ມາດຕະການຈຳກັດມົນລະພິດທາງອາກາດ

ມາດຕະການຈຳກັດມົນລະພິດທາງອາກາດ - 1 5 - ມາດຕະການຈຳກັດມົນລະພິດທາງອາກາດ
ມາດຕະການຈຳກັດມົນລະພິດທາງອາກາດ - Untitled design - ມາດຕະການຈຳກັດມົນລະພິດທາງອາກາດ

ໂດຍ: ລູກເມືອງພວນ

ມົນລະພິດທາງອາກາດ ແລະ ການປ່ຽນແປງດິນຟ້າອາກາດ ບໍ່ແມ່ນສະເພາະແຕ່ຂອງປະເທດໃດປະເທດໜຶ່ງ ແຕ່ຫາກເປັນບັນຫາລວມຂອງທົ່ວໂລກ. ມົນລະພິດທາງອາກາດ ແລະ ການປ່ຽນແປງດິນຟ້າອາກາດເກີດມາຈາກຫຼາຍສາເຫດ: ຈາກຂີ້ເຫຍື້ອ, ຈາກການຕັດໄມ້ທຳລາຍປ່າ, ຈາກຄວັນລະອອງຂອງໂຮງຈັກໂຮງງານ, ຂອງຍວດຍານພາຫະນະ ແລະ ຈາກການຈູດປ່າ ແລະອື່ນໆ.

ອີງຕາມບົດລາຍງານຂອງສະຫະປະຊາຊາດໃຫ້ຮູ້ວ່າ ໜຶ່ງນາທີໃດໃນທົ່ວໂລກນຳໃຊ້ກະຕຸກຢາງເຖິງ 1 ລ້ານອັນ ແລະ ໃນແຕ່ລະປີນຳໃຊ້ຖົງຢາງ 5. 000 ຕື້ຖົງທີ່ໃຊ້ເທື່ອດຽວແລ້ວຖິ້ມ. ແຕ່ລະປີທົ່ວທັງໂລກສ້າງຂີ້ເຫຍື້ອຂຶ້ນມາ 300 ລ້ານໂຕນ. ເຄື່ອງຢາງເຫຼົ່ານີ້ມີຄຸນລັກສະນະສະຫຼາຍໄດ້ຍາກ, ການສະຫຼາຍຕົວຂອງມັນອາດຕ້ອງໃຊ້ເວລາແຕ່ 500-1000 ປີ. ເຄື່ຶອງຢາງເຫຼົ່ານີ້ເປັນພິດຕໍ່ສູຂະພາບ ແລະ ສິ່ງແວດລ້ອມຮ້າຍແຮງທີ່ສຸດ. ປັດຈຸບັນທົ່ວໂລກກຳລັງຮ່ວມມືກັນຫາມາດຕະການຈຳກັດດ້ວຍຫຼາຍວິທີເຊັ່ນ: ຫຼຸດຜ່ອນການຜະລິດພາຊະນະດ້ວຍປາລາສະຕິກ ຫັນມາຜະລິດເຄື່ອງໃຊ້ທີ່ເປັນມິດກັບສິ່ງແວດລ້ອມຫຼາຍຂຶ້ນ, ຫ້າມຖິ້ມຂີ້ເຫຍື້ອຊະຊາຍ ແລະ ມີການເກັບແຍກຂີ້ເຫຍື້ອ ເພື່ອນຳໄປຜະລິດຄືນໃໝ່…

ມາດຕະການຈຳກັດມົນລະພິດທາງອາກາດ - Wave100S AD to Website 2020 0 - ມາດຕະການຈຳກັດມົນລະພິດທາງອາກາດ

ສະເພາະຢູ່ລາວເຮົາກໍໄດ້ມີການປຸກລະດົມກັນບໍ່ໃຫ້ຖິ້ມຂີ້ເຫຍື້ອຊະຊາຍ, ຈັດວາງຖັງຂີ້ເຫຍື້ອໄວ້ຕາມຖະໜົນຫົນທາງ ແລະ ສະຖານທີ່ສາທາລະນະຕ່າງໆ. ຫ້ອງວ່າການສຳນັກງານນາຍົກລັດຖມົນຕີໄດ້ອອກແຈ້ງການເພີ່ມທະວີສະກັດກັ້ນໄຟລາມປ່າ ແລະ ຈູດຂີ້ເຫຍື້ອຊະຊາຍ ອັນເປັນສາເຫດຕົ້ນຕໍພາໃຫ້ເກີດມົນລະພິດຝຸ່ນລະອອງ PM 2.5. ຈຳກັດການຕັດໄມ້ຟືນເຜົາດິນຈີ່ ແລະ ດັງໃນຄົວເຮືອນ ຊຶ່ງການຕັດໄມ້ຟືນເຜົາດິນຈີ່ ເປັນສາເຫດຕັດໄມ້ທຳລາຍປ່າ ຢ່າງໜັກໜ່ວງໃນປັດຈຸບັນ. ນອກຈາກນີ້, ພວກເຮົາກໍຄວນຈຳກັດການໃຊ້ລົດສ່ວນຕົວລົງ, ປຸກລະດົມ ແລະ ສົ່ງເສີມການນຳໃຊ້ລົດສາທາລະນະໃຫ້ຫຼາຍຂຶ້ນ ແລະ ໃຫ້ກາຍເປັນນິໄສ, ຫຼຸດຜ່ອນການນຳໃຊ້ລົດແລ່ນດ້ວຍນໍ້າມັນກາຊວນລົງເທື່ອລະກ້າວ, ບໍ່ຕັ້ງໂຮງຈັກໂຮງງານຢູ່ໃນຕົວເມືອງ ທັງນີ້ກໍເພື່ອຫຼຸກຜ່ອນມົນລະພິດທາງອາກາດລົງ, ປູກຕົ້ນໄມ້ຕາມແຄມທາງສາຍຕ່າງໆ ໃຫ້ຕົວເມືອງເປັນສີຂຽວ ທັງເພື່ອກັ່ນຕອງຝຸ່ນລະອອງອີກດ້ວຍ. ບັນຫາສຳຄັນທີ່ສຸດກໍຄືເຮັດວຽກງານແນວຄິດ, ປູກຈິດສຳນຶກ ແລະ ສ້າງສະຕິເປັນເຈົ້າການໃນການປົກປັກຮັກສາສິ່ງແວດລ້ອມ, ປຸກລະດົມຂົນຂວາຍທຳຄວາມສະອາດຕົວເມືອງເປັນປະຈຳ ເພື່ອໃຫ້ຕົວເມືອງມີສິ່ງແວດລ້ອມທີ່ດີ.

—————————–

ມາດຕະການຈຳກັດມົນລະພິດທາງອາກາດ - WhatsApp Image 2020 05 27 at 5 - ມາດຕະການຈຳກັດມົນລະພິດທາງອາກາດ
ມາດຕະການຈຳກັດມົນລະພິດທາງອາກາດ - WhatsApp Image 2020 05 27 at 5 - ມາດຕະການຈຳກັດມົນລະພິດທາງອາກາດ
error: Alert: ເນື້ອຫາຂ່າວມີລິຂະສິດ !!