ສານປະຊາຊົນນະຄອນຫລວງວຽງຈັນຕັດສິນລົງໂທດພະນັກງານສໍ້ລາດບັງຫລວງຈໍາຄຸກຕະຫລອດຊີວິດ

ສານປະຊາຊົນນະຄອນຫລວງວຽງຈັນຕັດສິນລົງໂທດພະນັກງານສໍ້ລາດບັງຫລວງຈໍາຄຸກຕະຫລອດຊີວິດ - Lpn New Recovered - ສານປະຊາຊົນນະຄອນຫລວງວຽງຈັນຕັດສິນລົງໂທດພະນັກງານສໍ້ລາດບັງຫລວງຈໍາຄຸກຕະຫລອດຊີວິດ
ສານປະຊາຊົນນະຄອນຫລວງວຽງຈັນຕັດສິນລົງໂທດພະນັກງານສໍ້ລາດບັງຫລວງຈໍາຄຸກຕະຫລອດຊີວິດ - Untitled design - ສານປະຊາຊົນນະຄອນຫລວງວຽງຈັນຕັດສິນລົງໂທດພະນັກງານສໍ້ລາດບັງຫລວງຈໍາຄຸກຕະຫລອດຊີວິດ

ເມື່ອທ້າຍອາທິດຜ່ານມານີ້, ສານປະຊາຊົນນະຄອນຫລວງວຽງຈັນ, ໄດ້ຕັດສີນລົງໂທດພະນັກງານຂອງລັດວິສາຫະກິດລາວບໍລິການສີນຄ້າຜ່ານແດນທີ່ຂຶ້ນກັບກະຊວງການເງິນຄື: ທ້າວຄໍາແພງອາຍຸ 62 ປີອະດິດຜູ້ອໍານວຍການລັດວິສາຫະກິດດັ່ງກ່າວ, ຢູ່ບ້ານຈອມເພັດເມືອງສີສັດຕະນາກນະຄອນຫລວງວຽງຈັນໃຫ້ຈໍາຄຸກຕະຫລອດຊີວິດ, ພ້ອມທັງປັບໄໝຈໍານວນ 1% ຂອງມູນຄ່າທີ່ຜູ້ກ່ຽວໄດ້ສໍ້ລາດບັງຫລວງເອົາໄປ, ຮິບທີ່ດິນ 2 ຕອນ, ລົດໃຫຍ່ 2 ຄັນເປັນຂອງລັດແລະພ້ອມທັງໃຫ້ໃຊ້ເງິນທີ່ຍັງຄ້າງຄືນໃຫ້ລັດທັງໝົດ, ພ້ອມນີ້ແລະສານຍັງໄດ້ຕັດສີນລົງໂທດພະນັກງານທີ່ຮ່ວມກະທໍາຜິດປະກອບມີທ້າວຈັນທະວີສຸກອາຍຸ 57 ປີຢູ່ບ້ານຈອມແຈ້ງເມືອງສີສັດຕະນາກ, ທ້າວພອນປະເສີດອາຍຸ 48 ປີຢູ່ບ້ານພະຂາວເມືອງໄຊທານີແລະທ້າວພູສົມບູນອາຍຸ 38 ປີຢູ່ບ້ານປາກດົງ, ເມືອງທ່າແຂກແຂວງຄໍາມ່ວນໃຫ້ຈໍາຄຸກຜູ້ລະ 18 ປີ,​ພ້ອມປັບໃໝ 1% ຂອງມູນຄ່າເສຍຫາຍ, ແຕ່ຈໍາເລີຍທັງ 3 ໄດ້ສົ່ງເງິນທີ່ຍັກຍອກຄືນໃຫ້ລັດແລ້ວສານຈຶ່ງພິຈາລະນາຫລຸດຜ່ອນໂທດເຫລືອເຄິ່ງໜຶ່ງຄືໃຫ້ຈໍາຄຸກຜູ້ລະ 9 ປີ.

ເຈົ້າໜ້າທີ່ໃຫ້ຮູ້ວ່າ: ຈໍາເລີຍທັງ 4 ຄົນຖືກເຈົ້າໜ້າທີ່ຈັບຕົວເມື່ອທ້າຍເດືອນມັງກອນ 2019 ຜ່ານມາ, ເຊິ່ງໃນທີ່ປະຊຸມສານໃຫ້ຮູ້ວ່າ: ນັບແຕ່ທ້າວຄໍາແພງໄດ້ເຂົ້າມາຮັບໜ້າທີ່ເປັນຜູ້ອໍານວຍການລັດວິສາຫະກິດດັ່ງກ່າວນັບແຕ່ປີ 2008 ເປັນຕົ້ນມາ,ກໍເລີ່ມມີການສໍ້ລາດບັງຫລວງເອົາເງິນຂອງບໍລິສັດຫລາຍຮູບແບບຄື: ຮັບເງິນນາຍໜ້າຈາກຜູ້ຮັບເໝົາບຸກເບີກເນື້ອທີ່ສ້າງສາງຂອງລັດວິສາຫະກິດບໍລິການຜ່ານແດນຢູ່ແຂວງຈໍາປາສັກ,ຄໍາມ່ວນ, ຕັດຮອນເອົາເງິນຄ່າບໍລິການຄ່ຽນຖ່າຍຕູ້ຄອນເທນເນີບ້ວງອາກອນມູນຄ່າເພີ່ມ, ນໍາໃຊ້ບັດວີຊາຂອງຫ້ອງການຖອນເງິນມາໃຊ້ສ່ວນຕົວໃນເວລາໄປຕ່າງປະເທດ, ໂດຍໄດ້ຮ່ວມຫົວເຂົ້າກັບພະນັກງານຂອງຕົນຈໍານວນໜຶ່ງແລະນັກທຸລະກິດທີ່ກ່ຽວພັນກັບວຽກງານທີ່ຕົນເອງຄຸ້ມຄອງເພື່ອສ້າງຮັ່ງຄູນມີໃຫ້ແກ່ຕົນເອງແລະ ພວກຜ່ອງແບບບໍ່ຊອບທໍາ, ອັນໄດ້ສ້າງຄວາມເສຍຫາຍໃຫ້ແກ່ງົບປະມານລັດເປັນຈໍານວນຫລາຍຕື້ກີບ. ນອກນີ້, ຜູ້ກ່ຽວຍັງໄດ້ສັ່ງຈ່າຍເງິນບໍາເນັດ-ອຸດໜູນຕ່າງໆໃຫ້ພະນັກງານການນໍາກະຊວງການເງິນແລະພະນັກງານຂັ້ນການນໍາຂອງແຂວງຄໍາມ່ວນ, ຈໍາປາສັກແລະບໍ່ແກ້ວທີ່ບໍ່ສອດຄ່ອງກັບລະບຽບກົດໝາຍລວມມີທັງໝົດ 343 ຄົນຕົກເປັນມູນຄ່າຫລາຍກວ່າ 6,3 ຕື້ກວ່າກີບ.

ສານປະຊາຊົນນະຄອນຫລວງວຽງຈັນຕັດສິນລົງໂທດພະນັກງານສໍ້ລາດບັງຫລວງຈໍາຄຸກຕະຫລອດຊີວິດ - Wave100S AD to Website 2020 0 - ສານປະຊາຊົນນະຄອນຫລວງວຽງຈັນຕັດສິນລົງໂທດພະນັກງານສໍ້ລາດບັງຫລວງຈໍາຄຸກຕະຫລອດຊີວິດ
ສານປະຊາຊົນນະຄອນຫລວງວຽງຈັນຕັດສິນລົງໂທດພະນັກງານສໍ້ລາດບັງຫລວງຈໍາຄຸກຕະຫລອດຊີວິດ - WhatsApp Image 2020 05 27 at 5 - ສານປະຊາຊົນນະຄອນຫລວງວຽງຈັນຕັດສິນລົງໂທດພະນັກງານສໍ້ລາດບັງຫລວງຈໍາຄຸກຕະຫລອດຊີວິດ
ສານປະຊາຊົນນະຄອນຫລວງວຽງຈັນຕັດສິນລົງໂທດພະນັກງານສໍ້ລາດບັງຫລວງຈໍາຄຸກຕະຫລອດຊີວິດ - WhatsApp Image 2020 05 27 at 5 - ສານປະຊາຊົນນະຄອນຫລວງວຽງຈັນຕັດສິນລົງໂທດພະນັກງານສໍ້ລາດບັງຫລວງຈໍາຄຸກຕະຫລອດຊີວິດ
error: Alert: ເນື້ອຫາຂ່າວມີລິຂະສິດ !!