ການຄ້າ ນະຄອນຫລວງວຽງຈັນ ຈະເລັ່ງແກ້ໄຂບັນຫາ ຂາຍເຄື່ອງຊະຊາຍ

ການຄ້າ ນະຄອນຫລວງວຽງຈັນ ຈະເລັ່ງແກ້ໄຂບັນຫາ ຂາຍເຄື່ອງຊະຊາຍ - 68 3 - ການຄ້າ ນະຄອນຫລວງວຽງຈັນ ຈະເລັ່ງແກ້ໄຂບັນຫາ ຂາຍເຄື່ອງຊະຊາຍ
ການຄ້າ ນະຄອນຫລວງວຽງຈັນ ຈະເລັ່ງແກ້ໄຂບັນຫາ ຂາຍເຄື່ອງຊະຊາຍ - AGL banner - ການຄ້າ ນະຄອນຫລວງວຽງຈັນ ຈະເລັ່ງແກ້ໄຂບັນຫາ ຂາຍເຄື່ອງຊະຊາຍ

    ການແກ້ໄຂຄົນຂາຍເຄື່ອງຊະຊາຍ ເປັນໜຶ່ງໃນແຜນວຽກທີ່ທາງການຄ້າ ນະຄອນຫລວງວຽງຈັນ ຈະເລັ່ງແກ້ໄຂໃຫ້ສຳເລັດ ເພື່ອເຮັດໃຫ້ຕົວເມືອງ ນະຄອນຫລວງວຽງຈັນມີຄວາມສວຍງາມ ແລະ ເປັນລະບຽບຮຽບຮ້ອຍດີຂຶ້ນ ຊຶ່ງໃນໂອກາດທີ່ມອບ-ຮັບຕຳແຫນ່ງຫົວໜ້າພະແນກອຸດສາຫະກຳ ແລະ ການຄ້າ ນະຄອນຫລວງວຽງຈັນ ລະຫວ່າງ ທ່ານ ເບີລິນ ເພັດຈັນທະລາດ ຫົວໜ້າພະແນກຄົນເກົ່າ ກັບທ່ານ ນາງ ວັນມະນີ ພິມມະສານ ຫົວໜ້າຄົນໃຫມ່ ໄດ້ຍົກໃຫ້ເຫັນວ່າ: ການຄຸ້ມຄອງການຂາຍເຄື່ອງ ຜ່ານມາໄດ້ສຸມໃສ່ຈັດສັນຄວາມເປັນລະບຽບຮຽບຮ້ອຍຈຸດເສັ້ນທາງຄູວຽງ, ຖະໜົນໜອງບອນ, ບໍລິເວນອ້ອມແອ້ມຕະຫລາດໜອງຈັນ ແລະ ເຂດແຄມຂອງ, ຈັດສັນເຂດຕະຫລາດທົ່ງຂັນຄຳຫລັງໃໝ່, ຕະຫລາດເຊົ້າ, ຕະຫລາດສີໄຄ ແລະ ຕາມເສັ້ນທາງຫລັກພາຍໃນຕົວເມືອງ ໂດຍໄດ້ອອກແຈ້ງການເຖິງບັນດາຫົວໜ່ວຍທຸລະກິດ, ຫ້າງຮ້ານຕ່າງໆ ແລະ ຊາວຄ້າຂາຍໃນການລົງປະຕິບັດຈັດສັນ ໂດຍພົບຜູ້ລະເມີດທີ່ມາຂາຍເຄື່ອງຊະຊາຍ ແລະ ໄດ້ນຳມາຕັກເຕືອນລໍ້ຂາຍເຄື່ອງ ຈຳນວນ 300 ຄົນ, ແຕ່ເມື່ອບໍ່ເຫັນເຈົ້າໜ້າທີ່ກໍກັບມາຂາຍຄືເກົ່າ ເຊິ່ງຄະນະສະເພາະກິດຈະໄດ້ສືບຕໍ່ແກ້ໄຂຕໍ່ໄປ.

    ຫົວໜ້າພະແນກອຸດສາຫະກຳ ແລະ ການຄ້າ ນະຄອນຫລວງວຽງຈັນ ໃຫ້ຮູ້ວ່າ: ມາດຕະການທີ່ຈະເພີ່ມທະວີການຄຸ້ມຄອງ ແລະ ຈັດສັນບັນດາຜູ້ຂາຍເຄື່ອງຊະຊາຍແມ່ນພວກເຮົາຈະສົ່ງຄະນະສະເພາະກິດລົງກວດກາເປັນປະຈຳ ແລະ ຫາກພົບເຫັນຈະປັບໃໝຕາມລະບຽບ ໂດຍສະເພາະແມ່ນຢູ່ເຂດເສັ້ນທາງຄູວຽງ, ທາດຫລວງ, ບັນດາຕະຫລາດ ແລະ ບ່ອນຊຸມຊົນຕ່າງໆທີ່ມີຄວາມແອອັດ, ພ້ອມນັ້ນກໍຈະເອົາໃຈໃສ່ຄຸ້ມຄອງຄົນຕ່າງປະເທດທີ່ມາເຄື່ອນໄຫວດຳເນີນທຸລະກິດບໍ່ຖືກຕ້ອງ ເນື່ອງຈາກປັດຈຸບັນຍັງພົບແຜ່ຫລາຍ ຊຶ່ງຜ່ານການກວດກາກວ່າ 100 ຫົວໜ່ວຍບໍລິສັດ ແມ່ນມີການອອກຊື່ຄົນລາວ, ແຕ່ເປັນຄົນຕ່າງປະເທດດຳເນີນທຸລະກິດ ໂດຍບໍ່ຖືກລະບຽບການ.

ການຄ້າ ນະຄອນຫລວງວຽງຈັນ ຈະເລັ່ງແກ້ໄຂບັນຫາ ຂາຍເຄື່ອງຊະຊາຍ - Wave100S AD to Website 2020 0 - ການຄ້າ ນະຄອນຫລວງວຽງຈັນ ຈະເລັ່ງແກ້ໄຂບັນຫາ ຂາຍເຄື່ອງຊະຊາຍ
ການຄ້າ ນະຄອນຫລວງວຽງຈັນ ຈະເລັ່ງແກ້ໄຂບັນຫາ ຂາຍເຄື່ອງຊະຊາຍ - lattana 1 - ການຄ້າ ນະຄອນຫລວງວຽງຈັນ ຈະເລັ່ງແກ້ໄຂບັນຫາ ຂາຍເຄື່ອງຊະຊາຍ
error: Alert: Content is protected !!