ປີນີ້ຄຳມ່ວນວາງເປົ້າໃຫ້ເສດຖະກິດຂະຫຍາຍຕົວ 6,76%

- 563 - ປີນີ້ຄຳມ່ວນວາງເປົ້າໃຫ້ເສດຖະກິດຂະຫຍາຍຕົວ 6,76%
- Untitled design - ປີນີ້ຄຳມ່ວນວາງເປົ້າໃຫ້ເສດຖະກິດຂະຫຍາຍຕົວ 6,76%

     ກອງປະຊຸມເຜີຍແຜ່ ແລະ ແນະນຳການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນລົງທຶນຂອງລັດ ປະຈຳປີ 2020 ຈັດຂຶ້ນໃນວັນທີ 19 ກຸມພານີ້ ທີ່ຫ້ອງວ່າການແຂວງຄຳມ່ວນ ໄດ້ເປີດເຜີຍໃຫ້ຮູ້ວ່າ: ປີ 2020 ນີ້ແຂວງຂອງຕົນໄດ້ວາງເປົ້າໝາຍໃຫ້ເສດຖະກິດຂະຫຍາຍຕົວບໍ່ໃຫ້ຫລຸດ 6,76% ໃນນັ້ນລວມຍອດຜະລິດຕະພັນພາຍໃນ (GDP) ໃຫ້ບັນລຸໄດ້ 9.028 ຕື້ກີບ, ສະເລ່ຍລາຍຮັບຂອງພົນລະເມືອງໃຫ້ໄດ້ຢ່າງໜ້ອຍ 20 ລ້ານກວ່າກີບ ຫລື ເທົ່າກັບ 2.343 ໂດລາສະຫະລັດຕໍ່ຄົນຕໍ່ປີ ໃນນັ້ນຂະແໜງການກະສິກຳ-ປ່າໄມ້ໃຫ້ກວມ 18,18%, ອຸດສາຫະກຳກວມ 46,92%, ການບໍລິການກວມ 31,25%.

     ກອງປະຊຸມໄດ້ຍົກໃຫ້ເຫັນວ່າ: ປີນີ້ 2019 ຜ່ານມາແຂວງຄຳມ່ວນ  ສາມາດຈັດຕັ້ງປະຕິບັດ ໂຄງການລົງທຶນໄດ້ 324 ໂຄງການ ລວມມີມູນຄ່າ 107 ຕື້ກີບ ກວມເອົາ 1,28% ຂອງ GDP, ໃນນັ້ນການລົງທຶນຂອງພາກເອກະຊົນມີ 50 ໂຄງການຕົກເປັນ ມູນຄ່າ 412 ຕື້ກີບ ແລະ ລະບົບສິນເຊື່ອທະນາຄານ 345 ຕື້ກີບ ກວມ 4,13% ຂອງ GDP, ທຶນຊ່ວຍເຫລືອ ODA ແລະ ໂຄງການຊ່ວຍເຫຼືອລ້າ ມີ 8 ໂຄງການ ລວມມູນຄ່າ 52 ຕື້ກີບ. ສຳລັບປີ 2020 ແຂວງວາງແຜນລົງທຶນຂອງລັດໃຫ້ໄດ້ 294 ໂຄງການ ມູນຄ່າ 215 ຕື້ກີບ ກວມເອົາ 2,39% ຂອງ GDP, ການລົງທຶນພາກເອກະຊົນທັງພາຍໃນ ແລະ ຕ່າງປະເທດໃຫ້ບັນລຸ 1.811 ຕື້ກີບ ກວມເອົາ 20,07%./.

- Wave100S AD to Website 2020 0 - ປີນີ້ຄຳມ່ວນວາງເປົ້າໃຫ້ເສດຖະກິດຂະຫຍາຍຕົວ 6,76%
- WhatsApp Image 2020 05 27 at 5 - ປີນີ້ຄຳມ່ວນວາງເປົ້າໃຫ້ເສດຖະກິດຂະຫຍາຍຕົວ 6,76%
- WhatsApp Image 2020 05 27 at 5 - ປີນີ້ຄຳມ່ວນວາງເປົ້າໃຫ້ເສດຖະກິດຂະຫຍາຍຕົວ 6,76%
error: Alert: ເນື້ອຫາຂ່າວມີລິຂະສິດ !!