ເປັນຫ່ວງສະພາບການພະນັນບ້ານເຮົາ

- Untitled design - ເປັນຫ່ວງສະພາບການພະນັນບ້ານເຮົາ

- 11 - ເປັນຫ່ວງສະພາບການພະນັນບ້ານເຮົາ

 

- Wave100S AD to Website 2020 0 - ເປັນຫ່ວງສະພາບການພະນັນບ້ານເຮົາ

ສະບາຍດີ ​ເພື່ອນ​ຜູ້​ອ່ານ​ທີ່​ຮັກ​ແພງ, ຫລາຍ​ຄົນ​ກໍ​ຈະ​ຄິດ​ຄື ທ່ຽງ​ທຳ ​ເຊັ່ນ​ກັນ ​ເບິ່ງ​ຄື​ວ່າ​ສະພາບ​ການ​ພະນັນ​ຢູ່​ບ້ານ​ເຮົາ​ເມືອງ​ເຮົາ​ໃນ​ປັດຈຸບັນ​ນັບ​ມື້ຍິ່ງ​ຮ້າຍ​ແຮງ​ຂຶ້ນ​ເປັນ​ລຳດັບ, ການ​ອອກ​ເລກ​ອອກ​ຫວຍ​ທີ່​ເປັນ​ທາງ​ການ​ກໍ​ປາກົດ​ວ່າ​ຖີ່​ຂຶ້ນນັບ​ມື້ ​ໄປ​ຖະໜົນ​ສາຍ​ໃດ​ໃນ​ນະຄອນຫລວງ​ວຽງ​ຈັນ​ເຮົາ​ຈະ​ເຫັນ​ແຕ່​ໂຕະ​ນ້ອຍ​ຂາຍ​ເລກ​ຂາຍ​ເບີ​ຕັ້ງລຽນ​ກັນ​ໄປ​ຈົນ​ນັບ​ບໍ່​ຖ້ວນ. ຖ້າ​ເປັນ​ບ່ອນ​ຊຸມ​ຊົນ​ແດ່​ກໍ​ຍິ່ງ​ຫລາຍ ​ໂດຍ​ສະ​ເພາະ​ໃນ​ເຂດ​ຕໍ່ໜ້າ​ຕະຫລາດ​ໃຫຍ່​ຕ່າງໆ. ດັ່ງ​ມື້ສະຫລອງ​ວັນ​ເດັກ​ສາກົນ 1 ມິຖຸນາ​ຜ່ານ​ມານີ້, ຂ້າພະ​ເຈົ້າ​ໄດ້​ມີ​ໂອກາດ​ຜ່ານ​ໄປ​ຖະໜົນ​ສາມ​ແສນ​ໄທ​ກໍ​ເຫັນ​ຫລາຍ​ຈຸດ​ຕັ້ງ​ໂຕະ​ຂາຍ​ຫວຍ​ຂູດ ​ເຊິ່ງມີ​ທັງ​ເດັກນ້ອຍ​ຮ່ວມ​ຂາຍ​ຢູ່​ນຳ​ດ້ວຍ ​ເບິ່ງ​ຄື​ວ່າ​ເປັນ​ການ​ຊັກ​ຊວນ​ໃຫ້​ເດັກ​ເຂົ້າມາ​ກ່ຽວຂ້ອງ​ກັບ​ການ​ພະນັນ​ນີ້​ອີກ​ດ້ວຍ ​ເຊິ່ງການ​ທຳ​ມາ​ຫາ​ກິນ​ແບບ​ນີ້ ​ເບິ່ງ​ແລ້ວ​ບໍ່​ຄ່ອຍ​ງາມ​ຕາປາ​ນ​ໃດ ​ເມື່ອ​ທຽບ​ໃສ່​ການ​ນຳ​ເອົາ​ດອກ​ໄມ້, ປຶ້ມສໍ ຫລື ໜັງສືພິມ​ຂ່າວສານ​ຕ່າງໆ​ອອກ​ມາ​ຂາຍ​ດັ່ງ​ຫລາຍ​ປະ​ເທດ​ອື່ນ​ທີ່​ເພິ່ນ​ເຄີຍ​ເຮັດ​ ​ເບິ່ງ​ແລ້ວ​ມີ​ວັດທະນະທຳ​ກວ່າ ​ແລະ ຮ້າຍ​ແຮງ​ໄປ​ກວ່າ​ນັ້ນ ​ໃນ​ປັດຈຸບັນ​ຫວຍ​ພັດທະນາ​ເຮົາ​ພັດ​ໄດ້​ຮັບ​ອະນຸຍາດ​ໃຫ້​ມີ​ການ​ພະນັນ​ທວາຍ​ຜົນ​ເຕະບານ ນັບ​ທັງ​ພາຍ​ໃນ ​ແລະ ຕ່າງປະ​ເທດ ຖ້າ​ໃຜ​ຕ້ອງການ​ກໍ​ສາມາດ​ຕິດ​ຕໍ່​ເຂົ້າຫາ​ເພິ່ນ​​ໂລດ​ໃນ​ວົງ​ເງິນ​ບໍ່​ອັ້ນ​ແລ້ວ​ແຕ່​ຄວາມ​ອາດ​ສາມາດ​ຂອງ​ລູກ​ຄ້າ ​ເຊິ່ງການ​ພະນັນ​ນີ້​ມີ​ຫລາຍ​ປະ​ເທດ​ເພື່ອນ​ບ້ານ​ເຮົາ​ເພິ່ນ​ກໍ​ຍັງ​ບໍ່​ສາມາດ​ໃຫ້​ເປີດ​ເປັນ​ທາງ​ການ​ຖືກຕ້ອງ​ຕາມ​ກົດໝາຍ​ໄດ້ ​ເພາະ​ຈຸດ​ເສຍ​ຂອງ​ມັນ​ມີ​ຫລາຍ​ຢ່າງ​ກວ່າ​ຜົນ​ທີ່​ຈະ​ໄດ້​ຮັບ ​ແລະ ພ້ອມ​ນັ້ນ ກໍ​ຍັງ​ມີ​ເລກ​ສອງ​ໂຕ​ສາມ​ໂຕ​ບໍ່​ຈັກ​ຂອງ​ເພິ່ນ​ຂອງ​ໂຕ​ມີ​ຂາຍ​ໄປ​ທົ່ວ, ​ເລກ​ຈົດ, ຫວຍ​ຂູດ ​ແລະ ຫວຍ​ອອນ​ລາຍ​ອື່ນໆ​ກໍ​ມີ​ການ​ໂຄສະນາ​ຢ່າງ​ບໍ່​ລົດ​ລະ, ບາງ​ຄັ້ງກໍ​ມີ​ທັງ​ສື່​ມວນ​ຊົນ​ເຮົາ​ເຂົ້າມາ​ມີ​ສ່ວນ​ຮ່ວມ​ໃນ​ການ​ໂຄສະນາ​ການ​ພະນັນ​ດັ່ງກ່າວ ອັນ​ເປັນ​ການ​ຍົວະ​ຍວນ​ສັງຄົມ​ເຂົ້າມາ​ຫລິ້ນການ​ພະນັນ​ຫລາຍ​ຂຶ້ນ ບໍ່​ເວັ້ນຜູ້​ໃຫຍ່​ຜູ້​ນ້ອຍ​, ຊາວ​ໜຸ່ມ​ເຍົາວະ​ຊົນ​ກໍ​ມີ​ຫລາຍ, ຖັດຈາກ​ນັ້ນກໍ​ແມ່ນ​ການ​ຫລິ້ນ​ໄພ້​ໃນ​ເຮືອນ​ດີ​ເຮືອນ​ກຳ​ກໍ​ມີ​ຢ່າງ​ຫລວງຫລາຍ ​ແລະ ​ເປີດ​ແປນ ​ໂດຍ​ບໍ່​ເກງ​ກົວ​ລະບຽບ​ກົດໝາຍ ​ແລະ ລະອາຍ​ລູກ​ລະອາຍ​ຫລານ​ແຕ່​ຢ່າງ​ໃດ.

- WhatsApp Image 2020 05 27 at 5 - ເປັນຫ່ວງສະພາບການພະນັນບ້ານເຮົາ
- WhatsApp Image 2020 05 27 at 5 - ເປັນຫ່ວງສະພາບການພະນັນບ້ານເຮົາ
error: Alert: ເນື້ອຫາຂ່າວມີລິຂະສິດ !!