ລັດຖະມົນຕີພະລັງງານ-ບໍ່ແຮ່ ເນັ້ນໄຟຟ້າກຽມຮັບມືສະພາບໄພແຫ້ງແລ້ງໃຫ້ດີທີ່ສຸດ

ລັດຖະມົນຕີພະລັງງານ-ບໍ່ແຮ່ ເນັ້ນໄຟຟ້າກຽມຮັບມືສະພາບໄພແຫ້ງແລ້ງໃຫ້ດີທີ່ສຸດ - 88240651 215232012933948 4864885546096263168 n - ລັດຖະມົນຕີພະລັງງານ-ບໍ່ແຮ່ ເນັ້ນໄຟຟ້າກຽມຮັບມືສະພາບໄພແຫ້ງແລ້ງໃຫ້ດີທີ່ສຸດ
ລັດຖະມົນຕີພະລັງງານ-ບໍ່ແຮ່ ເນັ້ນໄຟຟ້າກຽມຮັບມືສະພາບໄພແຫ້ງແລ້ງໃຫ້ດີທີ່ສຸດ - Untitled design - ລັດຖະມົນຕີພະລັງງານ-ບໍ່ແຮ່ ເນັ້ນໄຟຟ້າກຽມຮັບມືສະພາບໄພແຫ້ງແລ້ງໃຫ້ດີທີ່ສຸດ

​ໃນ​ໂອກາດ​ເຂົ້າຮ່ວມກອງ​ປະຊຸມ​ສະຫລຸບ​ວຽກ​ງານ​ປະຈຳ​ປີ​ຂອງ​ໄຟຟ້າ​ລາວ ​ເມື່ອ​ທ້າຍ​ອາທິດ​ຜ່ານ​ມາ, ທ່ານ ຄຳ​ມະນີ ອິນ​ທິລາດ ລັດຖະມົນຕີ​ກະຊວງ​ພະລັງງານ ​ແລະ ບໍ່​ແຮ່ ​ໄດ້​ເນັ້ນ​ໃຫ້​ລັດ​ວິ​ສາ​ຫະກິດ​ໄຟຟ້າ​ລາວ​ສືບ​ຕໍ່​ເອົາ​ໃຈ​ໃສ່​ໃນ​ການ​ສະໜອງ​ໄຟຟ້າ​ໃຫ້​ສັງຄົມ​ໄດ້​ທົ່ວ​ເຖິງ ​ໂດຍ​ສະ​ເພາະ​ໃນ​ໄລຍະ 3 ​ເດືອນ​ຕໍ່ໜ້າ​ຈະ​ເກີດ​ບັນຫາ​ໄພ​ແລ້ງ ຈຶ່ງ​ຕ້ອງ​ໄດ້​ວາງ​ແຜນ​ຮັບ​ມື ​ເປັນຕົ້ນການຈັດ​ຊື້ພະລັງງານ​ຈາກ​ປະ​ເທດ​ເພື່ອນ​ບ້ານ ​ເພື່ອ​ມາ​ຕອບ​ສະໜອງ​ໄລຍະ​ດັ່ງກ່າວ, ສືບ​ຕໍ່​ຕິດຕັ້ງໝໍ້​ໄຟ​ໃນ​ຄົວ​ເຮືອນ​ດ້ວຍ​ລະບົບ​ເອ​ເລັກ​ໂຕຣນິກ​ໃຫ້​ສຳ​ເລັດ ​ແລະ ການ​ກວດກາ​ລາຄາ​ໄຟຟ້າ, ໜີ້​ຄ່າ​ກະ​ແສ​ໄຟ​ຈາກ​ສັງຄົມ ​ເພື່ອ​ຮັບປະກັນ​ບໍ່​ໃຫ້​ມີ​ລາຍ​ຮັບ​ຮົ່ວ​ໄຫລ.

     ​ໃນ​ໂອກາດ​ດຽວ​ກັນ, ອຳນວຍ​ການ​ໃຫຍ່​ລັດ​ວິ​ສາ​ຫະກິດ​ໄຟຟ້າ​ລາວ ກໍ​ໄດ້​ລາຍ​ງານ​ສະພາບ​ການ​ດຳ​ເນີນ​ທຸລະ​ກິດ​ຂອງ​ລັດ​ວິ​ສາ​ຫະກິດ​ໄຟຟ້າ​ລາວ​ວ່າ: ຜ່ານ​ມາ​ໄຟຟ້າ​ລາວ​ແມ່ນ​ສາມາດ​ຍາດ​ໄດ້ຜົນ​ງານ​ຕ່າງໆ ​ໂດຍ​ສະ​ເພາະ​ແມ່ນ​ການ​ຄຸ້ມ​ຄອງ​ບໍລິຫານ ​ແລະ ການຈັດຕັ້ງປະຕິບັດ​ບັນດາ​ໂຄງການ​ທີ່​ໄດ້​ຮັບ​ມອບ​ໝາຍ​ໃຫ້​ສຳ​ເລັດ​ຜົນ​ເຊັ່ນ: ການ​ກໍ່ສ້າງ​ແຫ​ລ່ງຜະລິດ, ສາຍ​ສົ່ງ-ສະຖານີ, ການ​ຂະຫຍາຍ​ຕາ​ຂ່າຍ​ໄຟຟ້າ​ໄປ​ສູ່​ເຂດ​ຫ່າງ​ໄກ​ສອກຫລີກ, ການ​ບໍລິຫານ​ຈັດການ​ການ​ຊື້-ຂາຍ​ພະລັງງານ​ໄຟຟ້າ​ກັບ​ບັນດາ​ປະ​ເທດ​ໃກ້​ຄຽງ​ຢ່າງ​ມີ​ປະສິດທິພາບ ​ແລະ ຄຸ້ມ​ຄອງ​ບຳລຸງ​ຮັກສາ​ລະບົບ​ໄຟຟ້າ ​ແລະ ​ເອົາ​ໃຈ​ໃສ່​ຜັນ​ຂະຫຍາຍ​ຄຳ​ສັ່ງ​ເລກທີ 02/ນຍ ​ເພື່ອ​ຍົກ​ລະດັບ​ວຽກ​ງານ​ຂອດ​ບໍລິການ​ດ້ານ​ໄຟຟ້າ​ໃຫ້​ດີ​ຂຶ້ນ. ພ້ອມ​ນັ້ນ ກໍ​ຍັງ​ໄດ້​ຄົ້ນຄວ້າ​ຊອກ​ຫາ​ແຫ​ລ່ງທຶນ ​ເພື່ອ​ການ​ພັດທະນາ​ລະບົບ​ໄຟຟ້າ​ໃຫ້​ສາມາດ​ສືບ​ຕໍ່​ຂະຫຍາຍຕົວ​ໄດ້​ຢ່າງ​ຕໍ່​ເນື່ອງ. ປັດຈຸບັນ ທົ່ວ​ປະ​ເທດ​ມີ​ແຫ​ລ່ງຜະລິດ​ໄຟຟ້າ​ທັງ​ໝົດ 78 ​ແຫ່ງ ລວມມີ​ກຳລັງ​ຕິດຕັ້ງ​ເກືອບ 10.000 ​ເມ​ກາ​ວັດ ​ໃນ​ນີ້​ສະໜອງ​ໃຫ້​ໄຟຟ້າ​ລາວ 2.900 ກວ່າ​ເມ​ກາ​ວັດ, ສ່ວນ 5.900 ​ເມ​ກາ​ວັດ ​ແມ່ນ​ສົ່ງ​ອອກ​ຕ່າງປະ​ເທດ​ໂດຍ​ກົງ.

ລັດຖະມົນຕີພະລັງງານ-ບໍ່ແຮ່ ເນັ້ນໄຟຟ້າກຽມຮັບມືສະພາບໄພແຫ້ງແລ້ງໃຫ້ດີທີ່ສຸດ - Wave100S AD to Website 2020 0 - ລັດຖະມົນຕີພະລັງງານ-ບໍ່ແຮ່ ເນັ້ນໄຟຟ້າກຽມຮັບມືສະພາບໄພແຫ້ງແລ້ງໃຫ້ດີທີ່ສຸດ
ລັດຖະມົນຕີພະລັງງານ-ບໍ່ແຮ່ ເນັ້ນໄຟຟ້າກຽມຮັບມືສະພາບໄພແຫ້ງແລ້ງໃຫ້ດີທີ່ສຸດ - WhatsApp Image 2020 05 27 at 5 - ລັດຖະມົນຕີພະລັງງານ-ບໍ່ແຮ່ ເນັ້ນໄຟຟ້າກຽມຮັບມືສະພາບໄພແຫ້ງແລ້ງໃຫ້ດີທີ່ສຸດ
ລັດຖະມົນຕີພະລັງງານ-ບໍ່ແຮ່ ເນັ້ນໄຟຟ້າກຽມຮັບມືສະພາບໄພແຫ້ງແລ້ງໃຫ້ດີທີ່ສຸດ - WhatsApp Image 2020 05 27 at 5 - ລັດຖະມົນຕີພະລັງງານ-ບໍ່ແຮ່ ເນັ້ນໄຟຟ້າກຽມຮັບມືສະພາບໄພແຫ້ງແລ້ງໃຫ້ດີທີ່ສຸດ
error: Alert: ເນື້ອຫາຂ່າວມີລິຂະສິດ !!