ບັນຫາ​ຄົນ​ຂໍທານ​ຕ້ອງ​ແກ້​ໄຂ​ຢ່າງ​ຈິງ​ຈັງ

ບັນຫາ​ຄົນ​ຂໍທານ​ຕ້ອງ​ແກ້​ໄຂ​ຢ່າງ​ຈິງ​ຈັງ - 57 1 - ບັນຫາ​ຄົນ​ຂໍທານ​ຕ້ອງ​ແກ້​ໄຂ​ຢ່າງ​ຈິງ​ຈັງ
ບັນຫາ​ຄົນ​ຂໍທານ​ຕ້ອງ​ແກ້​ໄຂ​ຢ່າງ​ຈິງ​ຈັງ - Untitled design - ບັນຫາ​ຄົນ​ຂໍທານ​ຕ້ອງ​ແກ້​ໄຂ​ຢ່າງ​ຈິງ​ຈັງ

         ລູກ​ເມືອງ​ພວນ

     ສະບາຍດີ ​ເພື່ອນ​ຜູ້​ອ່ານ​ທີ່​ຮັກ​ແພງ​, ບັນຫາ​ຄົນ​ຂໍທານ​ຢູ່​ນະຄອນຫລວງ​ວຽງ​ຈັນ​ປາກົດ​ວ່າ​ນັບ​ມື້ນັບ​ຫລາຍ​ຂຶ້ນ. ປະ​ເພດ​ຄົນ​ຂໍທານ​ກໍ​ມີ​ຫລາຍ​ປະ​ເພດ: ຜູ້​ເຖົ້າ, ​ເດັກນ້ອຍ, ຊາຍ​ໜຸ່ມ​ຍິງ​ສາວ, ຜູ້​ເຈັບ​ປ່ວຍ, ​ເສຍ​ອົງຄະ, ບາງ​ຄົນ​ກໍ​ເປັນ​ຄົນ​ດີ​ມີ​ສຸຂະພາບ​ແຂງ​ແຮງ. ນອກຈາກ​ເຫັນ​ຢູ່​ໃນ​ນະຄອນຫລວງ​ວຽງ​ຈັນ​ແລ້ວ ຢູ່​ຕາມ​ແຂວງ​ຕ່າງໆ​ກໍ​ເຫັນ​ເຊັ່ນ​ດຽວ​ກັນ, ​ແຕ່​ພວກ​ຢູ່​ຕ່າງ​ແຂວງ​ແຕກ​ຕ່າງ​ກັບ​ຢູ່​ນະຄອນຫລວງ​ວຽງ​ຈັນ ກໍ​ຄື​ຍ່າງ​ເລາະ​ຂໍທານ​ເປັນ​ກຸ່ມ 2-3 ຄົນ​ໄປ​ຕາມ​ບ້ານ​ເຮືອນ​ຂອງ​ປະຊາຊົນ, ບາງ​ຄົນ​ກໍ​ເຈ່ຍ​ລູກນ້ອຍ​ໄປ​ນຳ ​ແລະ ສ່ວນ​ຫລາຍ​ເປັນ​ຜູ້ຍິງ. ຕາມ​ສັງ​ເກດ​ເຫັນ​ຄົນ​ຂໍທານ​ປະ​ເພດ​ດັ່ງກ່າວ ​ແມ່ນ​ໄລຍະ​ພາຍຫລັງ​ລະດູ​ເກັບ​ກ່ຽວ​ສິ້ນສຸດ​ລົງ. ໝາຍ​ຄວາມ​ວ່າ: ​ເປັນ​ໄລຍະ​ທີ່​ຫວ່າງ​ວຽກ​ຫວ່າງ​ງານ​ຂອງ​ຊາວ​ໄຮ່ນາ​ກະສິກອນ​ໃນ​ຊົນນະບົດ.

ບັນຫາ​ຄົນ​ຂໍທານ​ຕ້ອງ​ແກ້​ໄຂ​ຢ່າງ​ຈິງ​ຈັງ - khorthan - ບັນຫາ​ຄົນ​ຂໍທານ​ຕ້ອງ​ແກ້​ໄຂ​ຢ່າງ​ຈິງ​ຈັງ

     ບໍ່​ວ່າ​ແຕ່​ຢູ່​ປະ​ເທດ​ເຮົາ, ປະ​ເທດ​ໃດ​ກໍ​ມີ​ຄົນ​ຂໍທານ ຕ່າງ​ແຕ່​ວ່າ​ຫລາຍ ຫລື ໜ້ອຍ​ເທົ່າ​ນັ້ນ. ປະ​ເທດ​​ໃດ​ມີ​ຄົນ​ຂໍທານ​ຫລາຍ ມັນ​ສະທ້ອນ​ໃຫ້​ເຫັນ​ສະພາບ​ເສດຖະກິດ ຊີວິດ​ການ​ເປັນ​ຢູ່​ຂອງ​ປະ​ເທດ​ນັ້ນບໍ່​ດີ​ເທົ່າ​ທີ່​ຄວນ ​ແລະ ສະທ້ອນ​ໃຫ້​ເຫັນ​ຄວາມ​ອາດ​ສາມາດ​ໃນ​ການ​ສ້າງສາ​ພັດທະນາ​ປະ​ເທດ​ຊາດ​ຂອງ​ປະ​ເທດ​ນັ້ນອີກ​ດ້ວຍ. ພວກ​ເຮົາ​ລອງ​ສຳນຶກ​ນຳ​ກັນ​ເບິ່ງ​ວ່າ: ຖ້າ​ປະ​ເທດ​ໜຶ່ງໆ​ຫາກ​ເຕັມ​ໄປ​ແຕ່​ຄົນ​ຂໍທານ​ຈະ​ຮູ້ສຶກ​ແນວ​ໃດ.

ບັນຫາ​ຄົນ​ຂໍທານ​ຕ້ອງ​ແກ້​ໄຂ​ຢ່າງ​ຈິງ​ຈັງ - Wave100S AD to Website 2020 0 - ບັນຫາ​ຄົນ​ຂໍທານ​ຕ້ອງ​ແກ້​ໄຂ​ຢ່າງ​ຈິງ​ຈັງ
ບັນຫາ​ຄົນ​ຂໍທານ​ຕ້ອງ​ແກ້​ໄຂ​ຢ່າງ​ຈິງ​ຈັງ - unnamed 2 - ບັນຫາ​ຄົນ​ຂໍທານ​ຕ້ອງ​ແກ້​ໄຂ​ຢ່າງ​ຈິງ​ຈັງ

     ຕໍ່ໜ້າ​ສະພາບ​ການ​ດັ່ງກ່າວ​ຂໍ​ສະ​ເໜີ​ບາງ​ວິທີ​ແກ້​ໄຂ​ດັ່ງ​ນີ້: 1. ລັດຖະບານ​ຄວນ​ມອບ​ໝາຍ​ໃຫ້​ພາກສ່ວນ​ກ່ຽວຂ້ອງ​ຕ່າງໆ ​ໂດຍ​ສະ​ເພາະ​ແມ່ນ​ກະຊວງ​ແຮງ​ງານ ​ແລະ ສະຫວັດ​ດີກາ​ນສັງຄົມ ​ເປັນ​ຜູ້​ຄົ້ນຄວ້າ​ຫາ​ແນວທາງ​ແກ້​ໄຂ​ຄົນ​ຂໍທານ​ໃຫ້​ເປັນ​ຮູບ​ປະ​ທຳ, 2. ​ເຕົ້າ​ໂຮມ​ເອົາ​ຄົນ​ຂໍທານ​ທັງ​ໝົດ ​ແລ້ວ​ແຍກ​ປະ​ເພດ ​ເພື່ອ​ຈະ​ມີ​ແນວທາງ​ແກ້​ໄຂ ​ແລະ ​ໃຫ້ການ​ຊ່ວຍ​ເຫລືອ​ທີ່​ເໝາະ​ສົມ​ກັບ​ແຕ່ລະ​ເປົ້າໝາຍ, ​ແຕ່ລະ​ປະ​ເພດ​ຄົນ​ຂໍທານ, 3. ​ເຕົ້າ​ໂຮມ​ເອົາ​ຈຳນວນ​ຜູ້​ທີ່​ຍັງ​ມີ​ເຫື່ອ​ແຮງ​ອອກ​ແຮງ​ງານ​ໄດ້​ໄປ​ເຂົ້າສູນ ​ເພື່ອ​ທຳ​ການ​ຜະລິດຢູ່​ຕາມ​ນິຄົມ, ຟາ​ມຕ່າງໆ​ຂອງ​ເອກະ​ຊົນ ຫລື ຂອງ​ລັດ ຫລື ຝຶກ​ອົບຮົມ​ວິຊາ​ຊີບ​ໃຫ້​ເຂົາ​ເຈົ້າ ​ແລ້ວ​ໃຫ້​ເຂົ້າກຸ່ມ ຫລື ສະມາຄົມ​ການ​ຜະລິດ ​ໂດຍ​ລັດ​ຈັດຕັ້ງ ​ແລະ ລົງທຶນ, 4. ຖ້າ​ຜູ້​ທີ່​ຍັງ​ມີ​ຄອບຄົວ​ພໍ່​ແມ່​ຍາດຕິ​ພີ່ນ້ອງ​ກໍ​ສົ່ງ​ຄືນ​ໃຫ້​ຄອບຄົວ​ສຶກສາ​ອົບຮົມ, 5. ຖ້​າ​ແມ່ນ​ເດັກນ້ອຍ​ອານາ​ຖາ​ກໍ​ສົ່ງ​ໃຫ້​ອົງການ​ເດັກ​ອານາ​ຖາ ​ເພື່ອ​ເບິ່ງ​ແຍງ​ດູ​ແລ ​ແລະ ສ້າງ​ອາຊີບ​ວຽກ​ເຮັດ​ງານ​ທຳ​ໃຫ້​ເຂົາ​ເຈົ້າ, 6. ລັດຖະບານ​ຄວນ​ມີ​ກອງ​ທຶນ​ເພື່ອ​ຄົນ​ທຸກ​ຍາກ ​ເພື່ອ​ເປັນ​ທຶນຮອນ​ໃຫ້​ພວກ​ເຂົາ​ສືບ​ຕໍ່​ດຳລົງ​ຊີວິດ​ ມີ​ວິຊາ​ອາຊີບ​ເຮັດ​ຕໍ່​ໄປ.

     ດັ່ງນັ້ນ ຖ້າ​ເຮົາ​ບໍ່​ມີ​ຄວາມ​ຕັ້ງ​ໃຈ ​ແລະ ຈິງ​ໃຈ​ແກ້​ໄຂ​ກໍ​ຄົງ​ຈະ​ແກ້​ບໍ່​ໄດ້ ​ແລະ ກົງກັນຂ້າມ ຫາກ​ມີ​ຄວາມ​ຈິງ​ຈັງ​ກໍ​ຈະ​ແກ້​ໄຂ​ໄດ້​ຢ່າງ​ແນ່ນອນ.

ບັນຫາ​ຄົນ​ຂໍທານ​ຕ້ອງ​ແກ້​ໄຂ​ຢ່າງ​ຈິງ​ຈັງ - WhatsApp Image 2020 05 27 at 5 - ບັນຫາ​ຄົນ​ຂໍທານ​ຕ້ອງ​ແກ້​ໄຂ​ຢ່າງ​ຈິງ​ຈັງ
ບັນຫາ​ຄົນ​ຂໍທານ​ຕ້ອງ​ແກ້​ໄຂ​ຢ່າງ​ຈິງ​ຈັງ - WhatsApp Image 2020 05 27 at 5 - ບັນຫາ​ຄົນ​ຂໍທານ​ຕ້ອງ​ແກ້​ໄຂ​ຢ່າງ​ຈິງ​ຈັງ
error: Alert: ເນື້ອຫາຂ່າວມີລິຂະສິດ !!