EU ຍົກ​ເລີກ​ສິດທິ​ພິ​ເສດ​ການ​ຄ້າ​ບາງ​ສ່ວນ​ຂອງ​ກຳປູ​ເຈຍ

eu ຍົກ​ເລີກ​ສິດທິ​ພິ​ເສດ​ການ​ຄ້າ​ບາງ​ສ່ວນ​ຂອງ​ກຳປູ​ເຈຍ - advert banner 728 90 728x90 - EU ຍົກ​ເລີກ​ສິດທິ​ພິ​ເສດ​ການ​ຄ້າ​ບາງ​ສ່ວນ​ຂອງ​ກຳປູ​ເຈຍ

     ສະຫະພາບ​ເອີຣົບ ຍົກ​ເລີກສ່ວນ​ໜຶ່ງ​ຂອງ​ສິດທິ​ພິ​ເສດ​ທາງ​ການ​ຄ້າ​ທີ່​ມອບ​ໃຫ້​ກຳປູ​ເຈຍ ​ໂດຍ​ໃຫ້​ເຫດຜົນ​ເລື່ອງ​ສິດທິ​ມະນຸດ ​ແລະ ຍົກ​ລະດັບ​ການ​ຮ່ວມ​ມື​ກາ​ນຄ້າ​ກັບ​ຫວຽດນາມ​ຢ່າງ​ເປັນ​ທາງ​ການ.

eu ຍົກ​ເລີກ​ສິດທິ​ພິ​ເສດ​ການ​ຄ້າ​ບາງ​ສ່ວນ​ຂອງ​ກຳປູ​ເຈຍ - lattana 1 - EU ຍົກ​ເລີກ​ສິດທິ​ພິ​ເສດ​ການ​ຄ້າ​ບາງ​ສ່ວນ​ຂອງ​ກຳປູ​ເຈຍ
eu ຍົກ​ເລີກ​ສິດທິ​ພິ​ເສດ​ການ​ຄ້າ​ບາງ​ສ່ວນ​ຂອງ​ກຳປູ​ເຈຍ - Wave100S AD to Website 2020 0 - EU ຍົກ​ເລີກ​ສິດທິ​ພິ​ເສດ​ການ​ຄ້າ​ບາງ​ສ່ວນ​ຂອງ​ກຳປູ​ເຈຍ

      ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ຄະນະ​ກຳມາ​ທິການ​ເອີຣົບ (EC) ​ເຊິ່ງ​ເປັນ​ຝ່າຍ​ບໍລິ​ຫານ​ຂອງ​ສະຫະພາບ​ເອີຣົບ (EU) ອອກ​ຖະ​ແຫລ​ງການ​ໃນ​ວັນ​ທີ 12 ກຸມພາ​ ​ເລື່ອງ​ຍົກ​ເລີກ​ສິດທິ​ພິ​ເສດ​ທາງ​ການ​ຄ້າ​ຂອງ​ກຳປູ​ເຈຍ​ໃນ​ການ​ເຂົ້າ​ເຖິງ​ລະບົບ​ຕະຫລາດ​ດຽວ​ຂອງ​ສະຫະພາບ ​ໃນ​ໂຄງການ​ຍົກ​ເວັ້ນສິນຄ້າ​ຈຳພວກ​ອາວຸດ​ຍຸດ​ໂທ​ປະກອນ (Everything but Arms: EBA) ຫລື “ຂາຍ​ໄດ້​ທຸກ​ຢ່າງ​ທີ່​ບໍ່​ແມ່ນ​ອາວຸດ” ​ເຊິ່ງ EU ສະ​ເໜີ​ໃຫ້​ຢ່າງ​ໜ້ອຍ 48 ປະ​ເທດ ​ໂດຍ​ກຳປູ​ເຈຍ​ຈະ​ສູນ​ເສຍ​ສິດ​ດັ່ງກ່າວ​ປະມານ 1.000 ລ້ານ​ເອີ​ໂຣ ຫລື 20% ຈາກ​ມູນ​ຄ່າ​ທັງ​ໝົດ​ຂອງ​ສິນຄ້າ​ສົ່ງ​ອອກ​ຈາກ​ກຳປູ​ເຈຍ​ໄປ EU.

      ທັງ​ນີ້ EC ​ໃຫ້​ເຫດຜົນ​ຂອງ​ການ​ຍົກ​ເລີກ​ສິດ​ພິ​ເສດ​ບາງ​ສ່ວນ​ຂອງ​ກຳປູ​ເຈຍ​ຈາກ​ໂຄງການ EBA ວ່າ: ​ເປັນ​ຜົນ​ຈາກ​ການ​ທີ່​ລັດຖະບານ​ກຳປູ​ເຈຍ​ຂອງ​ນາຍົກລັດຖະມົນຕີ ສົມ​ເດັດ ຮຸນ​ເຊ​ນ ລະ​ເມີດ​ສິດທິ​ມະນຸດ​ຂອງ​ພົນລະ​ເມືອງ “ຢ່າງ​ຮ້າຍ​ແຮງ ​ແລະ ​ເປັນ​ລະບົບ” ​ໂດຍ EC ກຳນົດ “​ເສັ້ນຕາຍ” 30 ວັນ ​ເລີ່​ມ​ວັນ​ທີ 12 ພະຈິກ​ປີຜ່ານມາ ​ໃຫ້​ລັດຖະບານ​ກຳປູ​ເຈຍ​ແກ້​ໄຂ​ບັນຫາ​ສິດທິ​ມະນຸດ​ໃນ​ປະ​ເທດ​ຈົນ​ຢູ່​ໃນ​ລະດັບ “​ເພິ່ງ​ພໍ​ໃຈ”.

     ມື້ດຽວ​ກັນ, ສະພາ​ເອີຣົບມີ​ມະຕິ​ສຽງ​ສ່ວນ​ຫລາຍ 401 ຕໍ່ 192 ສຽງ ​ໃຫ້​ສັດຕະຍາບັນ​ຮັບຮອງ​ຂໍ້​ຕົກລົງ​ການ​ຄ້າ​ເສລີ (FTA) ກັບ​ຫວຽດນາມ ຫລັງ​ລົງ​ນາມ​ຮ່ວມ​ກັນ​ຢູ່​ນະຄອນ​ຫລວງ​ຮ່າ​ໂນ້ຍ ​ໃນ​ເດືອນ​ມິຖຸນາ​ປີຜ່ານມາ. ຖື​ເປັນ​ປະ​ເທດ​ທີ 2 ​ໃນ 10 ປະ​ເທດອາ​ຊຽນ ​ເຊິ່ງມີ FTA ກັບ EU ຕໍ່ຈາກ​ສິງກະ​ໂປ, ສ່ວນ​ສະພາ​ແຫ່ງ​ຊາດ​ຂອງ​ຫວຽດນາມ​ມີ​ກຳນົດ​ໃຫ້​ສັດຕະຍາບັນ​ຕໍ່ FTA ກັບ EU ພາຍ​ໃນ​ເດືອນ​ພຶດສະພາ​ປີ​ນີ້.

error: Alert: Content is protected !!