ສະມາຊິກພັກຕ້ອງເປັນແບບຢ່າງນໍາໜ້າ

ສະມາຊິກພັກຕ້ອງເປັນແບບຢ່າງນໍາໜ້າ - 2 4 - ສະມາຊິກພັກຕ້ອງເປັນແບບຢ່າງນໍາໜ້າ
ສະມາຊິກພັກຕ້ອງເປັນແບບຢ່າງນໍາໜ້າ - Untitled design - ສະມາຊິກພັກຕ້ອງເປັນແບບຢ່າງນໍາໜ້າ

ໂດຍ: ທິດກໍ່າ

ອີງຕາມການລາຍງານຈາກອົງການກວດກາພັກ-ລັດຂັ້ນສູນກາງວ່າໃນປີ 2019 ຜ່ານມາ, ໄດ້ມີສະມາຊິກພັກຖືກປະຕິບັດວິໃນເຖິງ 745 ຄົນ, ເພດຍິງ 104 ຄົນ ໃນຈໍານວນສະມາຊິກພັກທີ່ໄດ້ກ່າວມານີ້, ໄດ້ມີກະໂທງຄວາມຜິດທີ່ ແຕກຕ່າງກັນນັບແຕ່ສະຖານເບົາໄປຫາຫນັກເປັນຕົ້ນຖືກກ່າວເຕືອນ 158 ຄົນ ຕໍາແໜ່ງພາຍໃນພັກ 38 ຄົນ ໂຈະການຮ່ວມຊີວິດພັກ 137 ຄົນແລະ ໃຫ້ອອກຈາກພັກ 412 ຄົນ.

ການໃຫ້ຂໍ້ມູນຄັ້ງນີ້ໂດຍແມ່ນ ທ່ານ ສີໄນ ມຽງລາວັນ ຮອງປະທານຄະນະກວດກາສູນກາງພັກ ແລະ ອົງການກວດກາລັດຖະບານ ແລະ ທັງເປັນຮອງຫົວໜ້າອົງ ການຕ້ານການສໍ້ລາດບັງຫລວງຂັ້ນສູນກາງພິທີສະເຫລີມສະຫລອງວັນສ້າງຕັ້ງອົງການກວດກາພັກ-ລັດຄັ້ງວັນທີ 16 ກຸມພາ 2020ຄົບຮອບ 36 ປີຢູ່ທີ່ນະຄອນຫລວງວຽງຈັນ ແນວໃດກໍດີ, ເມື່ອເຫັນຕົວເລກອອກມາຄືດັ່ງວ່ານີ້ ເຮົາກໍເປັນໜ້າເປັນຫ່ວງ ແລະ ວິຕົກ.ຍ້ອນວ່າສະມາຊິກພັກຍຸກ ເກົ່າກັບຍຸກໃໝ່ມັນແຕກຕ່າງກັນຢ່າງຂາດຂັ້ນ ແລະ ປຽບທຽບໃສກັນໄດ້ຍາກ. ໃນຍຸກການປະຕິວັດປົດປ່ອຍຊາດຜູ້ໃ ເປັນສະມາຊິກພັກແມ່ນຕ້ອງໄດ້ປິດລັບການຮັບເອົາມະຫາຊົນຜູ້ກ້າວໜ້າເຂົ້າພັກກໍຕ້ອງໄດ້ປິດລັບ ແລະ ນັບທັງການບໍລິຫານວຽກງານຕ່າງໆຂອງພັກກໍຕ້ອງໄດ້ປິດລັບອັນສາເຫດກໍຍ້ອນວ່າຍຸກນັ້ນເປັນຍຸກຫົວລ້ຽວຫົວຕໍ່, ເປັນຍຸກສົງຄາມ, ສັດຕູປອງຂ້າບຸກຄົນທີ່ເປັນຄອມມູນິດ, ເປັນສະມາຊິກພັກ ແລະ ສະມາຊິກພັກໃນຍຸກນັ້ນກໍບໍ່ມີໃຜໄດ້ກະທໍາຜິດ, ການຮັບເອົາມະຫາຊົນຜູ້ກ້າວໜ້າເຂົ້າເປັນສະມາຊິກພັກກໍຕ້ອງໄດ້ກັ່ນຕອງຢ່າງມີຄຸນນະພາບອີ່ຫລີ, ຜູ້ໃດໄດ້ເຂົ້າເປັນສະມາຊິກພັກແລ້ວກໍຕ້ອງໄດ້ເປັນແບບຢ່າງໃນການດໍາລົງຊີວິດ, ການເຄື່ອນໄຫວວຽກງານກໍຕ້ອງເປັນແບບຢ່າງນໍາໜ້າອີຫລີ ແລະສາມາດເວົ້າໄດ້ວ່າສະມາຊິກພັກໃນຍຸກນັ້ນບໍ່ມີໃຜສໍ້ລາດບັງຫລວງ, ແມ່ນແຕ່ເງິນອັດໜຶ່ງກີບໜຶ່ງນັບທັງວັດສິ່ງ ຂອງຮັບໃຊ້, ອາຫານການກິນ, ພະລາທິການຕ່າງໆກໍຕ້ອງມີການເປີດເຜີຍຕໍ່ພັກ, ຕໍ່ກົມກອງລວມໝູ່ ແລະ ຕໍ່ການຈັດຕັ້ງ ຢ່າງຈະ ແຈ້ງແລະປອດໃສຂາວສະອາດຕໍ່ກັນທັງນັ້ນ.

ພໍຕົກມາເຖິງຍຸກນີ້, ເຊິ່ງເຂົາເອີ້ນວ່າຍຸກປ່ຽນແປງໃໝ່,ອັນເປັນຍຸກໂລກາພິວັດສະມາຊິກພັກຈໍານວນບໍ່ໜ້ອຍໄດ້ ກາຍເປັນລາຍຕ່າງດັ່ງທີ່ເຮົາເຫັນຕົວເລກການກະທໍາຜິດທີ່ກ່າວມາຂ້າງເທິງ ອັນສາເຫດກໍຍ້ອນໂລກປ່ຽນໄປໃຈຂອງ ຄົນກໍປຽນໄປນໍາ.ສະມາຊິກພັກຍຸກນີ້ເປັນຍຸກເປີດເຜີຍ, ຜູ້ໃດເປັນສະມາຊິກພັກທຸກຄົນຕ້ອງໄດ້ຮູ້ໄດ້ເຫັນ, ຜູ້ຂີ້ລ້າຍ, ຜູ້ງາມ, ຜູ້ໜ້າສັນໜ້າຍາວ, ຜູ້ໃດດີ, ຜູ້ໃດຊົ່ວກໍຕ້ອງໄດ້ພິສູດກັນໃນທຸກຄົນ ແລະ ທຸກຂົງເຂດວຽກງານ ຍິ່ງໄປກ່ວານັ້ນ, ສະມາຊິກພັກບາງສະຫາຍໄດ້ເອົາຖານະບົດບາດຂອງພັກໄປຫາກິນໃນທາງຜິດກົດຂອງພັກ,ຜິດສິນທໍາ ຜິດກົດໝາຍບ້ານເມືອງເປັນຕົ້ນອ້າງວ່າຕົນເປັນສະມາຊິພັກຢາກເຮັດຫຍັງກໍເຮັດ, ບໍ່ຢ້ານໃຜ, ບໍ່ຢ້ານມະຫາຊົນ, ບໍ່ຢ້ານປະຊາຊົນທີ່ ເຂົາກໍາລັງຈ້ອງມອງເບິ່ງ. ສະມາຊິກພັກບາງສະຫາຍເຮັດອັນໃດກໍຕິດພັນກັບຜົນປະໂຫຍດສ່ວນຕົ້ນ, ບໍ່ເປັນແບບຢ່າງ, ພາອ້າຍນ້ອງສໍ້ລາດບັງຫລວງ, ດິນກໍຕ້ອງໄດ້ຫລາຍ, ເງິນກໍຕ້ອງມີຫລາຍ, ເຮືອນກໍຕ້ອງມີຫລາຍຫລັງຍ້ອນເປັນສະ ມາຊິກພັກ, ເວົ້າຄວາມດຽວໃຫ້ແລ້ວໂລດ, ມີໃຜໃຫຍ່ກ່ວາພັກ.

ສະມາຊິກພັກຕ້ອງເປັນແບບຢ່າງນໍາໜ້າ - Wave100S AD to Website 2020 0 - ສະມາຊິກພັກຕ້ອງເປັນແບບຢ່າງນໍາໜ້າ

ສ່ວນວ່າການຮັບເອົາຄົນເຂົ້າເປັນສະມາຊິກພັກຈໍານວນໜຶ່ງກໍເປັນຄົນ ໃຜຄົນມັນ ຜູ້ໃດຕ້ອງການເປັນສະມາຊິກພັກຕ້ອງເຮັດກັບນາຍ, ຮູ້ກັບນາຍ,ຮັບໃຊ້ນາຍ, ລູບແຂ່ງເລຍຂາ ມາຊິກພັກ, ເວົ້າຄວາມດຽວໃຫ້ແລ້ວໂລດ, ມີໃຜໃຫຍ່ກວ່າພັກ ສ່ວນວ່າການຮັບເອົາຄົນເຂົ້າເປັນສະມາຊິກພັກຈໍານວນ ໜຶ່ງກໍເປັນຄົນໃຜຄົນມັນ, ຜູ້ໃດຕ້ອງການເປັນສະມາຊິກພັກຕ້ອງເຮັດກັບນາຍ, ຮູ້ກັບນາຍ, ຮັບໃຊ້ນາຍ, ລູບແຂ່ງເລຍຂາ ນາຍ, ມີຂອງຕ້ອນຂອງຝາກ, ມີເງິນມີຄໍາຢື່ນບ່ອນໃຫ້ນາຍຍ້ອນນາຍເພິ່ນເປັນຫົວໜ້າທັງເປັນເລຂາພັກ, ມີອໍານາດ, ມີ ຖານະຕໍາແໜ່ງກົກຊີ້ຕາຍປາຍຊີ້ເປັນ.

ຍ້ອນປາກົດການດັ່ງກ່າວຜູ້ເປັນສະມາຊິກພັກໃນຍຸກນີ້ມີຈໍານວນໜຶ່ງຈຶ່ງບໍ່ ຄ່ອຍມີຄຸນສົມບັດ, ຄຸນນະພາບຍ້ອນມີການຊື້ຈ້າງເຂົ້າພັກ, ບັງເອີນຖືກຜູ້ເປັນສະມາຊິກພັກເປັນຄົນບໍ່ຄ່ອຍດີ, ປະຫວັດບໍ່ແຈ້ງ, ບໍ່ມີລະດັບຄວາມຮູ້ທີ່ແນ່ນອນເປັນຄົນບໍ່ຄ່ອຍຢູ່ໃນກອບສຸດທ້າຍມາມັນກໍພາເພດັ່ງເຮົາເຄີຍໄດ້ຍິນ, ເຄີຍເຫັນມາ ໃນບ້ານເມືອງເຮົາທຸກວັນນີ້.

ເຖິງຢ່າງໃດກໍດີ, ຕາມເຮົາວ່າຖ້າຢາກໃຫ້ພັກປອດໃສຂາວສະອາດ, ປອດການສໍ້ລາດບັງຫລວງທາງທີ່ດີກໍຄືຕ້ອງໄດ້ຊັກຟອກໃຫ້ເຖິງຖອງບໍ່ຄວນເຫັນແກ່ເງິນແສນໄຖ່, ບໍ່ເຫັນໄພ່ແສນເມືອງ ຖ້າພັກບໍ່ເດັດຂາດຈິງຈັງອີ່ຫລີສະມາຊິກພັກ ຈານວນບໍ່ໜ້ອຍຈະເປັນຜູ້ຂາຍໜ້າຂາຍຕາບົດບາດຂອງພັກ,ກຽດສັກສີຂອງພັກຈະເຊື່ອມຖອຍຍ້ອນສະມາຊິກພັກບໍ່ ເປັນແບບຢ່າງນໍາໜ້າພາເພກາຍເປັນສັດຕູພາຍໃນທາງກົງ ແລະ ທາງອ້ອມ.

ສະມາຊິກພັກຕ້ອງເປັນແບບຢ່າງນໍາໜ້າ - WhatsApp Image 2020 05 27 at 5 - ສະມາຊິກພັກຕ້ອງເປັນແບບຢ່າງນໍາໜ້າ
ສະມາຊິກພັກຕ້ອງເປັນແບບຢ່າງນໍາໜ້າ - WhatsApp Image 2020 05 27 at 5 - ສະມາຊິກພັກຕ້ອງເປັນແບບຢ່າງນໍາໜ້າ
error: Alert: ເນື້ອຫາຂ່າວມີລິຂະສິດ !!