ເຜີຍແຜ່ຄວາມຮູ້ ກ່ຽວກັບວັກຊີນປ້ອງ​ກັນມະເຮັງປາກມົດລູກ

ເຜີຍແຜ່ຄວາມຮູ້ ກ່ຽວກັບວັກຊີນປ້ອງ​ກັນມະເຮັງປາກມົດລູກ - 569 - ເຜີຍແຜ່ຄວາມຮູ້ ກ່ຽວກັບວັກຊີນປ້ອງ​ກັນມະເຮັງປາກມົດລູກ
ເຜີຍແຜ່ຄວາມຮູ້ ກ່ຽວກັບວັກຊີນປ້ອງ​ກັນມະເຮັງປາກມົດລູກ - AGL banner - ເຜີຍແຜ່ຄວາມຮູ້ ກ່ຽວກັບວັກຊີນປ້ອງ​ກັນມະເຮັງປາກມົດລູກ

ໃນວັນທີ 25 ກຸມພານີ້, ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ຮ່ວມກັບ ກະຊວງສາທາລະນະສຸກ ​ໄດ້​ຈັດ​ຕັ້ງເຜີຍແຜ່ຄວາມຮູ້ກ່ຽວກັບວັກຊີນ ກັນມະເຮັງປາກມົດລູກ ໃຫ້ສື່ມວນຊົນລາວ ແລະ ພະນັກງານ-ລັດຖະກອນ ຈາກກະຊວງອ້ອມຂ້າງ ​ໂດຍ​ການເຂົ້າຮ່ວມຂອງ ທ່ານ ສະຫວັນຄອນ ລາຊະມຸນຕີ ຮອງລັດຖະມົນຕີ ກະຊວງຖະແຫລງຂ່າວ, ວັດຖະນະທຳ ແລະ ທ່ອງທ່ຽວ ທັງເປັນປະທານ ຄະນະກໍາມະການເພື່ອຄວາມກ້າວໜ້າແມ່ຍິງ, ແມ່ ແລະ ເດັກ. ທັງ​ນີ້ກໍ​ເພື່ອ ແນໃສ່ສ້າງ ຄວາມເຂົ້າໃຈ ກ່ຽວກັບວັກຊີນດັ່ງກ່າວ ​ແລະ ​​ເພື່ອການໂຄສະນາເຜີຍແຜ່ຂໍ້ມູນຂ່າວສານ ກ່ຽວກັບ​ຄຸນ​ປະ​ໂຫຍ​ດ ຕ່າງໆ ຂອງມັນໃຫ້ກຸ່ມເປົ້າໝາຍ​​ໄດ້ເຂົ້າເຖິງການບໍລິການ ດ້ານ​ສຸຂະພາບ​.

​​ໃນ​ໂອກາດ​ນີ້, ທ່ານ ພອນ​ປະ​ເສີດ ອຸ​ນາ​ພົມ ຫົວໜ້າກົມອະນາ​ໄມ ​ແລະ ສົ່ງ​ເສີມ​ສຸຂະພາບ ກະ ຊວງສາທາລະນະສຸກ ​ໄດ້​ແຈ້ງໃຫ້​ຮູ້​ວ່າ: ການ​ໃຫ້​ວັກ​ຊີນ​ ກັນ​ມະ​ເຮັງ​ປາກ​ມົດ​ລູກ​ໃຫ້​ແກ່​ເດັກ​ຍິງຕາມ​ເກ​ນອາຍຸ​ທີ່​ເໝາະສົມ ​ແມ່ນວິທີ​ທີ່​ດີ ​ແລະ ​ໄດ້​ຮັບ​ຜົນ​ທີ່​ສຸດ​ ໃນ​ການ​ປ້ອງ​ກັນ​​ແມ່ຍິງບໍ່​ໃຫ້​ຕິດ​ເຊື້ອ​ໄວຣັດ Human Papiloma Virus (HPV)  ​ແລະ ​ເປັນ​ການ​ປ້ອງ​ກັນ​ບໍ່​ໃຫ້​ເປັນ​ມະ​ເຮັງ​ປາກ​ມົດ​ລູກ. ສຳລັບ ​ສປປ ລາວ​ ​ແມ່ນໜຶ່ງ​ໃນ​ປະ​ເທດ​ທີ່​ຖືກ​ຄັດ​​ເລືອກ ​ໃນ​ການ​ນຳ​ເອົາ​ວັກ​ຊີ​ນກັນ​ມະ​ເຮັງ​ປາກ​ມົດ​ລູກ ​ເຂົ້າ​ມາ​ໃນ​ຕາຕະລາງ ການ​ຊັກ​ວັກ​ຊີ​ນ ກັນ​ພະຍາດແຫ່ງ​ຊາດ​ ​ເຊິ່ງ​ໃນ​​ເດືອນ​ມີນາ 2020 ນີ້ ກະຊວງສາທາລະນະ​ສຸກ ຈະຮ່ວມ​ກັບ​ອົງການ​ອະນາ​ໄມ​ໂລກ ​ແລະ ອົງການ​ອຸຍ​ນິ​ເຊບ ​ເພື່ອ​​​ໃຫ້ບໍລິການ​​ວັກ​ຊີ​ນ ກັນ​ມະ​ເຮັງ​ປາກ​ມົດ​ລູກ ແກ່​​ເດັກ​ຍິງ​ໃນ​ເກນ​ອາຍຸ 10 ຫາ 14 ປີ ຢູ່ຕາມ​ບັນດາ​ໂຮງຮຽນປະ​ຖົມ ​ແລະ ມັດ​ທະ​ຍົມທົ່ວ​ປະ​ເທດ. ໃນປີ 2015 ມີເດັກນ້ອຍຍິງ ເກືອບ 15 ພັນຄົນ ຢູ່ນະຄອນຫລວງ ແລະ ແຂວງວຽງຈັນ ໄດ້ຮັບວັກຊີນກັນ​ມະ​ເຮັງ​ດັ່ງກ່າວ.

ທ່ານ ເຮັນດຣີກັດສ ເຣເມກີ ວ່າການແທນຮອງຜູ້ຕາງໜ້າ ອົງການສະຫະປະຊາຊາດ  ສຳລັບ ເດັກ ປະຈຳລາວ ໃຫ້ຮູ້ວ່າ: ພະຍາດມະ​ເຮັງປາກມົດລູກ ​ເປັນສາ​ເຫດການ​ຕາຍ​ອັນ​ດັບໜຶ່ງຂອງ​ມະ​ເຮັງ​ໃນ​ກຸ່ມ​ແມ່ຍິງ​ໃນ ສປປ ລາວ ​ເຊິ່ງມີແມ່ຍິງລາວ ປະມານ 320 ຄົນ ປ່ວຍເປັນມະເຮັງປາກມົດລູກ ແລະ ຫລາຍກວ່າເຄິ່ງໜຶ່ງແມ່ນເສຍຊີວິດ, ການໃຫ້ວັກຊີນກັນມະເຮັງປາກມົດລູກ ສາມາດຊ່ວຍປ້ອງກັນ ການ ເສຍຊີວິດໄດ້ ໂດຍການສ້າງພູມຄຸ້ມກັນ ຕໍ່ກັບເຊື້ອພະຍາດຈຸລະໂລກ human papillomavirus ເຊິ່ງ ເປັນສາເຫດທີ່ພາໃຫ້ເກີດມະເຮັງປາກມົດລູກຫລາຍກວ່າ 70% ການໃຫ້ວັກຊີນປ້ອງກັນພະຍາດ ດັ່ງກ່າວ,  ຈະມີປະສິດທິພາບຫລາຍທີ່ສຸດ ຖ້າໄດ້ຮັບໃນເກນອາຍຸ 10 ຫາ 14 ປີ.

ເຜີຍແຜ່ຄວາມຮູ້ ກ່ຽວກັບວັກຊີນປ້ອງ​ກັນມະເຮັງປາກມົດລູກ - Wave100S AD to Website 2020 0 - ເຜີຍແຜ່ຄວາມຮູ້ ກ່ຽວກັບວັກຊີນປ້ອງ​ກັນມະເຮັງປາກມົດລູກ
ເຜີຍແຜ່ຄວາມຮູ້ ກ່ຽວກັບວັກຊີນປ້ອງ​ກັນມະເຮັງປາກມົດລູກ - lattana 1 - ເຜີຍແຜ່ຄວາມຮູ້ ກ່ຽວກັບວັກຊີນປ້ອງ​ກັນມະເຮັງປາກມົດລູກ
error: Alert: Content is protected !!