ໂຄວິດ-19 ຍ້າຍຖິ່ນ

ໂຄວິດ-19 ຍ້າຍຖິ່ນ - 336 - ໂຄວິດ-19 ຍ້າຍຖິ່ນ
ໂຄວິດ-19 ຍ້າຍຖິ່ນ - 174233 - ໂຄວິດ-19 ຍ້າຍຖິ່ນ

ລູກເມືອວພວນ

ສະບາຍດີ! ທ່ານຜູ້ອ່ານທີ່ຮັກແພງ ດັງທີ່ທຸກຄົນຮູ້ກັນແລ້ວວ່າໄວຣັສໂຄໂຣນາ ມີຕົ້ນກຳເນີດຈາກເມືອງ ອູຮັ່ນ ແຂວງ ຫູເປີ່ຍ ສປ ຈີນ. ມາເຖິງປັດຈຸບັນຢູ່ຈີນມີຜູ້ຕິດເຊື້ອທັງໝົດ 7 ພັນກວ່າຄົນ ແລະ ມີຜູ້ເສຍຊີວິດຫລາຍາຍກວ່າ 1 ພັນຄົນແລ້ວ. ພໍແຕ່ມີພະຍາດນີ້ເກີດຂຶ້ນທາງການຈີນກໍໄດ້ສຸມທຸກກຳລັງເຂົ້າໃນການເຝົ້າລະວັງ, ຕ້ານ ແລະ ສະກັດກັ້ນໄວຣັສດັ່ງກ່າວຢ່າງຈິງຈັງ, ຈົນເຮັດໃຫ້ເຊື້ອໄວຣັສຮ້າຍນີ້ໄດ້ຄ່ອຍໆຫຼຸດໜ້ອຍຖອຍລົງ. ມາເຖິງປັດຈຸບັນເຖິງແມ່ນວ່າຢູ່ໃນຈີນຍັງມີຜູ້ຕິດເຊື້ອຢ່າງຕໍ່ເນື່ອງກໍຕາມ, ແຕ່ໃນພາບໂດຍລວມທົ່ວໄປແລ້ວ ຕົວເລກຜູ້ຕິດເຊື້ອ ແລະ ຜູ້ເສຍຊີວິດແມ່ນຫຼຸດລົງ, ແຕ່ກົງກັນຂ້າມໄວຣັສສາຍພັນໃໝ່ດັ່ງກ່າວມີທ່າອ່ຽງລະບາດໜັກຂຶ້ນຢູ່ໃນບັນດາປະເທດເອີຣົບ, ອາຊີ ແລະ ຕາເວັນອອກກາງເຊັ່ນ: ອີຕາລີ, ຝຣັ່ງ, ສ ເກົາຫຼີ, ຍີ່ປຸ່ນ, ສິງກະໂປ, ອີຣານ ແລະ ອື່ນໆເມື່ອລວມຜູ້ຕິດເຊື້ອຂອງບັນດາປະເທດນອກຈີນແລ້ວ ເຫັນວ່າຜູ້ຕິດເຊື້ອ ແລະ ຜູ້ເສຍຊີວິດເກືອບທຽບເທົ່າກັບຈີນປະເທດດຽວ. ນີ້ສະແດງໃຫ້ເຫັນວ່າ: ໄວຣັສນີ້ແມ່ນໄວຣັສທີ່ມີແສນຍາຍນຸພາບຮ້າຍແຮງກວ່າທຸກໆເຊື້ອໂຣກທີ່ເກີດຂຶ້ນໃນໂລກທີ່ຜ່ານມາ.

ໂຄວິດ-19 ຍ້າຍຖິ່ນ - Wave100S AD to Website 2020 0 - ໂຄວິດ-19 ຍ້າຍຖິ່ນ

ມາເຖິງປັດຈຸບັນເຖິງແມ່ນຢູ່ລາວເຮົາຍັງບໍ່ທັນພົບເຫັນຜູ້ຕິດເຊື້ອໃນກໍລະນີໃດກໍຕາມ, ແຕ່ລັດຖະບານກໍໄດ້ເອົາໃຈໃສ່ຢ່າງເຕັມທີ່ໃນການເຝົ້າລະວັງ, ຕ້ານ ແລະ ສະກັດກັ້ນພະຍາດດັ່ງກ່າວດ້ວຍວິທີການອັນເຂັ້ມງວດເພື່ອບໍ່ໃຫ້ພະຍາດດັ່ງກ່າວເກີດຂຶ້ນກັບລາວ ເຊັ່ນ: ລັດຖະບານໄດ້ມີມາດຕະການເຂັ້ມງວດກວດຂັນໃນການກວດກາຄົນເຂົ້າອອກຢູ່ຕາມດ່ານ ຕມ ຕ່າງໆ, ຈັດຊື້ອຸປະກອນການແພດທີ່ທັນສະໄໝ, ຈັດສະຖານທີ່ຮັບຮອງແຍກດ່ຽວ, ຖ້າຫາກມີຜູ້ຕິດເຊື້ອ, ເອົາໃຈໃສ່ແນະນຳໃຫ້ປະຊາຊົນຮູ້ຈັກວິທີປ້ອງກັນທີ່ຈຳເປັນ ແລະ ພື້ນຖານທີ່ສຸດ, ຈັດຕັ້ງຄະນະສະເພາະກິດເພື່ອຕິດຕາມສະພາບການລະບາດຂອງພະຍາດດັ່ງກ່າວ ແລະ ມີການຖະແຫຼງຂ່າວທຸກໆວັນ, ຕິດຕາມກວດກາຜູ້ສ້າງກະແສປັ່ນປ່ວນ ແລະ ອອກຂ່າວປອມ ເຮັດໃຫ້ປະຊາຊົນແຕກຕື່ນ ຢ້ານກົວ, ສັງຄົມບໍ່ມີຄວາມສະຫງົບ ແລະ ໃນວັນທີ 29 ກຸມພານີ້ເອງ ລັດຖະຍານກໍໄດ້ອອກແຈ້ງການຍົກເລີກການຈັດຕັ້ງກິດຈະກຳຕ່າງໆ ເປັນຕົ້ນແມ່ນງານກີລາ, ຈັດຄອນເສີດ…ບ່ອນທີ່ມີມວນຊົນແອອັດ ໂດຍສະເພາະ ລັດຖະບານໄດ້ເລື່ອນງານມະຫາກຳກີລາແຫ່ງຊາດທີ່ຊຽງຂວາງອອກໄປໂດຍບໍ່ມີກຳນົດ ຈົນກວ່າສະພາບຈະກັບຄືນມາປົກກະຕິ. ນີ້ຄືແນວທາງທີ່ຖືກຕ້ອງ ແລະ ສະຫຼາດສ່ອງໃສຂອງລັດຖະບານເຮົາ ທີ່ມີຄວາມເປັນຫ່ວງເປັນໃຍຕໍ່ຊີວິດ ແລະ ຄວາມປອດໄພໃຫ້ແກ່ປະຊາຊົນເປັນທີ່ສຳຄັນ ແລະ ມາກ່ອນ.

ໂຄວິດ-19 ຍ້າຍຖິ່ນ - WhatsApp Image 2020 05 27 at 5 - ໂຄວິດ-19 ຍ້າຍຖິ່ນ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!