ຊົມເຊີຍເຈົ້າໜ້າທີ່ເອົາຈິງກັບ​ການ​ຕ້ານ​ຂ່າວ​ປອມ

ຊົມເຊີຍເຈົ້າໜ້າທີ່ເອົາຈິງກັບ​ການ​ຕ້ານ​ຂ່າວ​ປອມ - 683 2 - ຊົມເຊີຍເຈົ້າໜ້າທີ່ເອົາຈິງກັບ​ການ​ຕ້ານ​ຂ່າວ​ປອມ
ຊົມເຊີຍເຈົ້າໜ້າທີ່ເອົາຈິງກັບ​ການ​ຕ້ານ​ຂ່າວ​ປອມ - Untitled design - ຊົມເຊີຍເຈົ້າໜ້າທີ່ເອົາຈິງກັບ​ການ​ຕ້ານ​ຂ່າວ​ປອມ

ລູກເມືອງພວນ

ສະບາຍດີ ​ເພື່ອນ​ຜູ້​ອ່ານ​ທີ່​ຮັກ​ແພງ, ເວົ້າເລື່ອງນີ້ເປັນໜ້າຊື່ນຊົມຢ່າງຍິ່ງ ເພາະໄລຍະນີ້ໃນທົ່ວໂລກ ກໍຄືຢູ່ລາວເຮົາກຳລັງມີເຫດການວຸ້ນວາຍຫຼາຍປະການ ໂດຍສະເພາະແມ່ນການແຜ່ລະບາດຂອງເຊື້ອໄວຣັສໂຄໂຣນາ (ໂຄວິດ-19) ຊຶ່ງເປັນໄພຂົ່ມຂູ່ທີ່ໜ້າຢ້ານກົວທີ່ສຸດໃນປັດຈຸບັນ.  ຕໍ່ສະຖານະການດັ່ງກ່າວ, ເປັນອັນທີ່ແນ່ນອນວ່າ: ມີທັງຜູ້ດີ ແລະ ຜູ້ຮ້າຍ ​ເພື່ອຫວັງທຳລາຍຄວາມເຊື່ອໝັ້ນ ແລະ ຄວາມ​ໄວ້​ເນື້ອ​ເຊື່ອ​ໃຈຂອງປະຊາຊົນຕໍ່ລັດຖະບານຂອງຕົນ, ຄົນພວກນີ້ສ້າງກະແສປ່ອຍຂ່າວລືອອກໄປເຮັດໃຫ້ປະຊາຊົນແຕກຕື່ນ, ສັງຄົມເກີດຄວາມສັບສົນວຸ້ນວາຍ. ຢູ່ລາວເຮົາກໍມີຫຼາຍກໍລະນີຂ່າວປອມເກີດຂຶ້ນຢ່າງຕໍ່ເນື່ອງ ສ້າງກະແສຮືຮາໃຫ້ປະຊາຊົນແຕກຕື່ນຢ້ານກົວເຊັ່ນ: ຂ່າວລືວ່າມີນັກສຶກສາລາວກັບມາແຕ່ຈີນຕິດເຊື້ຶອໄວຣັສໂຄໂຣນາເຂົ້າປິ່ນປົວຢູ່ໂຮງໝໍມິດຕະພາບ (150 ຕຽງ), ຢູ່ເມືອງບຸນເໜືອ ແຂວງຜົ້ງສາລີ ມີຜູ້ຕິດເຊື້ອ 27 ຄົນ, ​ເສຍ​ຊີວິດ​ແລ້ວ 3 ຄົນ, ສ້າງກະແສຮືຮາຂຶ້ນມາ​ວ່າ: ຕົ້ມໄຂ່ກິນກໍ​ສາມາດ​ສະກັດ​ກັ້ນໄວຣັສໂຄໂຣນາ, ມີຄົນຈີນຕິດເຊື້ອແລ້ວລົ້ມຕາຍຢູ່ຕໍ່ໜ້າທະນາຄານ ລາວ-ຫວຽດ ​ແລະ ໃນຫວ່າງ 3-4 ມື້ຫຼັງມານີ້ ກໍມີຂ່າວປອມວ່າຢູ່ສູນການຄ້າ ຊັ່ງຈຽງ ມີຜູ້ຕິດເຊື້ຶອໄວຣັສດັ່ງກ່າວ 19 ຄົນ. ນອກຈາກບັນຫາໄວຣັສໂຄໂຣນາແລ້ວ ກໍຍັງມີຫຼາຍໆບັນຫາທີ່ພວກເຂົາໃສ່ຮ້າຍປ້າຍສີ ແລະ ໂຈມຕີລັດຖະບານໃນຖ້ອຍທຳນອງວ່າ: ລັດຖະບານລາວບໍ່ເອົາໃຈໃສ່ຊ່ວຍປະຊາຊົນຍາມເກີດໄພພິບັດນໍ້າຖ້ວມ ຄືກໍລະນີຂອງນາງ ໝວຍ ວິຈານລັດຖະບານລາວວ່າໃຊ້ອຳນາດຂົ່ມຂູ່ຂົ່ມເຫັງປະຊາຊົນ ​ແລະ ອື່ນໆ.

ຊົມເຊີຍເຈົ້າໜ້າທີ່ເອົາຈິງກັບ​ການ​ຕ້ານ​ຂ່າວ​ປອມ - Wave100S AD to Website 2020 0 - ຊົມເຊີຍເຈົ້າໜ້າທີ່ເອົາຈິງກັບ​ການ​ຕ້ານ​ຂ່າວ​ປອມ

ຕໍ່ໜ້າສະພາບຂ່າວລືດັ່ງກ່າວ, ເຈົ້າໜ້າທີ່ກໍບໍ່ໄດ້ຢູ່ນິ້ງນອນໃຈ, ໄດ້ຕິດຕາມກວດຄົ້ນເອົາຜູ້ບໍ່ຫວັງດີມາລົງໂທດຕາມກົດໝາຍຈົນໄດ້ ເຊັ່ນກໍລະນີນາງ ໝວຍ, ເຈ້ນາງ ແລະ ຜູ້ປ່ອຍຂ່າວປອມຢູ່ສູນການຄ້າ ຊັ່ງຈຽງ. ນີ້ຈຶ່ງສົມກັບວ່າເຈົ້າໜ້າທີ່ແມ່ນເຄື່ອງມືອັນ​ແຫຼມ​ຄົມ​ຂອງ​ພັກ-ລັດຖະບານ ເພື່ອປົກປັກຮັກສາລະບອບຂອງພວກເຮົາ, ຮັກສາຄວາມສະຫງົບປອດໄພໃຫ້ແກ່ປະຊາຊົນ, ປົກປ້ອງອຳນາດອະທິປະໄຕຂອງຊາດ. ເມື່ອເຮັດໄດ້ຄືແນວນີ້ ປະເທດຊາດຈະມີຄວາມສະຫງົບ ປະຊາຊົນອຸ່ນອຽນທຸ່ນທ່ຽງ ແລະ ມີຄວາມເຊື່ອໝັ້ນຕໍ່ພັກ-ລັດຖະບານ. ຖ້າພວກເຮົາຫາກປ່ອຍປະລະເລີຍ ຈະກາຍເປັນໜໍ່ແໜງໃຫ້ແກ່ການລົ້ມລະບອບຂອງພວກເຮົາໃນທີ່ສຸດ. ຂໍໃຫ້ເຈົ້າໜ້າທີ່ຈົ່ງໄດ້ສືບຕໍ່ເປັນທີ່ເພິ່ງຂອງປະຊາຊົນ ເປັນກຳລັງທີ່ແຂງແກ່ນໃນການປົກປັກຮັກສາລະບອບຂອງພວກເຮົາຕໍ່ໄປ.

ຊົມເຊີຍເຈົ້າໜ້າທີ່ເອົາຈິງກັບ​ການ​ຕ້ານ​ຂ່າວ​ປອມ - WhatsApp Image 2020 05 27 at 5 - ຊົມເຊີຍເຈົ້າໜ້າທີ່ເອົາຈິງກັບ​ການ​ຕ້ານ​ຂ່າວ​ປອມ
ຊົມເຊີຍເຈົ້າໜ້າທີ່ເອົາຈິງກັບ​ການ​ຕ້ານ​ຂ່າວ​ປອມ - WhatsApp Image 2020 05 27 at 5 - ຊົມເຊີຍເຈົ້າໜ້າທີ່ເອົາຈິງກັບ​ການ​ຕ້ານ​ຂ່າວ​ປອມ
error: Alert: ເນື້ອຫາຂ່າວມີລິຂະສິດ !!