ລາວເລັ່ງສ້າງແຮງງານສະໜອງໃຫ້ແກ່ໂຄງການທາງລົດໄຟ ລາວ-ຈີນ

ລາວເລັ່ງສ້າງແຮງງານສະໜອງໃຫ້ແກ່ໂຄງການທາງລົດໄຟ ລາວ-ຈີນ - 665 - ລາວເລັ່ງສ້າງແຮງງານສະໜອງໃຫ້ແກ່ໂຄງການທາງລົດໄຟ ລາວ-ຈີນ
ລາວເລັ່ງສ້າງແຮງງານສະໜອງໃຫ້ແກ່ໂຄງການທາງລົດໄຟ ລາວ-ຈີນ - Untitled design - ລາວເລັ່ງສ້າງແຮງງານສະໜອງໃຫ້ແກ່ໂຄງການທາງລົດໄຟ ລາວ-ຈີນ

ໃນກອງປະຊຸມປຶກສາຫາລືກ່ຽວກັບການຄຸ້ມຄອງແຮງງານສຳລັບໂຄງການກໍ່ສ້າງເສັ້ນທາງລົດໄຟ ລາວ-ຈີນ ໄດ້ຈັດຂຶ້ນເມື່ອທ້າຍອາທິດຜ່ານມານີ້ ຢູ່ແຂວງ ຫລວງພະບາງ, ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໃຫ້ຮູ້ວ່າ: ປັດຈຸບັນແຮງງານລາວທີ່ເຮັດວຽກໃນໂຄງງານກໍ່ສ້າງທາງລົດໄຟ ລາວ-ຈີນ ມີພຽງແຕ່ 3 ພັນກວ່າຄົນ ໃນຈຳນວນແຮງງານທັງໝົດທີ່ມີການຢັ້ງຢືນການນຳເຂົ້າຮັບໃຊ້ໂຄງການກໍ່ສ້າງມີຫລາຍກວ່າ 24 ພັນຄົນ (ລວມທັງຄົນຕ່າງປະເທດ ແລະ ຄົນລາວ), ແຮງງານລາວສ່ວນໃຫຍ່ເປັນແຮງງານດິບທີ່ບໍ່ມີສີກ່ຽວພັນໂດຍກົງກັບທາງລົດໄຟ, ເພາະສະນັ້ນ ໃນການຄຸ້ມຄອງໂຄງການ, ລັດຖະບານໄດ້ສ້າງຕັ້ງຄະນະກໍາມະການຊີ້ນໍາທັງລະດັບຊາດ ແລະ ທ້ອງຖິ່ນຂຶ້ນ ເພື່ອຊີ້ນຳ ແລະ ຕິດຕາມການດຳເນີນການກໍ່ສ້າງດັ່ງກ່າວໃຫ້ມີຄຸນນະພາບ ແລະ ສຳເລັດຕາມແຜນການທີ່ກຳນົດໄວ້ ແລະ ໃນຂະນະດຽວກັນ, ສ່ວນການນຳເຂົ້າແຮງງານຈາກຕ່າງປະເທດກໍເປັນບັນຫາໜຶ່ງທີ່ໂຄງການຕ້ອງໄດ້ເອົາໃຈປະຕິບັດຕາມສັນຍາກໍ່ສ້າງໂຄງການໃຫ້ໄດ້ ເປັນຕົ້ນແມ່ນການເຮັດໃຫ້ແຮງງານລາວໄດ້ເຂົ້າເຮັດວຽກນຳໂຄງການໃຫ້ຫຼາຍເທົ່າທີ່ຈະຫຼາຍໄດ້ ເພື່ອເປັນການເກັບກ່ຽວປະສົບການໃນການເຮັດວຽກ, ການສ້າງວຽກເຮັດງານທຳ ແລະ ມີຊີວິດການເປັນຢູ່ທີ່ດີຂຶ້ນ, ພ້ອມເອົາໃຈໃສ່ຈຳກັດນຳເຂົ້າແຮງງານຈາກຕ່າງປະເທດຕາມຄວາມຈຳເປັນຕົວຈິງ ແລະ ເອົາໃຈໃສ່ດູແລ, ປົກປ້ອງສິດ ແລະ ຜົນປະໂຫຍດຕາມກົດໝາຍວ່າດ້ວຍແຮງງານໃຫ້ແກ່ແຮງງານທັງສອງ.

ທ່ານລັດຖະມົນຕີ ຍົກໃຫ້ເຫັນວ່າ: ຈາກຜົນຂອງການຕິດຕາມ, ກວດກາການນຳໃຊ້ແຮງງານຢູ່ໂຄງການທາງລົດໄຟຜ່ານມາ, ສຳລັບແຮງງານລາວຍັງໄດ້ປະກອບສ່ວນເຂົ້າໃນໂຄງການພຽງແຕ່ຈຳນວນໜ້ອຍໜຶ່ງເທົ່ານັ້ນ ສະເລ່ຍລະຫວ່າງ 2 ຫາ 3 ພັນຄົນ ຈາກຄວາມຕ້ອງການຕົວຈິງເກືອບ 20 ພັນຄົນ. ເພາະສະນັ້ນ, ລັດຖະບານ ກໍຄືຄະນະຊີ້ນຳໂຄງການແຫ່ງຊາດຈຶ່ງມີຄວາມເປັນຫ່ວງຫຼາຍຕໍ່ບັນຫາດັ່ງກ່າວ ຈຶ່ງໄດ້ຕົກລົງ ຫຼື ຊີ້ນຳໃຫ້ຂະແໜງແຮງງານຂອງພວກເຮົາເອົາໃຈໃສ່ຕື່ມຕໍ່ການເຮັດໃຫ້ແຮງງານລາວໄດ້ເຂົ້າເຮັດວຽກນຳໂຄງການດັ່ງກ່າວຫລາຍຂຶ້ນ ທັງໃນໄລຍະການກໍ່ສ້າງ ແລະ ຫຼັງການກໍ່ສ້າງສຳເລັດ. ສຳລັບແຮງງານຕ່າງປະເທດກໍໃຫ້ພະຍາຍາມຄຸ້ມຄອງໃຫ້ດີທີ່ສຸດ, ພາຍຫລັງສຳເລັດໂຄງການແລ້ວແມ່ນໃຫ້ກັບຄືນປະເທດທຸກຄົນ ໂດຍບໍ່ມີການເຄື່ອນຍ້າຍໄປບ່ອນອື່ນ ເພື່ອສືບຕໍ່ທຳມາຫາກິນຢູ່ປະເທດເຮົາແບບບໍ່ຖືກຕ້ອງຕາມກົດໝາຍ. ໃນຜ່ານມາໄດ້ສະເຫນີຂໍເຮັດບັດແຮງງານ, ບັດພັກເຊົາ ແລະ ວີຊາເຂົ້າ-ອອກຫລາຍເທື່ອໃຫ້ກັບແຮງງານຕ່າງປະເທດ 24 ພັນກວ່າຄົນ ແລະ ກຳລັງດຳເນີນການຢູ່ 265 ຄົນ.

ລາວເລັ່ງສ້າງແຮງງານສະໜອງໃຫ້ແກ່ໂຄງການທາງລົດໄຟ ລາວ-ຈີນ - Wave100S AD to Website 2020 0 - ລາວເລັ່ງສ້າງແຮງງານສະໜອງໃຫ້ແກ່ໂຄງການທາງລົດໄຟ ລາວ-ຈີນ
ລາວເລັ່ງສ້າງແຮງງານສະໜອງໃຫ້ແກ່ໂຄງການທາງລົດໄຟ ລາວ-ຈີນ - WhatsApp Image 2020 05 27 at 5 - ລາວເລັ່ງສ້າງແຮງງານສະໜອງໃຫ້ແກ່ໂຄງການທາງລົດໄຟ ລາວ-ຈີນ
ລາວເລັ່ງສ້າງແຮງງານສະໜອງໃຫ້ແກ່ໂຄງການທາງລົດໄຟ ລາວ-ຈີນ - WhatsApp Image 2020 05 27 at 5 - ລາວເລັ່ງສ້າງແຮງງານສະໜອງໃຫ້ແກ່ໂຄງການທາງລົດໄຟ ລາວ-ຈີນ
error: Alert: ເນື້ອຫາຂ່າວມີລິຂະສິດ !!