ຄຳ​ສັ່ງ: ກົມ​ການ​ເມືອງ​ສູນ​ກາງ​ພັກ​ໃຫ້​ເພີ່ມ​ທະວີ​ຊີ້​ນຳ​ວຽກ​ງານ​ພັດທະນາ​ຊົນນະບົດ ​ແລະ ​ແກ້​ໄຂ​ຄວາມທຸກ​ຍາກ

ຄຳ​ສັ່ງ: ກົມ​ການ​ເມືອງ​ສູນ​ກາງ​ພັກ​ໃຫ້​ເພີ່ມ​ທະວີ​ຊີ້​ນຳ​ວຽກ​ງານ​ພັດທະນາ​ຊົນນະບົດ ​ແລະ ​ແກ້​ໄຂ​ຄວາມທຸກ​ຍາກ - 258 - ຄຳ​ສັ່ງ: ກົມ​ການ​ເມືອງ​ສູນ​ກາງ​ພັກ​ໃຫ້​ເພີ່ມ​ທະວີ​ຊີ້​ນຳ​ວຽກ​ງານ​ພັດທະນາ​ຊົນນະບົດ ​ແລະ ​ແກ້​ໄຂ​ຄວາມທຸກ​ຍາກ
ຄຳ​ສັ່ງ: ກົມ​ການ​ເມືອງ​ສູນ​ກາງ​ພັກ​ໃຫ້​ເພີ່ມ​ທະວີ​ຊີ້​ນຳ​ວຽກ​ງານ​ພັດທະນາ​ຊົນນະບົດ ​ແລະ ​ແກ້​ໄຂ​ຄວາມທຸກ​ຍາກ - Untitled design - ຄຳ​ສັ່ງ: ກົມ​ການ​ເມືອງ​ສູນ​ກາງ​ພັກ​ໃຫ້​ເພີ່ມ​ທະວີ​ຊີ້​ນຳ​ວຽກ​ງານ​ພັດທະນາ​ຊົນນະບົດ ​ແລະ ​ແກ້​ໄຂ​ຄວາມທຸກ​ຍາກ

      ​ເມື່ອ​ວັນ​ທີ 18 ກຸມພາ​ຜ່ານ​ມາ​ນີ້, ກົມ​ການ​ເມືອງ​ສູນ​ກາງ​ພັກ ​ໄດ້​ອອກ​ຄຳ​ສັ່ງ​ເລກທີ 097/ກມສພ ວ່າ​ດ້ວຍ​ການ​ເພີ່ມ​ທະວີ​ຊີ້​ນຳ-ນຳພາ​ວຽກ​ງານ​ພັດທະນາ​ຊົນນະບົດ ​ແລະ ​ແກ້​ໄຂ​ຄວາມທຸກ​ຍາກ​ຂອງ​ປະຊາຊົນ ​ເຊິ່ງ​ເປັນ​ວຽກ​ຍຸດ​ທະ​ສາດ​ສຳຄັນ ​ແລະ ຈະ​ຕ້ອງ​ໄດ້​ສຸມ​ທຶນຮອນ​ເຂົ້າ​ໃສ່​ຢ່າງ​ແທດ​ເຖິງ ​ແລະ ຕໍ່​ເນື່ອງ ​ເພື່ອ​ໃຫ້​ຊົນນະບົດ​ຢູ່​ປະ​ເທດ​ເຮົາ​ມີ​ໂສມ​ໜ້າ​ໃໝ່ ​ແລະ ມີ​ການ​ຫັນປ່ຽນ​ດີ​ຂຶ້ນ​ເປັນ​ກ້າວໆ.

     ​ໃນ​ຄຳ​ສັ່ງ​ດັ່ງກ່າວ ​ໄດ້​ລະບຸ​ເຖິງ 6 ທິດ​ນຳ ​ເພື່ອ​ໃຫ້ການ​ຈັດຕັ້ງປະຕິບັດ​ມີ​ປະສິດທິ​ຜົນ​ຄື: 1. ​ໃຫ້​ຖື​ເປັນ​ໜ້າ​ທີ່​ຍຸດ​ທະ​ສາດ ​ແລະ ​ເປັນ​ວຽກ​ບູລິ​ມະ​ສິດສຳຄັນ​ຂອງ​ພັກ-ລັດ ​ແລະ ທົ່ວ​ສັງຄົມ, 2. ຕ້ອງ​ເຮັດ​ໃຫ້​ລະບົບ​ການ​ເມືອງ​ຢູ່​ຊົນນະບົດ​ມີ​ຄວາມ​ເຂັ້ມ​ແຂງ​ໜັກ​ແໜ້ນ, ສາມ​າດນຳພາ​ປະຊາຊົນ​ເປັນ​ເຈົ້າການ​ປົກ​ປັກ​ຮັກສາ, ພັດທະນາ​ຕົນ​ເອງ ​ແລະ ບ້ານ​ຊ່ອງ​ໃຫ້​ຫລຸດ​ພົ້ນອອກ​ຈາກ​ຄວາມທຸກ​ຍາກ​ໄດ້, 3. ຕ້ອງ​ຮັບປະກັນ​ຄວາມ​ສົມ​ດູ​ນລະຫວ່າງ​ການ​ພັດທະນາ​ເສດຖະກິດ​ກັບ​ການ​ພັດທະນາ​ສັງຄົມ ​ແລະ ປົກ​ປັກ​ຮັກສາ​ສິ່ງ​ແວດ​ລ້ອມ​ຕາມ​ທິດ​ສີຂຽວ ​ແລະ ຍືນ​ຍົງ, 4. ​ແກ້​ໄຂ​ຄວາມ​ແຕກ​​ໂຕນ​ລະຫວ່າງຕົວ​ເມືອງ ​ແລະ ຊົນນະບົດ ​ໄປ​ຕາມ​ທິດ​ຫັນ​ເປັນ​ອຸດສາຫະກຳ ​ແລະ ທັນ​ສະ​ໄໝ, 5. ຕ້ອງ​ຮັບປະກັນ​ການ​ຂຸດ​ຄົ້ນກຳລັງ​ແຮງ​ສັງ​ລວມ ​ແລະ ດຳ​ເນີນ​ການ​ຢ່າງຮອບດ້ານ, ຖື​ເອົາ​ການ​ຫັນ​ລົງ​ກໍ່ສ້າງ​ຮາກ​ຖານ​ການ​ເມືອງ​ເປັນ​ວຽກ​ຍຸດ​ທະ​ສາດ ​ແລະ ສ້າງ​ໃຫ້​ໄດ້​ຄວາມ​ຕື່ນ​ຕົວ, ​ເປັນ​ເຈົ້າຕົນ​ເອງ​ຂອງ​ຮາກ​ຖານ, 6. ຕ້ອງ​ຕິດ​ພັນ​ກັບ​ການ​ສ້າງ​ໂຄງການ​ຈຸດ​ສຸມ​ຜະລິດ​ເປັນ​ສິນຄ້າ​ຂອງ​ທົ່ວ​ປະ​ເທດ.

     ຄຳ​ສັ່ງ​ສຳຄັນ​ນີ້​ຍັງ​ໄດ້​ລະບຸ​ເຖິງ 12 ທິດ​ທາງ ​ແລະ ໜ້າ​ທີ່​ຈຸດ​ສຸມ​ຄື: 1. ຍູ້​ແຮງ​ການ​ຜະລິດ​ກະສິກຳ ​ແລະ ປ່າ​ໄມ້​ເປັນ​ສິນຄ້າ ຕິດ​ພັນ​ກັບ​ອຸດສາຫະກຳ​ປຸງ​ແຕ່ງ ​ແລະ ການ​ຕະຫລາດ​ຕາມ​ທ່າ​ແຮງ​ໄດ້​ປຽບ​ຂອງ​ທ້ອງ​ຖິ່ນ,

2. ນຳ​ໃຊ້​ດິນ​ກະສິກຳ​ທີ່​ໄດ້​ກຳນົດ ​ແລະ ປັກ​ຫລັກ​ໝາຍ​ເຂດ​ສະຫງວນ​ແລ້ວນັ້ນ​ໃຫ້​ມີ​ປະສິດທິ​ຜົນ ​ແລະ ຍືນ​ຍົງ,

3. ​ໃຫ້​ສືບ​ຕໍ່​ຈັດຕັ້ງການ​ຜະລິດ ​ແລະ ການ​ບໍລິການ​ໃຫ້​ແກ່​ຊາວ​ກະສິກອນ ​ໂດຍ​ເລີ່​ມຈາກ​ການ​ສ້າງ​ເສດຖະກິດ​ຮ່ວມ​ມື​ໃນ​ຮູບ​ແບບ​ຕ່າງໆ​ຢູ່​ຊົນນະບົດ​ໃຫ້​ມີ​ປະສິດທິພາບ,

4. ​ໃຫ້​ຮີບ​ຮ້ອນ​ສະຫລຸບ​ປະ​ເມີນ​ຜົນ​ບັນດາ​ໂຄງການ​ຢູ່​ຊົນນະບົດ ນັບ​ທັງ​ການ​ໃຫ້​ເຊົ່າ ​ແລະ ສຳ​ປະທານ​ທີ່​ດິນ ​ເພື່ອ​ຜະລິດ​ກະສິກຳ​ຂອງ​ນັກ​ລົງທຶນ​ທັງ​ພາຍ​ໃນ ​ແລະ ຕ່າງປະ​ເທດ,

5. ຕ້ອງ​ສ້າງ​ເງື່ອນ​ໄຂ ​ແລະ ​ໃຫ້​ໂອກາດ​ປະຊາຊົນ​ຊາວ​ກະສິກອນ​ໄດ້​ຮຽນ​ຮູ້ ​ແລະ ນຳ​ໃຊ້​ເຕັກນິກ​ວິທະຍາສາດ​ກະສິກຳ​ສະ​ໄໝ​ໃໝ່​ເທື່ອ​ລະ​ກ້າວ,

6. ​ໃຫ້​ຮີບ​ຮ້ອນ​ສ້າງ​ແຜນ​ພັດທະນາ​ຊົນນະບົດ​ຢ່າງ​ຮ້ອບດ້ານ, ສ້າງ​ເປັນ​ໂຄງການ, ​ແຜນ​ວຽກ, ​ແຜນ​ຄົນ, ​ແຜນ​ເງິນ​ໃຫ້​ລະອຽດ,

ຄຳ​ສັ່ງ: ກົມ​ການ​ເມືອງ​ສູນ​ກາງ​ພັກ​ໃຫ້​ເພີ່ມ​ທະວີ​ຊີ້​ນຳ​ວຽກ​ງານ​ພັດທະນາ​ຊົນນະບົດ ​ແລະ ​ແກ້​ໄຂ​ຄວາມທຸກ​ຍາກ - Wave100S AD to Website 2020 0 - ຄຳ​ສັ່ງ: ກົມ​ການ​ເມືອງ​ສູນ​ກາງ​ພັກ​ໃຫ້​ເພີ່ມ​ທະວີ​ຊີ້​ນຳ​ວຽກ​ງານ​ພັດທະນາ​ຊົນນະບົດ ​ແລະ ​ແກ້​ໄຂ​ຄວາມທຸກ​ຍາກ

7. ​ໃຫ້​ສືບ​ຕໍ່​ຈັດ​ສັນພູ​ມລຳ​ເນົາ​ຄົງ​ທີ່ ​ແລະ ອາຊີບ​ໝັ້ນຄົງ​ໃຫ້​ປະຊາຊົນ​ບັນດາ​ເຜົ່າ ຕິດ​ພັນ​ກັບ​ການ​ຢຸດຕິ​ບັນຫາ​ເຄື່ອນ​ຍ້າຍ​ພົນລະ​ເມືອງ​ແບບ​ຊະຊາຍ,

8. ​ໃຫ້​ຄົ້ນຄວ້າ ​ແລະ ອອກ​ນະ​ໂຍບາຍ​ແກ່​ປະຊາຊົນ​ທີ່​ຕັ້ງບ້ານ​ເຮືອນ​ຢູ່​ໃນ ຫລື ​ເຂດ​ໃກ້​ຄຽງ​ກັບ​ເຂ​ດປ່າ​ສະຫງວນ​ທີ່​ບໍ່​ມີ​ຄວາມ​ຈຳ​ເປັນ​ຈັດ​ສັນ​ຍົກຍ້າຍ​ໄປ​ຢູ່​ບ່ອນ​ອື່ນ​ໃຫ້​ໄດ້​ຮັບ​ການ​ພັດທະນາ,

9. ​ເພີ່ມ​ການ​ລົງທຶນ​ໃຫ້​ແກ່​ການຄົ້ນຄວ້າ​ວິທະຍາສາດ-ນຳ​ໃຊ້​ແນວ​ພັນ​ພືດ ​ແລະ ສັດ, ​ເຕັກນິກ​ການ​ປູກ-ການ​ລ້ຽງ​ໃຫ້​ມີ​ປະສິດທິ​ຜົນ,

10. ປັບປຸງ​ນະ​ໂຍບາຍ​ສິນ​ເຊື່ອ​ຊົນນະບົດ ​ແລະ ກອງ​ທຶນ​ພັດທະນາ​ຕ່າງໆ ນັບ​ທັງ​ອັດຕາ​ດອກ​ເບ້ຍ​ໃຫ້​ສົມ​ເຫດ​ສົມ​ຜົນ,

11. ສືບ​ຕໍ່​ສ້າງ​ຄວາມ​ເຂັ້ມ​ແຂງ​ໃຫ້​ແກ່​ຊຸມ​ຊົນ, ສ້າງ​ຄົນ​ຊົນນະບົດ​ໃຫ້​ກາຍ​ເປັນ​ນັກ​ພັດທະນາ​ເທື່ອ​ລະ​ກ້າວ,

12. ​ໃຫ້​ສືບ​ຕໍ່​ເພີ່ມ​ທະວີ​ການ​ພົວພັນ​ຮ່ວມ​ມື​ກັບ​ຕ່າງປະ​ເທດ ​ແລະ ປະ​ເທດ​ເພື່ອນ​ມິດ​ຍຸດ​ທະ​ສາດ, ສະ​ຖາ​ບັນ​ຄົ້ນຄວ້າ​ວິທະຍາສາດ ​ແລະ ການ​ເງິນ​ໃຫ້​ແຂງ​ແຮງ​ຍິ່ງ​ຂຶ້ນ ​ແລະ ຄຳ​ສັ່ງ​ດັ່ງກ່າວ​ຍັງ​ໄດ້​ເນັ້ນ​ເຖິງ​ວິທີ​ການຈັດຕັ້ງປະຕິບັດ​ຕ່າງໆ​ໃຫ້​ມີ​ຄຸນ​ນະພາ​ບ ​ແລະ ປະສິດທິ​ຜົນ​ອີກ​ດ້ວຍ.

ຄຳ​ສັ່ງ: ກົມ​ການ​ເມືອງ​ສູນ​ກາງ​ພັກ​ໃຫ້​ເພີ່ມ​ທະວີ​ຊີ້​ນຳ​ວຽກ​ງານ​ພັດທະນາ​ຊົນນະບົດ ​ແລະ ​ແກ້​ໄຂ​ຄວາມທຸກ​ຍາກ - WhatsApp Image 2020 05 27 at 5 - ຄຳ​ສັ່ງ: ກົມ​ການ​ເມືອງ​ສູນ​ກາງ​ພັກ​ໃຫ້​ເພີ່ມ​ທະວີ​ຊີ້​ນຳ​ວຽກ​ງານ​ພັດທະນາ​ຊົນນະບົດ ​ແລະ ​ແກ້​ໄຂ​ຄວາມທຸກ​ຍາກ
ຄຳ​ສັ່ງ: ກົມ​ການ​ເມືອງ​ສູນ​ກາງ​ພັກ​ໃຫ້​ເພີ່ມ​ທະວີ​ຊີ້​ນຳ​ວຽກ​ງານ​ພັດທະນາ​ຊົນນະບົດ ​ແລະ ​ແກ້​ໄຂ​ຄວາມທຸກ​ຍາກ - WhatsApp Image 2020 05 27 at 5 - ຄຳ​ສັ່ງ: ກົມ​ການ​ເມືອງ​ສູນ​ກາງ​ພັກ​ໃຫ້​ເພີ່ມ​ທະວີ​ຊີ້​ນຳ​ວຽກ​ງານ​ພັດທະນາ​ຊົນນະບົດ ​ແລະ ​ແກ້​ໄຂ​ຄວາມທຸກ​ຍາກ
error: Alert: ເນື້ອຫາຂ່າວມີລິຂະສິດ !!