ຂ້າກັນຍາມວິກິດ

ຂ້າກັນຍາມວິກິດ - Untitled design - ຂ້າກັນຍາມວິກິດ

ລູກເມືອງພວນ

ກົດເພື່ອຟັງຂ່າວ

ເລື່ອງ “ຂ້າກັນຍາມວິກິດ” ຜູ້ຂຽນຂໍຍົກເອົາກໍລະນີເກີດຂຶ້ນຢູ່ປະເທດເພື່ອນບ້ານໃກ້ຄຽງເຮົາມາເລົ່າສູ່ຟັງ (ຂໍສະຫງວນບໍ່ອອກຊື່ວ່າປະເທດໃດ).  ແຕ່ຂໍຍົກຂຶ້ນມາເພື່ອເປັນກໍລະນີສຶກສາ ແລະ ເປັນຄະຕິເຕືອນໃຈໃຫ້ຄົນລາວເຮົາຮັບຮູ້ສິ່ງທີ່ບໍ່ດີ ແລະ ຮູ້ເຖິງຄວາມເປັນອັນຕະລາຍຮ້າຍກາດຂອງພຶດຕິກຳດັ່ງກ່າວ.

ຂ້າກັນຍາມວິກິດ - ad6d6cd9 e5a7 4860 8290 52ef72137ccf - ຂ້າກັນຍາມວິກິດ

ໃນຂະນະທີ່ກຳລັງເກີດໄພຂົ່ມຂູ່ຈາກ ໄວຣັສໂຄໂຣນາ (ໂຄວິດ-19) ແຜ່ລະບາດໄປທົ່ວໂລກໃນຂະນະນີ້, ເຮັດໃຫ້ຫຼາຍປະເທດມີຄວາມຕ້ອງການເຄື່ອງໄມ້ເຄື່ອງມື, ອຸປະກອນການແພດເພື່ອປ້ອງກັນຕົນເອງເປັນເປັນຈຳນວນຫຼວງຫຼາຍໂດຍສະເພາະແມ່ນ ຜ້າອັດປາກ-ອັດດັງ ໄດ້ກາຍເປັນຄວາມຕ້ອງການທີ່ຈຳເປັນໃນຂະນະນີ້, ເຮັດໃຫ້ຫຼາຍປະເທດຂາດແຄນຜ້າອັດປາກນັ້ນຢ່າງຮ້າຍແຮງ.

ຂ້າກັນຍາມວິກິດ - df366131 b9ab 4609 b8c9 05032171fe92 - ຂ້າກັນຍາມວິກິດ

ຕໍ່ໜ້າສະພາບການດັ່ງກ່າວ, ມີຄົນຫົວໃສທີ່ບໍ່ດີຈຳນວນໜຶ່ງ ໄດ້ສວຍໃຊ້ໂອກາດນີ້ຜະລິດຜ້າອັດປາກປອມທີ່ບໍ່ໄດ້ມາດຕະຖານອອກຈຳໜ່າຍຢູ່ໃນທ້ອງຕະຫຼາດຢ່າງຫຼວງຫຼາຍຮ້າຍແຮງໄປກວ່ານັ້ນ ຍັງມີບາງລາຍໄດ້ເກັບເອົາຜ້າອັດປາກ, ສົບມືຢາງ, ໝວກຢາງ ເກົ່າທີ່ໃຊ້ແລ້ວ ໄປຈຳໜ່າຍຂາຍໃຫ້ສັງຄົມ, ນີ້ຄືກໍລະນີເກີດຂຶ້ນຢູ່ປະເທດເພື່ອນບ້ານ. ເຖິງແມ່ນກໍລະນີດັ່ງກ່າວບໍ່ເກີດຂຶ້ນຢູ່ບ້ານເຮົາກໍຕາມ, ແຕ່ມັນກໍສະທ້ອນໃຫ້ພວກເຮົາເຫັນຄວາມບໍ່ຊອບທຳນັ້ນ ຊຶ່ງມັນເປັນການຊໍ້າເຕີມ ແລະ ທຳລາຍຊີວິດຂອງມະນຸດດ້ວຍກັນ ໝາຍຄວາມວ່າຄົນຈຳພວກນີ້ໄດ້ກາຍເປັນໄວຣັສໂຄໂຣນາຕົວຮ້າຍອັນໜຶ່ງອີກຂອງໂລກ.

ຂ້າກັນຍາມວິກິດ - Wave100S AD to Website 2020 0 - ຂ້າກັນຍາມວິກິດ
ຂ້າກັນຍາມວິກິດ - 66cb2c94 c64c 43b8 81dd a58fbb088068 - ຂ້າກັນຍາມວິກິດ

ດັ່ງນັ້ນ, ຈຶ່ງຮຽກຮ້ອງໃຫ້ຜູ້ທີ່ມີຄວາມຕ້ອງການເຄື່ອງມື, ອຸປະກອນການແພດເພື່ອປ້ອງກັນພະຍາດັ່ງກ່າວຈົ່ງມີສະຕິ ລະມັດລະວັງໃນເວລາຊື້ ຫຼື ບໍລິໂພກໂພກ ເຄື່ອງຂອງດັ່ງກ່າວ ເພື່ອປ້ອງກັນບໍ່ໃຫ້ຕົກເປັນເຫຍື່ອຂອງພວກຄົນບໍ່ດີເຫຼົານີ້. ຄົນລາວເຮົາມີນໍ້າໃຈ ແລະ ຢູ່ໃນສິນກິນໃນທຳຈົ່ງຢ່າໄດ້ທຳລາຍມະນຸດດ້ວຍກັນ. ຈົ່ງເປັນຫູເປັນຕາຊ່ວຍກັນ, ຊ່ວຍລັດຖະບານ ເພື່ອບໍ່ໃຫ້ບັນຫານີ້ເກີດຂຶ້ນຢູ່ບ້ານເຮົາເດັດຂາດ.

ຂ້າກັນຍາມວິກິດ - af660510 0f5a 4b44 87c0 bd37c78898f8 - ຂ້າກັນຍາມວິກິດ
ຂ້າກັນຍາມວິກິດ - WhatsApp Image 2020 05 27 at 5 - ຂ້າກັນຍາມວິກິດ
ຂ້າກັນຍາມວິກິດ - WhatsApp Image 2020 05 27 at 5 - ຂ້າກັນຍາມວິກິດ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!