ລາວຫ້າມພາຫະນະທີ່ບໍ່ເສຍຄ່າທໍານຽມທາງອອກນອກປະເທດ

ລາວຫ້າມພາຫະນະທີ່ບໍ່ເສຍຄ່າທໍານຽມທາງອອກນອກປະເທດ - 36 - ລາວຫ້າມພາຫະນະທີ່ບໍ່ເສຍຄ່າທໍານຽມທາງອອກນອກປະເທດ
ລາວຫ້າມພາຫະນະທີ່ບໍ່ເສຍຄ່າທໍານຽມທາງອອກນອກປະເທດ - Untitled design - ລາວຫ້າມພາຫະນະທີ່ບໍ່ເສຍຄ່າທໍານຽມທາງອອກນອກປະເທດ

   ເມື່ອບໍ່ດົນມານີ້, ລັດຖະມົນຕີກະຊວງການເງິນ ໄດ້ອອກແຈ້ງການເຖິງເຈົ້າ ຂອງພາຫະນະທຸກປະເພດ​​ຂຶ້ນທະບຽນ​ຢູ່ ສປປ ລາວ, ທີ່​ຈະ​ເດີນທາງ​ອອກ​ໄປ​ຕ່າງປະ​ເທດ​ຕ້ອງ​ປະກອບ​ເອກະສານ​ຄົບ​ຖ້ວນ ​ແລະ ຖືກຕ້ອງ​ຕາມ​ລະບຽບ​ການ​ເຊັ່ນ: ທະບຽນ​ລົດ, ​ໃບຢັ້ງຢືນ​ການ​ກວດກາ​ເຕັກນິກ, ປຶ້ມອະນຸຍາດ​ລົດ​ຂົນ​ສົ່ງ​ລະຫວ່າງ​ປະ​ເທດ ຫລື ​ໃບ​ອະນຸຍາດ​ນຳ​ອອກ-ນຳ​ເຂົ້າພາຫະນະ​ຊົ່ວຄາວ, ສັນຍາ​ປະກັນ​ໄພ​ພາຫະນະ ​ແລະ ​ເອກະສານ​ອື່ນໆ​ ຕາມ​ລະບຽບກົດໝາຍ​ປະ​ເທດ​ສົ່ງ​ອອກ ​ແລະ ປະ​ເທດ​ນຳ​ເຂົ້າກຳນົດ​ໄວ້ ​ແລະ ມີ​ອາຍຸ​ການ​ນຳ​ໃຊ້​ຕາມລະບຽບ​ກົດໝາຍ.

ພ້ອມ​ນັ້ນ ​ຕ້ອງ​ມີ “​ໃບ​ເສຍ​ຄ່າ​ທຳນຽມ​ທາງ​ປະຈຳ​ປີ​ໃຫ້​ຄົບ​ຖ້ວນ” ຕາມ​ລັດຖະບັນຍັດ​ຂອງ​ປະທານ​ປະ​ເທດກໍານົດ, ຖ້າ​ບໍ່​ດັ່ງນັ້ນຈະ​ບໍ່​ໄດ້​ຮັບ​ອະນຸຍາດ​ໃຫ້​ນຳ​​ພາຫະນະ​​ເດີນທາງ​ອອກ​ໄປ​ຕ່າງປະ​ເທດ, ໂດຍມອບ​ໃຫ້​ເຈົ້າໜ້າ​ທີ່​ພາສີ​ປະຈຳ​ດ່ານ​ຊາຍ​ແດນ​ເອົາ​ໃຈ​ໃສ່​ແນະນຳ​ໃຫ້​ເຈົ້າຂອງ​ພາຫະນະ​ປະກອບ​ເອກະສານ ​ແລະ ​ເສຍ​ຄ່າ​ທຳນຽມ​ທາງ​ໃຫ້​ຖືກຕ້ອງ ​ແລະ ຄົບ​ຖ້ວນ​ຕາມ​ລະບຽບ​ການ​ກຳນົດ, ພ້ອມທັງມອບ​ໃຫ້​ກົມ​ສ່ວຍ​ສາ​ອາກອນ, ສ່ວຍ​ສາ​ອາກອນ​ປະຈຳ​ແຂວງ ສົມທົບ​ກັບ​ດ່ານ​ພາສີ​ສາກົນ​ຊາຍ​ແດນ, ທະນາຄານ​ການ​ຄ້າ​ຕ່າງປະ​ເທດ​ມະຫາຊົນ ຫລື ທະນາຄານ​ອື່ນໆ​ທີ່​ມີ​ເງື່ອນ​ໄຂຄົ້ນຄວ້າ​ການ​ສ້າງຕັ້ງໜ່ວຍ​ງານ​ໃຫ້​ບໍລິການ​ຜ່ານ​ລະບົບ​ທະນາຄານ ສຳລັບ​ການຈັດ​ເກັບ​ຄ່າ​ທຳນຽມ​ທາງ​ຢູ່​ຕາມ​ດ່ານ​ພາສີ​ສາກົນ​ທີ່​ມີ​ເງື່ອນ​ໄຂ​ພຽງພໍ ​ເພື່ອ​ອຳນວຍ​ຄວາມ​ສະດວກ​ໃຫ້ເຈົ້າຂອງ​ພາຫະນະ. ສຳລັບ​ດ່ານ​ພາສີ​ສາກົນ​ທີ່​ຍັງ​ບໍ່ມີ​ເງື່ອນ​ໄຂ​ພຽງພໍ​ໃນ​ການ​ບໍລິການ​ເກັບ​ຄ່າ​ທຳນຽມ​ທາງ​ແບບ​ທັນ​ສະ​ໄໝ​ແມ່ນ​ມອບ​ໃຫ້​ເຈົ້າໜ້າ​ທີ່​ພາສີ​ປະຈຳ​ດ່ານ​ດຳ​ເນີນ​ການຈັດ​ເກັບ​ຄ່າ​ທຳນຽມ​ທາງ ​ເພື່ອ​ມອບ​ເຂົ້າງົບປະມານ​ຕາມ​ລະບຽບ​ການ ແລະ ຄົບຖ້ວນ.

ລາວຫ້າມພາຫະນະທີ່ບໍ່ເສຍຄ່າທໍານຽມທາງອອກນອກປະເທດ - Wave100S AD to Website 2020 0 - ລາວຫ້າມພາຫະນະທີ່ບໍ່ເສຍຄ່າທໍານຽມທາງອອກນອກປະເທດ
ລາວຫ້າມພາຫະນະທີ່ບໍ່ເສຍຄ່າທໍານຽມທາງອອກນອກປະເທດ - WhatsApp Image 2020 05 27 at 5 - ລາວຫ້າມພາຫະນະທີ່ບໍ່ເສຍຄ່າທໍານຽມທາງອອກນອກປະເທດ
ລາວຫ້າມພາຫະນະທີ່ບໍ່ເສຍຄ່າທໍານຽມທາງອອກນອກປະເທດ - WhatsApp Image 2020 05 27 at 5 - ລາວຫ້າມພາຫະນະທີ່ບໍ່ເສຍຄ່າທໍານຽມທາງອອກນອກປະເທດ
error: Alert: ເນື້ອຫາຂ່າວມີລິຂະສິດ !!