ລາວເດີນໜ້າກຽມການກໍ່ໍ່ສ້າງເຂື່ອນໄຟຟ້ານ້ຳຂອງ ຈຸດຫລວງພະບາງ

ລາວເດີນໜ້າກຽມການກໍ່ໍ່ສ້າງເຂື່ອນໄຟຟ້ານ້ຳຂອງ ຈຸດຫລວງພະບາງ - Untitled design - ລາວເດີນໜ້າກຽມການກໍ່ໍ່ສ້າງເຂື່ອນໄຟຟ້ານ້ຳຂອງ ຈຸດຫລວງພະບາງ
ກົດເພື່ອຟັງຂ່າວ

ເມື່ອບໍ່ດົນມານີ້, ທ່ານ ຈັນສະແຫວງ ບຸນຍົງ ຫົວໜ້າກົມນະໂຍບາຍ ແລະ ແຜນພະລັງງານ, ໄດ້ເປີດເຜີຍໃຫ້ຮູ້ວ່າ: ປັດຈຸບັນລາວເຮົາກຽມການສ້າງເຂື່ອນໄຟຟ້າພະລັງງານນ້ຳ ຈຸດຫຼວງພະບາງ ແລະ ຈັງຫວັດອຳນາດຈະເລີນ ລາຊະອານາຈັກໄທ ເປັນໂຄງການໜື່ງທີ່ນອນຢູ່ໃນແຜນການພັດທະນາເຂື່ອນຕາມລໍານໍ້າຂອງ, ໂດຍມີທີ່ຕັ້ງຢູ່ຫຼັກກິໂລແມັດທີ 2036 ກມ ຈາກປາກແມ່ນໍ້າຂອງ, ມີໄລຍະຫ່າງຈາກ ເມືອງຫຼວງພະບາງ ໄປທາງທິດເໜືອປະມານ 25 ກມ, ເຊີ່ງຢູ່ລະຫວ່ງ ໂຄງການພະລັງງານນໍ້າ ຈຸດປາກແບ່ງ ແລະ ໂຄງການພະລັງງານນ້ຳ ໄຊຍະບູລີ, ຊຶ່ງຈະສ້າງເປັນຮູບແບບຝາຍນໍ້າລົ້ນ ໂດຍປະລິມານນໍ້າເຂົ້າຈະເທົ່າກັບປະລິມານນໍ້າເຂົ້າຜ່ານກົງຫັນ ແມ່ນ 5.355 ແມັດກ້ອນ ຕໍ່ວິນາທີ, ຄາດວ່າຈະມີກໍາລັງຕິດຕັ້ງສູງສຸດ 1.460 ເມກາວັດ, ມີປະຕູລະບາຍນ້ຳລົ້ນ 9 ປ່ອງ, ໃນນັ້ນ, 3 ປ່ອງແມ່ນເພື່ອຊ່ວຍລະບາຍຕະກອນ, ມີທາງເດີນເຮືອ 2 ພັກ ຊື່ງຈະສາມາດ ຮັບນໍ້າໜັກເຮືອໄດ້ 500 ໂຕນ ຕາມມາດຕະຖານຂອງບົດແນະນໍາໃນການສ້າງເຂື່ອນຢູ່ຕາມລໍານໍ້າຂອງສາກົນ ແລະ ມີຊ່ອງທາງຂື້ນລົງຂອງປາໄດ້ສະດວກສະບາຍ, ໂຄງການດັ່ງກ່າວເລີ່ມກະກຽມນັບແຕ່ປີ 2020 ຄາດວ່າຈະສໍາເລັດໃນປີ 2027.

ລາວເດີນໜ້າກຽມການກໍ່ໍ່ສ້າງເຂື່ອນໄຟຟ້ານ້ຳຂອງ ຈຸດຫລວງພະບາງ - 8c671142 0fb1 464f 854c da09677662e2 - ລາວເດີນໜ້າກຽມການກໍ່ໍ່ສ້າງເຂື່ອນໄຟຟ້ານ້ຳຂອງ ຈຸດຫລວງພະບາງ
ພາບຈຳລອງເຂື່ອນໄຟຟ້ານ້ຳຂອງ

ປັດຈຸບັນໄດ້ສໍາເລັດ ການສຶກສາບົດວິພາກເສດຖະກິດ-ເຕັກນິກ, ການປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມ, ພ້ອມໄດ້ນໍາສົ່ງເອກະສານທັງໝົດ ເພື່ອຜ່ານຂະບວນການ ປຶກສາຫາລືລ່ວງໜ້າ (ຕາມສົນທິສັນຍາ 1995) ກັບບັນດາປະເທດສະມາຊິກອົງການແມ່ນໍ້າຂອງ ແລະ ຄໍາຄິດຄໍາເຫັນຕ່າງໆ ຈາກບັນດາປະເທດເຫຼົ່ານັ້ນ ຕໍ່ບັນຫາທີ່ຄາດວ່າຈະມີຜົນກະທົບເກີດຂຶ້ນ, ເພື່ອນໍາຂໍ້ມູນດັ່ງກ່າວມາປັບປຸງການ ອອກແບບ ໂຄງການ ໃຫ້ມີຄວາມທັນສະໄຫມ, ເພື່ອຫຼຸດຜ່ອນຜົນກະທົບນ້ອຍທີ່ສຸດ ແລະ ສອດຄ່ອງກັບນະໂຍບາຍການພັດທະນາເພື່ອຄວາມຍືນຍົງ ຂອງລັດຖະບານລາວ ກໍ່ຄືບັນດາປະເທດສະມາຊີກ. ຊື່ງໄດ້ສົ່ງເອກະສານທັງໝົດໄປໃນວັນທີ 31 ກໍລະກົດ 2019 ໂດຍຜ່ານອົງການແມ່ນໍ້າຂອງສາກົນ ເພື່ອສົ່ງຕໍ່ໃຫ້ແກ່ປະເທດສະມາຊິກ.

ລາວເດີນໜ້າກຽມການກໍ່ໍ່ສ້າງເຂື່ອນໄຟຟ້ານ້ຳຂອງ ຈຸດຫລວງພະບາງ - Wave100S AD to Website 2020 0 - ລາວເດີນໜ້າກຽມການກໍ່ໍ່ສ້າງເຂື່ອນໄຟຟ້ານ້ຳຂອງ ຈຸດຫລວງພະບາງ
ລາວເດີນໜ້າກຽມການກໍ່ໍ່ສ້າງເຂື່ອນໄຟຟ້ານ້ຳຂອງ ຈຸດຫລວງພະບາງ - WhatsApp Image 2020 05 27 at 5 - ລາວເດີນໜ້າກຽມການກໍ່ໍ່ສ້າງເຂື່ອນໄຟຟ້ານ້ຳຂອງ ຈຸດຫລວງພະບາງ
ລາວເດີນໜ້າກຽມການກໍ່ໍ່ສ້າງເຂື່ອນໄຟຟ້ານ້ຳຂອງ ຈຸດຫລວງພະບາງ - WhatsApp Image 2020 05 27 at 5 - ລາວເດີນໜ້າກຽມການກໍ່ໍ່ສ້າງເຂື່ອນໄຟຟ້ານ້ຳຂອງ ຈຸດຫລວງພະບາງ
error: Alert: ເນື້ອຫາຂ່າວມີລິຂະສິດ !!