ສາທາແນະນຳວິທີການປ້ອງກັນພະຍາດ COVID-19 ໃຫ້ຜູ້ປະກອບການບໍລິການຕ່າງໆ.

ສາທາແນະນຳວິທີການປ້ອງກັນພະຍາດ covid-19 ໃຫ້ຜູ້ປະກອບການບໍລິການຕ່າງໆ. - 89227322 543230723278943 4283826125064372224 n - ສາທາແນະນຳວິທີການປ້ອງກັນພະຍາດ COVID-19 ໃຫ້ຜູ້ປະກອບການບໍລິການຕ່າງໆ.
ສາທາແນະນຳວິທີການປ້ອງກັນພະຍາດ covid-19 ໃຫ້ຜູ້ປະກອບການບໍລິການຕ່າງໆ. - Untitled design - ສາທາແນະນຳວິທີການປ້ອງກັນພະຍາດ COVID-19 ໃຫ້ຜູ້ປະກອບການບໍລິການຕ່າງໆ.

ໃນໂອກາດເຂົ້າຮ່ວມກອງປະຊຸມເຜີຍແຜ່ວິທີການປ້ອງກັນພະຍາດອັກເສບປອດ COVID-19 ໃຫ້ຜູ້ປະກອບການ ໂຮງແຮມ, ເຮືອນພັກ, ຮ້ານອາຫານ, ສະຖານນີຂົນສົ່ງທາງບົກ ແລະ ທາງອາກາດ, ທີ່ໄດ້ຈັດຂື້ນໃນວັນທີ 2 ມີນາ ນີ້, ຢູ່ ຫ້ອງວ່າການປົກຄອງ ນະຄອນຫລວງວຽງຈັນ, ທ່ານ ພູທອນ ເມືອງປາກ ຮອງລັດຖະມົນຕີ ກະຊວງ ສາທາລະນະສຸກ, ຫົວໜ້າກອງເລາຂາຄະນະສະເພາະກິດ ປ້ອງກັນ ພະຍາດດັ່ງກ່າວ ໃຫ້ຮູ້ວ່າ: ຂັ້ນຕອນທີ່ທ່ານສາມາດປະຕິບັດເພື່ອຮັກສາຕົນເອງໃຫ້ມີສຸຂະພາບດີຄື: ລ້າງມືໃສ່ສະບູ ແລະ ນ້ຳສະອາດ ຫລື ເຈວລ້າງມືເປັນປະຈຳ, ເມື່ອທ່ານມີອາການໄອ ແລະ ຈາມຕ້ອງປິດປາກ ແລະ ດັງດ້ວຍເຈ້ຍອານາໄມ ຫລື ກົກແຂນຂອງທ່ານຈາກນັ້ນຖີ້ມເຈ້ຍອານາໄມລົງຖັງຂີ້ເຫຍື້ອທັນທີ, ຫລີກລ່ຽງການສຳຜັດກັບຄົນທີ່ມີອາການ ໄຂ້, ເຈັບຄໍ ຫລື ຫາຍໃຈຍາກ, ໄອ, ຫລີກລ່ຽງການສຳຜັດກັບສັດທີ່ເຫງົາ ຫລືສັດບໍ່ມີເຈົ້າຂອງ, ໂດຍສະເພາະແມ່ນຢູ່ຕະຫລາດສົດຖ້າຈຳເປັນ ແມ່ນຕ້ອງລ້າງມືໃຫ້ສະອາດທຸກຄັ້ງພາຍຫລັງສຳຜັດສັດຕ່າງໆ, ຫລີກລ່ຽງການເດີນທາງໄປສະຖານທີ່ແອອັດ, ການສຳຜັດກັບບຸກຄົນອື່ນໆ ແລະ ບໍ່ຄວນໄປເຮັດວຽກ ຫລື ໄປໂຮງຮຽນ ຖ້າທ່ານຮູ້ສຶກບໍ່ສະບາຍ, ທ່ານມີອາການໄຂ້ ຫລື ຫາຍໃຈຍາກ, ເຈັບຄໍ, ໄອ, ທ່ານຕ້ອງເບິ່ງແຍງບຸກຄົນອື່ນດ້ວຍການໃສ່ຜ້າອັດປາກດັງ,  ທ່ານຕ້ອງຮັບປະກັນວ່າຕົນເອງຮູ້ວິທີການໃສ່ ແລະ ຖີ້ມຜ້າອັດປາກ-ດັງຢ່າງຖືກຕ້ອງ.

    ທ່ານ ຮອງລັດຖະມົນຕີ ໃຫ້ຮູ້ວ່າ: ປັດຈຸບັນ, ສະພາບການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ ໃນຫລາຍປະເທດໄດ້ຂະຫຍາຍເປັນວົງກວ້າງ, ສືບຕໍ່ມີກໍລະນີຕິດເຊື້ອ ແລະ ເສຍຊີວິດຫລາຍຂື້ນໃນແຕ່ລະວັນ, ອົງການອານາໄມໂລກໄດ້ປະເມີນວ່າພະຍາດ COVID-19 ແມ່ນມີຄວາມສ່ຽງສູງສຸດທີ່ຈະແຜ່ລະບາດໄປທົ່ວໂລກ, ເພື່ອຮັບປະກັນການປ້ອງກັນ ແລະ ຄວບຄຸມ ບໍ່ໃຫ້ມີການຕິດເຊື້ອ ແລະ ແຜ່ລະບາດຂອງພະຍາດດັ່ງກ່າວ, ບັນດາຜູ້ປະກອບການທຸລະກິດຕ່າງໆແມ່ນມີບົດບາດສຳຄັນໃນການຊ່ວຍບຸກຄະລະກອນປ້ອງກັນຕົນເອງຈາກການຕິດເຊື້ອພະຍາດນີ້, ຊຶ່ງອາການຂອງພະຍາດຈະສະແດງອອກພາຍໃນ 14 ວັນຫລັງສຳຜັດກັບບຸກຄົນທີ່ຕິດເຊື້ອ, ເຖິງວ່າການກວດຫາເຊື້ອພະຍາດ COVID-19 ຈະໃຫ້ຜົນລົບ, ກໍບໍ່ໄດ້ໝາຍຄວາມວ່າ ທ່ານບໍ່ຕິດເຊື້ອພະຍາດດັ່ງກ່າວ, ດັ່ງນັ້ນ ຈຶ່ງເປັນສິ່ງສຳຄັນທີ່ຜູ້ປະກອບການທຸກຄົນ, ຕ້ອງແນະນຳບຸກຄະລາກອນຂອງຕົນເອງ ໃຫ້ຢູ່ໃນສະຖານທີ່ພັກເຊົາຂອງຕົນ ເປັນເວລາ 14 ວັນ, ອຳນວຍຄວາມສະດວກໃນການຈັດອາຫານການກິນ ແລະ ສິ່ງຈຳເປັນອື່ນໆໃຫ້ແກ່ຜູ້ກ່ຽວ, ຮັບປະກັນວ່າມີສະຖານທີ່ເພື່ອລ້າງມືໃຫ້ສະອາດ, ປະຕິບັດມາລະຍາດການໄອຈາມ ແລະ ຕິດຕາມອຸນຫະພູມທຸກມື້.

ສາທາແນະນຳວິທີການປ້ອງກັນພະຍາດ covid-19 ໃຫ້ຜູ້ປະກອບການບໍລິການຕ່າງໆ. - Wave100S AD to Website 2020 0 - ສາທາແນະນຳວິທີການປ້ອງກັນພະຍາດ COVID-19 ໃຫ້ຜູ້ປະກອບການບໍລິການຕ່າງໆ.
ສາທາແນະນຳວິທີການປ້ອງກັນພະຍາດ covid-19 ໃຫ້ຜູ້ປະກອບການບໍລິການຕ່າງໆ. - WhatsApp Image 2020 05 27 at 5 - ສາທາແນະນຳວິທີການປ້ອງກັນພະຍາດ COVID-19 ໃຫ້ຜູ້ປະກອບການບໍລິການຕ່າງໆ.
ສາທາແນະນຳວິທີການປ້ອງກັນພະຍາດ covid-19 ໃຫ້ຜູ້ປະກອບການບໍລິການຕ່າງໆ. - WhatsApp Image 2020 05 27 at 5 - ສາທາແນະນຳວິທີການປ້ອງກັນພະຍາດ COVID-19 ໃຫ້ຜູ້ປະກອບການບໍລິການຕ່າງໆ.
error: Alert: ເນື້ອຫາຂ່າວມີລິຂະສິດ !!