ສປປ ເກົາຫລີ ຍິງລູກສອນໄຟໄລຍະໃກ້ 2 ລູກ

ສປປ ເກົາຫລີ ຍິງລູກສອນໄຟໄລຍະໃກ້ 2 ລູກ - 111 1 - ສປປ ເກົາຫລີ ຍິງລູກສອນໄຟໄລຍະໃກ້ 2 ລູກ
ສປປ ເກົາຫລີ ຍິງລູກສອນໄຟໄລຍະໃກ້ 2 ລູກ - Untitled design - ສປປ ເກົາຫລີ ຍິງລູກສອນໄຟໄລຍະໃກ້ 2 ລູກ

     ກອງທັບ ສ.​ເກົາຫລີ ​ແຈ້ງ​ໃນ​ວັນ​ທີ 2 ມີນາ​ວ່າ: ສປປ ​ເກົາຫລີ ຍິງລູກ​ສອນ​ໄຟ​ໄລຍະ​ໃກ້ 2 ລູກ ນອກ​​ແຄມ​ຝັ່ງ​ຕາ​ເວັນ​ອອກ ຕົກລົງ​ໃນ​ທະ​ເລ​ວັນ​ນີ້ ຫລັງ​ຈາກ​ຢຸດ​ການ​ຍິງ​ໄປ 3 ​ເດືອນ.

      ຄະນະ​ເສນາ​ທິການ​ທະຫານ​ຮ່ວມ ສ.​ເກົາຫລີ ຖະ​ແຫລ​ງວ່າ​: ສປປ ​ເກົາຫລີ ຍິງ​ລູກ​ສອນ​ໄຟ​ຈາກ​ເມືອງ​ວອນ​ຊານ ​ແຄມ​ຝັ່ງ​ຕາ​ເວັນ​ອອກ ​ຮ່ອນໄລຍະ​ທາງ 240 ກິ​ໂລ​ແມັດ ​ແລະ ຂຶ້ນ​ໄປ​ສູ່​ລະດັບ​ຄວາມ​ສູງ 35 ກິ​ໂລ​ແມັດ  ​ເປັນ​ຈຸດ​ທີ່ ສປປ ​ເກົາຫລີ ​ໃຊ້​ຍິງ​ລູກ​ສອນ​ໄຟ​ມາ​ແລ້ວ​ຫລາຍ​ຄັ້ງ. ສັນນິຖານ​ວ່າ: ສປປ ​ເກົາຫລີ ກຳລັງ​ເດີນ​ໜ້າການ​ຊ້ອມ​ຍິງ​ລູກ​ສອນ​ໄຟ​ທີ່​ທ່ານ ກິມ ຈອງ​ອິນ ຜູ້ນຳ ສປປ ​ເກົາຫລີ ຄວບ​ຄຸມ​ເບິ່ງ​ແຍງ ​ໃນ​ວັນ​ທີ 28 ກຸມພາ​ຜ່ານ​ມາ ​ແລະ ​ເປັນ​ການ​ຍິງ​ລູກ​ສອນ​ໄຟ​ຄັ້ງທຳ​ອິດ​ຫລັງ​ຈາກ ສປປ ​ເກົາຫລີ ອ້າງ​ວ່າ​ທົດ​ລອງ​ເຄື່ອງ​ຍິງ​ລູກ​ສອນ​ໄຟ​ຫລາຍລຳ​ກ້ອງ​ຂະໜາດ​ໃຫຍ່ ​ໃນ​ວັນ​ທີ 28 ພະຈິກ​ປີ​ກ່ອນ. ຄະນະ​ເສນາ​ທິການ​ທະຫານ​ຮ່ວມ​ກຳລັງ​ເຝົ້າຕິດຕາມ​ວ່າ​ຈະ​ມີ​ການ​ຍິງ​ອີກ ຫລື ບໍ່.

ສປປ ເກົາຫລີ ຍິງລູກສອນໄຟໄລຍະໃກ້ 2 ລູກ - Wave100S AD to Website 2020 0 - ສປປ ເກົາຫລີ ຍິງລູກສອນໄຟໄລຍະໃກ້ 2 ລູກ

      ສ່ວນ​ທຳນຽບປະທານາທິບໍດີ ສ.​ເກົາຫລີ ຖະ​ແຫລ​ງວ່າ: ທີ່​ປຶກສາ​ຄວາມ​ໝັ້ນຄົງ​ແຫ່ງ​ຊາດ​ໄດ້​ປະຊຸມ​ທາງ​ໄກ​ແບບ​ສຸກ​ເສີນ​ກັບ​ລັດຖະມົນຕີ​ກະຊວງ​ທີ່​ກ່ຽວຂ້ອງ​ໂດຍ​ທັນທີ ​ເພື່ອ​ວິ​ເຄາະ​ການ​ຍິງ​ລູກ​ສອນ​ໄຟ​ຫລ້າ​ສຸດ​ຂອງ ສປປ ​ເກົາຫລີ. ລັດຖະມົນຕີ​ລ້ວນ​ສະ​ແດງ​ຄວາມ​ກັງວົນ​ທີ່ ສປປ ​ເກົາຫລີ ຮື້ຟື້ນການ​ຍິງ​ລູກ​ສອນ​ໄຟ​ໄລຍະ​ໃກ້​ໃນ​ຮອບ 3 ​ເດືອນ ​ເພາະ​ບໍ່​ເປັນ​ປະ​ໂຫຍ​ດຕໍ່​ຄວາມ​ພະຍາຍາມຫລຸດຜ່ອນ​ຄວາມ​ເຄັ່ງ​ຕຶງ​ຢູ່​ແຫລມ​ເກົາຫລີ ​ແລະ ຮຽກຮ້ອງ​ໃຫ້ ສປປ ​ເກົາຫລີ ຢຸດ​ການ​ກະທຳ​ດັ່ງ​ກ່າວ.

ສປປ ເກົາຫລີ ຍິງລູກສອນໄຟໄລຍະໃກ້ 2 ລູກ - WhatsApp Image 2020 05 27 at 5 - ສປປ ເກົາຫລີ ຍິງລູກສອນໄຟໄລຍະໃກ້ 2 ລູກ
ສປປ ເກົາຫລີ ຍິງລູກສອນໄຟໄລຍະໃກ້ 2 ລູກ - WhatsApp Image 2020 05 27 at 5 - ສປປ ເກົາຫລີ ຍິງລູກສອນໄຟໄລຍະໃກ້ 2 ລູກ
error: Alert: ເນື້ອຫາຂ່າວມີລິຂະສິດ !!