ເຕັກນິກກວດພາຍໃນສຳລັບສາວໂສດ

ເຕັກນິກກວດພາຍໃນສຳລັບສາວໂສດ - 8933 - ເຕັກນິກກວດພາຍໃນສຳລັບສາວໂສດ
ເຕັກນິກກວດພາຍໃນສຳລັບສາວໂສດ - AGL banner - ເຕັກນິກກວດພາຍໃນສຳລັບສາວໂສດ

     + ຄວນກວດພາຍໃນເມື່ອໃດ ?

     ແມ່ຍິງທຸກຄົນທີ່ມີເພດສຳພັນແລ້ວ ແລະ ສາວໂສດອາຍຸ 21 ປີຂຶ້ນໄປກໍຄວນກວດທຸກປີ ການກຽມໂຕກວດພາຍໃນ ຄວາມຈິງແລ້ວ ການກວດພາຍໃນບໍ່ຕ້ອງກຽມໂຕຫຍັງຫລາຍ ຂໍ້ຄວນປະຕິບັດມີດັ່ງນີ້:

     – ກຽມໃຈ ຢ່າຢ້ານ ເພາະການກວດພາຍໃນບໍ່ຫຍຸ້ງຍາກ, ບໍ່ເຈັບ, ບໍ່ໜ້າອາຍ.

     – ກຽມຮ່າງກາຍ ໄດ້ແກ່ : ຄວນມາກວດຕອນທີ່ບໍ່ໄດ້ເປັນປະຈຳເດືອນ ຫາກປະຈຳເດືອນຜິດປົກກະຕິ ເຊັ່ນ : ມາໜ້ອຍ, ມາຊ້າ, ມາໄວ ກໍສາມາດກວດພາຍໃນໄດ້ເລີຍ.

     – ງົດເວັ້ນການມີເພດສຳພັນກ່ອນມາກວດ.

– ບໍ່ຕ້ອງສວນລ້າງ ຫລື ເຮັດຄວາມສະອາດກ່ອນມາກວດພາຍໃນ ເພາະອາດເຮັດໃຫ້ບໍ່ເຫັນຮ່ອງຮອຍຂອງລົງຂາວ ຫລື ອາການຜິດປົກກະຕິອື່ນໆ.

     – ຍ່ຽວຖິ້ມກ່ອນມາກວດ ເພາະຫາກກັ້ນຍ່ຽວ ແພດອາດຈະເຂົ້າໃຈຜິດວ່າເປັນຖົງນຳ້ຜິດປົກກະຕິໃນຜົ້ງທ້ອງໄດ້.

     – ເຮັດຄວາມສະອາດ, ອາບນຳ້ ຕາມປົກກະຕິກໍພຽງພໍທີ່ຈະມາກວດ ພາຍໃນ, ບໍ່ຕ້ອງແຖຂົນອະໄວຍະ ວະເພດ.

 – ແມ່ຍິງໂສດທີ່ມີອາຍຸ 21 ປີຂຶ້ນໄປ ຄວນເຂົ້າຮັບການກວດພາຍໃນທຸກປີ.

ເຕັກນິກກວດພາຍໃນສຳລັບສາວໂສດ - Wave100S AD to Website 2020 0 - ເຕັກນິກກວດພາຍໃນສຳລັບສາວໂສດ

     + ຂໍ້ດີຂອງການກວດພາຍໃນ : ເປັນການກວດຮ່າງກາຍຊະນິດດຽວທີ່ອົງການອະນາໄມໂລກຍົກຍ່ອງວ່າກຸ້ມຄ່າທີ່ສຸດ ທັງເວລາທີ່ເສຍໄປ, ຄ່າໃຊ້ຈ່າຍ ແລະ ຜົນທີ່ໄດ້ຮັບ. ດັ່ງນັ້ນ, ສາວໂສດອາຍຸເກີນ 21 ປີ ຄວນກວດພາຍໃນເປັນປະຈຳ, ແຕ່ການກວດພາຍໃນຂອງສາວໂສດຈະແຕກຕ່າງຈາກການກວດພາຍໃນຂອງສາວທີ່ຜ່ານການແຕ່ງດອງແລ້ວ ດັ່ງນີ້ :

     1. ໃນສາວໂສດທົ່ວໄປສາມາດກວດພາຍໃນໄດ້ ໂດຍໃຊ້ເຄື່ອງມືຄ້າຍຄືປາກເປັດຂະໜາດນ້ອຍແລະ ໃຊ້ນຳ້ຢາຫລໍ່ລື້ນຊ່ວຍ.

  2. ໃນສາວໂສດບາງຄົນ ເນື້ອເຍື່ອພົມມະຈັນບໍ່ຫົດຢືດ, ບໍ່ສາມາດໃສ່ເຄື່ອງມືທີ່ຄ້າຍຄືປາກເປັດກວດພາຍໃນໄດ້ ອາດກວດທາງທະວານໜັກແທນ ເຊິ່ງບໍ່ສາມາດກວດຫາມະເຮັງປາກມົດລູກໄດ້, ແຕ່ອາດກວດພະຍາດອື່ນໆໄດ້ ເຊັ່ນ : ພະຍາດເນື້ອເຍື່ອຜົ້ງມົດລູກຈະເລີນເຕີບໃຫຍ່ຜິດບ່ອນ, ຊີ້ນປົ່ງໃນມົດລູກ, ຊີ້ນປົ່ງຮັງໄຂ່,  ກ້ອນເບົ້າ ເປັນຕົ້ນ.

     3. ໃນຄົນທີ່ບໍ່ຢາກກວດພາຍໃນເລີຍ ອາດກວດຜົ້ງທ້ອງໂດຍໃຊ້ເຄື່ອງເອັກໂກ້ ເຊິ່ງສາມາດກວດຫາພະຍາດ ຫລື ຊີ້ນປົ່ງໃນມົດລູກ, ຊີ້ນປົ່ງຮັງໄຂ່, ກ້ອນເບົ້າ, ແຕ່ບໍ່ສາມາດກວດຫາມະເຮັງປາກມົດລູກ ແລະ ພະຍາດເນື້ອເຍື່ອມົດລູກຈະເລີນຜິດບ່ອນຊະນິດທີ່ບໍ່ແມ່ນກ້ອນເບົ້າໄດ້.

     4. ໃນຄົນທີ່ບໍ່ຢາກກວດພາຍໃນປະຈຳປີ ອາດຈະກວດ 3 ປີເທື່ອໜຶ່ງ ແຕ່ຕ້ອງສັງເກດອາການຜິດປົກກະຕິຂອງຮ່າງກາຍ ແລະ ມາກວດທັນທີທີ່ມີອາການຜິດປົກກະຕິ ເຊັ່ນ : ມີລົງຂາວຜິດປົກກະຕິ, ເຈັບທ້ອງ, ຍື່ງທ້ອງປະຈຳເດືອນມາຜິດປົກກະຕິ, ປວດປະຈຳເດືອນ, ຍ່ຽວຜິດປົກກະຕິ, ຄຳພົບກ້ອນໃນທ້ອງໄດ້ ແລະ ອື່ນໆ.

      ແນວໃດກໍຕາມ ຕ້ອງເຮັດໃຈວ່າ ຫາກມາກວດຕາມອາການທຳມະຊາດຂອງບາງພະຍາດກ່ວາຈະມີອາການກໍຈະເປັນຫລາຍແລ້ວ ເຊັ່ນ: ມະເຮັງຮັງໄຂ່ ເປັນຕົ້ນ.

ເຕັກນິກກວດພາຍໃນສຳລັບສາວໂສດ - lattana 1 - ເຕັກນິກກວດພາຍໃນສຳລັບສາວໂສດ
error: Alert: Content is protected !!