ສະຫະລັດອາເມລິກາທົດລອງຢາປົວເຊື້ອໄວຣັສ Covid-19 ເປັນຄັ້ງທຳອິດ

ສະຫະລັດອາເມລິກາທົດລອງຢາປົວເຊື້ອໄວຣັສ covid-19 ເປັນຄັ້ງທຳອິດ - 023 1 - ສະຫະລັດອາເມລິກາທົດລອງຢາປົວເຊື້ອໄວຣັສ Covid-19 ເປັນຄັ້ງທຳອິດ
ສະຫະລັດອາເມລິກາທົດລອງຢາປົວເຊື້ອໄວຣັສ covid-19 ເປັນຄັ້ງທຳອິດ - Untitled design - ສະຫະລັດອາເມລິກາທົດລອງຢາປົວເຊື້ອໄວຣັສ Covid-19 ເປັນຄັ້ງທຳອິດ

ບັນດານັກຄົ້ນຄ້ວາ ຂອງມະຫາວິທະຍາໄລ Nebraska ຂອງສະຫະລັດ ໄດ້ທຳການທົດລອງຢາ Remdesivir ເພື່ອປົວພະຍາດອັກເສບປອດ ໂຄໂຣນາ ໂດຍການເປີດເຜີຍຂອງສະຖາບັນການແພດແຫ່ງຊາດຂອງສະຫະລັດໃນວັນທີ 25/2 ຜ່ານມາ. ຕົວຢາ Remdesivir ຖືກພັດທະນາໂດຍບໍລິສັດເທັກໂນໂລຢີຊີວະວິທະຍາ Gilead Sciences, ຕົວຢາດັ່ງກ່າວໄດ້ກາຍເປັນຕົວຢາທີ່ມີຄວາມສາມາດປົວພະຍາດ Covid-19 ໄດ້ ໂດຍບໍ່ມີບັນຫາແຊກຊ້ອນຕາມມາ. ຜູ້ປ່ວຍຄົນທຳອິດທີ່ທົດລອງຢາຕົວນີ້ແມ່ນຊາວອາເມລິກາ, ຊຶ່ງເປັນໜຶ່ງໃນຈຳນວນ 13 ຄົນທີ່ຖືກແຍກຕົວໃນກຳປັ່ນ Diamond Princess ແລະ ຖືກນຳສົ່ງຕົວໄປທີ່ສູນການແພດຂອງມະຫາວິທະຍາໄລ Nebraska ເມື່ອວັນທີ 17/2 ເພື່ອປິ່ນປົວ.

ການທຳທົດລອງດັ່ງກ່າວ ໄດ້ຮັບການສະໜັບສະໜູນຈາກກະຊວງສາທາລະນະສຸກ ແລະ ການບໍລິການສາທາລະນະຊົນຂອງສະຫະລັດອາເມລິກາ(NIH), ການທົດລອງດັ່ງກ່າວໄດ້ກາຍເປັນການຊ່ວງເສັງກັນໃນການພິສູດປະສິດທິພາບຂອງຕົວຢາດັ່ງກ່າວ ໃນການປິ່ນປົວພະຍາດ Covid-19.

ຄາດວ່າການທົດລອງດັ່ງກ່າວ ຕ້ອງການຜູ້ສະໝັກໃຈຈາກຜູ້ປ່ວຍເຖິງ 400 ຄົນ. ຜູ້ປ່ວຍຈະຖືກຂັດເລືອກດ້ວຍວິທີການສຸ່ມເອົາຕາມແບບທຳມະຊາດຂອງຜູ້ປ່ວຍໃນທົ່ວໂລກ ແລະ ຈະແບ່ງອອກເປັນ 2 ກຸ່ມ ເພື່ອທົດລອງຕົວຢາແທ້ ແລະ ຕົວຢາປອມ.

ທ່ານສາດສະດາຈານ Andre Kalil ພະແນກພາຍໃນຂອງມະຫາວິທະຍາໄລ Nebraska ຊຶ່ງເປັນຫົວໜ້າທີມຄົ້ນຄ້ວາໃຫ້ຮູ້ວ່າ ການຄົ້ນຄ້ວາຈະສິ້ນສຸດລົງໃນເດືອນເມສາ 2023, ແຕ່ນັກວິທະຍາສາດອາດໄດ້ຮັບຜົນການຄົ້ນຄ້ວາເບື້ອງຕົ້ນພາຍໃນໜຶ່ງປີ. ໄວ ຫຼື ຊ້າຈະຂຶ້ນຢູ່ກັບລະດັບການລະບາດຂອງພະຍາດນັ້ນເອງ.

“ໃນກໍລະນີທີ່ພະຍາດ Covid-19 ຫາກລະບາດຂຶ້ນຢ່າງຮ້າຍແຮງກ່ວາທີ່ຄິດ, ຜູ້ປ່ວຍທັງ 400 ຄົນຈະຖືກຂັດຈ້ອນທັນທີພາຍໃນໜຶ່ງເດືອນ” ທ່ານສາດສະດາຈານ Kalil ກ່າວ.

ທ່ານໃຫ້ຮູ້ຕື່ມອີກວ່າ: “ການທົດລອງນີ້ອາດຈະເປັນການທົດລອງທີ່ໄວທີ່ສຸດໃນປະຫວັດສາດຂອງສະຫະລັດອາເມລິກາ, ເພາະມັນໄດ້ຂຶ້ນແຜນການຈາກ NIH ກ່ອນໜ້ານີ້ແລ້ວສອງສາມອາທິດ ແລະ ພວກເຮົາກໍສາມາດລົງມືໄດ້ເລີຍ”.

ຜູ້ປ່ວຍທີ່ສະໝັກເຂົ້າປິ່ນປົວດ້ວຍຕົວຢາ Remdesivir ນັ້ນ ຕ້ອງແມ່ນຜູ້ທີ່ຕິດເຊື້ອແທ້ໆ ໃນນັ້ນລວມທັງມີການອັກເສບປອດນຳອີກ. ຜູ້ທີ່ມີປາກົດການເປັນຫວັດເລັກໆນ້ອຍໆ ຈະຖືກຂັດກອງອອກໄປເຖິງ 80%. NIH ມີແຜນບັນທຶກລາຍຊື່ຜູ້ປ່ວຍໃນທົ່ວໂລກທີ່ສະໝັກໃຈເຂົ້າມາປິ່ນປົວດ້ວຍຢາຕົວນີ້ໄວ້ ນັບທັງ ຍີ່ປຸ່ນ ແລະ ອີຕາລີ.

ສະຫະລັດອາເມລິກາທົດລອງຢາປົວເຊື້ອໄວຣັສ covid-19 ເປັນຄັ້ງທຳອິດ - Wave100S AD to Website 2020 0 - ສະຫະລັດອາເມລິກາທົດລອງຢາປົວເຊື້ອໄວຣັສ Covid-19 ເປັນຄັ້ງທຳອິດ

ຕົ້ນເດືອນກຸມພາຜ່ານມາ, ບັນດານັກວິທະຍາສາດຂອງ ຈີນ ໄດ້ເລີ່ມຕົ້ນຄົ້ນຄວ້າ 2 ໂຄງການທົດລອງກັບຜູ້ປ່ວຍດ້ວຍຕົວຢາ Remdesivir. ແຕ່ກໍພົບຄວາມຫຍຸງຍາກເພາະມີຜູ້ປ່ວຍສະໝັກເຂົ້າຮ່ວມໂຄງການໜ້ອຍເກີນໄປ ແລະ ບໍ່ຄົບມາດຕະຖານ. ຜູ້ປ່ວຍໜັກຈະຕ້ອງນອນໂຮງໝໍເຖິງ 12 ວັນ ນັບແຕ່ມື້ເລີ່ມຕິດເຊື້ອ ແລະ ບໍ່ທັນເຄີຍປິ່ນປົວຢູ່ໃສມາກ່ອນພາຍໃນໜຶ່ງເດືອນ. ຜູ້ປ່ວຍບໍ່ໜັກ ຫຼື ປານກາງຈະຕ້ອງໄດ້ນອນໂຮງໝໍເປັນເວລາ 8 ວັນ. ຫຼັງຈາກນັ້ນ, ມີຫຼາຍຄົນກໍໄດ້ປິ່ນປົວຢູ່ກັບເຮືອນດ້ວຍຕົນເອງນັບແຕ່ມື້ມີອາການຕິດເຊື້ອເປັນຕົ້ນມາ.

ທ່ານປະລິນຍາເອກ Bruce Aylward ຫົວໜ້າຄະນະ WHO ໄດ້ໄປຈີນໃຫ້ຮູ້ວ່າ: ຈຳນວນຜູ້ຕິດເຊື້ອໃໝ່ໃນຈີນໄດ້ຫຼຸດລົງ ອັນເຮັດໃຫ້ການທົດລອງຢາກໍຂາດວັກຂາດຕອນ.

Gilead ໃຫ້ຄຳໝັ້ນສັນຍາທີ່ຈະໃຫ້ການສະໜັບສະໜູນໃນການທົດລອງ ແລະ ໄດ້ຕອບສະໜອງຕົວຢາ Remdesivir ໃຫ້ໂດຍບໍ່ໄດ້ເສຍຄ່າ. ໂດຍຜ່ານການທົດລອງກັບຄົນປ່ວຍ ແລະ ກັບສັດ, ເຫັນວ່າຕົວຢາດັ່ງກ່າວສາມາດປິ່ນປົວອາການຕິດເຊື້ອທາງເດີນຫາຍໃຈ(SARS) ແລະ ອາການຕິດເຊື້ອທາງເດີນຫາຍໃຈ ຕາເວັນອອກກາງ(MERS) ທີ່ຮຸນແຮງໄດ້ ຊຶ່ງພະຍາດເຫຼົ່ານີ້ກໍລ້ວນແຕ່ເກີດມາຈາກໄວຣັດໂຄໂຣນານັ້ນເອງ.

NIH ຍັງມີແຜນຈະທົດລອງ vaccine ຊະນິດໜຶ່ງ ກັບຄົນໃນເດືອນເມສາປີນີ້, ຊຶ່ງ vaccine ຊະນິດນີ້ໄດ້ຮັບການພັດທະນາຈາກບໍລິສັດເທັກໂນໂລຢີຊີວະວິທະຍາ Moderna. ບໍລິສັດດັ່ງກ່າວໃຫ້ຮູ້ວ່າ ໄດ້ນຳເອົາ ວັກຊີນຊະນິດດັ່ງກ່າວອອກໄປນຳໃຊ້ເປັນຄັ້ງທຳອິດແລ້ວ.

ທ້າຍເດືອນມັງກອນທີ່ຜ່ານມາ ຕົວຢາ Remdesivir ຖືກນຳໄປໃຊ້ປິ່ນປົວກັບຊາຍຄົນໜຶ່ງອາຍຸ 35 ປີ ຢູ່ວໍຊິງຕັນທີ່ຕິດເຊື້ອ. ຜູ້ປ່ວຍລາຍນີ້ມີອາການດີຂຶ້ນຢ່າງໄວວາ ແລະ ໃນທີ່ສຸດກໍໄດ້ອອກໂຮງໝໍ. ຂໍ້ມູນເບື້ອງຕົ້ນໃຫ້ຜົນຕອບຮັບທີ່ດີ, ແຕ່ບັນດານັກຊ່ຽວຊານໃຫ້ຄຳເຫັນວ່າ: ຕ້ອງໄດ້ຜ່ານ “ການທົດລອງທີ່ມີການຄວບຄຸມຢ່າງເຂັ້ມງວດ” ກ່ອນທີ່ຈະປະກາດຜົນໄດ້ຮັບຂອງຕົວຢາ.

“ພວກເຮົາບໍ່ທັນຮູ້ວ່າຕົວຢາດັ່ງກ່າວຈະສ້າງຜົນກະທົບຫຍັງຕາມມາຫຼືບໍ່, ມັນຈຶ່ງມີຄວາມຈຳເປັນຕ້ອງມີການທົດລອງກ່ອນ” ປະລິນຍາເອກ Kalil ອະທິບາຍເພີ່ມເຕີມ.

ສະຫະລັດອາເມລິກາທົດລອງຢາປົວເຊື້ອໄວຣັສ covid-19 ເປັນຄັ້ງທຳອິດ - WhatsApp Image 2020 05 27 at 5 - ສະຫະລັດອາເມລິກາທົດລອງຢາປົວເຊື້ອໄວຣັສ Covid-19 ເປັນຄັ້ງທຳອິດ
ສະຫະລັດອາເມລິກາທົດລອງຢາປົວເຊື້ອໄວຣັສ covid-19 ເປັນຄັ້ງທຳອິດ - WhatsApp Image 2020 05 27 at 5 - ສະຫະລັດອາເມລິກາທົດລອງຢາປົວເຊື້ອໄວຣັສ Covid-19 ເປັນຄັ້ງທຳອິດ
error: Alert: ເນື້ອຫາຂ່າວມີລິຂະສິດ !!