ໂຮງງານຜະລິດທອງ-ຄຳພູຄຳ ຕັ້ງເປົ້າຜະລິດທອງໃຫ້ໄດ້ 90 ພັນໂຕນໃນທ້າຍປີນີ້

- advert banner 728 90 728x90 - ໂຮງງານຜະລິດທອງ-ຄຳພູຄຳ ຕັ້ງເປົ້າຜະລິດທອງໃຫ້ໄດ້ 90 ພັນໂຕນໃນທ້າຍປີນີ້

 

- 18871239 816833755142102 146192984 n - ໂຮງງານຜະລິດທອງ-ຄຳພູຄຳ ຕັ້ງເປົ້າຜະລິດທອງໃຫ້ໄດ້ 90 ພັນໂຕນໃນທ້າຍປີນີ້

ຮອດທ້າຍປີນີ້, ໂຮງງານຜະລິດທອງ-ຄຳ ພູຄຳ ຂອງບໍລິສັດ ພູເບ້ຍມາຍ ນິງ, ໄດ້ຕັ້ງເປົ້າຜະລິດທອງໃຫ້ໄດ້ 85-90 ພັນໂຕນ, ຄຳ 70-80 ພັນອອນ ແລະ ເງິນ 6 ແສນອອນ, ສ່ວນໂຮງງານບ້ານຫ້ວຍຊາຍ ກໍໄດ້ວາງຄາດໝາຍ ຜະລິດຄໍາໃຫ້ 1,78 ແສນອອນ ແລະເງິນ 1,29 ລ້ານອອນໃນປີນີ້ເຊັ່ນກັນ.

- lattana 1 - ໂຮງງານຜະລິດທອງ-ຄຳພູຄຳ ຕັ້ງເປົ້າຜະລິດທອງໃຫ້ໄດ້ 90 ພັນໂຕນໃນທ້າຍປີນີ້
- 1 1 - ໂຮງງານຜະລິດທອງ-ຄຳພູຄຳ ຕັ້ງເປົ້າຜະລິດທອງໃຫ້ໄດ້ 90 ພັນໂຕນໃນທ້າຍປີນີ້

ທ່ານນາງ ມະນີລັດ ອາລຸນລັງສີ ຜູ້ຈັດການຝ່າຍປະສານງານລັດຖະບານ ໄດ້ລາຍງານຕໍ່ສື່ ມວນຊົນລາວໃນລະຫວ່າງການຢ້ຽມຢາມບໍລິສັດດັ່ງກ່າວ ໃນວັນທີ 31 ພຶດສະພາ-1 ມີຖຸນານີ້ວ່າ: ໃນປີຜ່ານມາ, ໂຮງງານພູຄຳ ສາມາດບັນລຸການຜະລິດທອງໄດ້ 89.187 ໂຕນ, ຄຳ 89.657 ອອນ ແລະ ເງິນ 535.198 ອອນ. ຂະນະທີ່ໃນປີ 2017 ບໍລິສັດ ໄດ້ຕັ້ງເປົ້າໝາຍການຜະລິດສະເພາະໂຮງງານພູຄຳ ແມ່ນຈະຜະລິດທອງໃຫ້ໄດ້ 85-90 ພັນໂຕນ, ຄຳ 70-80 ພັນອອນ ແລະ ເງິນ 6 ແສນອອນ, ສ່ວນໂຮງງານບ້ານຫ້ວຍຊາຍ, ຈະຜະລິດຄຳໃຫ້ໄດ້ 1,78 ແສນອອນ ແລະເງິນ 1,29 ລ້ານອອນ, ຊຶ່ງຜ່ານການຈັດຕັ້ງປະຕິບັດວຽກງານໃນໄຕມາດ 1 ຂອງປີ 2017 ນີ້, ໂຮງງານພູຄຳ ສາມາດຜະລິດທອງໄດ້ແລ້ວ 22.751 ໂຕນ, ຄຳ 19.790 ອອນ ແລະ ເງິນ 139.644 ອອນ. ສ່ວນໂຮງງານບ້ານຫ້ວຍຊາຍ ກໍສາມາດຜະລິດຄຳໄດ້ 34.486 ອອນ ແລະ ເງິນໄດ້ 221.229 ອອນ.

ໄລຍະຜ່ານມາ, ບໍລິສັດພູເບ້ຍມາຍນິງ ຍັງໄດ້ປະກອບສ່ວນວັດຖຸ ແລະ ປັດໃຈຕ່າງໆເຂົ້າໃນການພັດທະນາເສດຖະກິດ-ສັງຄົມຂອງຊາດ, ໂດຍການ ປະກອບສ່ວນໃຫ້ແກ່ລັດຖະບານເປັນຕົ້ນ ຄ່າຊັບພະຍາກອນແຮ່ທາດ, ອາກອນ ແລະ ຄ່າທຳນຽມຕ່າງໆ, ພ້ອມດຽວກັນນັ້ນ ຍັງໄດ້ໃຫ້ການຊ່ວຍເຫລືອສັງຄົມ ກໍຄືການພັດທະນາຊຸມຊົນໃນຂອບເຂດໂຄງການ ແລະ ອື່ນໆໄດ້ເປັນຢ່າງດີຄື: ການຜະລິດກະສິກຳ, ການສຶກສາ, ສຸຂະພາບ, ອະນາໄມ, ການພັດທະນາໂຄງລ່າງພື້ນຖານ, ສ້າງວຽກເຮັດງານທຳ, ສ້າງລາຍຮັບໃຫ້ແກ່ຊຸມຊົນ ເພື່ອຊ່ວຍ ເຂົາເຈົ້າຫຼຸດຜ່ອນຄວາມທຸກຍາກໄດ້ໂດຍໄວ.

error: Content is protected !!