6 ຄຸນປະໂຫຍດດີໆຈາກການກິນໂຢເກິດກ່ອນນອນ

6 ຄຸນປະໂຫຍດດີໆຈາກການກິນໂຢເກິດກ່ອນນອນ - 65 3 - 6 ຄຸນປະໂຫຍດດີໆຈາກການກິນໂຢເກິດກ່ອນນອນ
6 ຄຸນປະໂຫຍດດີໆຈາກການກິນໂຢເກິດກ່ອນນອນ - AGL banner - 6 ຄຸນປະໂຫຍດດີໆຈາກການກິນໂຢເກິດກ່ອນນອນ

     1. ຊ່ວຍໃຫ້ນອນຫລັບງ່າຍ : ໂຢເກິດມີສ່ວນປະກອບຂອງນົມໃນໂຢເກິດຈຶ່ງມີທຣິບໂຕເຟນ ກົດອະມິໂນທີ່ຊ່ວຍສົ່ງເສີມໃຫ້ເກີດຄວາມຮູ້ສຶກງ່ວງນອນ ແລະ ທຣິບໂຕເຟນຍັງຈະຊ່ວຍກະຕຸ້ນການຫລັ່ງຮໍໂມນເຊໂຣໂທນິນ ຮໍໂມນທີ່ ຊ່ວຍໃຫ້ເກີດຄວາມຮູ້ສຶກຜ່ອນຄາຍ ເຮັດໃຫ້ນອນຫລັບງ່າຍກ່ວາເກົ່າ.

     2. ກະຕຸ້ນລະບົບຂັບຖ່າຍ : ໃນໂຢເກິດມີໂປຣໄບໂອຕິກ ແບັກທີເຣຍຊະນິດດີຕໍ່ລຳໄສ້ ແລະ ລະບົບຍ່ອຍອາຫານ, ຊ່ວຍກະຕຸ້ນການເຮັດວຽກຂອງລະບົບຍ່ອຍອາຫານ ແລະ ລະບົບຂັບຖ່າຍ ພ້ອມທັງໂປຣໄບໂອຕິກ ຍັງຈະຊ່ວຍປັບຄວາມດຸ່ນດ່ຽງຈຸລິນຊີໃນລຳໄສ້ ສົ່ງຜົນໃຫ້ສຸຂະພາບໂດຍລວມຂອງຮ່າງກາຍແຂງແຮງຂຶ້ນ. ໂດຍສະເພາະຫາກກິນໂຢເກິດຕອນທ້ອງວ່າງ ໃນຊ່ວງເຊົ້າ ຫລື ກ່ອນເຂົ້ານອນ ຈຸລິນຊີຊະນິດດີ ແລະ ໂປຣໄບໂອຕິກ ຈະເຂົ້າໄປຈັດລະບຽບບັນດາສິ່ງມີຊີວິດໂຕນ້ອຍໆພາຍໃນກະເພາະອາຫານ ແລະ ລຳໄສ້ ເຊົ້າມາກໍຈະຂັບຖ່າຍສະດວກ ແລະ ງ່າຍຂຶ້ນກ່ວາເກົ່າ.

     3. ລ້າງສານພິດໃຫ້ຮ່າງກາຍ : ຫລັງຈາກໂຢເກິດໄດ້ເຂົ້າໄປກະຕຸ້ນລະບົບຂັບຖ່າຍແລ້ວ ການທີ່ຮ່າງກາຍຂັບຖ່າຍໄດ້ດີຂຶ້ນ ກໍປຽບດັ່ງໄດ້ລ້າງສານພິດລຳໄສ້ໄປໃນໂຕ, ສິ່ງສຳຄັນຈະສົ່ງຜົນດີຕໍ່ການດູດຊຶມສານອາຫານນຳອີກ ຍິ່ງກັບຄົນທີ່ມີພຸງ ແລະ ຮູ້ສຶກອຶດອັດທ້ອງ, ຖ່າຍຍາກ ການໄດ້ຮັບໂປຣໄບໂອຕິກຈາກໂຢເກິດເປັນປະຈຳຈະຊ່ວຍປັບຄວາມດຸ່ນດ່ຽງລະບົບຍ່ອຍອາຫານ ແລະ ລະບົບຂັບຖ່າຍໄດ້ ຈຶ່ງສົ່ງຜົນໃຫ້ພຸງຍຸບລົງໄດ້ ພຽງແຕ່ທ່ານກິນໂຢເກິດກ່ອນນອນຕິດຕໍ່ກັນຢ່າງໜ້ອຍ 1 ອາທິດເທົ່ານັ້ນ.

     4. ຄວບຄຸມນຳ້ໜັກ : ກິນໂຢເກິດກ່ອນນອນຊ່ວຍໃຫ້ຫລຸດຄວາມຫິວຕອນກາງເດິກໄດ້ ເພາະໂຢເກິດມີໂປຣຕິນ ເຊິ່ງຈະເຮັດໃຫ້ອີ່ມທ້ອງສະບາຍໆ, ມີກາລໍຣີຕໍ່າ ເໝາະສົມກັບຜູ້ທີ່ກຳລັງຄວບຄຸມນຳ້ໜັກ ຈຶ່ງແກ້ຫິວໄດ້, ແຕ່ທັງນີ້ກໍຄວນເລືອກໂຢເກິດໄຂມັນຕໍ່າ, ນຳ້ຕານໜ້ອຍ ຫລື ລົດຊາດທຳມະຊາດ ລວມໄປເຖິງຕ້ອງຄວບຄຸມອາຫານໃນຕອນກາງເວັນຮ່ວມກັບໝັ່ນອອກກຳລັງກາຍນຳ.

6 ຄຸນປະໂຫຍດດີໆຈາກການກິນໂຢເກິດກ່ອນນອນ - Wave100S AD to Website 2020 0 - 6 ຄຸນປະໂຫຍດດີໆຈາກການກິນໂຢເກິດກ່ອນນອນ

     5. ເສີມສ້າງກ້າມຊີ້ນ : ລະຫ່ວາງທີ່ເຮົານອນຫລັບ ຮ່າງກາຍຈະມີຂະບວນການເສີມສ້າງ ແລະ ຟື້ນຟູພາກສ່ວນເສື່ອມສະພາບ ເຊິ່ງການກິນໂຢເກິດກ່ອນນອນກໍຈະຊ່ວຍເສີມໂປຣຕິນໃຫ້ຮ່າງກາຍດຶງໄປເສີມສ້າງກ້າມຊີ້ນ ໂດຍສະເພາະຄົນທີ່ອອກກຳລັງກາຍແບບໃຊ້ກ້າມຊີ້ນໜັກໆ ການກິນໂຢເກິດທີ່ມີໂປຣຕິນກ່ອນເຂົ້ານອນກໍຈະຊ່ວຍຟື້ນຟູ ມວນກ້າມຊີ້ນທີ່ເສຍຫາຍ ພ້ອມກັນນັ້ນກໍຊ່ວຍປ້ອງກັນການສູນເສຍກ້າມຊີ້ນໃນລະຫ່ວາງທີ່ຫລັບໄປ, ແຕ່ກໍຄວນເລືອກໂຢເກິດຊະນິດທີ່ມີໂປຣຕິນຫລາຍໆນຳ.

     6. ດີຕໍ່ຄົນແພ້ໂປຣຕິນຈາກນົມ : ນົມເປັນອາຫານກ່ອນນອນທີ່ເຮົາດື່ມກັນມາຕັ້ງແຕ່ນ້ອຍ, ແຕ່ສຳລັບຄົນທີ່ຮ່າງກາຍບໍ່ສາມາດຍ່ອຍແລັກໂຕສຈາກນົມໄດ້ ແນ່ນອນວ່າການດື່ມນົມກ່ອນນອນຄົງຈະສ້າງບັນຫາຫລາຍກ່ວາໃຫ້ປະໂຫຍດແກ່ຮ່າງກາຍ ເຊິ່ງບ່ອນນີ້ບອກເລີຍວ່າ ກົດແລັກຕິກ ແລະ ແບັກທີເຣຍໃນໂຢເກິດຈະຊ່ວຍຫລຸດປະລິມານແລັກໂຕສທີ່ມາຈາກນົມ ສົ່ງຜົນໃຫ້ຄົນທີ່ແພ້ແລັກໂຕສຈາກນົມສາມາດກິນໂຢເກິດໄດ້ໂດຍບໍ່ເກີດຜົນຂ້າງຄຽງ ເຊັ່ນ : ເຈັບທ້ອງ, ຍື່ງທ້ອງ ຄືກັບຕອນດື່ມນົມນັ້ນເອງ.

6 ຄຸນປະໂຫຍດດີໆຈາກການກິນໂຢເກິດກ່ອນນອນ - WhatsApp Image 2020 05 27 at 5 - 6 ຄຸນປະໂຫຍດດີໆຈາກການກິນໂຢເກິດກ່ອນນອນ
6 ຄຸນປະໂຫຍດດີໆຈາກການກິນໂຢເກິດກ່ອນນອນ - WhatsApp Image 2020 05 27 at 5 - 6 ຄຸນປະໂຫຍດດີໆຈາກການກິນໂຢເກິດກ່ອນນອນ
6 ຄຸນປະໂຫຍດດີໆຈາກການກິນໂຢເກິດກ່ອນນອນ - WhatsApp Image 2020 05 27 at 5 - 6 ຄຸນປະໂຫຍດດີໆຈາກການກິນໂຢເກິດກ່ອນນອນ
6 ຄຸນປະໂຫຍດດີໆຈາກການກິນໂຢເກິດກ່ອນນອນ - WhatsApp Image 2020 05 27 at 5 - 6 ຄຸນປະໂຫຍດດີໆຈາກການກິນໂຢເກິດກ່ອນນອນ
error: Alert: Content is protected !!