Lao sky way ຜູ້ໄດ້ຮັບລາງວັນນັກທຸລະກິດດີເດັ່ນ 2019

lao sky way ຜູ້ໄດ້ຮັບລາງວັນນັກທຸລະກິດດີເດັ່ນ 2019 - 7 3 - Lao sky way ຜູ້ໄດ້ຮັບລາງວັນນັກທຸລະກິດດີເດັ່ນ 2019
lao sky way ຜູ້ໄດ້ຮັບລາງວັນນັກທຸລະກິດດີເດັ່ນ 2019 - Untitled design - Lao sky way ຜູ້ໄດ້ຮັບລາງວັນນັກທຸລະກິດດີເດັ່ນ 2019

ພິທີມອບ-ຮັບລາງວັນໃຫ້ແກ່ນັກທຸລະກິດຊັ້ນນໍາດີເດັ່ນ ປີ 2019, ໄດ້ມີຂຶ້ນໃນວັນທີ 14 ກຸມພາຜ່ານມານີ້, ຢູ່ນະຄອນ ຫລວງວຽງຈັນ, ເພື່ອຍ້ອງຍໍ ສັນລະເສີນບັນດາບໍລິສັດ ແລະ ນັກທຸລະກິດດີເດັ່ນດັ່ງກ່າວຈໍານວນ 55 ຫົວໜ່ວຍ ເພື່ອສ້າງ ແຮງບັນດາໃຈໃຫ້ແກ່ເຂົາເຈົ້າສືບຕໍ່ຈັດຕັ້ງປະຕິບັດວຽກງານຂອງຕົນໃຫ້ມີຜົນສໍາເລັດຍິ່ງຂຶ້ນກວ່າເກົ່າ. ຜູ້ໄດ້ຮັບການຍ້ອງຍໍດັ່ງກ່າວໂດຍຜ່ານການຄັດເລືອກຈາກສະພາການຄ້າ ແລະ ອຸດສາຫະກຳແຫ່ງຊາດລາວ, ຈາກຜົນງານທີ່ພົ້ນເດັ່ນໃນການຕັ້ງໜ້າປະກອບສ່ວນເຂົ້າໃນການສ້າງສາພັດທະນາເສດຖະກິດ-ສັງຄົມຂອງປະເທດຢ່າງມີປະສິດທິຜົນເປັນຕົ້ນໄດ້ຊ່ວຍເຫລືອເຂດຫ່າງໄກສອກຫລີກ, ກໍ່ສ້າງພື້ນຖານໂຄງລ່າງໂຮງຮຽນ, ໂຮງໝໍ ແລະ ຖະໜົນຫົນທາງຕ່າງໆດ້ວຍທຶນຮອນຂອງຕົນ. ລາງວັນດັ່ງກ່າວຈະຊ່ວຍຍົກສູງພາລະບົດບາດຂອງເຂົາເຈົ້າໃຫ້ນັບມື້ພົ້ນເດັ່ນ ແລະ ເຕີບໃຫຍ່ຂະຫຍາຍຕົວ.

ກໍດັ່ງ, ທ່ານ ສີວຽງທອງ ກອນນິວົງ ຜູ້ອຳນວຍການໃຫຍ່ບໍລິສັດລັດວິສາຫະກິດລາວ ເດີອາກາດ (Lao Skyway) ເຊິ່ງແມ່ນຜູ້ໜຶ່ງທີ່ໄດ້ຮັບລາງວັນອັນຊົງກຽດດັ່ງກ່າວໃຫ້ຮູ້ ວ່າ: ລັດວິສາຫະກິດ ລາວເດີນອາກາດເຊິ່ງຢູ່ໃນບໍລິສັດອັນດັບທີ 15 ທີ່ໄດ້ຮັບລາງວັນນີ້, ອັນເນື່ອງມາຈາກຜົນງານຂອງ ຕົນ, ຂອງພະນັກງານທຸກຄົນ ທີ່ປະກອບສ່ວນຢ່າງມີຜົນສໍາ ເລັດ ແລະ ກ່ອນໜ້ານັ້ນບໍລິສັດຍັງໄດ້ຮັບຫລຽນໄຊແຮງງານຍ້ອງຍໍຫລາຍລະດັບ, ເຊິ່ງນັບ ແຕ່ປີ 2017 ເປັນຕົ້ນມາໄດ້ຮັບການຍ້ອງຍໍຈາກລັດຖະບານຈຳນວນ 7 ໜ່ວຍຄື:

1. ຫລຽນໄຊອິດສະຫລະ ຊັ້ນ II  ຈຳນວນ 1 ໜ່ວຍ, ຊັ້ນ III ຈຳນວນ 1 ໜ່ວຍ.

2. ຫລຽນໄຊແຮງງານ ຊັ້ນ I ຈຳນວນ 1 ໜ່ວຍ,  ຊັ້ນ IIຈຳນວນ 3 ໜ່ວຍ,

3. ຫລຽນໄຊພິລະອາດຫານຊັ້ນ I ຈຳນວນ 1 ໜ່ວຍ.

ບໍລິສັດໄດ້ຮັບການສ້າງຕັ້ງຂຶ້ນໃນວັນທີ 24 ມັງກອນ ປີ 2002  ໂດຍການຊີ້ນຳນຳພາຂອງກະຊວງປ້ອງກັນປະເທດ, ໄດ້ກາຍເປັນບໍລິສັດລັດວິສາຫະກິດລາວເດີນອາກາດປະກອບມີ 4 ຫົວໜ່ວຍທຸລະກິດຄື: ບໍລິສັດລາວເດີນອາກາດ (ບໍລິການຖ້ຽວບິນເໝົາລຳ ແລະ ສາຍການບິນເປັນບໍລິສັດແມ່), ອຸດສາຫະກຳການບິນລາວສະກາຍເວ (ບໍລິການສ້ອມແປງເຮືອບິນ), ໂຮງແຮມລາວສະກາຍເວ ແລະ ບໍລິສັດທ່ອງທ່ຽວລາວສະກາຍເວ.

lao sky way ຜູ້ໄດ້ຮັບລາງວັນນັກທຸລະກິດດີເດັ່ນ 2019 - Wave100S AD to Website 2020 0 - Lao sky way ຜູ້ໄດ້ຮັບລາງວັນນັກທຸລະກິດດີເດັ່ນ 2019

ນັບແຕ່ມື້ສ້າງຕັ້ງມາຮອດປັດຈຸບັນ, ທຸລະກິດຂອງບໍລິສັດໄດ້ເຕີບໃຫຍ່ຂະຫຍາຍຕົວ ແລະ ມີຄວາມເຂັ້ມແຂງ, ໂດຍສະເພາະການກໍ່ພື້ນຖານເຕັກນິກ, ພື້ນຖານໂຄ່ງລ່າງ ແລະ ນັກວິຊາການຕ່າງໆໄປພ້ອມກັບການເຮັດທຸລະກິດບໍລິການຖ້ຽວບິນ ແລະ ບໍລິການເຊົ່າເໝົາລຳເພື່ອຮັບໃຊ້ຂະແໜງເສດຖະກິດປິ່ນອ້ອມ, ໂດຍສະ ເພາະບໍລິສັດຂຸດຄົ້ນບໍ່ແຮ່ (ບໍ່ຄຳ ເຊໂປນ), ບໍລິສັດພູເບ້ຍມາຍນິງ ແລະ ໃຫ້ບໍລິການບິນທ່ຽວຊົມນະຄອນຫລວງວຽງຈັນ ເພື່ອສະໜັບສະໜູນເຂົ້າໃນການສົ່ງເສີມການທ່ອງທ່ຽວຂອງລາວ ແລະ ທີ່ສຳຄັນຍັງໃຫ້ບໍລິການບິນຮັບໃຊ້ໂຄງການຂຸດຄົ້ນ ແລະ ຊອກຫາສິ່ງເສດເຫລືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວອີກດ້ວຍ.

ທ່ານ ສີວຽງທອງ ກອນນິວົງ ໃຫ້ຮູ້ຕື່ມວ່າ: ສຳລັບງານ ະຫະກຳກິລາແຫ່ງຊາດທີ່ຈະຈັດຂຶ້ນຢູ່ແຂວງຊຽງຂວາງນັ້ນ, ທາງບໍລິສັດກໍໄດ້ປະກອບສ່ວນຫລາຍຢ່າງເຂົ້າໃນການສະໜັບສະໜູນເປັນຕົ້ນແມ່ນການໃຫ້ອຸປະຖຳເງິນ

ເປັນເງິນສົດຈຳນວນ 30 ລ້ານກີບ ແລະ ປີ້ຍົນເປັນເງິນ 20 ລ້ານກີບ ແລະ ຍັງໄດ້ເພີ່ມຖ້ຽວບິນຍົນໃຫຍ່ມື້ລະຖ້ຽວ, ສົ່ງນັກກິລາເຂົ້າຮ່ວມປະກອບສ່ວນ 2 ສະຫາຍ ແລະ ພິເສດໂຮງແຮມລາວສະກາຍເວທີ່ຕັ້ງຢູ່ຊຽຂວາງກໍຈະໃຫ້ບໍລິການຈັບຈອງໂດຍສະເພາະ ແມ່ນນັກກິລາທີ່ມາຮ່ວມການແຂ່ງຂັນດັ່ງກ່າວຈະໄດ້ຮັບສ່ວນຫລຸດທັນທີ 20% ພ້ອມອາຫານການກິນເພື່ອອຳນວຍຄວາມສະດວກໃຫ້ເຂົາເຈົ້າໄດ້ຮ່ວມແຂ່ງຂັນຢ່າງມີປະສິດທິພາບ.

ທ່ານອຳນວຍການໃຫຍ່ເປີດເຜີຍວ່າ: ປັດຈຸບັນກຳລັງມີແຜນພັດທະນາການຂົນສົ່ງເຖິງບ້ານ (Door to  Door) ເພື່ອການບໍລິການໃຫ້ນັບມື້ກວ້າງຂວາງຍິ່ງຂຶ້ນກວ່າເກົ່າ.

lao sky way ຜູ້ໄດ້ຮັບລາງວັນນັກທຸລະກິດດີເດັ່ນ 2019 - WhatsApp Image 2020 05 27 at 5 - Lao sky way ຜູ້ໄດ້ຮັບລາງວັນນັກທຸລະກິດດີເດັ່ນ 2019
lao sky way ຜູ້ໄດ້ຮັບລາງວັນນັກທຸລະກິດດີເດັ່ນ 2019 - WhatsApp Image 2020 05 27 at 5 - Lao sky way ຜູ້ໄດ້ຮັບລາງວັນນັກທຸລະກິດດີເດັ່ນ 2019
error: Alert: ເນື້ອຫາຂ່າວມີລິຂະສິດ !!