​ເບິ່ງ​ຕື່ມລາຍການວິທະຍຸລາວ​ໃຫ້​ສອດຄ່ອງ

​ເບິ່ງ​ຕື່ມລາຍການວິທະຍຸລາວ​ໃຫ້​ສອດຄ່ອງ - 58 5 - ​ເບິ່ງ​ຕື່ມລາຍການວິທະຍຸລາວ​ໃຫ້​ສອດຄ່ອງ
​ເບິ່ງ​ຕື່ມລາຍການວິທະຍຸລາວ​ໃຫ້​ສອດຄ່ອງ - Untitled design - ​ເບິ່ງ​ຕື່ມລາຍການວິທະຍຸລາວ​ໃຫ້​ສອດຄ່ອງ

ລູກເມືອງພວນ

ສະບາຍດີ ​ເພື່ອນ​ຜູ້​ອ່ານ​ທີ່​ຮັກ​ແພງ, ຂ້າພະເຈົ້າເປັນຜູ້ໜຶ່ງທີ່ມັກຕິດຕາມ ແລະ ມັກຟັງລາຍການຕ່າງໆ​ຂອງ​ທຸກໆ​ສະຖານີວິທະຍຸກະຈາຍສຽງເປັນປະຈຳ ​ເພາະແມ່ນພາຫະນະສື່ມວນຊົນໜຶ່ງທີ່ແຫຼມຄົມຂອງພັກ ແລະ ໄດ້ປະກອບສ່ວນສຳຄັນເຂົ້າໃນຂະບວນການປະຕິວັດປົດປ່ອຍຊາດ​ໃນ​ເມື່ອ​ກ່ອນ ກໍ​ຄື​ການ​ສ້າງສາ​ພັດທະນາ​ປະ​ເທດ​ຊາດ​ໃນ​ປັດຈຸບັນ, ວິທະຍຸກະຈາຍສຽງແຫ່ງຊາດລາວ​ໄດ້​ກາຍເປັນເພື່ອນມິດສະໜິດຕິດພັນກັບປະຊາຊົນລາວຕັ້ງແຕ່ໃດໆມາ, ເຂົ້າປ່າຜ່າດົງ, ເອົາຫຼົວຫາຟືນ, ຢູ່ຕາມທົ່ງໄຮ່ທົ່ງນາ ວິທະຍຸ​ໄດ້ເປັນກຳລັງໃຈໃຫ້ຊາວກະສິກອນລາວໃນການຜະລິດ. “ນອນຖຽງນາຟັງເພງ ລົມເຢັນພັດມາ ເຮັດໃຫ້ສວ່າງກາຍຍາ, ອູລາເບີກບານ”, ໃຫ້ຂໍ້ມູນຂ່າວສານ ທີ່ເປັນປະໂຫຍດສາລະພັດເລື່ອງຕໍ່ຄົນທັງຊາດ. ວິທະຍຸຍັງເປັນນັກຮົບທີ່ແຂງແກ່ນ, ບໍ່ຮູ້ອິດຮູ້ເມື່ອຍ, ບໍ່ຢ້ານເສິກເສືອເໜືອໃຕ້, ນອນດິນກິນຫຍ້າກັບນັກຮົບປະຕິວັດ. ຕົກມາເຖິງທຸກວັນນີ້ ກໍຍັງສືບຕໍ່ໃນສະໜາມຮົບປົກປັກຮັກສາ ແລະ ພັດທະນາສ້າງສາປະເທດຊາດຢ່າງແຂ່ງ​ແຮງ. ວິທະຍຸກະຈາຍສຽງ ໄດ້ເຮັດໃຫ້ໂລກຮັບຮູ້ລາວ, ຮູ້ເຊີດຊູກຽດສັກສີຄົນລາວໃນເວທີສາກົນຫລາຍ​ຂຶ້ນ.

ເວົ້າເຖິງເນື້ອໃນລາຍການກໍອຸດົມສົມບູນ ແລະ ຫຼາກຫຼາຍສີສັນ ອັນເຮັດໃຫ້ມີຄວາມປະທັບໃຈ ແລະ ດຶງດູດເອົາຄວາມສົນໃຈຂອງມວນຊົນຟັງວິທະຍຸນັບມື້ນັບຫຼາຍຂຶ້ນ. ​ແຕ່​ຄຽງ​ຄູ່​ກັນນັ້ນ, ຕາມການ​ຕິດຕາມຂອງ​ຜູ້​ຂຽນຜ່ານມາຍັງເຫັນມີບາງຈຸດທີ່ຈະຕ້ອງໄດ້ເອົາໃຈໃສ່ຕື່ມອີກ ເປັນຕົ້ນແມ່ນ: ບັນຫາເນື້ອໃນຂ່າວບໍ່ທັນອຸດົມສົມບູນ ບໍ່ພຽງພໍກັບການຂອງ​ຜູ້​ຟັງ. ​ໃນ​ຂະນະ​ດຽວ​ກັນ ກໍ​ມັກ​ຈະ​ເອົາລາຍການເພງມາຂັ້ນລາຍການ ຫລື ການ​ນຳ​ສະ​ເໜີ​ຂ່າວ ຫລື ສາລະ​ໃດ​ໜຶ່ງ​ຫລາຍ​ໂພດ ​ເບິ່ງ​ຄືເພື່ອຢືດເວລາໃຫ້ເຕັມ​ໃນ​ລາຍການ​ນັ້ນ. ການທີ່ເຮັດແບບນີ້ກໍສະແດງວ່າ ເນື້ອໃນຂ່າວມີໜ້ອຍ, ແຕ່ເວລາຊໍ້າພັດຫຼາຍ ຈຶ່ງຈຳເປັນຕ້ອງໄດ້ເອົາເພງມາຂັ້ນໄວ້ເປັນແຮງຂ້າເວລາໃຫ້ເຕັມ. ນີ້ຄືຈຸດອ່ອນທີ່ສຸດຂອງທຸກໆລາຍການທາງວິທະຍຸລາວທຸກຊ່ອງ, ທຸກສະຖານີ, ທຸກລາຍການລ້ວນແຕ່ເປັນລັກສະນະດຽວກັນ ຫລື ​ແມ່ນ​ຫລັກການ​ຂອງ​ລາຍການ​ບໍ ?. ຖ້າ​ເວົ້າຜິດ​ກໍ​ຂໍອະ​ໄພ​ນຳ​ດ້ວຍ, ​ແຕ່​ທັງ​ໝົດ​ໄດ້​ລະບາຍ​ອອກ​ກໍ​ເພື່ອ​ຫວັງ​ຢາກ​ປັບປຸງ​ໃຫ້​ພາຫະນະ​ສື່​ມວນ​ຊົນ​ເຮົາ​ນັບ​ມື້​ເຂັ້ມ​ແຂງ ​ແລະ ຊ່ວຍ​ສ້າງສາ​ພັດທະນາ​ປະ​ເທດ​ຊາດ​ໄດ້​ຢ່າງ​ມີ​ປະສິດທິ​ຜົນ ​ແລະ ຄຽງ​ຄູ່​ກັນນັ້ນ ກໍ​ບໍ່​ສະ​ເພາະແຕ່ວິທະຍຸ, ໜັງສືພິມ, ໂທລະພາບ ຄົງຕົວຢູ່ໄດ້ກໍຍ້ອນມີການດຳເນີນທຸລະກິດໃຫ້ສະຖາບັນຂອງຕົນເຊັ່ນ: ໂຄສະນາໃຫ້ບໍລິສັດ, ຫ້າງຮ້ານຕ່າງໆ. ແຕ່ເພື່ອຫຼີກລ່ຽງຄວາມແຫ້ງແລ້ງດັ່ງກ່າວ, ຜູ້ຂຽນຂໍປະກອບຄຳຄິດເຫັນເພື່ອເປັນການສ້າງສັນແບບນີ້ໄດ້ບໍ ?

​ເບິ່ງ​ຕື່ມລາຍການວິທະຍຸລາວ​ໃຫ້​ສອດຄ່ອງ - Wave100S AD to Website 2020 0 - ​ເບິ່ງ​ຕື່ມລາຍການວິທະຍຸລາວ​ໃຫ້​ສອດຄ່ອງ

ຕາມທີ່ຜູ້ຂຽນຕິດຕາມມາທຸກໆລາຍການວິທະຍຸ​ສ່ວນ​ຫລາຍມີເວລາພຽງແຕ່ 30 ນາທີ ຄ້າຍຄືກັນ. ແຕ່ເນື້ອໃນຂ່າວຕົ້ນຕໍຂອງລາຍການນັ້ນບາງ​ເທື່ອ​ກໍບໍ່ພຽງພໍຈຶ່ງໄດ້ເອົາເພງ ຫຼື ໂຄສະນາມາຂັ້ນໄວ້ ເພື່ອໃຫ້ເຕັມເວລາ. ເຮັດແບບນີ້ ກໍ​ຫາກ​ດີ, ​ແຕ່​ຖ້າ​ດີກ​ວ່າ​ນັ້ນ ລາຍການ​ໃດ​ຄວນ​ໃຫ້​ເປັນ​ແນວ​ນັ້ນ, ບໍ່​ຄວນ​ເອົາ​ອັນ​ອື່ນ​ມາ​ປົນ​ເປ​ຫລາຍ. ດັ່ງນັ້ນ ​ເຮົາ​ຕ້ອງ​ຊອກ​ຂ່າວ ຫລື ສາລະ​ຕ່າງໆໃຫ້ພຽງພໍ ເພື່ອຈະໄດ້ເວົ້າແຕ່ເລື່ອງນັ້ນຈົນຈົບ 30 ນາທີ ຫຼື ຫລາຍ​ກວ່າ​ນັ້ນ ແລ້ວແຕ່ຄວາມເໝາະສົມ. ດັ່ງຫລາຍປະເທດ​ເພິ່ນ​ເຄີຍ​ເຮັດ. ຕົວຢ່າງ: ຂ່າວໂລກ 30 ນາທີ ​ເພິ່ນກໍຈະເອົາແຕ່ຂ່າວໂລກມາອອກໃຫ້ເຕັມ 30 ນາທີ ໂດຍບໍ່ມີລາຍການອື່ນ​ມາຂັ້ນ; ລາຍການກະສິກຳກໍຈະເວົ້າແຕ່ເລື່ອງການຜະລິດເຕັມ 30 ນາທີ ໂດຍບໍ່ມີການໂຄສະນາ ຫຼື ​ເອົາເພງອື່ນ​ມາຂັ້ນ; ລາຍການ ສຶກສາກໍເວົ້າແຕ່ເລື່ອງສຶກສາ ​ແມ່ນ​ຈະ​ເປັນ​ການ​ດີ​ທີ່​ສຸດ. ສຳລັບ​ລາຍການ​ໂຄສະນາ ຫລື ລາຍການ​ບັນ​ເທີ​ງຕ່າງໆ ກໍ​ຄວນ​ມີ​ສະ​ເພະ​ຕາມຄວາມເໝາະສົມ ​ເພື່ອ​ແນ​ໃສ່​ເຮັດ​ໃຫ້​ລາຍການ​ຕ່າງໆ​ທາງ​ວິທະຍຸ​ມີ​ຄວາມ​ໂດດ​ເດັ່ນ​ຍິ່ງ​ຂຶ້ນ ​ແລະ ບໍ່ເປັນຕາໜ້າເບື່ອ, ຟັງລາຍການໃດກໍໄດ້ປະໂຫຍດຈາກລາຍການນັ້ນຢ່າງ​ແທ້​ຈິງ.

​ເບິ່ງ​ຕື່ມລາຍການວິທະຍຸລາວ​ໃຫ້​ສອດຄ່ອງ - WhatsApp Image 2020 05 27 at 5 - ​ເບິ່ງ​ຕື່ມລາຍການວິທະຍຸລາວ​ໃຫ້​ສອດຄ່ອງ
​ເບິ່ງ​ຕື່ມລາຍການວິທະຍຸລາວ​ໃຫ້​ສອດຄ່ອງ - WhatsApp Image 2020 05 27 at 5 - ​ເບິ່ງ​ຕື່ມລາຍການວິທະຍຸລາວ​ໃຫ້​ສອດຄ່ອງ
error: Alert: ເນື້ອຫາຂ່າວມີລິຂະສິດ !!