ເປັນຫຍັງຜູ້ຕິດເຊື້ອໂຄວິດ-19 ຢູ່ປະເທດຈີນ ຈຶ່ງຫລຸດລົງ

ຖອດ​ບົດຮຽນ​ຈາກ covid-19 -                                   - ເປັນຫຍັງຜູ້ຕິດເຊື້ອໂຄວິດ-19 ຢູ່ປະເທດຈີນ ຈຶ່ງຫລຸດລົງ
ຖອດ​ບົດຮຽນ​ຈາກ covid-19 - AGL banner - ເປັນຫຍັງຜູ້ຕິດເຊື້ອໂຄວິດ-19 ຢູ່ປະເທດຈີນ ຈຶ່ງຫລຸດລົງ

​ເມື່ອ​ຈີນ​ປິດ​ປະ​ເທດການ​ເດີນທາງ​ຫລຸດ​ລົງກາກ​ບອນ​ໄດ​ອົກ​ໄຊ​ຫລຸດ​ລົງຄົນ​ເກັບ​ຕົວ​ຢູ່​ແຕ່​ໃນ​ເຮືອນມະນຸດ​ກຳລັງ​ຜະ​ເຊີນ​ກັບ “​ໂຣກລະບາດ” ຄັ້ງ​ໃຫຍ່ ມັນ​ຄື​ຜົນ​ຈາກ​ການ​ກະທຳ​ຂອງ​ມະນຸດ​ທີ່​ໄດ້​ລ້ຳ​ເສັ້ນຂອງ​ທຳ​ມະ​ຊາດ ແລະ ຕອນ​ນີ້​ທຳ​ມະ​ຊາດ​ກຳລັງ​ລົງ​ໂທດ​ພວກ​ເຮົາ​ແລ້ວປະຕິ​ເສດ​ບໍ່​ໄດ້​ວ່າ ​ໄວຣັສ Covid ນັ້ນສົ່ງ​ຜົນ​ກະທົບ​ເສຍ​ຫາຍ​ເປັນ​ວົງ​ກວ້າງ​ຕໍ່​ຊີວິດ ​ແລະ ​ເສດຖະກິດ ​ໂດຍ​ທີ່​ມາ​ຂອງ​ໂຣກລະບາດ ນັກວິທະຍາສາດ​ ​ໄດ້​ອອກ​ມາ​ຢືນຢັນ​ແລ້ວ​ວ່າ​ມາ​ຈາກ “ສັດປ່າ”

ໃນ​ທຳ​ມະ​ຊາດ​ສັດປ່າ​ຖື​ວ່າ​ເປັນ​ແຫ​ລ່ງລວມ​ເຊື້ອພະຍາດ​ຫລວງຫລາຍສາຍ​ພັນ ​ໂດຍ​ສະ​ເພາະ ​​ເຈຍ, ໜູ ຫລື ໝູ​ປ່າ ​ແຕ່​ສັດ​ເຫລົ່າ​ນີ້​ໄດ້​ມີ​ການປັບ​ຕົວ ​ແລະ ວິວັດທະນາ​ການ​ມາ​ດົນ​ນານ ​ເພື່ອ​ສ້າງ​ພູມ​ຄຸ້ມ​ກັນ​ເຊື້ອພະຍາດ ​ເຮັດ​ໃຫ້​ເຊື້ອພະຍາດ​ຮ້າຍ​ສາມາດ​ຢູ່​ໃນ​​ໂຕ​ຂອງ​ສັດປ່າ​ໄດ້ ​ໂດຍ​ສັດປ່າ​ບໍ່​ສະ​ແດງ​ອາການ​ເຈັບ​ປ່ວຍ​ໃດໆ.​

ແຕ່​ມະນຸດ​ນັ້ນ ນັບ​ແຕ່​ອະດີດ ມະນຸດ​ໄດ້​​ເຮັດ​ທຸກ​ວິທີ​ທາງ​ເພື່ອ​ໃຫ້​ຕົນ​​ເອງ​ຢູ່​ລອດ ​ແລະ ປະດິດ​ສິ່ງ​ຕອບ​ສະໜອງ​ຄວາມ​ຕ້ອງການ​ຂອງ​ຕົນ​ເອງ​ເຊັ່ນ: ການ​ສ້າງ​ເຄື່ອງ​ທຸ່ນ​ແຮງ ດ້ວຍ​ຄວາມ​ສະອາດ​ຫລັກ​ແຫລມ​ຈຶ່ງ​ເຮັດ​ໃຫ້​ມະນຸດ​ຢູ່​ສູງ​ສຸດ​ໃນ​ຫ່ວງ​ໂຊ່​ອາຫານມະນຸດ​ຢູ່​ລວມຕົວ​ກັນ​ເປັນ​ສັງຄົມ​ເພື່ອ​ທົດ​ແທນ​ສິ່ງ​ທີ່​ຕົນ​ເອງ​ບໍ່​ສາມາດ​ເຮັດ​ໄດ້ ພາລະ​ໜ້າ​ທີ່​ຕ່າງໆ​ຈຶ່ງ​ຖືກ​ແບ່ງ​ຂຶ້ນພາຍ​ໃນ​ສັງຄົມ​ມະນຸດ.​

ນີ້​ເປັນ​ເຫດຜົນ​ໜຶ່ງ​ທີ່​ເຮັດ​ໃຫ້​ກ້າວ​ຂຶ້ນສູ່​ຈຸດ​ສູງ​ສຸດ​ຂອງ​ລະບົບ​ນິ​ເວດ​ຢ່າງ​ວ່ອງ​ໄວ ​ແລະ ດ້ວຍ​ເຫດຜົນ​ນີ້ ​ເຮັດ​ໃຫ້ການ​ວິວັດທະນາ​ການ​ຂອງ​ມະນຸດ​ບໍ່​ໄດ້​ມີ​ການ​ພັດທະນາ​ປ່ຽນ​ແປງ​ໂຄງ​ສ້າງ​ຮ່າງກາຍ​ຈາກ​ເມື່ອ​ກ່ອນ ມະນຸດ​ໃຊ້​ເວລາ​ສ່ວນ​ຫລາຍ​ໄປ​ກັບ​ການ​ພັດທະນາ​ສິ່ງ​ພາຍ​ນອກ ​ໃຫ້​ເຂົ້າກັບ​ຕົນ​ເອງ ຕ່າງ​ຈາກ​ສັດ​ທີ່​ມີ​ການ​ປັບ​ຕົວ​ເພື່ອ​ຄວາມ​ຢູ່​ລອດ.​

ມະນຸດ​ໃຊ້​ເວລາ​ບໍ່​ດົນ​ຈາກ​ຈຸດ​ເລີ່​ມຕົ້ນ ກໍ​ໄດ້​ຖົງ​ຊັບພະຍາກອນ​ໃນ​ໂລກ​ໃບນີ້​ໄປ​​ແລ້ວ​ກວ່າ 80% ຊັບພະຍາກອນ​ຖືກ​ທຳລາ​ຍຢ່າງ​ວ່ອງ​ໄວ​ຈາກ​ຄວາມ​ຕ້ອງການ​ທີ່​ບໍ່​ສິ້ນສຸດ​ຂອງ​ມະນຸດ​ໂລກ​ຈຶ່ງ​ຕອບ​ສະໜອງ​ຕໍ່​ການ​ທຳລາຍ​ ​ໂດຍ​ການ​ສ້າງ​ມັດຈຸລາດ​ຂຶ້ນມາ​ເພື່ອ​ຢຸດ​ຢັ້ງການ​ທຳລາຍ​ທີ່​ມະນຸດ​ກຳລັງ​ດຳ​ເນີນ​ຢູ່ ມັດຈຸລາດ​​ໂຕ​ນີ້​ມີນາ​ມວ່າ: …..

“​ໂຄ​ໂຣນາ ຫລື Covid-19” ​ໄວຣັສສາຍ​ພັນ​ໃໝ່​ທີ່​ກາຍພັນ​ມາ​ເພື່ອ​ທຳລາຍການລະບາດ​ນີ້​ເລີ່​ມຕົ້ນຂຶ້ນ​​ເມື່ອ​ທ້າຍ​ປີ 2019 ຈາກ​ຕະຫລາດ​ຄ້າຂາຍ​ສັດປ່າ ​ໃນ​ມົນທົນ​ອູ່​ຮັ່ນ ປະ​ເທດ​ຈີນ ຕະຫລາດ​ແຫ່ງ​ນີ້​ມີ​ການ​ຄ້າຂາຍ​ສັດປ່າ​ຫລາຍ​ຊະນິດ​ເຊັ່ນ: ງູ​ເຫລົ່າ, ລິ່ນ ​ແລະ ​ເຈຍ ທີ່​ຕົກ​ເປັນ​ຈຳ​ເລີຍ.

​ແລະ ວັນ​ທີ 3 ມັງກອນ 2020 ຈີນ ​ໄດ້​ປະກາດ​ຢ່າງ​ເປັນ​ທາງ​ການ​ວ່າ ອາການ​ປອດ​ອັກ​ເສບ ​ເກີດ​ຈາກ​ເຊື້ອ​ພະຍາດ​ຊະນິດ​ໃໝ່ (COVID-19 ​ໃນ​ປັດຈຸບັນ) ທີ່​ວິວັດທະນາ​ການ​ຢ່າງ​ວ່ອງ​ໄວ​ຈົນ​ສາມາດ​ແຜ່​ເຊື້ອຈາກ​ຄົນ​ສູ່​ຄົນ​ໄດ້ ຫລັງ​ຈາກ​ນັ້ນພຽງ​ບໍ່​ດົນ ການ​ແຜ່​ລະບາດ​ກໍ​ລຸກລາມ​ໄປ​ຢ່າງ​ວ່ອງ​ໄວ ​ໂດຍ​ສະ​ເພາະ​ໃນ​ປະ​ເທດ​ຈີນ​ໄດ້​ມີ​ການ​ສັ່ງ​ປິດ​ປະ​ເທດ​ເພື່ອ​ຄວບ​ຄຸມ​ການ​ແຜ່​ລະບາດ​ຂອງ​ເຊື້ອພະຍາດ.

ຕົ້ນຕໍ​ຂອງ​ສາ​ເຫດ​ນັ້ນມາ​ຈາກ​ການ​ບໍລິ​ໂພ​ກສັດປ່າ​ ທັງ​ນີ້​ອາດ​ເກີດ​ຈາກ​ການ​ສຳຜັດ, ​ເລືອດ​ສັດ, ອະ​ໄວ​ຍະ​ວະ​ພາຍ​ໃນ ຫລື ອື່ນໆ.​

ຄວາມ​ຢ້ານ​ກົວ​ໃນ​ການ​ບໍລິ​ໂພ​ກສັດ​ໄດ້​ຖືກ​ຝັງ​ລົງ​ໄປ​ໃນ​ຈິດ​ໃຕ້​ສຳນຶກ​ຄົນ​ເທື່ອ​ລະ​ໜ້ອຍ ​ເພື່ອ​ປ້ອງ​ກັນ​ບໍ່​ໃຫ້​ເກີດ​ເຫດການ​ຊ້ຳຮອຍ​ອີກ ປະ​ເທດ​ຈີນ​ໄດ້​ມີ​ການ​ສັ່ງ​ປິດ​ຕະຫລາດ​ຄ້າຂາຍ​ສັດປ່າ ​ແລະ ອອກ​ກົດ​ຫ້າມ​ບໍ່​ໃຫ້​ປະຊາຊົນ​ກິນ ຫລື ຄ້າຂາຍ​ສັດປ່າ ​ໂດຍ​ບໍ່​ມີ​ຂໍ້​ຍົກ​ເວັ້ນ ​ເຊິ່ງຖື​ເປັນຄວາມ​ທ້າ​ທາຍ​ຢ່າງ​ໜຶ່ງ​ຂອງ​ຈີນ ​ແລະ ຫລາຍ​ປະ​ເທດ​ກໍ​ຍັງ​ໄດ້​ຮັບ​ບົດຮຽນ​ຈາກ​ເຫດການ​ຄັ້ງນີ້ທົ່ວ​ໂລກ​ຕ້ອງ​ພົບ​ກັບ “ວິ​ກິດ​ເສດຖະກິດ” ທີ່​ເກີດ​ຂຶ້ນຈາກ​ພິດ​ຂອງ​ໄວຣັສ​ໂຄ​ໂຣນາ.

​ເສດຖະກິດ​ຂະຫຍາຍຕົວ​ຊ້າ​ຢ່າງ​ຈະ​ແຈ້ງ ຫລາຍ​ອາຊີບ​ໄດ້​ຮັບ​ຜົນ​ກະທົບ​ໄປ​ຕາມໆ​ກັນ ​ເຮັດ​ໃຫ້​ຄົນ​ໃຊ້​ເງິນ​ຫລຸດ​ລົງ ​ເກັບ​ຕົວ​ຢູ່​ແຕ່​ໃນ​ເຮືອນ​ບໍ່​ອອກ​ໄປ​ໃສ ​ເພາະ​ຢ້ານ​ຕິດ​ເຊື້ອ ຮ້ານ​ຕ່າງໆ​ຕ້ອງ​ຢຸດ​ກິດຈະການ​ຊົ່ວຄາວ ​ເຮັດ​ໃຫ້​ເມືອງ​ທີ່​ເກີດ​ການລະບາດ​ຂອງ​ພະຍາດ​ໜັກ ​ເກືອບ​ຈະ​ກາຍ​ເປັນ “​ເມືອງ​ຮ້າງ” ສົ່ງ​ຜົນ​ຕໍ່​ເສດຖະກິດ​ເກີດ​ການ​ຂະຫຍາຍຕົວ​ຊ້າ​ທົ່ວ​ໂລກ.​

​ແຕ່​ໃນ​ທຸກ​ວິ​ກິດ​ຍ່ອມ​ມີ​ເລື່ອງ​ດີໆ​ສະ​ເໝີ ​ແລະ ​ເປັນ​ໂອກາດ​ອັນ​ດີ​ສຳລັບ​ໂລກ​ຂອງ​ພວກ​ເຮົາສິ່ງ​ແວດ​ລ້ອມ​ສ່ວນ​ຫລາຍ​ບໍ່​ໄດ້​ຮັບ​ຜົນ​ກະທົບ​ຈາກ​ວິ​ກິດ​ນີ້​ແຕ່​ຢ່າງ​ໃດ ພັດ​ຟື້ນຕົວ​​ເຊິ່ງສວນ​ທາງ​ກັບ​ເສດຖະກິດ ຄົນ​ເກັບ​ຕົວ​ຢູ່​ໃນ​ເຮືອນ ບໍ່​ມີ​ການ​ໃຊ້​ລົດ​ໃຊ້​ຖະໜົນ ​ເຮັດ​ໃຫ້ການ​ປ່ອຍ​ກາກ​ບອນ​ໄດ​ອົກ​ໄຊ​ຫລຸດ​ລົງ.

ຖອດ​ບົດຮຽນ​ຈາກ covid-19 - Wave100S AD to Website 2020 0 - ເປັນຫຍັງຜູ້ຕິດເຊື້ອໂຄວິດ-19 ຢູ່ປະເທດຈີນ ຈຶ່ງຫລຸດລົງ

​ໄວຣັສ​ໂຄ​ໂຣນາ​ເຮັດ​ໃຫ້​ຈີນ​ຕ້ອງ​ປິດ​ປະ​ເທດ ມີ​ການ​ສຶກສາ​ພົບ​ວ່າການ​ປິດ​ປະ​ເທດ​ຂອງ​ຈີນ​ສາມາດ​ຫລຸດ​ການ​ປ່ອຍ​ແກັສກາກ​ບອນ​ໄດ​ອົກ​ໄຊ​ລົງ​ໄດ້​ເຖິງ 6% ຈາກ​ການ​ຈູດ​ເຜົາ​ຖ່ານ​ຫີນ ​ແລະ ການ​ເດີນທາງ​ທີ່​ຫລຸດ​ລົງ. ປີ 2020 ​ໃນ​ຊ່ວງ​ຫລັງ​ເທສະ​ການ​ຕຸ​ດຈີນ ມີ​ການ​ຈູດ​ເຜົາ​ຖ່ານ​ຫີນ​ຕໍ່າ​ທີ່​ສຸດ​ເມື່ອ​ທຽບ​ໃສ່​ປີຜ່ານມາ.​

​ເມື່ອ​ຄົນ​ເກັບຕົວ ບໍ່​ໄດ້​ອອກ​ໄປ​ເຮັດ​ວຽກ​ຕາມ​ປົກກະຕິ ກໍ​ບໍ່​ມີ​ການ​ເດີນທາງ ການ​ໃຊ້​ຍານພາຫະນະ​ຕ່າງໆ ລວມທັງ​ນ້ຳມັນ​ກໍ​ຫລຸດ​ລົງ ກິດຈະກຳ​ຕ່າງໆ​ຖືກ​​ໂຈະ​ໄວ້​ກ່ອນ ​ໂຮງງານ​ຢຸດ​ການ​ຜະລິດ​ເຮັດ​ໃຫ້​ຊັບພະຍາກອນ​ບໍ່​ຖືກ​ທຳລາຍ​ເພີ່ມ ​ແລະ ບໍ່​ປ່ອຍ​ຂອງ​ເສຍ ຂີ້​ເຫຍື້ອຈາກ​ການ​ບໍລິ​ໂພ​ກກໍ​ໜ້ອຍ​ລົງ​ເຊັ່ນ​ກັນ.​

​ໂລກ​ໄດ້​ມີ​ໂອກາດ​ພັກ​ຫາຍ​ໃຈ ​ເພື່ອ​ຟື້ນຟູ​ຕົນ​ເອງ​ຈາກ​ການ​ທຳລາຍ​ຂອງ​ມະນຸດ ຢຸດ​ການ​ສູນ​ເສຍ ພັງ​ທະລາ​ຍ ​ໂລກ​ໄດ້​ປົກ​ປ້ອງ​ຕົນ​ເອງ​ດ້ວຍ​ການ​ສ້າງ​ມັດຈຸລາດ​ຂຶ້ນມາ.

ມະນຸດ​ສ້າງ​ເສດຖະກິດ​ຂຶ້ນຕອບ​ສະໜອງ​ຕົນ​ເອງ ​ແຕ່​ເສດຖະກິດ​ທີ່​ເຕີບ​ໃຫຍ່​ໂດຍ​ບໍ່​ຄຳນຶງ​ເຖິງ​ສິ່ງ​ແວດ​ລ້ອມ ການ​ເຕີບ​ໃຫຍ່​ແບບ​ກ້າວ​ກະ​ໂດດ​ພາຍ​ໃນ​ໄລຍະ​ເວລາ​ບໍ່​ດົນ ຍ່ອມ​ບໍ່​​ແມ່ນ​ຜົນ​ດີ ຜົນ​ຈາກ​ຄວາມ​ຕ້ອງການ​ທີ່​ບໍ່​ຄຳນຶງ​ເຖິງ​ສິ່ງ​ໃດ​ກຳລັງ​ຢ້ອນ​ກັບ​ມາ​ຫາ​ເຮົາ​ຢ່າງ​ຊ້າໆ ປະຕິ​ເສດ​ບໍ່​ໄດ້​ວ່າ ວິ​ກິດ​ຂອງ​ພະຍາດ​ລະບາດ​ນີ້​ເກີດ​ຈາກ “ມະນຸດ” ທີ່​ເປັນ​ຕົວ​ເລັ່ງ​ໃຫ້​ເກີດ​ການລະບາດ.​

ບົດຮຽນ​ຈາກ COVID-19 ຄື​ໜຶ່ງ​ໃນ​ເຫດການ​ທີ່​ທຳ​ມະ​ຊາດ​ບອກ​ເຮົາ ຫາກ​ເມື່ອ​ເຫດການ​ນີ້​ສະຫງົບ​ລົງ​ແລ້ວ ມະນຸດ​ຍັງ​ບໍລິ​ໂພ​ກສັດປ່າ ​ແລະ ​ໃຊ້​ຊັບພະຍາກອນ​ຢ່າງ​ຕໍ່​ເນື່ອງບໍ່​ມີ​ການ​ປ່ຽນ​ແປງ ​ໃນ​ອະນາຄົດ​ໂລກ​ຈະ​ສ້າງ​ມັດ​ຈຸລາ​ດ​ໂຕ​ໃໝ່​ຂຶ້ນມາ ​ເພື່ອ​ຢຸດ​ຢັ້ງ ​ແລະ ມັດຈຸລາດ​ໂຕ​ຕໍ່​ໄປ​ຈະ​ມີ​ພະລັງ​ທີ່​ຮຸນ​ແຮງ​ກວ່າ​ໂຕ​ເກົ່າ​ແນ່ນອນ…

ຂໍ້​ຄິດ​ຈາກ: ຄົນ​ເຂົ້າປ່າ

“ທຳ​ມະ​ຊາດ​ບໍ່​ເຄີຍ​ກ້າວ​ກະ​ໂດດ ຖ້າ​ກ້າວ​ໄປ​ຢ່າງ​ວ່ອງ​ໄວ​ສິ່ງ​ນັ້ນຈະ​ພົບ​ຈຸດ​ຈົບ​ຢ່າງ​ວ່ອງ​ໄວ​ເຊັ່ນ​ກັນ”

ຮຽບຮຽງ​​ໂດຍ: ​ເລື່ອງ​ເລົ່າ​ຄົນ​ເຂົ້າປ່າ

ຖອດ​ບົດຮຽນ​ຈາກ covid-19 - lattana 1 - ເປັນຫຍັງຜູ້ຕິດເຊື້ອໂຄວິດ-19 ຢູ່ປະເທດຈີນ ຈຶ່ງຫລຸດລົງ
error: Alert: Content is protected !!