​ເບິ່ງ​ຕື່ມ​ການ​ລະບຸ​ເລກ​ທີທາງ​ຮ່ອມ​ທາງ​ຊອຍ ​ແລະ ​ເລກທີ​ເຮືອນ​ໃນ​ຕົວ​ເມືອງ

​ເບິ່ງ​ຕື່ມ​ການ​ລະບຸ​ເລກ​ທີທາງ​ຮ່ອມ​ທາງ​ຊອຍ ​ແລະ ​ເລກທີ​ເຮືອນ​ໃນ​ຕົວ​ເມືອງ - 36 - ​ເບິ່ງ​ຕື່ມ​ການ​ລະບຸ​ເລກ​ທີທາງ​ຮ່ອມ​ທາງ​ຊອຍ ​ແລະ ​ເລກທີ​ເຮືອນ​ໃນ​ຕົວ​ເມືອງ
​ເບິ່ງ​ຕື່ມ​ການ​ລະບຸ​ເລກ​ທີທາງ​ຮ່ອມ​ທາງ​ຊອຍ ​ແລະ ​ເລກທີ​ເຮືອນ​ໃນ​ຕົວ​ເມືອງ - Untitled design - ​ເບິ່ງ​ຕື່ມ​ການ​ລະບຸ​ເລກ​ທີທາງ​ຮ່ອມ​ທາງ​ຊອຍ ​ແລະ ​ເລກທີ​ເຮືອນ​ໃນ​ຕົວ​ເມືອງ

ລູກ​ເມືອງ​ພວນ

     ສະບາຍດີ ​ເພື່ອນ​ຜູ້​ອ່ານ​ທີ່​ຮັກ​ແພງ, ນັບ​ແຕ່​ມື້ນີ້ ວັນ​ທີ 2 ມີນາ 2020 ​ເປັນຕົ້ນ​ໄປ ພວກ​ເຮົາ​ຈະ​ໄດ້​ພົບ​ກັບ​ຄໍ​ລຳ​ສະບາຍດີ​ຕອນ​ເຊົ້າບົນ​ອອນ​ລາຍ​ງານ​ຂອງ​ ລາວ​ພັດທະນາ ​ເທົ່າ​ນັ້ນ ຍ້ອນ​ພວກ​ເຮົາ​ໄດ້​ມີ​ການ​ປັບປຸງ​ສື່​ຂອງ​ຕົນ​ໃຫ້​ແທດ​ເໝາະ​ກັບ​ຍຸກ​ສະ​ໄໝ, ຖ້າ​ແມ່ນ​ວ່າ​ມີ​ຫຍັງ​ຢາກ​ສົ່ງ​ຂ່າວ​ຫາ​ຄະນະ ບ.ກ ລາວ​ພັດທະນາ​ພວກ​ເຮົາ ກໍ​ສາມາດ​ມີ​ຄຳ​ຄິດ​ຄຳ​ເຫັນ​ມາ​ໄດ້ ​ໂດຍ​ຜ່ານ​ທາງ​ອອນ​ລາຍ​ນີ້. ມື້ນີ້ ຄໍ​ລຳ​ສະບາຍດີ ຂໍ​ແລກປ່ຽນ​ນຳ​ເພື່ອນ​ຜູ້​ອ່ານ​ກ່ຽວ​ກັບ​ການລະ​ບຸ​ເບີ​ທາງ​ຮ່ອມ​ທາງ​ຊອຍ ຫລື ​ເບີ​ເຮືອນ​ໃນ​ບ້ານ​ຕ່າງໆ​ຢູ່​ນະຄອນຫລວງ​ເຮົາ​ ຫລາຍ​ຄົນ​ເຫັນ​ວ່າ​ອ່າວ​ສັບສົນ​ຫລາຍ, ພວກ​ທ່ານ​ຫາກ​ມີ​ໂອກາດ​ໄດ້​ໄປ​ຕ່າງປະ​ເທດ ​ເພິ່ນ​ໃຫ້ຄວາມ​ສຳຄັນ​ຫລາຍ​ກັບ​ການຈັດ​ແບ່ງ ​ແລະ ​ເລກ​ໝາຍ​ສາຍ​ຖະໜົນທາງ​ຮ່ອມ​ທາງ​ຊອຍ ​ແລະ ​ເລກທີ​ເຮືອນ ​ເຊິ່ງກ່ອນ​ອື່ນ​ກໍ​ແມ່ນ​ເພື່ອ​ຄວາມ​ສະດວກ​ສະບາຍ​ໃນ​ການ​ຄຸ້ມ​ຄອງ​ຊອກ​ຫາ​ເຊິ່ງກັນ ​ແລະ ກັນ ​ແລະ ອັນ​ສຳຄັນ​ໄປ​ກວ່າ​ນັ້ນ ກໍ​ແມ່ນ​ເມື່ອ​ມີ​ເຫດການ​ສຸກ​ເສີນ​ອັນ​ໃດ​ອັນ​ໜຶ່ງ​ເກີດ​ຂຶ້ນ​ເຊັ່ນ: ອາ​ຊະ​ຍາ​ກຳ, ປຸ້ນ​ຈີ້​ຊີງ​ຊັບ, ອັກຄີ​ໄພ​ເກີດ​ຂຶ້ນ ມັນ​ຈະ​ບົ່ງ​ບອກ​ໄປ​ໃນ​ໜ້າ​ຈໍ​ຄອມ​ພິວ​ເຕີ້​ຂອງ​ໜ່ວຍ​ງານ​ຄວບ​ຄຸມ​ເຂດ​ເມືອງ​ນັ້ນທັນທີ ​ແລະ ກໍ​ຈະ​ຮູ້​ໄດ້​ວ່າ​ຢູ່​ທາງ​ຮ່ອມ​ທີ​ເທົາ​ໃດ, ​ເຮືອນ​ເລກທີ​ເທົ່າ​ໃດ, ຄຸ້ມ​ໃດ, ຖະໜົນ​ໃດ ​ເຊິ່ງມັນ​ຈະ​ງ່າຍ​ໃຫ້​ເຈົ້າໜ້າ​ທີ່​ໄປ​ເຖິງ​ຈຸດ​ເກີດ​ເຫດ​ໄດ້​ໂດຍ​ໄວ ​ເຊິ່ງບໍ່​ຕ້ອງ​ເສຍ​ເວລາ​ໄປ​ຊອກ​ບ່ອນ​ເກີດ​ເຫດການ​ສຸກ​ເສີນ​ນັ້ນ.

      ສະຫລຸບ​ຄວາມ​ແລ້ວ, ການຈັດ​ສັນ​ເປັນ​ຄຸ້ມ, ​ເປັນ​ຖະໜົນ ​ແລະ ​ເລກທີ​ເຮືອນ ​ແມ່ນ​ເພື່ອ​ຮັບປະກັນ​ຄວາມ​ປອດ​ໄພ ​ແລະ ຄວາມ​ເປັນ​ລະບຽບ​ຮຽບຮ້ອຍ​ຂອງ​ຕົວ​ເມືອງ, ສ້າງ​ຄວາມ​ສະດວກ​ໃຫ້​ແກ່​ແຂກ​ຕ່າງ​ດ້າວ​ທ້າວ​ຕ່າງ​ແດນ​ມາ​ຢ້ຽມຢາມ​ຊອກ​ຫາ ​ແລະ ສາມາດ​ໄປ​ເຖິງ​ໄດ້​ສະດວກ​ສະບາຍ​ຍິ່ງ​ຂຶ້ນ. ນີ້​ລະ​ຄື​ຕົວ​ເມືອງ ບໍ່​ແມ່ນ​ວ່າການ​ລະບຸ​ເລກທີ​ຖະໜົນ​ຫົນທາງ, ຄຸ້ມ​ບ້ານ​ຊານ​ເມືອງ, ​ເຮືອນ​ຊານ​ບ້ານ​ຊ່ອງ​ໃນ​ຕົວ​ເມືອງ​ແມ່ນ​ໃຜ​ຢາກ​ໝາຍ ຫລື ມັກ​ເລກທີ​​ໃດ​ໃສ່​ກໍ​ໄດ້ ຂໍ​ພຽງ​ເຈົ້າຂອງ​​ເຮືອນ​ມີ​ເງິນ​ທຳນຽມ​ທີ່​ເໝາະ​ສົມ​ແລ້ວ​ກໍ​ເອົາ​ໄປ​ເລີຍ, ​ໃນ​ທີ່​ສຸດ​ເລກ​ເຮືອນ, ​ເລກ​ບ້ານ, ​ເລກທີ​ທາງ​ຮ່ອມ​ທາງ​ຊອຍ​ນັ້ນກໍ​ບໍ່​ມີ​ຜົນ​ນຳ​ໃຊ້ ​ແລະ ຍັງ​ສ້າງ​ຄວາມ​ສັບສົນ​ໃຫ້​ແກ່​ຕົວ​ເມືອງ​ອີກ​ດ້ວຍ. ການ​ແບ່ງປັນ, ​ເຂດ​ຄຸ້ມ, ຖະໜົນ​ຍັງ​ບໍ່​ຈະ​ແຈ້ງ, ​ເລກທີ​ຮ່ອມ​ຂອງ​ບ້ານ​ກໍ​ບໍ່​ເປັນ​ລຳດັບ ຈຶ່ງ​ເຮັດ​ໃຫ້​ມີ​ຄວາມ​ຫຍຸ້ງຍາກ​ໃນ​ການ​ເຂົ້າ​ເຖິງ​ຂອງ​ເຈົ້າໜ້າ​ທີ່​ໃນ​ເມື່ອ​ມີ​ເຫດການ​ສຸກ​ເສີນ​ເກີດ​ຂຶ້ນ ​ແລະ ​ໃນ​ເມື່ອ​ຢາກ​ຊອກ​ຫາ​ກັນ ຫລື ສົ່ງ​ສິ່ງ​ຂອງ​ໃດ​ໜຶ່ງ​ທາງ​​ໄປສະນີ​ໄປ​ໃຫ້​ເຈົ້າຂອງ​ເຮືອນ​ຜູ້ນັ້ນ.

​ເບິ່ງ​ຕື່ມ​ການ​ລະບຸ​ເລກ​ທີທາງ​ຮ່ອມ​ທາງ​ຊອຍ ​ແລະ ​ເລກທີ​ເຮືອນ​ໃນ​ຕົວ​ເມືອງ - Wave100S AD to Website 2020 0 - ​ເບິ່ງ​ຕື່ມ​ການ​ລະບຸ​ເລກ​ທີທາງ​ຮ່ອມ​ທາງ​ຊອຍ ​ແລະ ​ເລກທີ​ເຮືອນ​ໃນ​ຕົວ​ເມືອງ

       ການຈັດ​ສັນ​ເປັນ​ຄຸ້ມ, ​ເປັນ​ຖະໜົນ ​ແລະ ​ເຮືອນ​​ເລກທີ​ໃນ​ຕົວ​ເມືອງ​ມີ​ຄວາມ​ສຳຄັນ​ຫລາຍ ​ເຊິ່ງ​ເບື້ອງອຳນາດ​ການ​ປົກຄອງ​ບໍ່​ຄວນ​ຖື​ເບົາ, ປັດຈຸບັນ​ຢູ່​ນະຄອນຫລວງ​ວຽງ​ຈັນ​ເຮົາ​ກໍ​ຍັງ​ສາມາດ​ປັບປຸງ​ເລກທີ​ນີ້​ໃຫ້​ຄ່ອງ​ແຄ້ວ, ທັນ​ສະ​ໄໝ ​ແລະ ຢ່າງ​ສີວິ​ໄລ​ໄດ້.

​ເບິ່ງ​ຕື່ມ​ການ​ລະບຸ​ເລກ​ທີທາງ​ຮ່ອມ​ທາງ​ຊອຍ ​ແລະ ​ເລກທີ​ເຮືອນ​ໃນ​ຕົວ​ເມືອງ - WhatsApp Image 2020 05 27 at 5 - ​ເບິ່ງ​ຕື່ມ​ການ​ລະບຸ​ເລກ​ທີທາງ​ຮ່ອມ​ທາງ​ຊອຍ ​ແລະ ​ເລກທີ​ເຮືອນ​ໃນ​ຕົວ​ເມືອງ
​ເບິ່ງ​ຕື່ມ​ການ​ລະບຸ​ເລກ​ທີທາງ​ຮ່ອມ​ທາງ​ຊອຍ ​ແລະ ​ເລກທີ​ເຮືອນ​ໃນ​ຕົວ​ເມືອງ - WhatsApp Image 2020 05 27 at 5 - ​ເບິ່ງ​ຕື່ມ​ການ​ລະບຸ​ເລກ​ທີທາງ​ຮ່ອມ​ທາງ​ຊອຍ ​ແລະ ​ເລກທີ​ເຮືອນ​ໃນ​ຕົວ​ເມືອງ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!