ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ

ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ - 253 1 - ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ
ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ - Untitled design - ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ

​ຫົວ​ໜ້າ​ກົມ​ຄຸ້ມ​ຄອງ​ສະ​ຖາ​ບັນ​ການ​ເງິນ ທະ​ນາ​ຄານ​ແຫ່ງ ສ​ປ​ປ ລາວ (ທ​ຫລ) ​ໃຫ້​ຮູ້ວ່າ: ການສ້າງຄວາມເຂັ້ມແຂງໃຫ້ແກ່ການຄຸ້ມຄອງສະຖາບັນການເງິນຈຸລະພາກນັ້ນເປັນ​ບັນ​ຫາ​ສຳ​ຄັນຍິ່ງ ຊຶ່ງໃນ​ຜ່ານ​ມາພວກ​ເຮົາໄດ້ສ້າງ​ທຸກເງື່ອນໄຂ ​ທັງອຳນວຍຄວາມສະດວກ ແລະ ລະດົມຂົນຂວາຍໃຫ້ສະຖາບັນການເງິນນອກລະບົບທີ່ບໍ່ທັນຖືກຕ້ອງຫັນເຂົ້າສູ່ລະບົບ ແລະ ໄດ້ອອກໃບອະນຸຍາດສ້າງຕັ້ງສະຖາບັນການເງິນໃໝ່ ເພີ່ມຂຶ້ນ 60 ແຫ່ງ ມາ​ເປັນ 177 ແຫ່ງ ທີ່ຢູ່ພາຍ​ໃຕ້​ການ​ຄຸ້ມ​ຄອງ​ຂອງ​ທະນາຄານ​ແຫ່ງ​ລັດ ​ເພື່ອ​ສາມາດຕິດຕາມກວດກາ, ແກ້ໄຂສະພາບຫຍໍ້ທໍ້ໃນທົ່ວລະບົບສະຖາບັນການເງິນທີ່ໄດ້ຮັບອະນຸຍາດຈາກ ທ​ຫລ ຢ່າງເຂັ້ມງວດ.

ຜູ້​ລາຍ​ງານ​ຂ່າວ ​ໃຫ້​ຮູ້​ວ່າ: ໃນຜ່ານມາຍັງມີຫຼາຍບໍລິສັດທີ່ເຄື່ອນໄຫວທາງການເງິນບໍ່ສອດຄ່ອງກັບລະບຽບກົດໝາຍ ກໍຄືບໍ່ໄດ້ຮັບອະນຸຍາດຈາກ ທ​ຫລ; ກົມ​ຄຸ້ມ​ຄອງ​ສະ​ຖາ​ບັນ​ການ​ເງິນ ໄດ້ເອົາໃຈໃສ່ຕິດຕາມເກັບກໍາຂໍ້ມູນ ແລະ ປະສານສົມທົບກັບພາກສ່ວນທີ່ກ່ຽວຂ້ອງເພື່ອປະຕິບັດມາດຕະການແກ້ໄຂຕາມລະບຽບກົດໝາຍ, ພ້ອມນັ້ນ ກໍອອກແຈ້ງເຕືອນ, ໂຄສະນາທາງສື່ມວນຊົນ ແລະ ປະສານສົມທົບກັບອໍານາດການປົກຄອງທ້ອງຖິ່ນ ເພື່ອເຜີຍແຜ່ໃຫ້ປະຊາຊົນມີສະຕິລະວັງຕົວ ແລະ ບໍ່ຫຼົງເຊື່ອຕໍ່ກົນອຸບາຍຂອງບັນດາບໍລິສັດດັ່ງກ່າວ.                                                                                                                                                                                                                                                    

ຫົວ​ໜ້າ​ກົມດັ່ງ​ກ່າວ ​ໃຫ້​ຮູ້​ວ່າ: ​ໃນ​ຜ່ານ​ມາ​ກໍ​ໄດ້​ເອົາ​ໃຈ​ໃສ່ຮ່ວມມືກັບອົງການ​ສາກົນ ​ເພື່ອລະດົມທຶນຊ່ວຍເຫຼືອລ້າ ສະ​ເພາະໄລຍະ 5 ປີ (2019-2021) ມີຈໍານວນ 4 ລ້ານເອີໂຣ ​ເພື່ອຊ່ວຍເຫຼືອທາງດ້ານວິຊາການໃນການຫັນກອງທຶນຈຳນວນໜຶ່ງມາເປັນສະຫະກອນສິນເຊື່ອ ແລະ ເງິນຝາກປະຢັດຢ່າງເຕັມຮູບແບບ ​ແລະ ມາຮອດເດືອນກັນຍາ 2019 ມີ 712 ກອງ​ທຶນ​ບ້ານ​ໄດ້​ຮັບການສະໜັບສະໜູນຂອງໂຄງການ, ມີສະມາຊິກທັງໝົດ 106.885 ບັນຊີ, ມີຍອດເງິນຝາກ  315 ຕື້ກວ່າກີບ, ຍອດເງິນກູ້ 288 ຕື້ກວ່າກີບ.

ແຜນ​ການໃນຕໍ່ໜ້າຍັງ​ສືບ​ຕໍ່ຄຸ້ມຄອງສະຖາບັນການເງິນໃຫ້ມີຄວາມໜັກແໜ້ນ-ເຂັ້ມແຂງ, ໝັ້ນຄົງ ແລະ ຕິດຕາມກວດກາການເຄື່ອນໄຫວ​ໃຫ້ເຂັ້ມງວດ ​ແລະ ສາມາດຕອບສະໜອງຕາມການຂະຫຍາຍຕົວຂອງສະຖາບັນການເງິນ; ປັບປຸງ​​ດຳລັດວ່າດ້ວຍການເຊົ່າສິນເຊື່ອ ແລະ ດຳລັດວ່າດ້ວຍສະຖາບັນການເງິນຈຸລະພາກຜ່ານຂັ້ນ​ເທິງ ເພື່ອພິຈາລະນາຮັບຮອງ ແລະ ປະກາດໃຊ້; ສ້າງ ແລະ ປັບປຸງຂັ້ນຕອນ, ຄູ່ມືການຄົ້ນຄວ້າອອກອະນຸຍາດດຳເນີນທຸລະກິດຂອງສະຖາບັນການເງິນທີ່ຍັງບໍ່ທັນຄົບຖ້ວນໃຫ້ສຳເລັດ, ກະທັດຮັດ ແລະ ປັບປຸງຄູ່ມືການວິເຄາະ, ກວດກາໃຫ້ສອດຄ່ອງກັບເງື່ອນໄຂຄວາມເປັນຈິງຕາມຫຼັກການສາກົນໃນແຕ່ລະໄລຍະ.

ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ - Wave100S AD to Website 2020 0 - ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ

 # ຂ່າວ-ພາບ: ຣັດ​ສະ​ໝີ ດວງ​ສັດ​ຈະ

ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ - WhatsApp Image 2020 05 27 at 5 - ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ
ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ - WhatsApp Image 2020 05 27 at 5 - ຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ
error: Alert: ເນື້ອຫາຂ່າວມີລິຂະສິດ !!