5 ເຕັກນິກທີ່ຈະຊ່ວຍໃຫ້ທ່ານຊ່ຽວຊານຮອບດ້ານ

5 ເຕັກນິກທີ່ຈະຊ່ວຍໃຫ້ທ່ານຊ່ຽວຊານຮອບດ້ານ - 653 - 5 ເຕັກນິກທີ່ຈະຊ່ວຍໃຫ້ທ່ານຊ່ຽວຊານຮອບດ້ານ
5 ເຕັກນິກທີ່ຈະຊ່ວຍໃຫ້ທ່ານຊ່ຽວຊານຮອບດ້ານ - AGL banner - 5 ເຕັກນິກທີ່ຈະຊ່ວຍໃຫ້ທ່ານຊ່ຽວຊານຮອບດ້ານ

   ໃນຍຸກປັດຈຸບັນ ຖືໄດ້ວ່າມີສິ່ງອ້ອມໂຕຫລວງຫລາຍໃຫ້ຮຽນຮູ້, ແຕ່ຄົນຈຳນວນບໍ່ໜ້ອຍກໍເລືອກທີ່ຈະຢຸດຢູ່ແຕ່ກັບສິ່ງທີ່ຕົນເອງຮູ້ ບໍ່ຍອມຄົ້ນຄ້ວາຫາຄວາມຮູ້ໃໝ່ໆ, ຫາກທ່ານລອງຖາມໃຜຈັກຄົນວ່າແມ່ນຫຍັງທີ່ອາດເປັນໂຕຂັດຂວາງການຮຽນຮູ້ທັກສະໃໝ່ໆຂອງພວກເຂົາ ໝັ້ນໃຈໄດ້ເລີຍວ່າພວກເຂົາຈະຕ້ອງຍົກເລື່ອງເວລາມາເປັນຂໍ້ອ້າງແນ່ນອນ. ສະນັ້ນ, ຫາກທ່ານຢາກຝຶກທັກສະໃໝ່ໃຫ້ໄດ້ຢ່າງຈິງຈັງ ແລະ  ຢ່າງຖືກບ່ອນ – ຖືກເວລາ ລອງເຮັດຕາມ 5 ເຕັກນິກງ່າຍໆທີ່ພວກເຮົາໄດ້ຄັດຈ້ອນມາເພື່ອໃຫ້ທ່ານໄດ້ລອງເຮັດຕາມຝັນໄດ້ສຳເລັດ ດັ່ງນີ້ :

     1. ແຍກທັກສະອອກເປັນພາກສ່ວນຍ່ອຍໆ : ການຝຶກທັກສະ ຫລື ຮຽນຮູ້ສິ່ງໃໝ່ໆ ອາດກາຍເປັນເລື່ອງໜັກໜາຈົນທ່ານອາດຮູ້ສຶກຢາກຈະຍົກເລີກ ກ່ອນທີ່ຈະເລີ່ມຕົ້ນລົງມືເຮັດ, ແຕ່ທ່ານອາດບໍ່ທັນຄິດວ່າທັກສະຕ່າງໆລ້ວນມາຈາກການນຳເອົາຫລາຍໆທັກສະມາໂຮມເຂົ້າກັນ ປຽບດັ່ງການຫລິ້ນກິລາບານບ້ວງ ທ່ານຕ້ອງຮູ້ກ່ອນວ່າຈະຕີ, ໂຍນ ແລະ ຮັບແນວໃດ, ທ່ານຈະເລີ່ມໂດຍການຝຶກຫລິ້ນບານບ້ວງເລີຍບໍ່ໄດ້, ແຕ່ຕ້ອງລອງຝຶກຈັບໝາກບານກ່ອນຈັກມື້ໜຶ່ງ ຕໍ່ຈາກນັ້ນຄ່ອຍຝຶກຕີໃນມື້ຕໍ່ໄປ, ການຝຶກໄປເທື່ອລະຂັ້ນຕອນຍ່ອຍໆ ຈົນເກັ່ງໄປເທື່ອລະດ້ານ ຍ່ອມງ່າຍກ່ວາການ ພະຍາຍາມເຮັດທັງໝົດໃນເວລາດຽວກັນ.

  2. ຕັ້ງໃຈຝຶກຝົນໃນຊ່ວງ 20 ຊົ່ວໂມງທຳອິດໃຫ້ດີ : ຄຳຖາມທ່ີມີຄວາມສຳຄັນຫລາຍຕໍ່ໂຕເຮົາກໍຄື “ຈະເຮັດແນວໃດໃຫ້ເຮົາສາມາດຮຽນຮູ້ໄດ້ຢ່າງວ່ອງໄວ ພາຍໃນ 20 ຊົ່ວໂມງທຳອິດຂອງການເລີ່ມຕົ້ນຝຶກຝົນໄດ້ແດ່ ?”

     ກ່ອນທີ່ທ່ານຈະເລີ່ມຮຽນສິ່ງໃໝ່ໆ ລອງຕັ້ງເປົ້າໝາຍທີ່ຕ້ອງການໃຫ້ຈະແຈ້ງ ຈາກນັ້ນກໍວາງຕາຕະລາງຝຶກຢ່າງເຂັ້ມງວດ ແລະ ເຮັດຕາມຢ່າງເຄັ່ງຄັດ, ບໍ່ແປກດອກທີ່ທ່ານຈະຮູ້ສຶກວ່າມັນຍາກຫລາຍໃນຊ່ວງທຳອິດ, ແຕ່ຖ້າທ່ານສາມາດຜ່ານມັນໄປໄດ້ ທ່ານຈະມີໂອກາດທີ່ຈະປະສົບຄວາມສຳເລັດສູງຫລາຍ.

5 ເຕັກນິກທີ່ຈະຊ່ວຍໃຫ້ທ່ານຊ່ຽວຊານຮອບດ້ານ - Wave100S AD to Website 2020 0 - 5 ເຕັກນິກທີ່ຈະຊ່ວຍໃຫ້ທ່ານຊ່ຽວຊານຮອບດ້ານ

     3. ຫານິຍາມຂອງຄຳວ່າ ຊ່ຽວຊານຂອງທ່ານໃຫ້ພົບ : ທຸກຄົນລ້ວນແຕ່ຕີຄວາມໝາຍຂອງສິ່ງອ້ອມໂຕແຕກຕ່າງກັນຢູ່ແລ້ວ ສະນັ້ນ ການໃຫ້ຄຳນິຍາມຄວາມໝາຍຂອງຄຳວ່າ ຄວາມຊ່ຽວຊານກໍຍ່ອມແຕກຕ່າງກັນໄປ ຫາກທ່ານຕັ້ງເປົ້າໝາຍໃນຊີວິດທີ່ບໍ່ຄ່ອຍຈະສົມເຫດສົມຜົນປານໃດ ແລະ ໃຊ້ຊ່ວງເວລາ 20 ຊົ່ວໂມງໃນການດິ້ນຮົນຝຶກຝົນ ທ່ານຄົງເຮັດມັນໄດ້ບໍ່ດົນດອກ, ແຕ່ຖ້າທ່ານຕັ້ງເປົ້າໝາຍທີ່ເໝາະສົມກັບໂຕເອງ ແລະ ຕັ້ງໃຈຝຶກຝົນຈິງຈັງ ການຝຶກຝົນຈົນຄົບ 20 ຊົ່ວໂມງ ຫລື ຈົນກະທັ້ງຊ່ຽວຊານ ກໍບໍ່ແມ່ນເລື່ອງຍາກເກີນໂຕຢ່າງແນ່ນອນ.

     4. ນຶກພາບໂຕເອງຂະນະກຳລັງຝຶກສິ່ງທີ່ຕັ້ງໃຈໄວ້ຈົນຊ່ຽວຊານ: ຈິນຕະນາການພາບໂຕເອງກຳລັງສະແດງທັກສະທີ່ກຳລັງຝຶກຝົນຢູ່ໃຫ້ຕິດເປັນນິໄສ, ການໄດ້ເຫັນພາບວ່າໂຕເອງເຮັດໄດ້ ຈະເຮັດໃຫ້ທ່ານມີກຳລັງໃຈ ແລະ ໝັ້ນໃຈໃນໂຕເອງຫລາຍຂຶ້ນວ່າຈະສາມາດຝຶກຝົນທັກສະເຫລົ່ານັ້ນ ຈົນຊ່ຽວຊານໄດ້ຢ່າງທີ່ຫວັງໄວ້ແທ້ໆ.     5. ພູມໃຈໃນໂຕເອງໄດ້, ແຕ່ກໍຕ້ອງຖ່ອມໂຕນຳ : ເມື່ອທ່ານຜ່ານການຝຶກໃນໄລຍະທຳອິດມາໄດ້ແລ້ວ ແລະ ເລີ່ມທີ່ຈະຊ່ຽວຊານທັກສະນັ້ນຫລາຍຂຶ້ນ ລອງປົດປ່ອຍຄວາມສາມາດໂຕເອງອອກມາ ສະແດງໃຫ້ຄົນອື່ນເຫັນເຖິງຄວາມສາມາດຂອງທ່ານແດ່ ນີ້ຖືເປັນອີກວິທີໃນການເສີມສ້າງຄວາມໝັ້ນໃຈໃນໂຕທ່ານເອງໄດ້ ເພື່ອໃຫ້ຝຶກຝົນແລະ ພັດທະນາໂຕເອງຕໍ່ໄປໄດ້ງ່າຍຂຶ້ນ, ແຕ່ກໍຢ່າທໍລະນົງຕົນຈົນເກີນໄປ ເພາະທ່ານອາດຈະເຜີຄິດໄດ້ວ່າໂຕເອງຮູ້ດີໃນເລື່ອງນັ້ນແລ້ວ ໂດຍທີ່ຄວາມຈິງຍ່ອມມີສິ່ງອື່ນອີກຫລວງຫລາຍທີ່ທ່ານຍັງຕ້ອງຮຽນຮູ້ເພີ່ມຕື່ມອີກຫລາຍ. ດັ່ງນັ້ນ, ການຮູ້ສຶກພູມໃຈໃນຄວາມສາມາດຂອງໂຕເອງບໍ່ແມ່ນເລື່ອງບໍ່ດີ, ແຕ່ກໍຢ່າລືມພັດທະນາຕົນເອງ ແລະ ພ້ອມເປີດໃຈຮັບສິ່ງໃໝ່ໆຕໍ່ໄປເລື້ອຍໆຕື່ມອີກ

5 ເຕັກນິກທີ່ຈະຊ່ວຍໃຫ້ທ່ານຊ່ຽວຊານຮອບດ້ານ - WhatsApp Image 2020 05 27 at 5 - 5 ເຕັກນິກທີ່ຈະຊ່ວຍໃຫ້ທ່ານຊ່ຽວຊານຮອບດ້ານ
5 ເຕັກນິກທີ່ຈະຊ່ວຍໃຫ້ທ່ານຊ່ຽວຊານຮອບດ້ານ - WhatsApp Image 2020 05 27 at 5 - 5 ເຕັກນິກທີ່ຈະຊ່ວຍໃຫ້ທ່ານຊ່ຽວຊານຮອບດ້ານ
5 ເຕັກນິກທີ່ຈະຊ່ວຍໃຫ້ທ່ານຊ່ຽວຊານຮອບດ້ານ - WhatsApp Image 2020 05 27 at 5 - 5 ເຕັກນິກທີ່ຈະຊ່ວຍໃຫ້ທ່ານຊ່ຽວຊານຮອບດ້ານ
5 ເຕັກນິກທີ່ຈະຊ່ວຍໃຫ້ທ່ານຊ່ຽວຊານຮອບດ້ານ - WhatsApp Image 2020 05 27 at 5 - 5 ເຕັກນິກທີ່ຈະຊ່ວຍໃຫ້ທ່ານຊ່ຽວຊານຮອບດ້ານ
error: Alert: Content is protected !!