ວິທະຍຸກະ​ຈາ​ຍສຽງແຫ່ງຊາດ ສະຫລຸບການເຄື່ອນໄຫວວຽກງານປະຈຳປີ 2019

ວິທະຍຸກະ​ຈາ​ຍສຽງແຫ່ງຊາດ ສະຫລຸບການເຄື່ອນໄຫວວຽກງານປະຈຳປີ 2019 - 540 1 - ວິທະຍຸກະ​ຈາ​ຍສຽງແຫ່ງຊາດ ສະຫລຸບການເຄື່ອນໄຫວວຽກງານປະຈຳປີ 2019
ວິທະຍຸກະ​ຈາ​ຍສຽງແຫ່ງຊາດ ສະຫລຸບການເຄື່ອນໄຫວວຽກງານປະຈຳປີ 2019 - Untitled design - ວິທະຍຸກະ​ຈາ​ຍສຽງແຫ່ງຊາດ ສະຫລຸບການເຄື່ອນໄຫວວຽກງານປະຈຳປີ 2019

    ໃນວັນທີ 27 ກຸມພາ 2020 ວິທະຍຸກະຈາຍສຽງແຫ່ງຊາດລາວ, ໄດ້ຈັດກອງປະຊຸມສະຫລຸບການເຄື່ອນໄຫວວຽກງານ ປະຈຳ​ປີ 2019 ແລະ ວາງທິດທາງແຜນການປີ 2020 ໂດຍມີທ່ານ ສະຫວັນຄອນ ລາຊະມົນຕີ ຮອງລັດຖະມົນຕີ ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ, ພ້ອມດ້ວຍພະນັກງານ-ລັດຖະກອນເຂົ້າຮ່ວມ​ເປັນ​ຈຳນວນ​ຫລາຍ.

    ​ໃນ​ກອງ​ປະຊຸມ, ທ່ານ ວໍລະສັກ ປຣະວົງວຽງຄຳ ຮອງຜູ້ອຳນວຍການວິທະຍຸກະຈາຍສຽງແຫ່ງຊາດລາວ ໄດ້ລາຍງານໃຫ້ຮູ້ວ່າ: ໃນໄລຍະ 1 ປີ ຜ່ານມາ ວິທະຍຸກະຈາຍສຽງແຫ່ງຊາດລາວ ໄດ້ມີຜົນສຳເລັດໃນຫລາຍດ້ານ ເປັນຕົ້ນ ໄດ້ນຳສະເໜີຂ່າວ, ສາລະຄະດີຕ່າງໆ ທີ່ມີເນື້ອຫາສາລະ, ໃຫ້ຄວາມຮູ້, ຄວາມບັນເທິງ ອອກ​ສູ່​ສັງຄົມ ໂດຍໄດ້ອັດລາຍການຕ່າງໆອອກອາກາດທັງໝົດ 1.200 ກວ່າລາຍການ, ຖ່າຍທອດການສົ່ງລາຍການຕ່າງໆ ອອກອາກາດໃນລະບົບ AM ​ແລະ FM ​ໄດ້​ທັງໝົດ 13.500 ກວ່າ​ຊົ່ວ​ໂມງ. ສຳລັບ​ທິດ​ທາງ​ແຜນການເຄື່ອນ​ໄຫວ ​ໃນ​ປີ 2020 ນີ້, ວິທະຍຸ​ກະ​ຈາ​ຍສຽງ​ແຫ່ງ​ຊາດ ຈະ​ສືບ​ຕໍ່​ຂຽນຂ່າວ, ຜະລິດ​ວິ​ດີ​ໂອ, ສາລະ​ຄະດີ ​ແລະ ບົດຕ່າງໆ ອອກ​ທາງ​ເວັບ​ໄຊ ​ໃຫ້​ຫລາຍ​ຂຶ້ນ​ກວ່າ​ເກົ່າ ພ້ອມ​ທັງ​ຮັບປະກັນ​ໄດ້​ຄຸນ​ນະພາ​ບ ​ແລະ ຄວາມ​ວ່ອງ​ໄວ, ສື​ບຕໍ່​ຮ່ວມ​ມືກັບ​ພາກສ່ວນ​ກ່ຽວຂ້ອງ​ເພື່ອ​ລົງ​ໄປ​ເຄື່ອນ​ໄຫວ ​ເກັບ​ກຳ​ຂ່າວ ​ມາ​ລົງ​ໃນ​ເວັບ​ໄຊ, ​ເຟດບຸກ, ຢູ່​ທູບ​ໃຫ້​ວ່ອງ​ໄວ, ທັນ​ການ ​ແລະ ຜະລິດ​ຂ່າວ​ວິ​ດີ​ໂອ​ ໃຫ້​ມີ​ຫລາກ​ຫລາຍ​ສີສັນ ​ເພື່ອ​ດຶງ​ດູດ​ຜູ້​ເຂົ້າ​ຊົມ-​ເຂົ້າຟັງ​ຫລາຍ​ຂຶ້ນ.

ໂອກາດ​ດຽວກັນ, ທ່ານ ສະຫວັນຄອນ ລາຊະມົນຕີ ກໍ​ໄດ້​ມີ​ຄຳ​ເຫັນ​ໂອ້​ລົມ ​​ໂດຍ​ໄດ້​ສະ​ແດງ​ຄວາມ​ຍ້ອງ​ຍໍ, ​ຊົມ​ເຊີຍຕໍ່​ຜົນງານ ​ແລະ ຜົນສຳ​ເລັດ ທີ່​ວິທະຍຸ​ກະຈາຍສຽງ​ແຫ່ງ​ຊາດ ຍາດ​ມາ​ໄດ້ ​​ໃນ​ໄລຍະທີ່​ຜ່ານ​ມາ ​ໂດ​ຍສະ​ເພາະ ​ໄດ້​​ໂຄສະນາ​ເຜີຍ​ແຜ່ຂໍ້​ມູນ​ຂ່າວສານ ​ແລະ ເຫດການ​ຕ່າງໆ ດ້ວຍ​ຄວາມ​ຖືກຕ້ອງ, ຊັດ​ເຈນ, ວ່ອງ​ໄວ, ທັນ​ການ ອອກ​ສູ່​ສັງຄົມທັງ​ພາຍ​ໃນ ​ແລະ ຕ່າງປະ​ເທດ ​ໄດ້​ຮັບ​ຮູ້​ຢ່າງ​ກວ້າງຂວາງ. ​ພ້ອມ​ນັ້ນ, ຍັງ​ໄດ້​ຮຽກຮ້ອງ​ໃຫ້ຄະນະ​ພັກ, ຄະນະ​ນຳ ວິທະຍຸ​ກະຈາຍສຽງ​ແຫ່ງ​ຊາດ ສືບ​ຕໍ່​ເອົາ​ໃຈ​ໃສ່​ຊີ້​ນຳ​-ນຳພາ ການຈັດ​ຕັ້ງ​ປະຕິບັດ​ວຽກ​ງານ ​ແລະ ​ແກ້​ໄຂຂໍ້ຄົງຄ້າງ​, ຈຸດ​ອ່ອນ ຕ່າງໆ ​ແນ​ໃສ່​ເຮັດ​ໃຫ້​ວຽກງານພາຍ​ໃນວິທະຍຸ​ກະຈາຍສຽງ​ແຫ່ງ​ຊາດ ຖືກຕ້ອງ​ສອດຄ່ອງ​ກັບ​ແນວທາງ​ນະ​ໂຍບາຍຂອງ​ພັກ, ລັດ ວາງ​ອອກ.

ວິທະຍຸກະ​ຈາ​ຍສຽງແຫ່ງຊາດ ສະຫລຸບການເຄື່ອນໄຫວວຽກງານປະຈຳປີ 2019 - Wave100S AD to Website 2020 0 - ວິທະຍຸກະ​ຈາ​ຍສຽງແຫ່ງຊາດ ສະຫລຸບການເຄື່ອນໄຫວວຽກງານປະຈຳປີ 2019

ວິທະຍຸກະ​ຈາ​ຍສຽງແຫ່ງຊາດ ສະຫລຸບການເຄື່ອນໄຫວວຽກງານປະຈຳປີ 2019 - WhatsApp Image 2020 05 27 at 5 - ວິທະຍຸກະ​ຈາ​ຍສຽງແຫ່ງຊາດ ສະຫລຸບການເຄື່ອນໄຫວວຽກງານປະຈຳປີ 2019
ວິທະຍຸກະ​ຈາ​ຍສຽງແຫ່ງຊາດ ສະຫລຸບການເຄື່ອນໄຫວວຽກງານປະຈຳປີ 2019 - WhatsApp Image 2020 05 27 at 5 - ວິທະຍຸກະ​ຈາ​ຍສຽງແຫ່ງຊາດ ສະຫລຸບການເຄື່ອນໄຫວວຽກງານປະຈຳປີ 2019
error: Alert: ເນື້ອຫາຂ່າວມີລິຂະສິດ !!