ຍ້ອນຫຍັງການມີສະຕິ ຈຶ່ງເປັນສຸດຍອດນິໄສທີ່ຊ່ວຍສ້າງຄວາມສຳເລັດ ?

ຍ້ອນຫຍັງການມີສະຕິ ຈຶ່ງເປັນສຸດຍອດນິໄສທີ່ຊ່ວຍສ້າງຄວາມສຳເລັດ ? - 203 - ຍ້ອນຫຍັງການມີສະຕິ ຈຶ່ງເປັນສຸດຍອດນິໄສທີ່ຊ່ວຍສ້າງຄວາມສຳເລັດ ?
ຍ້ອນຫຍັງການມີສະຕິ ຈຶ່ງເປັນສຸດຍອດນິໄສທີ່ຊ່ວຍສ້າງຄວາມສຳເລັດ ? - Untitled design - ຍ້ອນຫຍັງການມີສະຕິ ຈຶ່ງເປັນສຸດຍອດນິໄສທີ່ຊ່ວຍສ້າງຄວາມສຳເລັດ ?

ມີຫລາຍສິ່ງຫລາຍຢ່າງທີ່ທ່ານສາມາດຝຶກຝົນໃຫ້ຕິດເປັນນິໄສເພື່ອນຳພາໂຕເອງໄປສູ່ຄວາມສຳເລັດໄດ້, ໂຕຢ່າງທີ່ເຫັນໄດ້ຈະແຈ້ງກໍແມ່ນ : ການແລ່ນ, ຄົນທີ່ແລ່ນອອກກຳລັງກາຍເປັນປະຈຳຈະເຫັນເຖິງຂໍ້ດີຂອງການແລ່ນຢ່າງຈະແຈ້ງ ເຊັ່ນ : ມີພະລະກຳລັງຫລາຍຂຶ້ນ, ສະໝອງປອດໂປ່ງ ແລະ ໂລກໄພໄຂ້ເຈັບກໍໜ້ອຍລົງ, ແຕ່ສຳລັບບາງຄົນ ການແລ່ນກໍເບິ່ງຈະເປັນໄປບໍ່ໄດ້ເລີຍ ເພາະມັນເປັນນິໄສທີ່ຕ້ອງແລກມາດ້ວຍຄວາມພະຍາຍາມຢ່າງໜັກໜ່ວງ, ຢາດເຫື່ອ ຫລື ບາງເທື່ອອາດລວມເຖິງຄວາມເຈັບປວດ ແລະ ບາດແຜນຳອີກ.

ໂຊກດີທີ່ວ່າຍັງມີນິໄສອີກຢ່າງໜຶ່ງທີ່ມີຜົນຕໍ່ຄວາມສຳເລັດຂອງທ່ານ ຄືກັນກັບການແລ່ນ ພຽງແຕ່ນິໄສທີ່ວ່ານີ້ຕ້ອງໃຊ້ຄວາມພະຍາຍາມທຽບເທົ່າກັບການເຕືອນຕົນເອງໃຫ້ແນມຊ້າຍແນມຂວາທຸກເທື່ອກ່ອນຂ້າມຖະໜົນນັ້ນເອງ, ບໍ່ຕ້ອງແລກມາດ້ວຍຢາດເຫື່ອ ແລະ ສິ່ງສຳຄັນ ທ່ານບໍ່ຕ້ອງປັບປ່ຽນຕາຕະລາງຊີວິດເລີຍແມ່ນແຕ່ໜ້ອຍດຽວ ເຊິ່ງນິໄສທີ່ວ່ານີ້ກໍແມ່ນ “ການເປັນຄົນມີສະຕິ”.

     ຄົນສ່ວນຫລາຍຈະເຂົ້າໃຈວ່າການມີສະຕິແມ່ນການນັ່ງຢູ່ນິ້ງໆ, ຫາຍໃຈເຂົ້າເລິກໆ ແລະ ມີສະຕິກັບລົມຫາຍໃຈຂອງຕົນເອງ, ແຕ່ຄວາມຈິງແລ້ວ ການເປັນຄົນມີສະຕິມັນງ່າຍກ່ວານັ້ນຫລາຍ ແລະ ກໍໃຫ້ປະໂຫຍດແກ່ທ່ານຫລາຍຄືກັນ.

“ການເປັນຄົນມີສະຕິ ແມ່ນການປ່ຽນຈາກ “ການຄິດ” ມາເປັນ “ການຄຳນຶງເຖິງຄວາມຄິດ”.

     ການປ່ຽນແປງເລັກໆນ້ອຍໆນີ້ຈະເປີດໃຫ້ເຮົາແນມເຫັນຄວາມຄິດ ແລະ ຮັບຮູ້ຄວາມຮູ້ສຶກເຫລົ່ານັ້ນຢ່າງແທ້ຈິງ ເຊິ່ງຈະສົ່ງຜົນໃຫ້ເຮົາຄຳນຶງເຖິງສິ່ງທີ່ກຳລັງເຮັດຢູ່ຫລາຍຂຶ້ນ. ເຮົາສາມາດປ່ຽນແປງ ແລະ ເປັນຄົນມີສະຕິໄດ້ທຸກເມື່ອ, ຄວາມຈິງແລ້ວຄົນສ່ວນຫລາຍກໍເຮັດເປັນປົກກະຕິຢູ່ແລ້ວ ເຖິງຈະບໍ່ໄດ້ຕັ້ງໃຈກໍຕາມ. ແນວໃດກໍຕາມ, ການມີສະຕິແບບນີ້ກໍຄົງຢູ່ບໍ່ດົນປານໃດ, ບໍ່ເທົ່າໃດວິນາທີເຮົາກໍມັກຈະກັບໄປຢູ່ກັບຄວາມຄິດຂອງຕົນເອງອີກ ມັນຈຶ່ງບໍ່ຄ່ອຍສົ່ງຜົນດີໃຫ້ເຫັນຈະແຈ້ງ ຄືກັບການທີ່ເຮົາຈະບໍ່ໄດ້ປະໂຫຍດຈາກການແລ່ນ ຫາກເຮົາແລ່ນພຽງມື້ລະບໍ່ເທົ່າໃດນາທີນັ້ນເອງ. ດັ່ງນັ້ນ, ເຮົາຈຶ່ງຕ້ອງຕັ້ງໃຈຝຶກສະຕິແທ້ໆ ເປັນໄລຍະເວລາໜຶ່ງ ເພື່ອໃຫ້ໄດ້ປະໂຫຍດຈາກມັນຢ່າງເຕັມທີ່.

     -ການມີສະຕິ ຊ່ວຍໃຫ້ “ຄວາມເຄັ່ງຄຽດຫລຸດລົງ”.

     -ການມີສະຕິ ຊ່ວຍໃຫ້ “ທັກສະການຕັດສິນໃຈດີຂຶ້ນ”.

     -ການມີສະຕິ ຊ່ວຍໃຫ້ “ຄວາມສະຫລາດທາງອາລົມ (EQ) ເພີ່ມຂຶ້ນ”.

ຍ້ອນຫຍັງການມີສະຕິ ຈຶ່ງເປັນສຸດຍອດນິໄສທີ່ຊ່ວຍສ້າງຄວາມສຳເລັດ ? - Wave100S AD to Website 2020 0 - ຍ້ອນຫຍັງການມີສະຕິ ຈຶ່ງເປັນສຸດຍອດນິໄສທີ່ຊ່ວຍສ້າງຄວາມສຳເລັດ ?

+ ການມີສະຕິສົ່ງຜົນຕໍ່ຄວາມສຳເລັດ :ທ່ານອາດສົງໄສວ່າພຽງແຕ່ສິ່ງນ້ອຍໆເທົ່ານີ້ເປັນຫຍັງຈຶ່ງໃຫ້ປະໂຫຍດຫລວງຫລາຍແທ້ ນັ້ນກໍເປັນຍ້ອນວ່າ ສະຕິແມ່ນໂຕຄວບຄຸມຈິດໃຈຂອງເຮົາ, ທຸກສິ່ງທີ່ເຮົາເຮັດ, ທຸກຄວາມລົ້ມເຫລວທີ່ເກີດຂຶ້ນ ແມ່ນຜົນຂອງການເຮັດວຽກຂອງຄວາມຄິດ ແລະ ຈິດໃຈຂອງເຮົາເອງທັງໝົດ ເຊິ່ງບັນດານັກວິທະຍາສາດເອງກໍກຳລັງວິໄຈກ່ຽວກັບສະໝອງເພື່ອຄົ້ນຫາວິທີພັດທະນາການເຮັດວຽກຂອງມັນຢູ່. ຍົກໂຕຢ່າງວ່າ : ຄົນທີ່ສະຫລາດ, ຫລາຍຄວາມສາມາດ, ແຕ່ກໍຍັງບໍ່ປະສົບຄວາມສຳເລັດໃນຊີວິດຈັກເທື່ອ ອາດຈະເປັນຍ້ອນວ່າ ລະບົບຄວາມຄິດ ແລະ ຈິດໃຈຂອງຄົນຜູ້ນັ້ນອາດຍັງເຮັດວຽກບໍ່ດີເທົ່າທີ່ຄວນ, ເຂົາອາດຈະຕັດສິນໃຈພາດໄປ, ບໍ່ມີຫລັກການຝຶກຝົນຕົນເອງ, ສ້າງ ແລະ ຮັກສາຄວາມສຳພັນບໍ່ດີເທົ່າທີ່ຄວນ ຫລື ອາດຈະທັງ 3 ຢ່າງລວມກັນກໍເປັນໄດ້.

     ນອກຈາກນີ້, ກໍຈະມີຄົນທີ່ບໍ່ໄດ້ສະຫລາດ ແລະ ບໍ່ມີຄວາມສາມາດຫລວງຫລາຍ, ແຕ່ກໍປະສົບຄວາມສຳເລັດໃນຊີວິດໄດ້ຢ່າງເຫລືອເຊື່ອ ນັ້ນອາດເປັນຍ້ອນຄົນຜູ້ນັ້ນມີຄວາມຄິດ ແລະ ຈິດໃຈທີ່ເຮັດວຽກຢ່າງເປັນລະບົບ ສົ່ງຜົນໃຫ້ຕັດສິນໃຈຢ່າງຖືກຕ້ອງ, ມີການຝຶກຝົນຕົນເອງ ລວມເຖິງຮູ້ຈັກພັດທະນາ ແລະ ຮັກສາຄວາມສຳພັນເປັນຢ່າງດີນັ້ນເອງ.

+ ເຊົາເປັນເຫຍື່ອຂອງຄວາມຄິດ :ການມີສະຕິ ແມ່ນໂຕຊ່ວຍໃນການທຳລາຍອຸປະສັກອັນໃຫຍ່ທີ່ຂັດຂວາງຈິດໃຈບໍ່ໃຫ້ເຮັດວຽກໄດ້ເຕັມທີ່ ນັ້ນກໍແມ່ນ ການໃຊ້ຊີວິດໂດຍໃຫ້ຄວາມຄິດເປັນໃຫຍ່ ເມື່ອເປັນແບບນັ້ນ ກໍເທົ່າກັບວ່າເຮົາແມ່ນເຫຍື່ອຂອງທຸກຄວາມຄິດທີ່ເກີດຂຶ້ນມາຈາກສະໝອງຂອງເຮົາ ຫາກເຮົາຄິດບວກ ທຸກສິ່ງທຸກຢ່າງກໍຈະໄປໃນທາງທີ່ດີ, ແຕ່ຫາກເມື່ອໃດກໍຕາມທີ່ຄິດລົບ ຊີວິດຂອງທ່ານກໍຈະໄປໃນທາງລົບຄືກັນ.

     ເມື່ອໃດກໍຕາມທີ່ເຮົາມີສະຕິ ລະບົບຄວາມຄິດຂອງເຮົາກໍເຮັດວຽກໄດ້ເຕັມປະສິດທິພາບຫລາຍຂຶ້ນ ເນື່ອງຈາກວ່າເຮົາສາມາດເບິ່ງຄວາມຄິດຂອງຕົນເອງຢ່າງເປັນກາງ, ປະຕິກິລິຍາຄວາມຄິດຕ່າງໆ ຈຶ່ງບໍ່ອາດຄວບຄຸມເຮົາໄດ້ອີກຕໍ່ໄປ, ແຕ່ເຮົາຈະມີທັກສະໃນການຕອບສະໜອງໂດຍຄຳນຶງເຖິງຫລັກການ ແລະ ຄວາມເຊື່ອຖືທີ່ເຮົາຍຶດຖືແທນການຈະໃຊ້ອາລົມ ແລະ ຄວາມຄິດຊົ່ວວູບ.

     ເຖິງວ່າການຝຶກສະຕິອາດຈະເປັນສິ່ງທີ່ສຳຄັນທີ່ສຸດທີ່ສາມາດພັດທະນາຕົນເອງໃຫ້ປະສົບຄວາມສຳເລັດ, ແຕ່ມັນກໍສາມາດເອົາໄປໃຊ້ໃນຊີວິດດ້ານອື່ນໆໄດ້ນຳ, ແຕ່ກ່ອນການຝຶກຝົນສະຕິມີຂຶ້ນເພື່ອຊ່ວຍໃຫ້ເຮົາມີຄວາມສຸກ ແລະ ເປັນຄົນທີ່ຊ່າງເຫັນອົກເຫັນໃຈ ເຊິ່ງວິທະຍາສາດກໍໄດ້ພິສູດແລ້ວວ່າເຮັດໄດ້ແທ້ ເມື່ອໃດກໍຕາມທີ່ເຮົາຝຶກຝົນຢ່າງຖືກຕ້ອງ ເຮົາກໍຈະມີຄວາມສຸກຂຶ້ນ ເຊິ່ງຈະເຮັດໃຫ້ເຮົາສະແດງອອກຕໍ່ຜູ້ອື່ນໃນທາງທີ່ດີຂຶ້ນນຳ.

ຍ້ອນຫຍັງການມີສະຕິ ຈຶ່ງເປັນສຸດຍອດນິໄສທີ່ຊ່ວຍສ້າງຄວາມສຳເລັດ ? - WhatsApp Image 2020 05 27 at 5 - ຍ້ອນຫຍັງການມີສະຕິ ຈຶ່ງເປັນສຸດຍອດນິໄສທີ່ຊ່ວຍສ້າງຄວາມສຳເລັດ ?
ຍ້ອນຫຍັງການມີສະຕິ ຈຶ່ງເປັນສຸດຍອດນິໄສທີ່ຊ່ວຍສ້າງຄວາມສຳເລັດ ? - WhatsApp Image 2020 05 27 at 5 - ຍ້ອນຫຍັງການມີສະຕິ ຈຶ່ງເປັນສຸດຍອດນິໄສທີ່ຊ່ວຍສ້າງຄວາມສຳເລັດ ?
  • 1096 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!