ຈັບແລ້ວຜູ້ລົງຂ່າວປອມວ່າມີຜູ້ຕິດເຊື້ອ COVID-19 ຢູ່ຕະຫລາດຊັ່ງຈຽງ

ຈັບແລ້ວຜູ້ລົງຂ່າວປອມວ່າມີຜູ້ຕິດເຊື້ອ covid-19 ຢູ່ຕະຫລາດຊັ່ງຈຽງ - 952 - ຈັບແລ້ວຜູ້ລົງຂ່າວປອມວ່າມີຜູ້ຕິດເຊື້ອ COVID-19 ຢູ່ຕະຫລາດຊັ່ງຈຽງ
ຈັບແລ້ວຜູ້ລົງຂ່າວປອມວ່າມີຜູ້ຕິດເຊື້ອ covid-19 ຢູ່ຕະຫລາດຊັ່ງຈຽງ - Untitled design - ຈັບແລ້ວຜູ້ລົງຂ່າວປອມວ່າມີຜູ້ຕິດເຊື້ອ COVID-19 ຢູ່ຕະຫລາດຊັ່ງຈຽງ

    ເຊົ້າວານນີ້, ເຈົ້າໜ້າທີ່ສາມາດຈັບຕົວຜູ້ຕ້ອງຫາລົງຂ່າວປອມວ່າ: ມີຜູ້ຕິດເຊື້ອ COVID-19 ຢູ່ຕະຫລາດຊັ່ງຈຽງ, ມາດຳເນີນຄະດີໄດ້ແລ້ວ, ເປັນຍິງ ອາຍຸປະມານ 25 ປີ ຢູ່ ນະຄອນຫລວງວຽງຈັນ, ພາຍຫລັງ, ໄດ້ລົງຂ່າວປອມດັ່ງກ່າວອັນໄດ້ສ້າງຄວາມແຕກຕື່ນຕໍ່ສັງຄົມເປັນບໍ່ໜ້ອຍ, ດັ່ງທ່ານ ລັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງ ສາທາລະນະສຸກ ໄດ້ອອກມາຢັ້ງຢືນຕໍ່ສື່ມວນຊົນ ໃນວັນທີ 25 ກຸມພາ ນີ້ວ່າ: ບໍ່ມີມູນຄວາມຈິງ, ເປັນຂ່າວອະກຸສົນສ້າງຄວາມວຸນວາຍໃຫ້ສັງຄົມ ແລະ ຜູ້ບໍລິຫານຕະຫລາດດັ່ງກ່າວກໍໄດ້ມີແຈ້ງການເພື່ອຊີ້ແຈງແລ້ວ ແລະ ກໍສາມາດກວດພົບຜູ້ລົງຂ່າວທີ່ບໍ່ມີມູນຄວາມຈິງດັ່ງກ່າວ ແລະ ໄດ້ປະສານເຈົ້າໜ້າທີ່ກ່ຽວຂ້ອງນຳຈັບຕົວມາດຳເນີນຄະດີໄດ້ແລ້ວ ແລະ ປັດຈຸບັນ ເຈົ້າໜ້າທີ່ໄດ້ກັກຕົວຜູ້ກ່ຽວເພື່ອສືບສວນ-ສອບສວນ ແລະ ດຳເນີນຄະດີຕາມລະບຽບກົດໝາຍ.

ຕໍ່ບັນຫານີ້, ທ່ານ ຫົວໜ້າກົມສື່ມວນຊົນ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ກໍໄດ້ອອກມາຖະແຫລງຕໍ່ເຫດການດັ່ງກ່າວນີ້ ວ່າ: ຂໍຮຽກຮ້ອງມາຍັງກຸ່ມທີ່ໃຊ້ສື່ສັງຄົມອອນລາຍ, ຈົ່ງຢ່າໄດ້ເຜີຍແຜ່ຂໍ້ມູນຂ່າວສານທີ່ບໍ່ແມ່ນວຽກງານກ້ຽວຂ້ອງກັບຕົນເອງ, ຖ້າທ່ານປ່ອຍຂ່າວບໍ່ມີມູນຄວາມຈິງດັ່ງກ່າວຈະບໍ່ເປັນຜົນປະໂຫຍດດີຕໍ່ປະເທດຊາດ, ຜິດຕໍ່ກົດໝາຍ ແລະ ລະບຽບການ ໂດຍສະເພາະແມ່ນກົດໝາຍວ່າດ້ວຍສື່ມວນຊົນສະບັບປັບປຸງ ໃນມາດຕາ 66 ໄດ້ມີຂໍ້ຫ້າມໄວ້ວ່າ: ຫ້າມການປ່ອຍຂ່າວທີ່ບໍ່ມີມູນຄວາມຈິງ, ເຊິ່ງໄດ້ສ້າງຜົນກະທົບຕໍ່ປະເທດຊາດ, ລວມໝູ່ ແລະ ບຸກຄົນ, ບໍ່ຖືກຕ້ອງຕາມກົດໝາຍວ່າດ້ວຍການສະກັດກັ້ນ ແລະ ຕ້ານການກໍ່ອາດຊະຍາກຳທາງຄອມພິວເຕີ, ນອກຈາກນີ້ ຍັງມີດຳລັດນາຍົກລັດຖະມົນຕີເລກທີ 327 ມີຂໍ້ຫ້າມໃນມາດຕາທີ 10. ຜ່ານມາ ກໍມີການລົງໂທດຜູ້ກະທຳຜິດ ທີ່ປ່ອຍຂ່າວບໍ່ມີມູນຄວາມຈິງມາແລ້ວຫລາຍຄົນ.

ຈັບແລ້ວຜູ້ລົງຂ່າວປອມວ່າມີຜູ້ຕິດເຊື້ອ covid-19 ຢູ່ຕະຫລາດຊັ່ງຈຽງ - Wave100S AD to Website 2020 0 - ຈັບແລ້ວຜູ້ລົງຂ່າວປອມວ່າມີຜູ້ຕິດເຊື້ອ COVID-19 ຢູ່ຕະຫລາດຊັ່ງຈຽງ
ຈັບແລ້ວຜູ້ລົງຂ່າວປອມວ່າມີຜູ້ຕິດເຊື້ອ covid-19 ຢູ່ຕະຫລາດຊັ່ງຈຽງ - WhatsApp Image 2020 05 27 at 5 - ຈັບແລ້ວຜູ້ລົງຂ່າວປອມວ່າມີຜູ້ຕິດເຊື້ອ COVID-19 ຢູ່ຕະຫລາດຊັ່ງຈຽງ
ຈັບແລ້ວຜູ້ລົງຂ່າວປອມວ່າມີຜູ້ຕິດເຊື້ອ covid-19 ຢູ່ຕະຫລາດຊັ່ງຈຽງ - WhatsApp Image 2020 05 27 at 5 - ຈັບແລ້ວຜູ້ລົງຂ່າວປອມວ່າມີຜູ້ຕິດເຊື້ອ COVID-19 ຢູ່ຕະຫລາດຊັ່ງຈຽງ
error: Alert: ເນື້ອຫາຂ່າວມີລິຂະສິດ !!