ປະຊາຊົນຍັງລໍຖ້າເງິນຊົດເຊີຍໂຄງການເຂື່ອນໄຟຟ້າເຊລະນອງ

ປະຊາຊົນຍັງລໍຖ້າເງິນຊົດເຊີຍໂຄງການເຂື່ອນໄຟຟ້າເຊລະນອງ - 75 3 - ປະຊາຊົນຍັງລໍຖ້າເງິນຊົດເຊີຍໂຄງການເຂື່ອນໄຟຟ້າເຊລະນອງ
ປະຊາຊົນຍັງລໍຖ້າເງິນຊົດເຊີຍໂຄງການເຂື່ອນໄຟຟ້າເຊລະນອງ - Untitled design - ປະຊາຊົນຍັງລໍຖ້າເງິນຊົດເຊີຍໂຄງການເຂື່ອນໄຟຟ້າເຊລະນອງ

    ປະຊາຊົນ 2 ບ້ານຄື: ບ້ານ ລະເບົານ້ຳ ແລະ ບ້ານ ເລົ່ານ້ຳ ເມືອງ ນອງ ແຂວງ ສະຫວັນນະເຂດ ມີກ່ວາ 70 ຫລັງຄາເຮືອນ ແລະ 80 ກ່ວາຄອບຄົວ,  ທີ່ໄດ້ຮັບຜົນກະທົບຈາກໂຄງການເຂື່ອນໄຟຟ້າເຊລະນອງ 1, ມາດຮອດປັດຈຸບັນ ກໍຍັງບໍ່ທັນໄດ້ຮັບການຊົດເຊີຍຕາມສັນຍາຕົກລົງ ແລະ ຮຽກຮ້ອງໃຫ້ພາກລັດຊ່ວຍແກ້ໄຂ.

    ໃນໂອກາດ ທີ່ລົງເຄື່ອນໄຫວຢ້ຽມຢາມ ປະຊາຊົນ ທີ່ໄດ້ຮັບຜົນກະທົບຈາກເຂື່ອນໄຟຟ້າດັ່ງກ່າວ, ເມື່ອບໍ່ດົນມານີ້, ຂອງທ່ານ ຄຳເຜີຍ ຜັນທະຈອນ ປະທານສະພາປະຊາຊົນ ແຂວງ ສະຫວັນນະເຂດ, ໄດ້ຮັບຟັງການສະເຫນີຈາກປະຊາຊົນວ່າ: ປັດຈຸບັນ, ປະຊາຊົນມີພຽງ 74 ຫຼັງຄາເຮືອນ, ໃນບ້ານລະເບົານ້ຳ ແລະ ບ້ານ ລອບນ້ຳ ໄດ້ມີຊີວິດການເປັນຢູ່ດີຂຶ້ນຫຼັງຈາກທີ່ຖືກຍົກຍ້າຍ ແລະ ມີຄວາມສະດວກສະບາຍກວ່າເມື່ອກ່ອນ, ແຕ່ເຖີງແນວໄດກໍ່ຕາມ ທາງໂຄງການຍັງມີຂໍ້ຄົງຄ້າງຫຼາຍຢ່າງທີ່ຍັງບໍ່ທັນໄດ້ປະຕິບັດຕາມທີ່ສັນຍາກັບປະຊາຊົນໃນເບື້ອງຕົ້ນ.ໂດຍສະເພາະໂຄງການ ສະໜອງ ຫຼື ເອື້ອອຳນວຍຄວາມສະດວກຕ່າງໆຕາມທີ່ສັນຍາໄວ້ໃນເບື້ອງຕົ້ນຄື: ການເບີກຈ່າຍເງິນທົດແທນ, ການມຸງຫຼັງຄາເຮືອນ, ສ້ອມແປງເສັ້ນທາງແຕ່ເຂົ້າບ້ານລະເບົານ້ຳ, ເງິນທົດແທນເລົ້າເຂົ້າ, ບຸກເບີກເນື້ອທີ່ທໍາການຜະລິດ ແລະ ປັດໃຈຫຼັກແມ່ນບັນຫາ ນ້ຳກິນ, ນ້ຳໃຊ້ ເຊິ່ງໃນເມື່ອກ່ອນທາງໂຄງການໄດ້ເຈາະນ້ຳໃຊ້ ດ້ວຍໄດໂປມນ້ຳ ແຕ່ເນື່ອງຈາກພູມສັນຖານຂອງບ້ານແມ່ນມີລັກສະນະເປັນພູສູງ, ເປັນຮ່ອງຊັນ ພໍຮອດລະດູແລ້ງຈຶ່ງເຮັດໃຫ້ນ້ຳບົກ, ແຫ້ງ, ບໍ່ມີນ້ຳກິນ ນ້ຳໃຊ້ ດັ່ງນັ້ນຂໍໃຫ້ໂຄງການ ມີການປັບປຸງແກ້ໄຂ.

    ໂອກາດດຽວກັນນີ້, ປະທານສະພາປະຊາຊົນແຂວງ, ກໍ່ໄດ້ໂອ້ລົມ ໃຫ້ທິດຊີ້ນຳ ພ້ອມທັງຮັບເອົາຄຳສະເໜີຂອງປະຊາຊົນ, ເພື່ອລາຍງານໃຫ້ທາງຂັ້ນເທິງໄດ້ຮັບຮູ້ເພື່ອແກ້ໄຂໃນຕໍ່ໜ້າ

ປະຊາຊົນຍັງລໍຖ້າເງິນຊົດເຊີຍໂຄງການເຂື່ອນໄຟຟ້າເຊລະນອງ - Wave100S AD to Website 2020 0 - ປະຊາຊົນຍັງລໍຖ້າເງິນຊົດເຊີຍໂຄງການເຂື່ອນໄຟຟ້າເຊລະນອງ
ປະຊາຊົນຍັງລໍຖ້າເງິນຊົດເຊີຍໂຄງການເຂື່ອນໄຟຟ້າເຊລະນອງ - WhatsApp Image 2020 05 27 at 5 - ປະຊາຊົນຍັງລໍຖ້າເງິນຊົດເຊີຍໂຄງການເຂື່ອນໄຟຟ້າເຊລະນອງ
ປະຊາຊົນຍັງລໍຖ້າເງິນຊົດເຊີຍໂຄງການເຂື່ອນໄຟຟ້າເຊລະນອງ - WhatsApp Image 2020 05 27 at 5 - ປະຊາຊົນຍັງລໍຖ້າເງິນຊົດເຊີຍໂຄງການເຂື່ອນໄຟຟ້າເຊລະນອງ
error: Alert: ເນື້ອຫາຂ່າວມີລິຂະສິດ !!