ອູ່ຮັ່ນປິດໂຮງໝໍຊົ່ວຄາວແຫ່ງທຳອິດແລ້ວ ຫລັງຜູ້ປ່ວຍໃໝ່ຫລຸດລົງ

ອູ່ຮັ່ນປິດໂຮງໝໍຊົ່ວຄາວແຫ່ງທຳອິດແລ້ວ ຫລັງຜູ້ປ່ວຍໃໝ່ຫລຸດລົງ - 2222 1 - ອູ່ຮັ່ນປິດໂຮງໝໍຊົ່ວຄາວແຫ່ງທຳອິດແລ້ວ ຫລັງຜູ້ປ່ວຍໃໝ່ຫລຸດລົງ
ອູ່ຮັ່ນປິດໂຮງໝໍຊົ່ວຄາວແຫ່ງທຳອິດແລ້ວ ຫລັງຜູ້ປ່ວຍໃໝ່ຫລຸດລົງ - Untitled design - ອູ່ຮັ່ນປິດໂຮງໝໍຊົ່ວຄາວແຫ່ງທຳອິດແລ້ວ ຫລັງຜູ້ປ່ວຍໃໝ່ຫລຸດລົງ

      ​ເມືອງອູ່​ຮັ່ນ ​ເມືອງ​ເອກ​ຂອງ​ມົນທົນ​ຫູ​ເປີ​ຍຂອງ​ຈີນ ປິດ​ໂຮງໝໍ​ຊົ່ວຄາວ​ທີ່​ເລັ່ງສ້າງ​ຂຶ້ນ​ເປັນ​ແຫ່ງທຳ​ອິດ​ຈາກ​ທັງ​ໝົດ 16 ​ແຫ່ງ ​ເພື່ອ​ຮັບ​ມື​ກັບ​ໂຣກຕິດ​​ເຊື້ອ​ໄວຣັສ​ໂຄ​ໂຣນາ 2019 ຫລື ​ໂຄ​ວິດ-19 ລະບາດ​ແລ້ວ ​ເນື່ອງ​ຈາກ​ຈຳນວນ​ຜູ້​ປ່ວຍ​ໃໝ່​ຫລຸດ​ລົງ​ທັງ​ໃນ​ເມືອງ​ອູ່​ຮັ່ນ ​ແລະ ມົນ​ຫົນ​ຫູ​ເປີ​ຍ.

     ສະຖານີ​ໂທລະພາບ​ CCTV ຂອງ​ທາງ​ການ​ຈີນ ລາຍ​ງານ​ໃນ​ວັນ​ທີ 2 ມີນາ​ວ່າ: ​ເມືອງ​ອູ່​ຮັ່ນປິດ​ໂຮງໝໍ​ຊົ່ວຄາວ​ແຫ່ງ​ທຳ​ອິດ ຫລັງ​ຈາກ​ອະນຸຍາດ​ໃຫ້​ຜູ້​ປ່ວຍ​ທີ່​​ເຊົາ​ດີ​ແລ້ວ​ຊຸດ​ສຸດ​ທ້າຍ​ຈຳນວນ 34 ຄົນ ກັບ​ເຮືອນ. ​ໂຮງໝໍ​ຊົ່ວຄາວ​ທີ່​ເລັ່ງສ້າງ​ຂຶ້ນທັງ​ໝົດ 16 ​ແຫ່ງ ຊ່ວຍ​ໃຫ້​ເມືອງ​ມີ​ຕຽງ​ຮອງ​ຮັບ​ຜູ້​ປ່ວຍ​ເພີ່ມ​ຂຶ້ນຈາກ 5.000 ຕຽງ​ເປັນ 23.000 ຕຽງ, ປິ່ນປົວ​ໄປ​ແລ້ວ 12.000 ຄົນ. ມົນທົນ​ຫູ​ເປີ​ຍ​ທີ່​ເປັນ​ສູນ​ກາງ​ການລະບາດ​ແຈ້ງ​ພົບ​ຜູ້​ປ່ວຍ​ໃໝ່​ບໍ່​ຮອດ 200 ຄົນ ​ເປັນຄັ້ງທຳ​ອິດ​ນັບ​ແຕ່​ເດືອນ​ມັງກອນ ​ໂດຍ​ພົບ 196 ຄົນ​ໃນ​ວັນ​ທີ 1 ມີນາ ຫລຸດ​ລົງ​ຫລາຍ​ຈາກ​ວັນ​ທີ 29 ກຸມພາ ທີ່​ພົບ 570 ຄົນ ​ໃນ​ຈຳນວນ​ນີ້ 193 ຄົນ​ຢູ່​ໃນ​ເມືອງ​ອູ່​ຮັ່ນ 193 ຄົນ ໜ້ອຍ​ທີ່​ສຸດ​ນັບ​ແຕ່​ວັນ​ທີ 26 ມັງກອນ. ຂະນະ​ທີ່ ຜູ້​ປ່ວຍ​ໃໝ່​ທັງ​ຢູ່​ຈີນ​ມີ 202 ຄົນ ໜ້ອຍ​ທີ່​ສຸດ​ນັບ​ແຕ່​ວັນ​ທີ 22 ມັງກອນ, ສ່ວນ​ຈຳນວນ​ຜູ້​ເສຍ​ຊີວິດ​ມາ​ຮອດ​ປັດຈຸບັນ​ມີ 2.912 ຄົນ ​ເພີ່ມ​ຂຶ້ນ 42 ຄົນ ທັງ​ໝົດ​ຢູ່​ຫູ​ເປີ​ຍ ​ໃນ​ຈຳນວນ​ນີ້ 32 ຄົນ​ຢູ່​ໃນ​ອູ່​ຮັ່ນ.

     ​ເຖິງ​ຢ່າງ​ໃດ​ກໍ​ດີ, ປະທານາທິບໍດີ ສີ ຈິ້ນຜິ​ງ ຂອງ​ຈີນ ​ເຕືອນ​ໃນ​ວັນ​ທີ 1 ມີນາ​ວ່າ: ຈີນ​ຍັງ​ຕ້ອງ​ເບິ່ງ​ການລະບາດ​ໃນ​ໄລຍະ​ຍາວ, ອັດ​ຊ່ອງ​ຫວ່າງ​ທາງ​ກົດໝາຍ ​ແລະ ກົນ​ໄກ​ການ​ຮັບ​ມື​ເຫດ​ສຸກ​ເສີນ ​ເນື່ອງ​ຈາກ​ພົບ​ຜູ້​ປ່ວຍ​ໃໝ່​ຊາວ​ຈີນ​ສອງ​ຄົນ​ທີ່​ຫາ​ກໍ​ເດີນທາງ​ກັບ​ມາ​ຈາກ​ອີຣານ ປະ​ເທດ​ທີ່​ມີ​ຜູ້​ປ່ວຍ​ເພີ່ມ​ຂຶ້ນຢ່າງ​ວ່ອງ​ໄວ. ໜັງສືພິມ​ໂກລບອລທາມ ລາຍ​ງານ​ໃນ​ວັນ​ທີ 2 ມີນາ​ວ່າ: ພົບ​ຜູ້​ປ່ວຍ​ໜຶ່ງ​ຄົນ​ໃນ​ມົນ​ທົນ​ເຈີ້​ຈຽງ ທາງ​ຕາ​ເວັນ​ອອກ ​ເປັນ​ຜູ້​ເດີນທາງ​ມາ​ຈາກ​ອິຕາ​ລີ ​ເຊິ່ງມີ​ຜູ້​ປ່ວຍ​ເພີ່ມ​ຂຶ້ນຢ່າງ​ວ່ອງ​ໄວ​ເຊັ່ນ​ກັນ.

ອູ່ຮັ່ນປິດໂຮງໝໍຊົ່ວຄາວແຫ່ງທຳອິດແລ້ວ ຫລັງຜູ້ປ່ວຍໃໝ່ຫລຸດລົງ - Wave100S AD to Website 2020 0 - ອູ່ຮັ່ນປິດໂຮງໝໍຊົ່ວຄາວແຫ່ງທຳອິດແລ້ວ ຫລັງຜູ້ປ່ວຍໃໝ່ຫລຸດລົງ
ອູ່ຮັ່ນປິດໂຮງໝໍຊົ່ວຄາວແຫ່ງທຳອິດແລ້ວ ຫລັງຜູ້ປ່ວຍໃໝ່ຫລຸດລົງ - WhatsApp Image 2020 05 27 at 5 - ອູ່ຮັ່ນປິດໂຮງໝໍຊົ່ວຄາວແຫ່ງທຳອິດແລ້ວ ຫລັງຜູ້ປ່ວຍໃໝ່ຫລຸດລົງ
ອູ່ຮັ່ນປິດໂຮງໝໍຊົ່ວຄາວແຫ່ງທຳອິດແລ້ວ ຫລັງຜູ້ປ່ວຍໃໝ່ຫລຸດລົງ - WhatsApp Image 2020 05 27 at 5 - ອູ່ຮັ່ນປິດໂຮງໝໍຊົ່ວຄາວແຫ່ງທຳອິດແລ້ວ ຫລັງຜູ້ປ່ວຍໃໝ່ຫລຸດລົງ
error: Alert: ເນື້ອຫາຂ່າວມີລິຂະສິດ !!