ໄວຣັສໂຄໂຣນາ: ຢ່າຢ້ານແຕ່ຕ້ອງປ້ອງກັນ

ໄວຣັສໂຄໂຣນາ: ຢ່າຢ້ານແຕ່ຕ້ອງປ້ອງກັນ - advert banner 728 90 728x90 - ໄວຣັສໂຄໂຣນາ: ຢ່າຢ້ານແຕ່ຕ້ອງປ້ອງກັນ

ໂດຍ: ມຶກບໍ່ແຫ້ງ

ໄວຣັສໂຄໂຣນາ: ຢ່າຢ້ານແຕ່ຕ້ອງປ້ອງກັນ - lattana 1 - ໄວຣັສໂຄໂຣນາ: ຢ່າຢ້ານແຕ່ຕ້ອງປ້ອງກັນ
ໄວຣັສໂຄໂຣນາ: ຢ່າຢ້ານແຕ່ຕ້ອງປ້ອງກັນ - Wave100S AD to Website 2020 0 - ໄວຣັສໂຄໂຣນາ: ຢ່າຢ້ານແຕ່ຕ້ອງປ້ອງກັນ

ການເກີດພະຍາດປອດອັກເສບຫຼືຮ້ອງເປັນພາສາຕ່າງປະເທດວ່າໄວ ຣັສໂຄໂຣນານັ້ນໄດ້ກາຍເປັນບັນຫາທາງດ້ານສາທາລະນະສຸກຂອງໂລກ ເຊິ່ງສ້າງຄວາມວາດກົວໄປຕ່າງໆນາໆ.

ນັບແຕ່ທ້າຍເດືອນທັນວາ 2019 ເປັນຕົ້ນມາທີ່ໄວຣັສຊະນິດໄດ້ເກີດ ຂຶ້ນຢູ່ເມືອງອູຮັນ ສປ ຈີນ ແລ້ວ ກໍມີຜູ້ຕິດເຊື້ອຫຼາຍຂຶ້ນມາຮອດປັດຈຸບັນມີຜູ້ຕິດເຊື້ອຫຼາຍກວ່າ 30 ພັນຄົນ ແລະ ເສຍຊີວິດແລ້ວ 700 ກວ່າຄົນ ໃນເວລາເດືອນກວ່າໂດຍຜູ້ຕິດເຊື້ອແລະເສຍຊີວິດສ່ວນໃຫຍ່ແມ່ນຢູ່ ສປຈີນ.

ຈາກກໍລະນີດັ່ງກ່າວປະຊາຊົນທົ່ວໂລກຕ່າງກັງວົນຢ່າງຍິ່ງ ໂດຍສະເພາະບັນດາປະເທດທີ່ມີຊາຍແດນຕິດຈອດກັບສປຈີນດັ່ງ ລາວເຮົາ ແລະ ປະເທດອື່ນໃນພູມີພາກອາຊີຕາເວັນອອກສຽງໃຕ້.

ຈາກເຫດການຄັ້ງນີ້ ເຮັດໃຫ້ເກີດມີຂ່າວປອມ, ຜູ້ທີ່ມັກປັ້ນ ນໍ້າໃຫ້ເປັນຕ່ອນ, ສ້າງເລື່ອງເລັກນ້ອຍເປັນເລື່ອງໃຫຍ່, ສ້າງເລື່ອງໃຫ້ ມີຄວາມຢ້ານກົວຈົນເກີນເຫດ. ຮ້າຍແຮງໄປກວ່ານັ້ນຫຼາຍທີ່ ຫຼາຍບ່ອນກໍ ພາກັນຊີ້ໜ້າໃສ່ຄົນຈີນວ່າເປັນຕົ້ນເຫດຂອງການແຜ່ລະບາດນໍາໄປສູ່ການ ຈຳແນກແຍກແຍະລັງກຽດເຊິ່ງເປັນເລື່ອງທີ່ຄວນຫຼີກລ່ຽງທີ່ສຸດ.

ບໍ່ວ່າເກີດທີ່ໃດໃນໂລກກໍບໍ່ມີໃຜເພິ່ງປາຖະໜາຄົນຈີນກໍເຊັ່ນກັນໃນປັດຈຸບັນເຂົາເຈົ້າຍິ່ງມີຄວາມຫົດຫູ່ໃຈ, ຢ້ານກົວຕໍ່ການລະບາດຂອງພະຍາດ ໃນຄັ້ງນີ້ ເຊິ່ງລັດຖະບານຂອງ ສປຈີນ ກໍໄດ້ເອົາໃຈໃສ່ ໂດຍສະເພາະບັນດາ ແພດໝໍທີ່ເຮັດວຽກໜັກຕະຫຼອດທັງເວັນທັງຄືນເພື່ອຕໍ່ສູ້ກັບພະຍາດຮ້າຍນີ້, ເພາະສະນັ້ນພວກເຮົາທຸກຄົນຄວນໃຫ້ກຳລັງໃຈ, ສົ່ງກຳລັງໃຈໃຫ້ການ ຕໍ່ສູ້ຄັ້ງນີ້ ໄດ້ຮັບໄຊຊະນະໂດຍໄວ.

ແມ່ນຢູ່ວ່າພະຍາດນີ້ ສາມາດຕິດຕໍ່ຈາກຄົນສູ່ຄົນໄດ້ແຕ່ກໍບໍ່ໄດ້ ໝາຍຄວາມວ່າຈະຕິດຕໍ່ກັນແບບງ່າຍດາຍ, ຜູ້ທີ່ສາມາດຕິດເຊື້ອໄດ້ກໍແມ່ນ ຜູ້ທີ່ມີຄວາມໃກ້ຊິດກັບຜູ້ທີ່ຕິດເຊື້ອນີ້ ມາກ່ອນບໍ່ວ່າຈະເປັນການສຳພັດ, ການໄອຈາມແລະອື່ນໆ ທີ່ພວກເຮົາສາມາດປ້ອງກັນໄດ້.

ຄຳແນະນຳທີ່ເປັນພື້ນຖານຈາກແພດໃນການປ້ອງກັນເຊື້ອໄວຣັສ ຊະ ນິດນີ້ ກໍຄືໝັ່ນລ້າງມືໂດຍສະເພາະພາຍຫຼັງການສຳພັດກັບວັດຖຸສິ່ງຂອງ ທີ່ຫຼາຍຄົນຈັບ, ພັກຜ່ອນໃຫ້ພຽງພໍ, ໃສ່ຜ້າອັດປາກເມື່ອອອກໄປສະຖານ ທີ່ກາງແຈ້ງຫຼືຊຸມຊົນ, ຫຼີກລ່ຽງສະຖານທີ່ແອອັດເປັນຕົ້ນ.

ສິ່ງສຳຄັນເມື່ອມີອາການໄອ, ຈາມ, ໄຂ້ຂຶ້ນສູງແລະມີນໍ້າມູກໃຫ້ຂ້ຽວ ເຂົ້າໄປພົບແພດທັນທີເພື່ອໃຫ້ເພິ່ນກວດສອບທັນທີວ່າແມ່ນເຊື້ອໄວຣັສໂຄໂຣນານີ້ແທ້ບໍ່ ຄຽງຄູ່ກັນນັ້ນລັດຖະບານເຮົາກໍໄດ້ເຝົ້າລະວັງຢ່າງໃກ້ຊິດ ໂດຍມອບໃຫ້ບັນດາໂຮງໝໍຕ່າງໆມີຄວາມກຽມພ້ອມທຸກເວລາໃນການຕອບ ໂຕ້ ແລະ ຮັບມືໂດຍບໍ່ໄດ້ນິ້ງນອນເສີຍເຖິງວ່າຍັງບໍ່ທັນພົບເຫັນຜູ້ຕິດ ເຊື້ອພາຍໃນປະເທດ.

ຜູ້ຂຽນເຊື່ອວ່າຫຼາຍຄົນກໍຍັງຈື່ຈຳດີເມື່ອ 17 ກ່ອນ(2003) ​ໂລກພວກເຮົາກໍໄດ້ພົບພໍ້ກັບພະຍາດຊາຣສ໌ (SARS) ທີ່ອາການຄ້າຍຄື ກັນກັບການຕິດເຊື້ອໂຄໂຣນ່າໄວຣັສແລະມີຄວາມຮ້າຍແຮງໃກ້ຄຽງກັນແຕ່ໂລກພວກເຮົາກໍສາມາດປາບພະຍາດດັ່ງກ່າວລົງໄດ້ ແລະ ມາຮອດປັດຈຸ ບັນຄວາມກ້າວໜ້າທາງການແພດກໍຍິ່ງເພີ່ມທະວີຄູນເຊັ່ນ: ສາມາດບົ່ງ ມະຕິ ແລະ ກວດເບິ່ງພະຍາດໄດ້ໄວແລະຊັດເຈນຂຶ້ນກວ່າເກົ່າເຊິ່ງເຊື່ອແນ່ວ່າ ໄວຣັສໂຄໂຣນ່າຈະຖືກກຳຈັດໃນໄວໆນີ້.

ເພາະສະນັ້ນພວກເຮົາຢ່າຟ້າວກັງວົນໃຈຈົນເກີນເຫດແຕ່ຕ້ອງມີສະຕິ ໃນການປ້ອງກັນຕະຫຼອດເວລາ, ຕິດຕາມຂໍ້ມູນຂ່າວສານເປັນປະຈຳ, ຟັງຄຳແນະນຳຈາກເຈົ້າໜ້າທີ່, ຜູ້ຊ່ຽວຊານເພື່ອການປ້ອງກັນທີ່ໄດ້ ຮັບຜົນ.

error: Alert: Content is protected !!