ກະຊວງພະລັງງານຮຽກຮ້ອງສັງຄົມໃຫ້ຊົມໃຊ້ໄຟຟ້າຢ່າງປະຢັດ

ກະຊວງພະລັງງານຮຽກຮ້ອງສັງຄົມໃຫ້ຊົມໃຊ້ໄຟຟ້າຢ່າງປະຢັດ - 11111 - ກະຊວງພະລັງງານຮຽກຮ້ອງສັງຄົມໃຫ້ຊົມໃຊ້ໄຟຟ້າຢ່າງປະຢັດ
ກະຊວງພະລັງງານຮຽກຮ້ອງສັງຄົມໃຫ້ຊົມໃຊ້ໄຟຟ້າຢ່າງປະຢັດ - Untitled design - ກະຊວງພະລັງງານຮຽກຮ້ອງສັງຄົມໃຫ້ຊົມໃຊ້ໄຟຟ້າຢ່າງປະຢັດ

  ເມື່ອບໍ່ດົນມານີ້, ລັດຖະມົນຕີກະຊວງພະລັງງານ ແລະ ບໍ່ແຮ່ ໄດ້ອອກແຈ້ງການເຖິງສໍານັກງານ, ອົງການ, ບໍລິສັດ-ຫ້າງ​ຮ້ານ, ​ໂຮງ​ຈັກ-​ໂຮງງານ, ຫົວໜ່ວຍ​ການ​ຜະລິດ-​ການ​ບໍລິການ, ​ໂຄງການ​ຊົນລະປະທານ, ​ໂຄງການ​ກໍ່ສ້າງ​ຕ່າງໆ ​ຕະຫລອດຮອດ​ຜູ້​ຊົມ​ໃຊ້​ໄຟຟ້າ​ທົ່ວ​ໄປ​ໃນ​ສັງຄົມໃຫ້ຊົມໃຊ້ໄຟຟ້າຢ່າງປະຢັດ ເນື່ອງຈາກການຜະລິດໄຟຟ້າຂອງເຂື່ອນຕ່າງໆຈະຫລຸດລົງຫລາຍສົມ

ຄວນ, ຍ້ອນປີນີ້ແມ່ນເກີດສະພາບ​ແຫ້ງ​ແລ້ງໜັກໜ່ວງ, ຊຶ່ງເປັນຜົນກະທົບຈາກ​ຊ່ວງ​ລະດູຝົນ​ປີ 2019 ຜ່ານມາມີຝົນຕົກໜ້ອຍ ແລະ ເຮັດໃຫ້ນໍ້າຢູ່ບັນດາອ່າງເກັບນໍ້າເຂື່ອນຕ່າງໆບົກແຫ້ງຫລາຍອາດບໍ່ສາມາດຜະລິດໄຟຟ້າໄດ້ເປັນປົກກະຕິ. ຈາກສະພາບດັ່ງກ່າວ​ໃນ​ຊ່ວງ​ເວລາ 13:00 ​ໂມງຫາ 23:00 ​ໂມງ ຂອງ​ແຕ່​ລະ​ວັນນັບແຕ່​ເດືອນ​ມີນາໄປຈົນຮອດ​ເດືອນ​ມິຖຸນານີ້ ຈະ​ເກີດມີ​ໄຟ​ຕົກ, ​ໄຟ​ມອດ​ໃນ​ບາງເຂດ. ສະນັ້ນ ​ເພື່ອ​ປ້ອງ​ກັນ​ເຫດ ແລະ ​​ແກ້​ໄຂ​ສະພາບດັ່ງກ່າວ, ກະຊວງ​ພະລັງງານ ​ແລະ ບໍ່​ແຮ່ ຈຶ່ງ​ຮຽກຮ້ອງຂໍການຮ່ວມ​ມື​ກັບ​ທຸກ​ພາກສ່ວນສັງຄົມໃຫ້ເປັນເຈົ້າການ​ປະຢັດ ແລະ ຫລຸດຜ່ອນ​ການ​ຊົມ​ໃຊ້ໄຟຟ້າ​ໃນ​ຊ່ວ​ງ​ໄລຍະດັ່ງກ່າວ ຫລືຫລາຍກວ່ານັ້ນ. ສຳລັບ​ໂຮງ​ຈັກ-​ໂຮງງານຂະໜາດ​ໃຫຍ່ຢູ່​ນະຄອນຫລວງ​ວຽງ​ຈັນ ​ແລະ ​ແຂວງ​ວຽງ​ຈັນ ຂໍ​ໃຫ້ຫລຸດຜ່ອນ​ການ​ໃຊ້​ໄຟຟ້າ​ໃນ​ຊ່ວງ​ທີ່​ມີ​ຄວາມ​ຕ້ອງການ​ໃຊ້​ໄຟຟ້າຫລາຍຄືດັ່ງໄດ້ກໍານົດລົງໃຫ້ໄດ້​ຢ່າງ​ໜ້ອຍ 50% ຈາກ​ການ​ນຳ​ໃຊ້ປົກກະຕິ. ສ່ວນຫົວໜ່ວຍ​ການ​ຜະລິດອຸດສາຫະກຳ-ຫັດຖະກຳ, ການບໍລິການ ​ແລະ ກິດຈະການ​ກໍ່ສ້າງ​ທົ່ວ​ໄປ​ໃນ​ທົ່ວ​ປະ​ເທດ ແມ່ນ​ໃຫ້​ຊ່ວຍກັນເປັນ​ເຈົ້າການຄຸ້ມຄອງຕິດຕາມ​​ການ​ນໍາໃຊ້​ໄຟຟ້າ​ໃຫ້​ຢູ່​ໃນ​ລະດັບ​​ຕໍ່າ​ສຸດ, ພ້ອມທັງໃຫ້ຫລີກ​ເວັ້ນບັນດາກິດຈະກຳ ຫລືການ​ນຳ​ໃຊ້​ອຸປະກອນ​ທີ່ກິນ​ໄຟຫລາຍ. ສ່ວນ​ຈັກສູບນ້ຳທີ່ຮັບ​ໃຊ້​ຊົນລະປະທານແມ່ນໃຫ້​ຫລີກເວັ້ນການດູດນ້ຳ ໃນ​ຊ່ວງ​ທີ່​ມີ​ຄວາມ​ຕ້ອງການ​ໃຊ້​ໄຟຟ້າ​ຫລາຍ, ພ້ອມນີ້,ການນໍາໃຊ້ເຄື່ອງໄຟຟ້າຂອງປະຊາຊົນ ກໍໃຫ້ມີສະຕິສູງ ຕ້ອງປິດ-ມອດ ຫລື ຖອດປັກສຽບທຸກຄັ້ງເມື່ອສີ້ນສຸດການນໍາໃຊ້. ອັນສໍາຄັນຄວນ​ເລືອກ​ໃຊ້​ອຸປະກອນ​ໄຟຟ້າ​ທີ່ປະຢັດ​ພະລັງງານ ແລະ ໃຫ້​ເອົາ​ໃຈ​ໃສ່​ກວດກາ​ອຸປະກອນ​ໄຟຟ້າຕ່າງໆ​ໃຫ້​ຢູ່​ໃນ​ສະພາບ​ດີ, ຖ້າ​ເຫັນ​ຜິດ​ປົກກະຕິ​ໃຫ້​ຮີບ​ຮ້ອນ​ສ້ອມ​ແປງ​ເພື່ອ​ຫລີກ​ເວັ້ນບັນຫາອັກຄີໄພ, ໄຟຊ໋ອດທີ່ຈະຕາມມາ, ​ທັງ​ເປັນ​ການປະຢັດພະລັງງານ​ໄຟຟ້າຂອງສັງຄົມໄດ້ເປັນຢ່າງດີ.

ກະຊວງພະລັງງານຮຽກຮ້ອງສັງຄົມໃຫ້ຊົມໃຊ້ໄຟຟ້າຢ່າງປະຢັດ - Wave100S AD to Website 2020 0 - ກະຊວງພະລັງງານຮຽກຮ້ອງສັງຄົມໃຫ້ຊົມໃຊ້ໄຟຟ້າຢ່າງປະຢັດ
ກະຊວງພະລັງງານຮຽກຮ້ອງສັງຄົມໃຫ້ຊົມໃຊ້ໄຟຟ້າຢ່າງປະຢັດ - WhatsApp Image 2020 05 27 at 5 - ກະຊວງພະລັງງານຮຽກຮ້ອງສັງຄົມໃຫ້ຊົມໃຊ້ໄຟຟ້າຢ່າງປະຢັດ
ກະຊວງພະລັງງານຮຽກຮ້ອງສັງຄົມໃຫ້ຊົມໃຊ້ໄຟຟ້າຢ່າງປະຢັດ - WhatsApp Image 2020 05 27 at 5 - ກະຊວງພະລັງງານຮຽກຮ້ອງສັງຄົມໃຫ້ຊົມໃຊ້ໄຟຟ້າຢ່າງປະຢັດ
error: Alert: ເນື້ອຫາຂ່າວມີລິຂະສິດ !!