ຈະແກ້ໄຂຄວາມແຕກໂຕນຕົວເມືອງ-ຊົນນະບົດໄດ້ແນວໃດ?

ຈະແກ້ໄຂຄວາມແຕກໂຕນຕົວເມືອງ-ຊົນນະບົດໄດ້ແນວໃດ? - 44 - ຈະແກ້ໄຂຄວາມແຕກໂຕນຕົວເມືອງ-ຊົນນະບົດໄດ້ແນວໃດ?
ຈະແກ້ໄຂຄວາມແຕກໂຕນຕົວເມືອງ-ຊົນນະບົດໄດ້ແນວໃດ? - Untitled design - ຈະແກ້ໄຂຄວາມແຕກໂຕນຕົວເມືອງ-ຊົນນະບົດໄດ້ແນວໃດ?

ໂດຍ: ມຶກບໍ່ແຫ້ງ

ທິດທາງການແກ້ໄຂຄວາມທຸກຍາກຂອງພັກ-ລັດເຮົາຖືເອົາວຽກງານ ການຫຼຸດຜ່ອນຄວາມແຕກໂຕນກັນລະຫວ່າງຕົວເມືອງແລະຊົນນະບົດເປັນ ບັນຫາທີ່ສຳຄັນເລື້ອຍມາແຕ່ພວກເຮົາຈະສາມາດເຮັດໃຫ້ຊົນນະບົດເຂັ້ມ ແຂງທຽບເທົ່າຕົວເມືອງໄດ້ແນວໃດ?

ຍ້ອນເຫັນວ່າວຽກງານຫຼຸດ່ຜ່ອນຄວາມທຸກຍາກແມ່ນໝາກຫົວໃຈສຳຄັນໃນການພັດທະນາປະເທດ, ກົມການເມືອງສູນກາງກາງພັກໄດ້ອອກ ຄຳສັ່ງເລກທີ 097/ກມສພລົງວັນທີ 18​ ກຸມພາ 2020 ວ່າດ້ວຍການເພີ່ມ ທະວີການນຳພາ-ຊີ້ນຳຕໍ່ວຽກງານພັດທະນາຊົນນະບົດແລະແກ້ໄຂຄວາມ ທຸກຍາກຂອງປະຊາຊົນ.

ໜຶ່ງເນື້ອໃນສຳຄັນຂອງຄຳສັ່ງດັ່ງກ່າວແມ່ນເພິ່ນໄດ້ເນັ້ນໜັກໃສ່ ການຫຼຸດຜ່ອນຄວາມແຕກໂຕນກັນຂອງຕົວເມືອງ ແລະ ຊົນນະບົດເຊິ່ງເປັນ ເປົ້າໝາຍທີ່ຕ້ອງບັນລຸເພື່ອແນໃສ່ການຫັນເປັນຕົວເມືອງແຕ່ລະເຂດແຄ້ວນຢ່າງເໝາະສົມ, ພັດທະນາຊົນນະບົດຕ້ອງໄປຕາມທິດຫັນເປັນອຸດສາຫະກຳ ແລະ ທັນສະໄໝ, ຫັນຈາກການດຳລົງຊີວິດແລະທຳມາຫາກິນແບບດັ້ງເດີມ ຕາມທຳມະຊາດໄປສູ່ແບບແຜນການດຳລົງຊີວິດທີ່ກ້າວໜ້າ, ມີວິທະຍາ ສາດ, ຍູ້ແຮງການຜະລິດສິນຄ້າຕິດພັນກັບການຕະຫຼາດແຕ່ຫົວທີ.

ໃນໄລຍະຜ່ານມາພວກເຮົາຮັບຮູ້ດີເລື່ອງການໂຮມບ້ານນ້ອຍເປັນບ້ານໃຫຍ່ ເຊິ່ງເປັນການກະຕຸກຊຸກຍູ້ ໃຫ້ການພັດທະນາທີ່ມີຄວາມວ່ອງໄວ ຂຶ້ນຕື່ມໂດຍສະເພາະການຫັນຈາກບ້ານໃຫຍ່ທີ່ ມີເສດຖະກິດຂະຫຍາຍ ຕົວດີກ້າວໄປສູ່ ການພັດທະນາເປັນຕົວເມືອງນ້ອຍ.

ແນ່ນອນການຈະຫັນໄດ້ຄືແນວນັ້ນຕ້ອງແມ່ນວຽກງານນຳພາ-ຊີ້ນຳ ທີ່ມີຄວາມເຂັ້ມແຂງແລະມີຄວາມຮູ້ ປະດິດສ້າງຂອງອຳນາດການປົກ ຄອງທ້ອງຖິ່ນຕິດພັນກັບການຜັນຂະຫຍາຍແນວທາງຂອງພັກ-ລັດລົງສູ່ ຊົນນະບົດໃຫ້ໄດ້ຢ່າງເຖິງຖອງແລະມີປະສິດທິຜົນ.

ຈະແກ້ໄຂຄວາມແຕກໂຕນຕົວເມືອງ-ຊົນນະບົດໄດ້ແນວໃດ? - Wave100S AD to Website 2020 0 - ຈະແກ້ໄຂຄວາມແຕກໂຕນຕົວເມືອງ-ຊົນນະບົດໄດ້ແນວໃດ?

ນອກເໜືອຈາກນັ້ນ, ບັນຫາພື້ນຖານໃນການຍົກສູງຊີວິດການເປັນຢູ່ ຂອງປະຊາຊົນໃນການພັດທະນາຊົນນະບົດເປັນຕົວເມືອງນັ້ນແມ່ນການສ້າງລາຍຮັບໂດຍສະເພາະແມ່ນການຜະລິດກະສິກຳທີ່ເປັນພື້ນຖານ, ອີງຕາມຄຳ ສັ່ງດັ່ງກ່າວແນວທາງທີ່ສຳຄັນກໍແມ່ນສ້າງໃຫ້ມີການຜະລິດທີ່ທັນສະໄໝ, ເປັນກຸ່ມແລະຫັນໄປສູ່ການສ້າງສະຫະກອນແບບໃໝ່ເຊິ່ງເປັນເລື່ອງທີ່ເໝາະສົມທີ່ສຸດ.

ປະຊາຊົນໃນເຂດຊົນນະບົດຕ້ອງການຄວາມຮູ້ໃນການປູກ-ການ ລ້ຽງຫຼາຍທີ່ສຸດເຊິ່ງບັນຫາຕໍ່ມາກໍແມ່ນການຊອກຕະຫຼາດຈຳໜ່າຍໃຫ້ໄດ້ລາຄາດີ, ມີຄວາມເປັນທຳແລະຍືນຍົງ. ໃນຈຸດນີ້ ແມ່ນມີຄວາມຈຳເປັນທີ່ຈະໄດ້ ຫັນລົງສູ່ຮາກຖານໂດຍສະເພາະການນຳເອົາເຕັກນິກວິຊາການການປູກ-ການລ້ຽງລົງແທດເຖິງນຳປະຊາຊົນຕາມທ້ອງຖິ່ນຕ່າງໆ.

ຢ່າລືມວ່າບົດຮຽນທີ່ສຳຄັນໃນການແກ້ໄຂຄວາມທຸກຍາກຂອງສປຈີນກໍແມ່ນການລົງຮາກຖານທີ່ເອົາວິຊາການທີ່ເກັ່ງລົງສອນໃຫ້ປະຊາຊົນຮູ້ຈັກການປູກ-ການລ້ຽງທີ່ນຳໃຊ້ ເຕັກນິກວິຊາການຂັ້ນສູງເຊິ່ງສອດຄ່ອງກັບ ສິ່ງທີ່ພວກເຮົາເວົ້າວ່າການຜະລິດຕ້ອງຫັນໄປສູ່ຄວາມທັນສະໄໝໃຫ້ໄດ້ຜົນຜະລິດຫຼາຍ (ແຕ່ຫຼີກລ່ຽງການໃສ່ ປຸ໋ຍເຄມີທີ່ອັນຕະລາຍ).

ເພາະສະນັ້ນ, ໃນແນວທາງການຫັນເປັນສະຫະກອນແບບໃໝ່ ແມ່ນເໝາະສົມໃນຫຼາຍດ້ານໂດຍສະເພາະການແລກປ່ຽນບົດຮຽນໃນການ ຜະລິດຂອງປະຊາຊົນ, ການຮວບໂຮມຜົນຜະລິດໃຫ້ໄດ້ຫຼາຍເພື່ອຈຳໜ່າຍ ດ້ວຍຄວາມສາມາດໃນການຕໍ່ລອງລາຄາທີ່ເໝາະສົມນຳໄປສູ່ການສ້າງເສດຖະກິດຂອງຊຸມຊົນຊົນນະບົດໃຫ້ມີຄວາມເຂັ້ມແຂງເປັນພື້ນຖານໃນການ ກ້າວໄປສູ່ການສ້າງເປັນຕົວເມືອງນ້ອຍໃຫ້ໄດ້ຕາມຄາດໝາຍ.

ຈະແກ້ໄຂຄວາມແຕກໂຕນຕົວເມືອງ-ຊົນນະບົດໄດ້ແນວໃດ? - WhatsApp Image 2020 05 27 at 5 - ຈະແກ້ໄຂຄວາມແຕກໂຕນຕົວເມືອງ-ຊົນນະບົດໄດ້ແນວໃດ?
ຈະແກ້ໄຂຄວາມແຕກໂຕນຕົວເມືອງ-ຊົນນະບົດໄດ້ແນວໃດ? - WhatsApp Image 2020 05 27 at 5 - ຈະແກ້ໄຂຄວາມແຕກໂຕນຕົວເມືອງ-ຊົນນະບົດໄດ້ແນວໃດ?
error: Alert: ເນື້ອຫາຂ່າວມີລິຂະສິດ !!