ຜົວອາລົມງຸດວິດ ເມື່ອເລື່ອງເທິງຕຽງຂອງຂ້ອຍຫຼຸດລົງ

ຂ້ອຍ ແລະ ຜົວຂອງຂ້ອຍແຕ່ງງານກັນໄດ້ 3 ປີແລ້ວ, ມີລູກອາຍຸ 1 ປີນຳກັນໜຶ່ງຄົນ. ນັບແຕ່ມື້ຮູ້ຈັກກັນ ແລະ ເປັນແຟນກັນມາຈົນເຖິງມື້ເກີດເລື່ອງ ເທິງຕຽງນຳກັນນັ້ນແມ່ນປົກກະຕິດີ.

ແຕ່ພາຍຫຼັງເກີດລູກແລ້ວຂ້ອຍຂະລຳເລື່ອງເທິງຕຽງກັບຜົວເປັນເວລາ 6 ເດືອນ ເພາະຂ້ອຍເກີດລູກດ້ວຍການຜ່າຕັດ. ເມື່ອເກີດລູກແລ້ວ ຂ້ອຍຮູ້ສຶກວ່າຄວາມຕ້ອງການທາງອາລົມເພດຫຼຸດລົງ , ເດືອນໜຶ່ງກໍໄດ້ພຽງແຕ່ 1-2 ເທື່ອເທົ່ານັ້ນ. ສ່ວນໜຶ່ງກໍແມ່ນຍ້ອນຂ້ອຍຕື່ນເອົາລູກກິນນົມ ແລະ ສ່ວນໜຶ່ງອີກກໍເພື່ຶອໃຫ້ຜົວໄດ້ນອນແຈບ ເພາະມື້ຕໍ່ມາຜົວຍັງຈະໄປການ ແລະ ຂ້ອຍກໍບໍ່ໄດ້ນອນອີ່ມເຕັມຕາຍ້ອນເບິ່ງລູກນ້ອຍ.

ຜົວຂ້ອຍມັກຈະເກີດອາລົມເສຍ, ຍ້ອນຂ້ອຍບໍ່ມີຄວາມຕ້ອງການທາງເພດກັບເຂົາ, ເຂົາຈຶ່ງເກີດອາລົມວູ່ວີກັບຂ້ອຍ ຮ້າຍແຮງໄປກວ່ານັ້ນເຂົາຍັງເວົ້າລ່ວງເກີນຕຳກຽດສັກສີຂອງຂ້ອຍຕື່ມອີກເພາະຂ້ອຍຕອບສະໜອງຄວາມຕ້ອງການໃຫ້ກັບເຂົາບໍ່ໄດ້, ພາຍຫຼັງເກີດລູກຄວາມຕ້ອງການທາງເພດຂອງຂ້ອຍຫຼຸດລົງຢ່າງຈະແຈ້ງ, ບໍ່ມີຄວາມຕ້ອງການເລີຍ, ຂ້ອຍຄິດຈະໄປກວດ ແລະ ບຳລຸງສຸຂະພາບຫຼາຍເທື່ຶອແຕ່ກໍບໍ່ເກີດ.

ຂ້ອຍລັກຄິດຢູ່ໃນໃຈຜູ້ດຽວວ່າເປັນຫຍັງຜົວບໍ່ເຫັນໃຈຂ້ອຍແດ່ ແລະ ເປັນຫຍັງບໍ່ຊ່ວຍຂ້ອຍແດ່ໃນເມື່ອຂ້ອຍເປັນແນວນີ້? ມີຫຼາຍເທື່ອຂ້ອຍກໍຄິດຢາກໃຫ້ໂອກາດກັບຜົວ ແຕ່ເມື່ອຄິດເຖິງຄວາມຜິດຂ້ອງຕ້ອງຖຽງກັນແລ້ວ ກໍເຮັດໃຫ້ເສຍອາລົມເພດໄປ. ພວກຂ້ອຍໄດ້ຕັດສິນໃຈແຍກທາງກັນ. ຂ້ອຍຮູ້ສຶກວ່າ ອາລົມເພດຈະເກີດຂຶ້ນໄດ້ກໍຕໍ່ເມື່ອສອງຄົນຮັກແພງກັນ ໃກ້ສິດກັນ ບໍ່ຜິດຖຽງກັນ. ແຕ່ໃນເມື່ອຕົກຢູ່ໃນສະພາບແບບນີ້ແລ້ວຂ້ອຍຈະຕ້ອງເຮັດແນວໃດດີ? ເອົາໃຈຜົວ ຫຼື ຢ່າຮ້າງ?

error: Alert: Content is protected !!