ສໍ້​ລາດ ​ຊາດ​ເປັນ​ທຸກ

ສໍ້​ລາດ ​ຊາດ​ເປັນ​ທຸກ - 314 - ສໍ້​ລາດ ​ຊາດ​ເປັນ​ທຸກ
ສໍ້​ລາດ ​ຊາດ​ເປັນ​ທຸກ - Untitled design - ສໍ້​ລາດ ​ຊາດ​ເປັນ​ທຸກ

​ໂດຍ: ລູກ​ເມືອງ​ພວນ

ສະບາຍດີ, ເພື່ອນຜູ້ອ່ານທີ່ຮັກແພງດັ່ງທີ່ທຸກຄົນຮູ້ນຳກັນແລ້ວວ່າ ການສໍ້ລາດບັງຫຼວງ ແມ່ນພະຍາດສວຍໃຊ້ຖານະຕຳແໜ່ງ, ສິດອຳນາດ, ໜ້າທີ່ຂອງຕົນເອງ ເພື່ອຍັກຍອກເອົາຊັບສົມບັດຂອງລັດ ແລະ ປະຊາຊົນ, ສໍ້ໂກງຮັບສິນບົນ ແລະ ພຶດຕິກຳອື່ນໆ. ນີ້ຖືວ່າເປັນການກະທຳຜິດທີ່ຕໍ່າຕ້ອຍໜ້າລັງກຽດທີ່ສຸດໃນສັງຄົມ. ພະຍາດດັ່ງກ່າວບໍ່ຕ່າງຫຍັງກັບແມງມອດ ຫຼື ປວກທີ່ບຸກລຸກອາຄານ, ບ້ານເຮືອນ ເຊິ່ງອາດມີວັນໜຶ່ງບໍ່ໄວກໍຊ້າຈະໂຄ່ນລົ້ມລົງໃນທີ່ສຸດ.  ຖ້າຫາກບໍ່ມີມາດຕະການປ້ອງກັນ ແລະ ປາບປາມຢ່າງຈິງຈັງຊາດກໍຈະເປັນທຸກ.

ພະຍາດດັ່ງກ່າວເໝືອນກັບໄວຣັສຮ້າຍແຜ່ລາມໄປທົ່ວໂລກມັນບໍ່ເລືອກປະເທດໃຫຍ່ປະເທດນ້ອຍດ້ອຍພັດທະນາ, ມັນເປັນພິດເປັນໄພຕໍ່ທຸກໆສັງຄົມ, ໃນປັດຈຸບັນເຖິງວ່າທຸກໆປະເທດລ້ວນແຕ່ມີມາດຕະການ ແລະ ກົດໝາຍຂອງໃຜລາວ ໃນການຕ້ານ, ສະກັດກັ້ນ ແລະ ປາບປາມໂຣກຮ້າຍນີ້ດ້ວຍມາດຕະການຕ່າງໆ, ແຕ່ແລ້ວກໍຍັງປາກົດມີໃຫ້ເຫັນ.

ດັ່ງຢູ່ລາວເຮົາກໍຍິ່ງໜັກໃຈຕໍ່ບັນຫາດັ່ງກ່າວ, ເພາະພະຍາດສໍ້ລາດບັງຫຼວງເກີດຂຶ້ນຢູ່ທຸກຈອກທຸກແຈບ່ອນນ້ອຍ ກໍມີໜ້ອຍບ່ອນໃຫຍ່ກໍມີຫຼາຍ, ນັບມື້ຮຸນແຮງຂຶ້ນ. “ເຮັດອັນໃດກິນນຳອັນນັ້ນ” ນີ້ຄືທິດສະດີຂອງພວກສໍ້ລາດບັງຫຼວງ.

ແຕ່ກໍຂໍສະແດງຄວາມຍ້ອງຍໍຊົມເຊີຍ ແລະ ດີໃຈນຳລັດຖະບານລາວທີ່ໄດ້ມີມາດຕະການທີ່ເຂັ້ມງວດ ແລະ ເດັດ ຂາດໃນການປາບປາມຜູ້ບໍ່ດີສໍ້ລາດບັງຫຼວງຢ່າງຈິງຈັງ. ຫຼັງໆມານີ້ພວກເຮົາຈະເຫັນ ໃນໜ້າສື່ຕ່າງໆກໍໄດ້ເຜີຍໂສມໜ້າການຈັບກຸມຄຸມຂັງ, ການປະຕິບັດວິໄນໃສ່ໂທດພະນັກງານທີ່ມີພຶດຕິກຳບໍ່ດີອອກຈາກພັກ, ອອກຈາກການຈັດຕັ້ງຂອງລັດຖະບານນັບມື້ນັບຫຼາຍຂຶ້ນ, ເດັດຂາດເຖິງຖອງ ຊຶ່ງປະຊາຊົນໃຜໆກໍຍ້ອງຍໍສັນລະເສີນຕໍ່ພັກ ແລະ ລັດຖະບານທີ່ມີຄວາມເດັດຂາດປາບປາມເພື່ອສິດຜົນປະໂຫຍດຂອງປະເທດຊາດ ແລະ ປະຊາຊົນຢ່າງແທ້ຈິງ.

ສໍ້​ລາດ ​ຊາດ​ເປັນ​ທຸກ - Wave100S AD to Website 2020 0 - ສໍ້​ລາດ ​ຊາດ​ເປັນ​ທຸກ

ຂໍໃຫ້ລັດຖະບານຈົ່ງໄດ້ສືບຕໍ່ໃຊ້ມາດຕະການທີ່ເຂັ້ມແຂງ, ໃຊ້ກົດໝາຍຢ່າງເຂັ້ມງວດຕໍ່ພວກສໍ້ລາດບັງຫຼວງ, ຕໍ່ພວກຄົນກິນບ້ານກິນເມືອງຢ່າງຈິງຈັງ, ເພື່ອກຳຈັດປັດເປົ່າພະຍາດຮ້າຍນີ້ໃຫ້ໝົດໄປຈາກແຜ່ນດິນອັນແສນຮັກ ແລະ ຫລວງແຫນແຫ່ງນີ້./.

ສໍ້​ລາດ ​ຊາດ​ເປັນ​ທຸກ - WhatsApp Image 2020 05 27 at 5 - ສໍ້​ລາດ ​ຊາດ​ເປັນ​ທຸກ
ສໍ້​ລາດ ​ຊາດ​ເປັນ​ທຸກ - WhatsApp Image 2020 05 27 at 5 - ສໍ້​ລາດ ​ຊາດ​ເປັນ​ທຸກ
error: Alert: ເນື້ອຫາຂ່າວມີລິຂະສິດ !!