ເຈົ້າໜ້າທີ່ເຕືອນປະຊາຊົນໃຫ້ປ້ອງກັນອັກຄີໄພໃນລະດູແລ້ງ

ເຈົ້າໜ້າທີ່ເຕືອນປະຊາຊົນໃຫ້ປ້ອງກັນອັກຄີໄພໃນລະດູແລ້ງ - 356 - ເຈົ້າໜ້າທີ່ເຕືອນປະຊາຊົນໃຫ້ປ້ອງກັນອັກຄີໄພໃນລະດູແລ້ງ
ເຈົ້າໜ້າທີ່ເຕືອນປະຊາຊົນໃຫ້ປ້ອງກັນອັກຄີໄພໃນລະດູແລ້ງ - Untitled design - ເຈົ້າໜ້າທີ່ເຕືອນປະຊາຊົນໃຫ້ປ້ອງກັນອັກຄີໄພໃນລະດູແລ້ງ

ເຈົ້າໜ້າທີ່ຕຳຫຼວດສະກັດກັ້ນ ແລະ  ຕ້ານອັກຄີໄພນະຄອນຫຼວງວຽງຈັນ ໄດ້ອອກມາເຕືອນປະຊາຊົນຫວ່າງບໍ່ດົນມານີ້ວ່າ: ປັດຈຸບັນ ສະພາບອາກາດເລີ່ມຮ້ອນອົບເອົ້າ ແລະ ແຫ້ງແລ້ງຍິ່ງເພີ່ມທະວີຂື້ນ, ສະນັ້ນ ຈຶ່ງໃຫ້ທຸກຄົນເອົາໃຈໃສ່ໃນການປ້ອງກັນອັກຄີໄພທີ່ມີໂອກາດເກີດຂື້ນໄດ້ງ່າຍໃນໄລຍະລະດູແລ້ງນີ້.

    ຫົວໜ້າພະແນກຕຳຫລວດສະກັດກັ້ນ ແລະ ມອດໄຟ ນະຄອນຫລວງວຽງຈັນ ໃຫ້ຮູ້ວ່າ: ເຈົ້າໜ້າທີ່ຈະເຮັດ ວຽກຢ່າງໃກ້ຊິດກັບບັນດາອົງການປົກຄອງທ້ອງຖິ່ນໃນ 9 ຕົວເມືອງຢູ່ພາຍໃນນະຄອນຫຼວງວຽງຈັນນີ້, ເພື່ອໂຄສະນາອະທິບາຍໃຫ້ປະຊາຊົນ ເຂົ້າໃຈຕື່ມໃນການປ້ອງກັນຊີວິດ ແລະ ຊັບສິນຂອງຕົນຈາກອັກຄີໄພ ແລະ ແນະນຳປະຊາຊົນໃຫ້ ລະມັດລະວັງເວລາຈູດປ່າ ແລະ ຢຸດຕິດການຈູດຂີ້ເຫຍືອຊະຊາຍ, ເພື່ອບໍ່ໃຫ້ໄຟສາມາດ ລຸກລາມໄປສູ່ບ່ອນອື່ນໆໄດ້. ພ້ອມຈະໄດ້ກວດສອບອຸປະກອນໄຟຟ້າໃຫ້ຢູ່ໃນສະພາບສົມບູນຫາກພົບສາຍໄຟຈີກຂາດ, ບຸ້ມ-ບ້ຽວປ່ຽນສີມີກິ່ນໄໝ້ໃຫ້ສ້ອມແປງ ແລະ ປ່ຽນໃໝ່ທັນທີ, ຕິດຕັ້ງລະບົບປ້ອງກັນໄຟໄໝ້, ດ້ວຍເຄື່ອງຕັດກະແສໄຟຟ້າອັດຕະໂນມັດ ແລະ ເພີ່ມທະວີຄວາມມີສະຕິໃນການນຳໃຊ້ຟືນໄຟແຕ່ງຢູ່ຄົວກິນ ແລະ ເຮັດກິດຈະກຳຕ່າງໆກ່ອນຈະອອກຈາກເຮືອນຕ້ອງໄດ້ປິດສະວິດໄຟ, ຖອດປັກສຽບ, ມອດທູບທຽນໃຫ້ດີ ແລະ ປິດວາວຖັງແກັສໃຫ້ແຈບດີທຸກເທື່ອ.

    ກົມຕຳຫລວດສະກັດກັ້ນ ແລະ ມອດໄຟ ໃຫ້ຮູ້ວ່າ: ນັບແຕ່ເດືອນມັງກອນ ມານີ້, ທົ່ວປະເທດມີອັກຄີໄພເກີດຂຶ້ນຫລາຍກ່ວາ 20 ຄັ້ງ, ສົ່ງຜົນໃຫ້ມີຄວາມເສຍຫາຍເຮືອນປະຊາຊົນ ກ່ວາ 10 ຫລັງ, ໂຮງງານ 1 ແຫ່ງ, ກຸດຕິວັດ 2 ຫລັງ ແລະ ມີຜູ້ໄດ້ຮັບບາດເຈັບ 4 ຄົນ, ໃນນັ້ນມີຜົນເສຍຫາຍຫລາຍກ່ວາໝູ່ແມ່ນໄຟໄໝ້ໂຮງງານແຍກຊີ້ນສ່ວນຂີ້ເຫຍື້ອ ຢູ່ບ້ານ ສົມສະຫວາດ ເມືອງ ຄົງເຊໂດນ ແຂວງ ສາລະວັນ ມີມູນຄ່າເສຍຫາຍກ່ວາ 1 ຕື້ກີບ.

ເຈົ້າໜ້າທີ່ເຕືອນປະຊາຊົນໃຫ້ປ້ອງກັນອັກຄີໄພໃນລະດູແລ້ງ - Wave100S AD to Website 2020 0 - ເຈົ້າໜ້າທີ່ເຕືອນປະຊາຊົນໃຫ້ປ້ອງກັນອັກຄີໄພໃນລະດູແລ້ງ
ເຈົ້າໜ້າທີ່ເຕືອນປະຊາຊົນໃຫ້ປ້ອງກັນອັກຄີໄພໃນລະດູແລ້ງ - WhatsApp Image 2020 05 27 at 5 - ເຈົ້າໜ້າທີ່ເຕືອນປະຊາຊົນໃຫ້ປ້ອງກັນອັກຄີໄພໃນລະດູແລ້ງ
ເຈົ້າໜ້າທີ່ເຕືອນປະຊາຊົນໃຫ້ປ້ອງກັນອັກຄີໄພໃນລະດູແລ້ງ - WhatsApp Image 2020 05 27 at 5 - ເຈົ້າໜ້າທີ່ເຕືອນປະຊາຊົນໃຫ້ປ້ອງກັນອັກຄີໄພໃນລະດູແລ້ງ
error: Alert: ເນື້ອຫາຂ່າວມີລິຂະສິດ !!