ທ່ອງທ່ຽວທຳມະຊາດຊຸກຍູ້ການເຕີບໂຕສີຂຽວ

ທ່ອງທ່ຽວທຳມະຊາດຊຸກຍູ້ການເຕີບໂຕສີຂຽວ - 3 1 - ທ່ອງທ່ຽວທຳມະຊາດຊຸກຍູ້ການເຕີບໂຕສີຂຽວ
ທ່ອງທ່ຽວທຳມະຊາດຊຸກຍູ້ການເຕີບໂຕສີຂຽວ - Untitled design - ທ່ອງທ່ຽວທຳມະຊາດຊຸກຍູ້ການເຕີບໂຕສີຂຽວ

ໂດຍ: ມຶກບໍ່ແຫ້ງ

ການທ່ອງທ່ຽວແມ່ນບູລິມະສິດສຳຄັນຂອງລັດຖະບານ, ດ້ວຍທ່າ ແຮງທາງທຳທະຊາດອາດເຮັດໃຫ້ການກ້າວໄປສູ່ການເຕີບໂຕສີຂຽວ ນັ້ນສົດໃສຍິ່ງຂຶ້ນ.

ສປປລາວມີຄວາມໄດ້ປຽບສູງໃນການກ້າວໄປສູ່ການເຕີບໂຕສີຂຽວ ໂດຍສະເພາະຂະແໜງການທ່ອງທ່ຽວຍ້ອນຍັງມີຄວາມອຸດົມສົມບູນທາງທຳມະຊາດ, ເກືອບ 20% ຂອງເນື້ອທີ່ປະເທດແມ່ນເປັນເຂດສະຫງວນ ແຫ່ງຊາດທີ່ຍັງອຸດົມສົມບູນປະກອບໄປດ້ວບພູມີທັດອັນສວຍສົດງົດງາມ, ມີຊີວະນາໆພັນທີ່ສຳຄັນລະດັບໂລກ.

ສປປລາວກາຍເປັນທີ່ຮູ້ຈັກຂອງຄົນທົ່ວໂລກນັບມື້ນັບຫຼາຍຂຶ້ນດ້ວຍ ຈັງວະການຂະຫຍາຍຕົວທາງດ້ານການທ່ອງທ່ຽວເກີນ 10% ຕໍ່ປີ, ໃນນັ້ນ ບັນດາປະເທດໃນພາກພື້ນແລະສປຈີນກາຍເປັນຕະຫຼາດສຳຄັນຂອງການ ທ່ອງທ່ຽວລາວ, ດ້ວຍການເປັນປະເທດເຊື່ອມຕໍ່ກັບບັນດາປະເທດນີ້ຫຼາຍ ຂຶ້ນເທົ່າໃດປະເທດເຮົາກໍຈະສາມາດດຶງດູງນັກທ່ອງທ່ຽວໄດ້ຫຼາຍຂຶ້ນເທົ່ານັ້ນຕົວຢ່າງການສ້າງທາງລົດໄຟລາວ-ຈີນກໍຈະເປັນປັດໄຈສຳຄັນອັນໜຶ່ງ.

ການທ່ອງທ່ຽວທຳມະຊາດສ້າງວຽກເຮັດງານທຳແລະສາມາດສ້າງ ລາຍຮັບໃຫ້ແກ່ປະຊາຊົນໂດຍກົງໃນທ້ອງຖິ່ນດ້ວຍຫຼາຍຊ່ອງທາງບໍ່ວ່າຈະ ເປັນຜູ້ນຳທ່ຽວ, ຂາຍຜະລິດຕະພັນອັນເປັນເອກະລັກຂອງທ້ອງຖິ່ນ ແລະ ວຽກງານບໍລິການອື່ນໆ ທີ່ເປີດໂອກາດໃຫ້ປະຊາຊົນອະນຸລັກຊັບສິນທາງ ທຳມະຊາດເພື່ອຫາລາຍໄດ້ ແບບຍືນຍົງ.

ໃນປີ 2018 ການທ່ອງທ່ຽວຢູ່ ສປປລາວໄດ້ປະກອບສ່ວນ 4.2% ໃຫ້ແກ່ລວມຍອດຜະລິດຕະພັນພາຍໃນຂອງປະເທດທຽບໃສ່ 10.4% ຂອງໂລກ ແລະ ປະກອບສ່ວນ 3.5% ໃນການສ້າງວຽກເຮັດງານທຳ ທຽບໃສ່ 9.9% ຂອງໂລກ (ຂໍ້ມູນຈາກສູນສະຖິຕິແຫ່ງຊາດຮ່ວມກັບທະ ນາຄານໂລກ, 2020) ເຊິ່ງສະແດງໃຫ້ເຫັນວ່າຂະແໜງການທ່ອງທ່ຽວໃນ ສປປລາວຍັງສາມາດຂະຫຍາຍຕົວຕື່ມອີກໂດຍສະເພາະການທ່ອງທ່ຽວ ທາງທຳມະຊາດທີ່ຍັງບໍ່ໄດ້ຮັບການພັດທະນາຢ່າງພຽງພໍເທື່ອ.

ທ່ອງທ່ຽວທຳມະຊາດຊຸກຍູ້ການເຕີບໂຕສີຂຽວ - Wave100S AD to Website 2020 0 - ທ່ອງທ່ຽວທຳມະຊາດຊຸກຍູ້ການເຕີບໂຕສີຂຽວ

ສປປລາວຄວນຖືເອົາການທ່ອງທ່ຽວທາງທຳມະຊາດເປັນໂຕຂາຍ ແລະເປັນເອກະລັກຂອງຕົນເອງຫຼາຍຂຶ້ນ, ເອົາທ່າແຮງທີ່ໄດ້ປຽບນີ້ທີ່ຫາ ຍາກຢູ່ປະເທດອື່ນໃນພາກພື້ນຈະເຮັດໃຫ້ ການທ່ອງທ່ຽວຂອງສປປລາວຍືນ ຍົງຍິ່ງຂຶ້ນຍ້ອນວ່າປະຊາຊົນກໍໄດ້ຮັບຜົນປະໂກຍດໂດຍກົງຈາກການທ່ອງ ທ່ຽວ, ຫຼຸດຜ່ອນການບຸກລຸກທຳມະຊາດແລ້ວຫັນມາຊ່ວຍອະນຸລັກຊີວະ ນານາພັນຄວາມອຸດົມສົມບູນຂອງທຳມະຊາດໃຫ້ຍືນຍົງກວ່າເກົ່າ.

ໃນທ່າມກາງທີ່ລັດຖະບານເຮົາໃຫ້ຄວາມສຳຄັນຕໍ່ການເຕີບໂຕຕາມ ທິດທາງຍືນຍົງສີຂຽວນີ້ ກໍເປັນອັນດີຕໍ່ການພັດທະນາການທ່ອງທ່ຽວທຳ ມະຊາດຄຽງຄູ່ກັບການພັດທະນາຊົນນະບົດເພື່ອຫຼຸດຜ່ອນຄວາມທຸກຍາກ ຂອງປະຊາຊົນ.

ໃນຄຳສັ່ງຂອງກົມການເມືອງສູນກາງພັກເລກທີ 097/ກມສພ ລົງວັນທີ 18 ກຸມພາວ່າດ້ວຍການເພີ່ມທະວີການນຳພາຊີ້ນຳຕໍ່ວຽກງານ ພັດທະນາ ຊົນນະບົດ ແລະ ແກ້ໄຂຄວາມທຸກຍາກຂອງປະຊາຊົນນັ້ນເພິ່ນ ກໍໄດ້ເນັ້ນໜັກວ່າການແກ້ໄຂຄວາມທຸກຍາກຕ້ອງຄຽງຄູ່ກັບການສ້າງຄວາມສົມດູນທາງສັງຄົມ, ເສດຖະກິດ ແລະ ທຳມະຊາດຖືເອົາການການພັດທະນາ ຕາມທິດສີຂຽວຍືນຍົງ ເປັນໂຕຂັບເຄື່ອນ.

ເພາະສະນັ້ນ, ການທ່ອງທ່ຽວທາງທຳມະຊາດແມ່ນສອດຄ່ອງທີ່ສຸດ ກັບແນວທາງດັ່ງກ່າວທີ່ພວກເຮົາຄວນສຸມກຳລັງແຮງໃສ່ຕື່ມ.

ທ່ອງທ່ຽວທຳມະຊາດຊຸກຍູ້ການເຕີບໂຕສີຂຽວ - WhatsApp Image 2020 05 27 at 5 - ທ່ອງທ່ຽວທຳມະຊາດຊຸກຍູ້ການເຕີບໂຕສີຂຽວ
ທ່ອງທ່ຽວທຳມະຊາດຊຸກຍູ້ການເຕີບໂຕສີຂຽວ - WhatsApp Image 2020 05 27 at 5 - ທ່ອງທ່ຽວທຳມະຊາດຊຸກຍູ້ການເຕີບໂຕສີຂຽວ
error: Alert: ເນື້ອຫາຂ່າວມີລິຂະສິດ !!