ຫໍຄອຍພະລັງງານແສງຕາເວັນອິດສະລາແອນ

- 174233 - ຫໍຄອຍພະລັງງານແສງຕາເວັນອິດສະລາແອນ

- israel solar ap 300x225 - ຫໍຄອຍພະລັງງານແສງຕາເວັນອິດສະລາແອນ    ອິດສະ​ລາ​ແອນ​ເປັນ​ປະ​ເທດ​ທີ່​ມີ​ແສງ​​ແດດ​ຫລາຍ, ​ແຕ່​ການ​ສະ​ສົມ​ພະລັງງານ​ແສງ​ຕາ​ເວັນ​ໄວ້​ໃຊ້​ວຽກ​ຍັງ​ບໍ່​ມີ​ຫລາຍ ​ເມື່ອ​ທຽບ​ໃສ່​ປະລິມານ​ພະລັງງານ​ທົ່ວ​ປະ​ເທດ​ຕ້ອງການ ​ເຮັດ​ໃຫ້​ອິດສະ​ລາ​ແອນ​ເປັນ​ປະ​ເທດ​ທີ່​ຫລ້າຫລັງ​ກວ່າ​ອີກ​ຫລາຍ​ປະ​ເທດ, ການ​ຈະ​ເລີ​ນ​ເຕີບ​ໃຫຍ່​ທາງ​ເສດຖະກິດ​ຂອງ​ອິດສະ​ລາ​ແອນ​ຜ່ານ​ມາ​ລ້ວນ​ແຕ່​ອາ​ໄສ​ເຊື້ອ​ໄຟຟໍສຊິວ​ເປັນ ຕົ້ນຕໍ ​ເພາະ​ຍັງ​ບໍ່​ສາມາດນຳ​​ເອົາ​ແສງຕາ​ເວັນ​ມາ​ໃຊ້​ເປັນ​ພະລັງງານ​ທົດ​ແທນ​ໄດ້, ​ແຕ່​ຫລັງ​ສຸດ​ອິດສະ​ລາ​ແອນ​ຕັ້ງ​ເປົ້າ ຜະລິດ​ພະລັງງານ​ທົດ​ແທນ​ໃຫ້​ໄດ້​ພາຍ​ໃນ​ປີ 2020 ຈຶ່ງ​ຈັດຕັ້ງ​ໂຄງການ​ພະລັງງານ​ແສງຕາ​ເວັນ​ຂະໜາດ​ໃຫຍ່​ຂຶ້ນ ​ແລະ ຄາດ​ວ່າ​ໃນ​ອະນາຄົດ ອິດສະ​ລາ​ແອນ​ຈະ​ຂຶ້ນມາ​ເປັນ​ຜູ້ນຳ​ໃນ​ດ້ານ​ພະລັງງານ​ແສ​ງຕາ​ເວັນ​.

​ໂຄງການ​ພະລັງງານ​ແສງຕາ​ເວັນ​ຂະໜາດ​ໃຫຍ່​ນີ້ ຕັ້ງຢູ່​ທະ​ເລ​ຊາຍ​ເນ​ເຈ​ຟ ​ແບ່ງ​ພື້ນທີ່​ເປັນ 3 ສ່ວນ ​ໂດຍ​ໃຊ້​ເຕັກ​ໂນ​ໂລ​ຊີ​ແຕກ​ຕ່າງ​ກັນ ​ແລະ ຈະ​ກາຍ​ເປັນ​ແຫ​ລ່ງພະລັງງານ​ແສງຕາ​ເວັນ​ໃຫຍ່​ທີ່​ສຸດ​ຂອງ​ອິດສະ​ລາ​ແອນ​ເມື່ອ​ໂຄງການ​ສຳ​ເລັດ​ພາຍ​ໃນ​ປີ 2018 ຕັ້ງ​ເປົ້າຜະລິດ​ພະລັງງານ​ໄຟຟ້າ​ໃຫ້​ໄດ້ 310 ​ເມ​ກາ​ວັດ ​ເຊິ່ງຈະ​ພຽງພໍ​ໃຊ້​ໃນ 130.000 ຄົວ​ເຮືອນ ຫລື ປະມານ 5% ຂອງ​ປະຊາກອນ.

ພາກສ່ວນ​ທຳ​ອິດ​ຂອງ​ໂຄງການ​ເປັນ​ຫໍຄອຍ​ພະລັງ​ແສງຕາ​ເວັນ​ສູງ​ທີ່​ສຸດ​ໃນ​ໂລກ ມີ​ຄວາມ​ສູງ​ເຖິງ 250 ​ແມັດ ​ເຊິ່ງ ຈະກາຍ​ເປັນ​ສັນຍາ​ລັກ​ຂອງ​ຄວາມ​ສຳ​ເລັດ​ໃນ​ດ້ານ​ພະລັງງານ​ທົດ​ແທນ​ຂອງ​ອິດສະ​ລາ​ແອນ. ຫໍຄອຍ​ຈະ​ຕິດຕັ້ງ​ແກ້ວ​ແວ່ນ​ເຮ​ລິ​ໂອສ​ແຕດ 50.000 ​ອ້ອມ​ຮອບ ​ເຊິ່ງຈະ​ສະທ້ອນ​ແສງຕາ​ເວັນ​ໄປ​ຫາ​ແຜງ​ໂຊ​ລາ​​ເຊ​ວທາງ​ລຸ່ມ, ​ແຜງ​ພະລັງ ງານ​ແສງຕາ​ເວັນ​ຈະ​ລວມ​ແສງຕາ​ເວັນ​ໄປ​ຫາ​ເຄື່ອງ​ຕົ້ມຢູ່​ຍອດ​ຫໍຄອຍ ​ເພື່ອ​ໃຫ້​ຄວາມ​ຮ້ອນ​ແກ່ນ້ຳ ​ເຮັດ​ໃຫ້​ເກີດ​ອາຍ​ນ້ຳ ​ໄປ​ຫາ​ກັງ​ຫັນ ​ແລະ ຜະລິດ​ກະ​ແສ​ໄຟຟ້າ. ​ເຕັກ​ໂນ​ໂລ​ຊີ​ແບບ​ທີ​ສອງ​ທີ່​ໃຊ້ສາມາດ​ສະ​ສົມ​ພະລັງງານ​ໄດ້ ​ເຖິງ​ວ່າ​ຕາ​ເວັນ​ຈະ​ຕົກ ​ແລະ ​ແບບ​ສຸດ​ທ້າຍ​ເປັນ​ການ​ຜະລິດ​ໄຟຟ້າ​ຈາກ​ການ​ຕົກ​ກະທົບ​ຂອງ​ແສງ​ຢູ່​ວັດຖຸ​ທີ່​ສາມາດ​ປ່ຽນ​ພະລັງງານ​ແສງ​ເປັນ​ພະລັງງານ​ໄຟຟ້າ​ໄດ້​ໂດຍ​ກົງ. ການ​ນຳ​​ເອົາ​ເຕັກ​ໂນ​ໂລ​ຊີ​ທັງ​ສາມ​ລະບົບ​ມາ​ໄວ້​ໃນ​ໂຄງການ​ດຽວ​ກັນ ຖື​ເປັນ​ວິທີ​ດຳ​ເນີນ​ງານ​ແບບ​ສະຫລາດ​ຂອງ​ອິດສະ​ລາ​ແອນ ​ເພາະ​ແຕ່​ລະວິ​ທີ​ຈະ​ມີ​ຂໍ້​ດີ​ແຕກ​ຕ່າງ​ກັນ.

- Wave100S AD to Website 2020 0 - ຫໍຄອຍພະລັງງານແສງຕາເວັນອິດສະລາແອນ
- WhatsApp Image 2020 05 27 at 5 - ຫໍຄອຍພະລັງງານແສງຕາເວັນອິດສະລາແອນ
- WhatsApp Image 2020 05 27 at 5 - ຫໍຄອຍພະລັງງານແສງຕາເວັນອິດສະລາແອນ
- WhatsApp Image 2020 05 27 at 5 - ຫໍຄອຍພະລັງງານແສງຕາເວັນອິດສະລາແອນ
- WhatsApp Image 2020 05 27 at 5 - ຫໍຄອຍພະລັງງານແສງຕາເວັນອິດສະລາແອນ
error: Alert: Content is protected !!