ຈີນ ອະນຸມັດໃຫ້ຢາ Favilavir ເປັນຢາຕ້ານ ໄວຣັສໂຄວິດ-19 ຢ່າງເປັນທາງການ

ຈີນ ອະນຸມັດໃຫ້ຢາ favilavir ເປັນຢາຕ້ານ ໄວຣັສໂຄວິດ-19 ຢ່າງເປັນທາງການ - 96 1 - ຈີນ ອະນຸມັດໃຫ້ຢາ Favilavir ເປັນຢາຕ້ານ ໄວຣັສໂຄວິດ-19 ຢ່າງເປັນທາງການ
ຈີນ ອະນຸມັດໃຫ້ຢາ favilavir ເປັນຢາຕ້ານ ໄວຣັສໂຄວິດ-19 ຢ່າງເປັນທາງການ - Untitled design - ຈີນ ອະນຸມັດໃຫ້ຢາ Favilavir ເປັນຢາຕ້ານ ໄວຣັສໂຄວິດ-19 ຢ່າງເປັນທາງການ

     ສຳນັກ​ຂ່າວ​ໄຊ​ນ່າ ​ເດ​ລີ ລາຍ​ງານ​ວ່າ: ສຳນັກງານ​ບໍລິຫານ​ຜະລິດ​ຕະພັນ​ທາງ​ການ​ແພດ​ແຫ່ງ​ຊາດ​ຂອງ​ຈີນ ​ໄດ້​ໃຫ້ການ​ຮັບຮອງຢາ​ຕ້ານ​ໄວ​ຣັສ Favilavir ​ເປັນ​ຢາ​ຕ້ານ​ໄວຣັສ​ໂຄ​ວິດ-19 ​ແລະ ຖື​ເປັນ​ຢາ​ຕ້ານ​ໄວຣັສ​ໂຄ​ວິດ-19 ຊະນິດ​ທຳ​ອິດ​ທີ່​ໄດ້​ຮັບ​ອະນຸມັດ​ຢ່າງ​ເປັນ​ທາງ​ການ.

      ​ໂດຍ​ຢາ Favilavir ​ເປັນ​ຢາ​ທີ່​ໄດ້​ຮັບ​ການ​ພັດທະນາ​ໂດຍ​ບໍລິສັດ Zhejiang Hisun Pharmaceutical ​ໂດຍ​ຄາດ​ວ່າ​ຢາ Favilavir ຈະ​ມີ​ບົດບາດ​ສຳຄັນ​ໃນ​ການ​ປ້ອງ​ກັນ ​ແລະ ປິ່ນປົວ​ໂຣກທີ່​ມາ​ຈາກ​ເຊື້ອ​ໄວຣັສ​ໂຄ​ວິດ-19 ຫລັງ​ຈາກ​ກ່ອນ​ໜ້າ​ນີ້ ​ໄດ້​ມີ​ການ​ໃຊ້​ຢາ Favilavir ​ໃນ​ການ​ທົດ​ລອງ​ປິ່ນປົວ​ຜູ້​ປ່ວຍ 70 ຄົນ​ໃນ​ເມືອງ​ເສິນ​ເຈິ້ນ ກ່ອນ​ທີ່​ຢາ Favilavir ຈະ​ໄດ້​ຮັບ​ການ​ອະນຸມັດ ​ໃນ​ທ້າຍ​ອາທິດ​ຜ່ານ​ມາ.

     ​ເຊິ່ງນອກຈາກ​ຢາ​ຕ້ານ​ໄວ​ຣັສ Favilavir ກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ​ຂອງ​ຈີນ ຍັງ​ໄດ້​ທົດ​ລອງ​ອີກ​ສອງຊະນິດ​ຢາ​ຄື: ຢາ​ປິ່ນປົວ​ມາລາ​ເຣຍ ຄໍ​ໂຣຄວິນ ຟອສ​ເຟດ (Chloroquine Phosphate) ທີ່​ໄດ້​ໃຊ້​ໃນ​ການ​ທົດ​ລອງ​ກັບ​ຜູ້​ປ່ວຍ​ຫລາຍ​ກວ່າ 100 ຄົນ​ໃນ​ໂຮງໝໍ 10 ​ແຫ່ງ​ຢູ່​ນະຄອນຫລວງ​ປັກ​ກິ່ງ ​ແລະ ມົນທົນ​ກວາງຕຸ້ງ ​ໂດຍ​ຫລ້າ​ສຸດ​​ໄດ້​ມີ​ການ​ທົດ​ລອງ​ເພີ່ມ​ອີກ​ຢູ່​ໂຮງໝໍ​ໃນ​ມົນທົນ​ຫູ​ໜານ.

ຈີນ ອະນຸມັດໃຫ້ຢາ favilavir ເປັນຢາຕ້ານ ໄວຣັສໂຄວິດ-19 ຢ່າງເປັນທາງການ - Wave100S AD to Website 2020 0 - ຈີນ ອະນຸມັດໃຫ້ຢາ Favilavir ເປັນຢາຕ້ານ ໄວຣັສໂຄວິດ-19 ຢ່າງເປັນທາງການ

      ຂະນະ​ທີ່​ອີກ​ໜຶ່ງ​ຊະນິດ​ຢາ​ຄື: ຢາ​ເຣມ​ເດຊິ​ເວ​ຍ (Remdesivir) ​ເຊິ່ງ​ໄດ້​ມີ​ການ​ທົດ​ລອງ​ໃຊ້​ໃນ​ສະ​ຖາ​ບັນ​ການ​ແພດ​ຫລາຍ​ກວ່າ 10 ​ແຫ່ງ​ໃນ​ເມືອງ​ອູ່​ຮັ່ນ ​ໂດຍ​ກ່ອນ​ໜ້າ​ນີ້ ສະ​ຖາ​ບັນ​ສຸຂະພາບ​ແຫ່ງ​ຊາດ​ອາ​ເມ​ລິກາ (NIH) ​ເປີດ​ເຜີຍ​ວ່າ: Remdesivir ​ເປັນ​ຢາ​ທີ່​ສາມາດ​ໃຊ້​ປິ່ນປົວ​ໂຣກຊາຣ໌ສ ລວມທັງ​ໃຊ້​ປິ່ນປົວ​ເຊື້ອ​ໄວຣັສ​ໂຄ​ໂຣນາ​ໃນ​ລີງ.

      ທັງ​ນີ້ ນັກວິ​ໄຈ ​ແລະ ທີ​ມ​ແພດ ລວມທັງ​ຜູ້​ຜະລິດ​ຢາ​ໃນ​ປະ​ເທດ​ຈີນ ​ໄດ້​ເລັ່ງການ​ຜະລິດ​ຢາ Favilavir ​ເພື່ອ​ໃຊ້​ໃນ​ການປິ່ນປົວ​ຜູ້​ປ່ວຍ​ຈາກ​ເຊື້ອ​ໄວຣັສ​ໂຄ​ວິດ-19 ​ເຊິ່ງປັດຈຸບັນ​ມີ​ຜູ້​ປ່ວຍ​ທົ່ວ​ໂລກ 75.199 ຄົນ.

ຈີນ ອະນຸມັດໃຫ້ຢາ favilavir ເປັນຢາຕ້ານ ໄວຣັສໂຄວິດ-19 ຢ່າງເປັນທາງການ - WhatsApp Image 2020 05 27 at 5 - ຈີນ ອະນຸມັດໃຫ້ຢາ Favilavir ເປັນຢາຕ້ານ ໄວຣັສໂຄວິດ-19 ຢ່າງເປັນທາງການ
ຈີນ ອະນຸມັດໃຫ້ຢາ favilavir ເປັນຢາຕ້ານ ໄວຣັສໂຄວິດ-19 ຢ່າງເປັນທາງການ - WhatsApp Image 2020 05 27 at 5 - ຈີນ ອະນຸມັດໃຫ້ຢາ Favilavir ເປັນຢາຕ້ານ ໄວຣັສໂຄວິດ-19 ຢ່າງເປັນທາງການ
error: Alert: ເນື້ອຫາຂ່າວມີລິຂະສິດ !!