ລັດພວມເລັ່ງແກ້ໄຂບັນຫາໄພແລ້ງ

ລັດພວມເລັ່ງແກ້ໄຂບັນຫາໄພແລ້ງ - 37 - ລັດພວມເລັ່ງແກ້ໄຂບັນຫາໄພແລ້ງ
ລັດພວມເລັ່ງແກ້ໄຂບັນຫາໄພແລ້ງ - Untitled design - ລັດພວມເລັ່ງແກ້ໄຂບັນຫາໄພແລ້ງ

ໃນກອງປະຊຸມສະໄໝສາມັນປະຈຳເດືອນກຸມພາ ເມື່ອບໍ່ດົນມານີ້, ລັດຖະບານໄດ້ເນັ້ນ ໃຫ້ຂະແໜງການກ່ຽວຂ້ອງ ສືບຕໍ່ເອົາໃຈໃສ່ຕິດຕາມ ແລະ ແກ້ໄຂສະພາບພົ້ນເດັ່ນ ທາງດ້ານເສດຖະກິດ ເປັນຕົ້ນ: ຄຸ້ມຄອງ ອັດຕາແລກປ່ຽນ, ຮັກສາສະຖຽນລະພາບການເງິນ ແລະ ໄພເງິນເຟີ້ ໃຫ້ຢູ່ໃນລະດັບທີ່ສາມາດຄວບຄຸມໄດ້; ຄຸ້ມຄອງລາຄາສິນຄ້າ ບໍ່ໃຫ້ມີການສວຍໂອກາດ ຂຶ້ນລາຄາສິນຄ້າ ອຸປະໂພກ ແລະ ບໍລິໂພກ, ພ້ອມທັງ ເອົາໃຈໃສ່ຕິດຕາມຊຸກຍູ້ການຜະລິດໃຫ້ທັນກັບລະດູການ ແລະ ການແກ້ໄຂບັນຫາໄພແລ້ງ.

ທ່ານ ວິໄລພົງ ສີສົມຫວັງ ຫົວໜ້າກົມສັງຄົມສົງເຄາະ ແລະ ທັງເປັນ ຫົວໜ້າກອງເລຂາ ຄະນະກໍາມະການປ້ອງກັນ ແລະ ຄວບຄຸມໄພພິບັດແຫ່ງຊາດ, ໃຫ້ຮູ້ວ່າ: ສໍາລັບ ຢູ່ລາວເຮົາ ໃນປີ 2018 ແລະ 2019 ທີ່ຜ່ານມາ ກໍ່ໄດ້ມີຫຼາຍເຫດການໄພພິບັດເກີດຂື້ນ ເປັນຕົ້ນ ນໍ້າຖ້ວມ, ລົມພະຍຸ, ໄຟໄໝ້, ສັດຕູພືດທໍາລາຍຜົນລະປູກ, ແຫ້ງແລ້ງ ແລະ ອື່ນໆ. ສະເພາະ ຜົນກະທົບ ແລະ ຜົນເສຍຫາຍຈາກເຫດການໄພແຫ້ງແລ້ງ ໃນໄລຍະ ປີ 2016 – 2019 ແມ່ນມີຫຼາຍແຂວງໄດ້ຮັບຜົນກະທົບ, ເສຍຫາຍ ແລະ ສະເພາະ ປີ 2019 ເກີດຂຶ້ນ 4 ຄັ້ງຄື: ຢູ່ແຂວງບໍ່ແກ້ວ ແລະ ແຂວງຜົ້ງສາລີ, ສົ່ງຜົນໃຫ້ 7 ເມືອງ, 80 ບ້ານໄດ້ຮັບຜົນກະທົບ, ເນື້ອທີ່ການຜະລິດເສຍຫາຍກ່າວ 3 ແສນເຮັກຕາ (ໃນນີ້, ມີເນື້ອທີ່ນາ 238 ເຮັກຕາ, ເນື້ອທີ່ໄຮ່ 2,600 ກ່ວາເຮັກຕາ ແລະ ເນື້ອທີ່ທໍາການຜະລິດອື່ນໆ 165 ເຮັກຕາ), ລວມມູນຄ່າເສຍຫາຍ ສີ່ຕື້ ກວ່າກີບ,  ຍ້ອນສະພາບອາກາດມີການປ່ຽນແປງ, ຝົນຕົກບໍ່ຖືກຕາມລະດູ ແລະ ບັນຫາການຕັດໄມ້ທຳລາຍປ່າ, ຕໍ່ກັບສະພາບດັ່ງກ່າວ, ທາງພັກ – ລັດຖະບານ ກໍ່ໃຫ້ຄວາມສໍາຄັນ ແລະ ໄດ້ສຸມໃສ່ຈັດຕັ້ງປະຕິບັດມາດຕະການ ຕອບໂຕ້ສຸກເສີນ, ການປ້ອງກັນ ແລະ ຫຼຸດຜ່ອນຄວາມສ່ຽງໄພພິບັດ ໄປຄຽງຄູ່ກັບການຊ່ວຍເຫຼືອບັນເທົາທຸກສຸກເສີນ ແລະ ການແກ້ໄຂຟື້ນຟູໃນໄລຍະຍາວ; ລັດຖະບານໄດ້ຖືເອົາວຽກງານຄຸ້ມຄອງຄວາມສ່ຽງໄພພິບັດ ເປັນບູລິມະສິດສໍາຄັນໃນການພັດທະນາປະເທດ ແລະ ໄດ້ເຊື່ອມສານວຽກງານຫຼຸດຜ່ອນຄວາມສ່ຽງໄພພິບັດ ເຂົ້າໃນແຜນພັດທະນາເສດຖະກິດ-ສັງຄົມ ໃນແຕ່ລະໄລຍະ, ໂດຍສະເພາະ ໃນແຜນງານຂອງ 2016 – 2020 ເຊິ່ງໄດ້ວາງຄາດໝາຍໄວ້ຫຼາຍດ້ານ. ໃນນັ້ນ, ແມ່ນ ການສ້າງກົດໝາຍ ວ່າດ້ວຍ ການຄຸ້ມຄອງໄພພິບັດ, ສ້າງກອງທຶນແຜນຍຸດທະສາດຫຼຸດຜ່ອນຄວາມສ່ຽງໄພພິບັດ ແລະ ແຜນກຽມພ້ອມຕອບໂຕ້ໄພພິບັດໃນແຕ່ລະປີ.

ຫົວໜ້າກົມດັ່ງກ່າວ ໃຫ້ຮູ້ອີກວ່າ: ປັດຈຸບັນຢູ່ຫລາຍແຂວງຂອງປະເທດເຮົາກຳລັງປະເຊີນກັບໄພແຫ້ງແລ້ງແລ້ວ, ໂດຍສະເພາະແມ່ນເຂດພາກກາງ ແລະ ພາກເຫນືອຄື: ແຂວງ ວຽງຈັນ, ໄຊຍະບູລີ, ຫລວງພະບາງ ແລະ ອຸດົມໄຊ ແລະ ຕໍ່ສະພາບດັ່ງກ່າວ, ພັກ-ລັດຖະບານກໍຄື ກະຊວງກະສິກຳ ໄດ້ເອົາໃຈໃສ່ແນະນຳໃຫ້ປະຊາຊົນ ໄປປູກພຶດອຸດສາຫະກຳອາຍຸສັ້ນ, ແຕ່ຕະຫລາດມີຄວາມຕ້ອງການສູງຄື: ພຶດຕະກູນຖົ່ວ ແລະ ອື່ນໆ, ທີ່ມີເງື່ອນໄຂເໝາະສົມ, ພ້ອມນີ້ ລັດຈະຕ້ອງໄດ້ກຳນົດຈຸດສຸມການຜະລິດຢ່າງລະອຽດກໍຄື ແຂວງຈະປູກຫຍັງ, ປູກຢູ່ໃສ ແລະ ດ້ານເຕັກໂນໂລຊີຕ້ອງເໝາະສົມກັບຊະນິດພຶດດັ່ງກ່າວ, ແຫລ່ງທຶນສົ່ງເສີມຕ້ອງໃຫ້ມີ ແລະ ຄຸ້ມຄອງໃຫ້ຮັດກຸມ ແລະ ໂປ່ງໃສ, ສົ່ງເສີມການຜະລິດພາຍໃນ, ຫລຸດຜ່ອນການນຳເຂົ້າ, ສ່ວນການປູກເຂົ້ານາແຊງແລ້ງນີ້, ລັດຖະບານຍັງຄົງວາງຄາດໝາຍສູ້ຊົນທົ່ວປະເທດໃຫ້ໄດ້ 1 ແສນກ່ວາເຮັກຕາ, ໂດຍກຳນົດເອົາເຂດພາກກາງ ແລະ ພາກໃຕ້ເປັນເຂດຫລັກໃນການຜະລິດເຂົ້າແທນຜົນເສຍໃນຜ່ານມາ, ພ້ອມດຽວກັນນັ້ນກໍໄດ້ອອກມາດຕະການເດັດຂາດ ບໍ່ອະນຸຍາດໃຫ້ມີການສົ່ງເຂົ້າອອກຂາຍຢ່າງເດັດຂາດ.

ລັດພວມເລັ່ງແກ້ໄຂບັນຫາໄພແລ້ງ - Wave100S AD to Website 2020 0 - ລັດພວມເລັ່ງແກ້ໄຂບັນຫາໄພແລ້ງ
ລັດພວມເລັ່ງແກ້ໄຂບັນຫາໄພແລ້ງ - WhatsApp Image 2020 05 27 at 5 - ລັດພວມເລັ່ງແກ້ໄຂບັນຫາໄພແລ້ງ
ລັດພວມເລັ່ງແກ້ໄຂບັນຫາໄພແລ້ງ - WhatsApp Image 2020 05 27 at 5 - ລັດພວມເລັ່ງແກ້ໄຂບັນຫາໄພແລ້ງ
error: Alert: ເນື້ອຫາຂ່າວມີລິຂະສິດ !!